美心西餅 (銅鑼灣站)

营业中

休息中

美心西餅既鐵觀音栗子朱古力蛋糕有幽幽既茶香及栗子香，它是一層一層的，有蛋糕及忌廉及啫喱，感覺輕輕的，不會太膩。表面有幾粒栗子及一些朱古力脆脆。整體而言，外表幾好，味道也不俗，值得一試。

近排試咗幾款美心西餅出品嘅麵包和蛋糕，整體水準令人滿意，適合當早餐或下午茶。開心果切餅香氣濃郁，餅身濕潤細滑，口感扎實，甜度適中，帶微微堅果香，好啱鍾意清香口味嘅人。牛角酥酥脆鬆化，牛油香滲入每一層，口感飽滿，不會過油。軟心芝士燒餅外脆內軟，芝士味濃郁，有拉絲效果，鹹香開胃。黑糖提子包則係偏向傳統港式風味，黑糖香甜而不膩，配上提子乾，整體有層次感。美心西餅無論係口味設計、食材選擇都見心思，適合日常享用又唔會太重手，想食到穩陣好味道，佢係個唔錯嘅選擇。

杜拜朱古力絕對係近期大熱❤️‍🔥行過見到美心出左呢個蛋糕 唔洗$200 即刻試試佢🤑.📌杜拜朱古力開心果蛋糕 4.5” $198外層係薄脆朱古力皮 以開心果忌廉, 開心果碎, 金色蠟章朱古力作點綴✨開心果忌廉 輕盈綿滑💚係成個蛋糕唯一有開心果味嘅部份👀蛋糕竟然有七層咁多‼️加入中東傳統Knafeh 神還原「杜拜朱古力」精髓‼️麵絲脆脆拌以開心果醬 鹹香酥脆🍞夾心仲有兩層鬆軟原味海綿蛋糕🍰配以54%比利時朱古力蛋糕同軟心醬 整體食落 可可甘甜味濃郁🍫甜而不膩 口感層次豐富 但開心果味就冇乜👀.如欲查看相關食物相片 可查閱本人已上傳之影片🎦

極品金脆 $198一向都鍾意食金莎朱古力，見到美心西餅呢款新產品就試試。官方資料：極品金脆以經典Ferrero Rocher金莎朱古力為靈感，外層朱古力杏仁碎脆皮，配搭內層黑朱古力慕絲、魔鬼忌廉及軟滑朱古力榛子醬，蛋糕造型獨特，還原品嚐朱古力真實口感。外層朱古力杏仁碎脆皮包住朱古力海綿蛋糕，主體有黑朱古力慕絲，原味海綿蛋糕，朱古力海綿蛋糕，中間有朱古力脆脆粒。食落朱古力慕絲特別滑又濃朱古力味，我都鍾意個朱古力杏仁碎脆皮，海綿蛋糕就麻麻地，不過可以平衡朱古力既油膩感，如果榛子味濃d就更加似金莎朱古力。呢個蛋糕四個人分啱啱好，賣相都唔錯，呢個價錢算係咁。隨蛋糕會附送一條金莎朱古力(3粒裝)，唯一可惜係咁快就送嗮金莎朱古力一包三粒裝。

藍莓焗芝士切餅 $25藍莓焗芝士切餅既主角芝士都夠厚身，可惜唔夠滑溜，好在有少少燒焦味。原來下面加左一層海綿蛋糕，咁就唔抵啦。餅底麻麻地，無特別。面頭藍莓醬唔夠餸成件餅。有三粒新鮮藍莓就頗大粒。法式燉蛋千層蛋糕 $32法式燉蛋千層蛋糕比我想像中好味。肉眼見到大概有十幾層，包住豐富忌廉，好易用叉切開，然後一口食用，口感啖啖忌廉，好滑溜，不過唔知點解覺得主要係栗子味。下底有一層薄薄海綿蛋糕，係咪為左要慳返忌廉成本而加？好在口感影響不大。面頭個片pat忌廉就麻麻地，仲有半粒新鮮士多啤梨。士多啤梨啫喱甜品杯 $24士多啤梨啫喱甜品杯用膠杯裝住，不過無蓋。面頭有幾片新鮮士多啤梨，下底係一層透明啫喱，最底主體主要係雲呢拿慕斯，小朋友食得好開心。

