美心西餅 (沙田站)

营业中

休息中

係食完飯都堅持要食既天使蛋糕 好耐冇食過😋 口感好鬆軟 而家先知原來蛋漿係人手製啲cream口感幼滑 奶香味重🐄 配埋焦糖脆脆 口感層次仲高咗 天使蛋糕係唔可以冇咗焦糖脆脆架!!!! 一日就清曬成個 好正！

一直知道美心有得諚造蛋糕，今年生日朋友爲我諚左個小熊維尼生日蛋糕🎂好可愛😍一見到好開心，一切開，中間係雜果同海棉蛋糕，一層一層，外面黃色原來係椰絲。女仔同小朋友收到都會好開心香港人，支持本地品牌😊👍🏻

一直都覺得美心既西餅唔錯，平價$8撻既質素都唔錯，以前細細個放學一定要食一個，尤其是朱古力撻，幾年來都無加過價👍🏻👍🏻最近出左個芝士撻，同樣$8蚊，心想全部撻都幾好味，呢個都唔會差掛？咁諗就錯晒喇！中伏中到應一應！芝士撻表面極黏手，有一層糖漿之類既野，搞到隻手癡笠笠！芝士撻完全零芝士味，同普通蛋糕嘅味一樣，而且入面好乾身，不過個撻皮幾好味，幾鬆脆，充滿牛油香，但整體都係好差，失望！😞😞😞

流心芝士包，有雙重芝士！上面係甜芝士，中間有一層咸芝士！中間啲芝士保持到係軟軟地身！芝士味都幾濃！上下兩片係牛油排包！都幾香同軟，而且甜甜地，好食！無諗過美心都做到依個效果！不過就要$16蚊，但唔算飽肚！

啱啱喺西餅店買打算分享畀同事食 望落去都唔錯所以揀咗呢幾件 但係當有人食咗第一舊嘅時候 佢既樣子好似變得好抗拒 我懷疑佢想一個獨吞咁多嚿 所以我拎一嚿試食 口感非常之差 咬落去好乾 又好濟好利 唔好買

今朝買早餐，買個包啦!見到呢個法式肉鬆軟包都比較大個，但價錢唔平都好鬆軟，肉鬆香口，口味都幾啱香港人法式就真係唔知係咪咁法式喇每個個裝麵包都個別用膠袋袋好，都好方便客人，唔駛比錢時再入袋浪費時間

我應該係男人入面，比較鍾意食甜品，可能受女友影響，之前日日陪食甜品。放工口淡淡，美心分店多，所以買美心，方便就腳嘛。美心幾時都咁多人，好多人係度買麵包，買蛋糕，我就研究緊買邊款蛋糕好，選擇真係多，不過好多都試過，亦唔係款款岩食。最近已經食了好多蛋糕，可以試下芒果撻。撻有五塊芒果，其實水果塔好難難食，因為得D水果，咁餅底就考工夫啦。芒果幾甜，中間有忌廉，可惜餅底真係淋，應該放耐左，淋左。如果餅底脆，我都會讚一讚。有時食餅好似碰運氣，有時餅好正，有時水準又會不似預期。

家人買了幾件蛋糕請我們食，好耐無食過美心精美蛋糕啦！依家通常食東海堂，雖然都係同一集團。黑爵士朱古力我最鍾意食朱古力$20一件對比坊間的麵包店其實幾平，我覺得是抵食！外型黑漆漆，一睇就知味道不會太差，起碼朱古力味一定夠。一切開，中間夾住朱古力醬。蛋糕好綿密，口感紮實，朱古力味很濃，很突出，因爲主角只有朱古力。以朱古力來講，稍欠層次，因為夾心就只有朱古力醬，吃多幾口會膩。呢件蛋糕抵食，味道唔算太甜，可接受，朱古力味好濃，而且價錢平。

今日下午我們喺沙田新城市廣場食完下午茶之後，去咗沙田站嘅「美心西餅」買咗個蛋糕去探一個親友！我們買咗今期推介嘅蜜瓜迷你蛋糕，喺個店員將個蛋糕包裝前諗著影張相先，點知一睇就發現店員「偷龍轉鳳」，攞咗個唔係我們揀嘅，而且唔算好新鮮嘅畀我們，之後我們即刻話要返我們揀嘅畀我們！好彩我們要求攞出嚟影相，如果唔係就畀店員換咗另一個！蛋糕嘅頂層係擺放咗幾件蜜瓜果肉，廣告話蜜瓜係用美國·澳洲優質蜜瓜，所以味道都幾清甜，另外仲有閃閃嘅銀粒舖喺軟滑嘅忌廉上面，切開一半就會見到有幾層軟綿綿嘅海綿蛋糕，中間夾著有切得比較薄同比較細粒嘅新鮮蜜瓜粒，但份量唔算係好多，主要係蜜瓜啫喱粒比較多，而且味道係淡而無味，唔係好多覺有蜜瓜嘅味道，呢點係令我們覺得比較失望！

