美心Food2 (德福廣場1期)

营业中

休息中

好耐無食過美心！餐牌唔多選擇！只得幾款野食選擇！而且服務一般，在等燒味飯時要求一杯水，要客人再去另一條攞餐嘅地方取！好彩條龍唔多人唔得完善最後決定食叉燒油雞飯（$45）～叉燒特別要求瘦啲叉燒好食夠香！但油雞就一般無嘜味！

其實我在以前「開飯喇」戶口裡面，都曾經寫過九龍灣商場「德福廣場」裡面，某大型集團的食店「美心Food2」。當時我食了類似某鐵板餐餐廳招牌菜，以灸燒鐵板盛載食材，食客再自行攪勻的「鐵板」飯餐。今次我在換上新手提電話，新「開飯喇」戶口之後又要重新上路，再次光顧「美心Food2」了。不過我不食鐵板餐，改為食很多餐廳都會有提供的「咖喱牛腩飯」。又要托西貢墟舖頭裡面的阿姨的福，亦都要拜阿媽所賜了，我在西貢墟又食不到牛肉，需要坐車到西貢以外，尋找可以食牛肉食品的餐廳食店，結果我又直接坐上專綫小巴來到「德福廣場」。「美心Food2」售賣的「咖喱牛腩飯」食品，相對於一般大型連鎖集團的餐廳而言，價錢相對就比較昂貴，一客「咖喱牛腩飯」未計算跟餐飲品，售價已經要賣港幣五十五元，價錢頗為昂貴。另一方面，原來「美心Food2」的「咖喱牛腩飯」，是沒有安排以套餐形成推出，食客購買「咖喱牛腩飯」的話，就需要另外自行追加購買飲品了。例如我今次除了購買「咖喱牛腩飯」之外，還另外加了港幣十三元購買「紅豆奶茶」。由於「咖喱牛腩飯」不屬於套餐，所以「紅豆奶茶」也只能比「套餐價」昂貴多兩元的「加配價」購買。說回「美心Food2

平時在德福都是吃晚飯居多這次剛有事要處理，之後便找地方吃個下午茶充飢隨意地就來了美心Food2周日的下午茶時間超多顧客！幸好等了不久就有位子～～我點了洋蔥豬扒包拼雜果薯仔沙律老公就要了燒鴨瀨～洋蔥豬扒包拼雜果薯仔沙律，豬扒包熱烘烘的，包身夠脆！豬扒肉質夠嫩不粗糙配上略略煎香的洋蔥及醬汁，豬扒包好惹味～～！！雜果薯仔沙律，雜果以蘋果及青蘋果為主，並不是罐頭雜果蘋果爽甜，青蘋果微酸，加上沙律醬，酸酸甜甜的好開胃！！燒鴨瀨，以下午茶而言，燒鴨的份量尚可但不是啖啖肉的位置，不喜歡吃骨位的會覺得一般～燒鴨的味道不會太鹹～瀨粉的軟硬度適中質素尚算合格～不過顧客實在太多清潔的人手不足所以衛生不夠乾淨總的來說，美心下午茶的食物質素OK但衛生是有待改善～～

#小朋友 今日約咗朋友睇早場，為咗唔想入到戲院個肚仔「咕嚕咕嚕」亂叫，特別提早20分鐘出門口，打算喺戲院附近食個早餐先入場😉路過 #美心food2 醒起好耐無食過佢哋馳名嘅 #糯米雞 🥢 今日一於叫隻嚟懷舊吓🤩 收銀阿姐仲sell我要多碗 #火腿通粉 嚟加底😅 都係加$8啫，順應民意啦😌 #火腿通粉 細細碗，味道ok無咩特別😋 不過我就對隻 #糯米雞 有啲失望😕 餡料唔夠多，而且糯米太多水份，米飯都黏住喺荷葉上，夾起食果時唔方便、口感亦差咗啲😌至於環境，只可以講不過不失，迫咗啲、而幫手收拾枱面上嘅嘢人手太少，造成吉位無人敢坐嘅怪象😪

這個月有很多朋友飯聚，開支不少，這晚既沒有住家飯，街上又下著大雨，就決定吃得經濟一點、簡單一點就算！來到九龍灣美心food2，看過電子餐牌，就決定試「蒸魚套餐」。因為$68有原條清蒸黃花魚，而且還有例湯及油菜，可算是相當抵食！雖然魚浸了很多油，以為在吃油浸魚呢～幸好魚有鮮味，蒸得很嫩滑，爭回不少分數。油菜有點失色，菜心苗太幼、欠咬勁，加上不夠熱。至於例湯方面，是節瓜湯，有湯料、咸度剛好，整體不錯！

年30晚搞到成十點幾先得閒食晚飯，間間餐廳都早收啦，選擇唔多，咪去美心求奇食個飯就飛去維園巿花行.點咗個咖哩牛根腩飯同菜膽雞飯，做埋我地美心都閂機嚕.咖哩牛根腩飯：首先飯係硬嘅，凍嘅，咖哩都係凍嘅，但唔太辣，啱我口味，牛根炆得夠冧，但牛腩就唔入味.菜膽雞飯：用蠟燭慶住個雞方法欣賞，雞肉夠滑，不過份量偏少.算啦！年30晚都無得收早，美心D管理層有無良心架！雖然兩個餐一般，但服務員誠意加分，年尾留留點都要俾個好評啦！

