影片
港铁湾仔站 B1 出口, 步行约6分钟
继续阅读
营业时间
星期一至日
07:30 - 20:00
以上资料只供参考，请与餐厅确认详情
聖誕假期當然少不免到處逛街，經過美心西餅有Star Wars Promotion，黑色的味道是朱古力慕絲杯$39，白色的味道是士多啤梨慕絲杯$39，大少爺一見到已經嚷着要買，一黑一白少不免。回家一拆開，設計精美，事實上連成年人也會喜愛的，而味道也沒有令人失望。朱古力慕絲杯上面有一層薄薄的朱古力醬，下面全部也是朱古力慕絲，有非常濃郁朱古力味道，沒有偷工減料。士多啤梨慕絲杯上面有一層薄薄的士多啤梨啫喱，下面全部也是士多啤梨慕絲，有酸酸的士多啤梨味道，吃後令人很開胃。這份小禮物也確是物超所值，又好吃，又好玩，滿足了兩個願望！
继续阅读
肥髀請我食嘅蝴蝶酥，都唔知美心有出蝴蝶酥！密封包裝，一包四件，一件有一隻手掌大，心型好靚，食一件，咬落香脆，外面嘅蜜糖好甜，蝴蝶酥香脆！好味！當然仲好Sweet喇！
继续阅读
457 浏览
老細每年生日，小肥都會買個生日蛋糕同佢喺公司慶祝。早幾日行過美心時，被店舖四周黃色o既小蜜蜂擺設所吸引 ，好自然地就行近去廚窗望多兩眼。原來美心最近新推出咗兩款以澳洲金奬蜂蜜「Blue Hills Leatherwood Honey革木蜂蜜」 製成o既蛋糕，外型極為得意趣緻。XO仔童心未泯，平易近人o既老闆又無偏食o既習慣，故不必多費心神就決定買下顏色較為特出o既「蜂蜜芝戀慕絲蛋糕」。「蜂蜜芝戀慕絲蛋糕」以特別黃色禮盒承載，盒邊有隻肥肥小蜜蜂，鮮艷又可愛 。蛋糕有塊焦糖味大餅乾墊底，鬆化香脆。餅面先為一層鬆軟o既朱古力蛋糕，再上就係一層黃色雪芳蛋糕及啤梨粒，清香爽軟。蛋糕白色o既外殼就係蜂蜜o既集中地，由蜂蜜芝士慕絲造成，軟滑微甜，不過食落有啲溜，如果慕絲份量可以減一半，應該會更為健康。糕面兩粒黃色透明物體乃蜂蜜啫喱，好清新，而兩隻小蜜蜂則為朱古力，頗甜同硬，似乎越別緻o既裝飾都係不吃為妙 。「蜂蜜芝戀慕絲蛋糕」固定磅數，原價$178，身為Happy Card會員o既小肥可享八折優惠，埋單只需$142.4，同事們都大讚抵食 ！美心於灣仔地鐡o既分店舖位都唔細，地方都打理得好企理衛生。可能兩位售貨員嬸嬸以為小肥用手機拍照似係運吉多過幫襯啦，面口都不甚友善，幸好付款過後其中一人都有輕輕道謝，小弟條氣先順番啲。
继续阅读
美心綠茶芝士蛋糕$12 小妹是綠茶愛好者， 這綠茶色素很重很苦。 海綿蛋糕不錯但係抹茶海綿蛋糕有淡淡的抹茶味。整體的抹茶味很苦，因為抹茶味色素很重。美心的西餅的水準一向不差，款式一向都多，不過哩個綠茶芝士有點失望，冇咩芝士味。評分7/10
继续阅读
M先生的生日蛋糕雖然是購自美心西餅, 但都是我丈夫的精心挑選 , 一來其名字稱為「紫醉甘迷」實在是非常適合M先生, 二來也留意到M先生除了喜好芒果外也是喜愛吃栗子蓉, 那麼這個蛋糕肯定是與M先生喜相逢。「紫醉甘迷」其實是由山東板栗 、紫薯、甘薯配合得來 , 外層有粟子忌廉與紫薯忌廉 , 分別繪出形態優美的花朵。 內層分別間著有不同顏色不同餡味, 加上綿夾濕的鬆軟蛋糕, 這個內外俱美的「紫醉甘迷」, 不去吃它確實對不起自己!
继续阅读