20170128(雞年的大年初一)--農曆新年，中國人的習俗，到親友家中拜年派紅封包和送禮，我當然也不例外，選擇送禮的糖果禮盒，有時也會頗傷腦筋。今年收到美心的三重奏，看到禮盒精美，寫下食評留念，也作其他食家參考之用。美心的三重奏，包裝精美，長方形金色的鐵盒，時尚又高雅的感覺，曲奇和酥餅是獨立包裝的，乾淨衛生，不會容易變質，共有七款，約共三十八件。原味杏仁條果仁酥(3件)--外面包著果仁，入口鬆脆，不會太甜楱子味杏仁條果仁酥(3件)--加了楱子，多了甜味，還是原味較好吃楓糖味甜心酥(6件)--名副其實，心心的外型加上甜甜的味道原味甜心酥(6件)--原味甜心酥，多了一點牛油味，味道不錯楱子味曲奇(5件)--每件曲奇中加了碎碎的楱子，多了一重口感原味曲奇(10件)--牛油味濃，曲奇鬆脆夏威果仁味曲奇(5件)--圓圓的外型，曲奇較厚，味道一般。因為是朋友送的禮物，價錢不詳，收到時被金色的包裝禮盒吸引，曲奇、杏仁條和甜心酥味道不錯。送膩了傳統曲奇，可考慮這些新意思。

同事散水餅，連鎖店西餅，款式都幾多，賣相正常！先揀一樣食咗先！牛奶奶凍：乳牛透明膠杯，有隻可愛牛牛卡紙，一團忌廉幾滑，奶凍彈牙，最底嘅原味蛋榚鬆軟，甜度正常，整體ok!因為預多了，我攞個盒攞多兩件比肥髀做甜品！蜜瓜西餅：賣相幾靚，有透明膠紙包邊唔會乾，忌廉軟滑，蛋榚鬆軟，蜜瓜味略假，夾雜啲綠色啫喱，整體味道一般！藍莓西餅：藍莓幾新鮮，酸酸甜甜，白朱古力片正常，芝士餅係紐約式，好實好濃味，好味但食一件已經非常膩！連鎖店無驚喜，水準保持到就已足夠！

聖 誕 節 的 晚 上，普 天 同 慶，眾 人 舉 行 大 食 會，準 備 了 小 食， 買 了 一 個 蛋 糕，簡 潔 的 造 形，以 聖 誕 綠 葉 作 點 綴，淺 粉 紅 色，迷 倒 不 少 女 子，可 愛 浪 漫，付 送 的 聖 誕 裝 飾 十 分 精 緻，簡 約 卻 有 聖 誕 氣 氛，淺 粉 紅 的 忌 廉 ，已 想 到 是 士 多 啤梨，有 著 淡 淡 的 士 多 啤 梨 味，軟 滑 微 甜，雪 芳 蛋 糕，入 口 未 到 軟 綿 的 效 果，質 感 有 點 實 ，蛋 味 不 夠，味 道 微 甜，像 是 天 使 蛋 糕 模 樣 卻 不 像 天 使 蛋 糕 的 味 道 ，失 水準 之 作 品 。 外 觀 ：十 分 漂 亮味 道 ：不 太 好 吃 價 格：合 理 價 格 評 審：只 有 賣 相 沒 甚 味 道 聖誕紅粉天使蛋糕 ＠美心西餅

己是許久沒到此沙田火車站邻近新城市广場的＂美心西餅＂買面包啦！果真又是感不大滿意的！☺️買了包＂皇冠包＂，首感賣相是扁扁的，想換另一包的，也无法子的呀！因基乎全都是是那樣的呀！也許是太多的面包都挤在一块儿給造成的吧？！外表看起來不咋美的，那也是沒多大關係的呀！可再吃進口里的面包是，一点儿的彈性也无的！👎👎👎，真是像一盤散沙那樣的，那包貭感像是各分東西的的感覺！真沒料到，此的包，如此的劣質的！👎👎👎👎👎👎👎

美心繼黑白牛乳卷後，推出了香蕉軟心卷，我當然不會放棄任何一個吃香蕉的機會。香蕉軟心卷 $88比黑白牛乳卷貴十元，賣相可愛，令人食指大動。蛋卷非常鬆軟，滲著淡淡的蕉香；中心是滿滿的忌廉，質感細滑，啡色的是朱古力忌廉，白色的則是香蕉忌廉，前者味道太濃，有點蓋過了香蕉味，後者感覺十分清新，充滿清香的香蕉味，如果有蕉肉的話更佳。鬆軟的蛋卷配幼滑的忌廉，口感不俗，無懼體重變改，還是愈肥愈愛！

見到美心都有芝士撻，對芝士發狂的我，不禁又想一試。價格不算貴，只需12元我早前己提及過喜欢吃比較燶少少的芝士撻。極之失望，同sample 貨不對板，除不流心外，初時還以為吃緊雪芳旦糕，內層鬆散得像旦糕，又冇芝士味。餅底好軟身，不夠堅實，比蛋撻的餅底還差。冇下次