每逢農曆新年，即代表各類賀年糕點出埸的時候了。今年除了翠園之外，也有試到美心西餅的蘿蔔糕，同樣討好。店方標榜的是瑤柱蘿蔔糕，臘腸、瑤柱及蝦米自是必不可少的食材，配合清甜新鮮的蘿蔔而製成。縱使是非酒樓出品，甫切開也見到到一條條蘿蔔條，糕身軟糯，入口鹹香惹味， 味道比較豐富且複雜，香煎清蒸一樣香口甘甜。小人更喜歡在吃蘿蔔糕的時候加入XO辣椒醬，比一般蘿蔔糕多了一重鮮味；加上辣椒醬的刺激，為每年都食的蘿蔔糕加多一重新鮮感。蘿蔔糕愛好者不能錯過！

🏖️話咁快就踏入夏天啦！圓圓媽媽有個新目標😋，就係希望可以食得再健康啲。平日湊小朋友咁忙👶🏻，食嘢方面就梗係愈簡單愈好，如果能夠隨時隨地都可以食得健康啲，同時亦不失所需營養就最好不過啦🤩🍞美心西餅推出全新美心健康「新」之選系列，特別選用多穀麵團，再混合8️⃣種健康穀物製作嘅麵包就啱晒我啦😋😋 🌿今次美心西餅再次聯乘 OMNI @omnifoods.hk OmniPork 以純素，並且無添加激素及抗生素嘅新肉絲製作出 #南瓜芝士新肉絲多穀包 及 #黑椒蘑菇新肉絲多穀包 😋而我最鍾意食 #小紅莓多穀早晨吐司 ，因為啖啖麵包入面都會咬到穀物，口感好特別，配埋甜甜酸酸嘅紅莓，好開胃🤣不單只有豐富嘅膳食纖維，仲係低升糖指數，為追求健康嘅你增添多一份選擇🥰你睇下圓圓食得幾開心🤣🤣我平時太忙嗰陣都會買比圓圓食㗎，健康最緊要吖嘛🥰大家都快啲去美心西餅選購啦❤️💪🏻另外圓圓媽媽仲有三個「新」目標，希望可以令自己更健康，有健康嘅身體先可以有能力照顧好小朋友吖嘛👶🏻！你地又有無訂立夏日新目標呀？快啲話比我知啦😘😘@maximscakeshk #美心西餅 #美心健康新之選 #健康新目標 #healthylifesty

生日去美心西餅訂左個蛋糕慶祝，揀左個想試好耐既美心mochi芒糍蛋糕。美心mochi芒糍蛋糕 正價 $258美心mochi芒糍蛋糕size有6.5吋，約1.8磅，都幾大個，造型可愛。蛋糕上面有芒果粒粒同燒台灣白玉糯米糍。切開入面有黃金蛋糕，夾住特選台灣白玉糯米糍同芒果軟心醬。蛋白蛋糕碎同芒果雲呢拿籽忌廉就唔覺有。黃金蛋糕都唔差，芒果軟心醬好濕潤，而當中有唔少煙煙韌韌白玉糯米糍真係超正。食落又唔會過甜，可以食好多。外圍忌廉就較多，不過可以唔食。呢個蛋糕好食，會推介。

新年訂左個蛋糕慶祝，唔想食新年造型既款式，揀左個穩穩陣陣又想試好耐既鮮果脆脆蛋糕。鮮果脆脆蛋糕 正價 $436鮮果脆脆蛋糕有三層海綿蛋糕，中間夾住一層朱古力脆脆餅底，再夾住新鮮水果包括芒果，士多啤梨同奇異果。上面放左大量新鮮士多啤梨，芒果同藍莓。最少要2磅，直徑約8吋。奇怪既地方係大粒新鮮士多啤梨既下底最尖尖部分係全部都切走左，真奇怪。味道方面，水果真係好多，而忌廉唔多，所以唔太膩，除左奇異果切得奇怪地太大件同好生之外，其他水果都正常，士多啤梨勁多都唔差。朱古力脆脆濕左，所以唔太脆，不過美心質素應該都係咁上下。海綿蛋糕正常哋軟綿綿。加朱古力牌就好奇怪，加正喺蛋糕上面嘅中間對上。勉強俾個ok。

