美心西餅 (太古站)

营业中

休息中

背包客朋友嚟到香港站, 正当我苦恼紧买咩香港手信畀佢好经过美心就见到佢地嘅高级蛋卷系列 - 精致绿茶蛋卷。纸盒包装都几精美架,细细盒, 又轻, 唔会对佢嘅行李造成负担, 作为小礼物应该唔错送俾人之前自己点都要买返包试下味挂一包只有一层6条蛋卷, 份量唔多, 性价比就一般啦。打开包装, 少咗传统蛋卷果股浓浓嘅蛋香同牛油味, 取而代之嘅系一股香浓嘅绿茶味。食落甜度适中👌比起传统嘅蛋卷, 呢款蛋卷比较幼身, 蛋皮亦都簿身一啲, 层层卷起嘅蛋皮光滑, 食落口感实在, 无咁容易碎喺手, 不过松化度就无传统满布蜂巢洞嘅蛋卷咁高啦。