影片
今日要去红磡做野 见时间尚早又落雨 唯有近近地去火车站食个tea先 结果⋯ 一见到呢碟野 完全一个失望mode😅鸡翼瘦弱到呢⋯咬落得个两三啖⋯奶油猪烤得脆脆的 但奶油去左边😑鸡翼云吞上海面 鸡翼保持瘦弱说好的云吞呢？有两粒 不过系厚皮水饺来的⋯洗唔洗咁孤寒啊⋯上海面软林林的 不愿置评了😩 留意返 火车站大堂系有麻雀飞黎飞去的 隔离亦有大妈系到摔脚趾😑名副其实嘅鸟语花香😩😩😩
继续阅读
红磡火车站 (港铁站真系唔多顺口) 听落就唔陌生喇 去就真系少 即使去红馆睇演唱会都会选择小巴或者的士直到 真系好少左转右转去火车站今日难得因为私事黎一趟 又咁岩肚饿 真系唔知边到有食系车站入面枱高个头一望........哈 就你啦 美心EXPRESS美心平日都少食 可能住既地区无呢个选择我脑海中PICTURE唔到我需要点咩食物.....最终我选择左稳阵之中又带点新鲜感既 「奶黄西多士」配热奶茶奶黄包 奶黄墨西哥包 奶黄月饼 奶黄糯米糍我都食过喇就系呢个奶黄西多未食过 储埋张闪卡系常识吧!!呢个差唔多有4cm 厚既「厚多士」真系技惊四座 估唔到快餐店会有呢种厚度既出品 当然如果要用佢同外面出名既西多士相比 系会有差别 首先 蛋酱方面 唔算太厚身 可以话系刚刚好包住左个包既表面 出奇地均匀 抵赞既 因为簿身蛋酱先可以做到香脆效果其次就系块包喇 当然够厚感觉系开心既 不过可能块包非全白包既关系 会唔够松软同埋硬身中间系奶黄饀 占左块包可能得正中间大约50%份量 虽然有少许流心感觉 不过块包咁大 似乎唔系好足够喇 再者 佢比既一包糖酱又好似到喉唔到肺咁喇好在佢杯奶茶 唔会太苦涩亦有茶香味 尚算合格整体黎讲 27蚊 系可以接受
继续阅读
今早去美心食早餐，因为唔钟意食粉面关系叫左个类似英式all day breakfast 既餐，承惠$41包野饮。因为实在太难食，食到一半忍唔住影底佢上黎写食评。先讲买完野食见到既环境，一早呢度已经好多人，亦都见到地下好多食物既残渣，包括鸡骨，好令人反胃。而一坐底我想用支叉拮野食时，见到支叉上面有污迹，又一次想反胃。开始食，咬落个表面烤到好靓既蒜蓉包度，又林又湿好似唔知摆左几耐咁。之后食白色貌似德国肠既物体，完全无味！明唔明咬落去一条有口感但完全无味feel 到有滚水既肠个感觉有几核突好啦喇喇临食左个蕃茄（冻既）同d 蛋同栗米就走，真系食到好想呕...成件事好恶心。美心，真系好犀利，永远唔会令我失望既咁难食。
继续阅读
叉烧饭，叉烧干鞋硬有齐，少一点牙力都赵唔到呢，猪肉味及蜜糖味系有既，但肉汁干涸，柴皮一样，再加上湿淋淋既烂白饭，真系几难哽，为免浪费食物都要硬食架喇，叉烧食晒，饭食剩左三份一要放弃。盐香鸡饭，又系比鸡翼同背脊，鸡皮滑溜肥美，但骨杉杉无肉食，您估我叫鸡皮饭咩。白饭依旧又湿又难，女神只能食到少少乍。最后我地都系谂住是但爬几啖顶顶肚，睇完郭富城演唱会先再去食宵夜啦。美心快餐店食烧味饭都要 HKD36 蚊，太贵麻 ﹗街市仲系 HKD20 个饭盒连罐汽水双并烧味饭乍，我宁愿加多廿蚊系红磡、湾仔食个双髀饭仲好抵食 ﹗不过就算依家又贵又唔好食，依然大排长龙廿几三十人源源不绝，可能附近无咩餐厅选择，而且郭富城近日开演唱会，多左好多人走黎红磡火车站呢。
继续阅读
在这个早晨乘搭九广通到广州Business Trip之前，和同事到红磡火车站大堂吃个早晨。只有MX别无他选，早上七时半，光是排队也有几十人。这份早餐售38元，好像比平常的贵了一个价位。火腿通粉的火腿也算放得多，通粉刚好有少少咬口不会过淋。炒蛋滑但没什么蛋味; 炸鱼柳脆而嫩滑，但相对冰鲜没鱼味，唯需靠沙律酱遮盖不足。
继续阅读