同事搞慶生唔知邊個發板去買左個美心蛋糕🥱🥱雖然有時美心啲蛋糕賣相唔錯但都係少食為妙大大個水果蛋糕平心而論 賣相係唔差多生果 少cream 脆脆底萬無一失啦點知⋯全部生果都勁酸無一幸免 個個食到都話酸蛋糕個底係ok 但水果蛋糕至少都要生果好食先叫好食啦好日都唔會幫襯佢啲蛋糕呀真係

呢款美心楊枝甘露蛋糕應該係今年先推出，其實我留意左好耐想試下，因爲好似好好食，而價錢並唔貴！正價$268，蛋糕係幾大個，成7.5吋直徑，重量約2.9磅。肉眼看到係楊枝甘露布甸圍住芒果粒同金柚肉，上面有兩粒藍莓同迷迭香。芒果粒下面係芒果慕絲，仲有金柚啫喱，同芒果啫喱。我麻麻地既海綿蛋糕就係最底，中間有芒果流心膽。層次就夠豐富啦。一切就見到芒果流心膽流出黎。食落大部份都係芒果慕絲同楊枝甘露布甸，味道唔錯，好滑又唔太甜，略嫌西米少得滯。海綿蛋糕就得少少，我鍾意佢少海綿蛋糕同冇忌廉，反正平時啲忌廉都唔多好食。金柚肉都幾多，芒果粒都唔少。金柚啫喱同芒果啫喱就唔多覺。食落濕潤，一定比平時嘅普通雜果海綿蛋糕好食，而且價錢好抵，呢個期間限定必試。

很多時食月餅，大家都會爭奪有蛋黃的來吃，而今年收到的第三個月餅正好解決到這方面的煩惱，只因這是一個月餅界的究極邪惡版 - 六黃蓮蓉月是也。既然是六黃月餅自然不能小觀，一打開盒子，看到的絕對是一個大餅！切開八份一個為一塊，每塊均會觸及三瓣鹹蛋黃！美心的白蓮蓉向來比較清，甜度亦不會過激，喜見的是蛋黃竟是漏油的，真正做到甘香豐盈，口口都是滋味！滋味是滋味的，然而始終蛋黃太多，吃一塊都會感到膩滯，一定要喝杯濃茶來解一解。

哈哈，有嚟到一年一度嘅生日啦，今年如常咁樣繼續返工，食飯做嘢。本身都諗住今個生日係好平凡簡單㗎啦，點知突然間我個同事就喺下邊美心買咗一個生日蛋糕俾我，今次佢買俾我嘅呢就係一個藍莓味嘅芝士蛋糕。呢個芝士蛋糕好得意，上邊係一層口口嘅啫喱，啫喱入邊仲有啲藍莓仔，好好食。咁再下面一層呢就開始去到芝士蛋糕啦，因為我自己係好鍾意食芝士蛋糕嘅，而同事都知道我好鍾意食芝士蛋糕，所以佢就買啱咗我鍾意食㗎啦，不過今次有驚喜嘅係，佢最抵果層餅碎好口好好味，因為多數喺出邊食嘅芝士蛋糕下邊嗰層別墅都係好博嘅啫，但係今次美心做到好厚。所以令到個芝士蛋糕都好有口感同埋好香口。希望下次繼續推出一啲新嘅藍莓味蛋糕啦哈哈。

母親節買了一個蛋糕，和家人一起吃。疫情期間，加上限聚令，留在家中慶祝，為了加添氣氛，當然要有甜點。媽媽喜歡吃芒果，這款最新推出，芒果糯米糍的蛋糕，一看就吸引了眼球。外型像是大顆棉花糖，圓圓白白，好像軟綿綿的。蛋糕層次分明，一層一層夾著糯米糍，口感軟糯。芒果肉香甜。面層用了火槍燒焦了方粒棉花糖，更加香氣撲鼻。整個外層鋪滿椰絲，芒果和椰子當然是最佳配搭。在此，再祝媽媽，母親節快樂，身體健康，開開心心。

We ordered this Winnie the Pooh 3D cartoon cake for our kids. It was the only cake shop offering 3D Winnie the Pooh whole cake amongst the branded cake shops in town.小熊維尼毛公仔蛋糕 at $238Below was the description from their official website:朱古力裝飾、椰絲面層配雜果忌廉蛋糕，約1.2lb，長7.3寸。It looked pretty much like the sample photo, except that a very tiny part of the face was not so perfect with less yellow 椰絲. Otherwise there was nothing to complain about its look. It smelt very nice because of the 椰絲. We were so s