上完游水堂，感覺特別肚餓，真係想食少啲都唔得🤪 不過第二日又要返工，都係收心養性，推咗班魔鬼🦹🏼‍♀️ 自己食個快飯就返屋企。#小秘書 真係好鍾意食 #焗飯 㗎🤪 ... 我都知焗飯咁多漿汁會好肥，不過難得星期日，就比我任性一次啦（日日都有藉口😅），就比我嚟個 #蜜桃鮮茄焗豬扒飯 開心吓🥳🥳 單係睇焗飯嘅外表已經口水流🤤 第一啖食到嘅係少少濃嘅芝士，混入埋啲蕃茄醬、蜜桃水果，口感好豐富，仲有 #厚切嘅豬扒 🐷 肉質鬆軟👍🏻👍🏻 確係經濟晚餐之選！

難得放假訓到自然醒⋯當然要食個豐富的早餐😄今日去左美心集團既美心food'2食早餐⋯揀左炸菜肉絲米粉配火腿蛋三文治⋯味道都ok..份量都夠飽！野飲一定飲熱奶茶多奶（提神）⋯買完飛⋯見到排隊拎野食既人超長龍😒

果日無聊行去九龍灣唔知食咩好，是但去美心食個燒味雙拼飯，貪佢有碟菜食下，平時出街食飯冇咩菜食，仲有碗湯跟餐，幾抵。重點係佢會俾個瓦爐熱住d燒味，個叉燒汁「之之」聲又香，食完個飯d餸都仲:熱！好好！推介！

炸雞脾都可以咁難食，我服左你，好似用水㷛熟再囉去炸咁，個底仲要削哂D肉見骨，留意返唔知點解要咁做，D雞肉另有用途？祝你長做長有，再嚟杯凍啡成杯冰水咁，點解咁大間公司質素可以惡劣成咁，賺到咁盡，不過最搞笑係仲有好多人食

這次點了一個公司三文治餐，連野飲一共$42，價錢偏貴。公司三文治材料都幾足，有生菜雞肉雞蛋蕃茄火腿，挺新鮮。惟配上的薯片味道不太搭。整體來說，餐廳環境舒適，食物味道一般。

又一次到美心food2，這裏的食物價格實在比較親民，而且位置很多，不用等位，十分方便。這次就試一試美心的招牌菜，點了蜜桃鮮茄焗豬排飯，份量非常多，吃了這個焗飯真的會很飽。豬排是大大塊的，而且很厚，但並不脆身，鮮茄汁十分足夠，雖然這個飯焗過，但不會很乾，反而很夠汁，味道亦因為焗過而很香。除了這道菜式名寫有蜜桃外，還有另一種水果菠蘿，酸酸甜甜的，與蕃茄汁一起吃，更是胃口大開，配合軟飯一起吃，不知不覺就會吃多了。

美心food2算是九龍灣德福裏較為平民價的食肆，晚餐座位較多，這次點了板上燒的黑淑芝味燒雞肉板上燒，以＄49吃到鐵板飯，十分值得。等待大約10分鐘，可以取餐了，鐵板還熱騰騰的，發出「滋滋」的聲音，回到座位，淋上醬汁，聲音更大了，趕快把飯、雞肉、栗米粒一起撈得均均勻勻，一會兒，鐵板終於開始慢慢靜下來了，可以慢慢品嚐了。鐵板燒過的味道還是很香口，雞肉很滑，而且雞肉亦不少，但芝士就很少，沒有甚麼味道，但這個價錢可以吃到鐵板燒，已經不錯了。

呢到既裝潢同埋食物既價格都係比美心快餐高級既，而且地方比較寬廣。食物既質素都幾好。之前幫襯過幾次，食過肉醬義大利麵，咖哩腩飯都好好味。今日尼到，只係食左個下午茶餐。下午茶餐既選擇唔算好多，燒味飯粉麵，公司三文治，豬扒包餐，公仔麵，好似得呢幾樣。叫左個公司三文治同洋蔥豬扒包配蘋果沙津，叫左比埋錢，先同我講冇沙津要轉薯角，即刻變左好熱氣。 經典既公司三文治，配料豐富，味道可以，41蚊加熱飲。$35 洋蔥豬扒包配薯角加綠茶。好多洋蔥，個汁多d會好味d,個包都幾脆

德福美心food2位置好方便，想食快餐嘅話係一個唔錯嘅選擇。呢間美心快餐好大，有好多位，平時唔使特別等位都有位坐。海鮮迷你盆菜迷你盆菜配中湯同埋一碗飯。盆菜份量都幾多幾豐富。盆菜入面有唔少海鮮，例如蝦，籃青口，炸魚等等。 都仲有好多配料，鴨掌啦，芋頭同冬菇。 細細個兜入面有咁多配料，都算好抵食！！另外仲叫咗個海南雞飯，配一杯紅豆冰。呢個餐又係好抵食！雞都有唔少舊，仲要好嫩好滑，味道都唔錯。 成個餐食曬非常之飽！