美心MX (半山壹號)

营业中

休息中

岩岩係7:46分的時間係土瓜灣半山一號分店mx,買咗個外賣酸菜魚米線配雞翼加可樂，等左16分鐘左右返到去打開得酸菜魚冇咗個米線底，其他野就有 食咗幾啖搵唔到米線好失望🤦‍♂️

剛話美心快餐分店少咗, 就响何文田見到久違了的它, 幫襯嘅人唔少, 約有8 成滿, 貌似附近居民同穿校服嘅學生。. 見個餐牌有唔少以前冇見過嘅菜式, 最後捒咗咖哩吉列豬扒. 喜愛咖哩之外, 亦鍾意吉列系嘅食物.最終有位可以坐低吃飯, 但嗰咖哩唔掂，唔辣又唔香, 係一個冇靈魂嘅咖哩汁, 可惜! 件豬扒大塊嫁, 反而個飯就少咗啲. 個豬扒皮係脆, 但又不致於好卜卜脆, 而且肉質偏淋, 有點失望. 唉! 其實應該食返美心燒味, 唔應該變心去試其他, 失敗!!!!

今日放假去美心嘆個早餐，通粉配煎蛋同腸仔，通粉OK,但腸仔好似未熟透，仲有D紅，煎蛋都可以，三十幾蚊配嘢飲，算合理抵食啦，凍檸茶Ice lemon tea夠大杯，算超值

今晚在綠楊新村美心MX吃－個义雞飯，俾曬D四寶飯嘅义燒，級數不同，乾到咁，冇燒過的，完全不是正常燒過的义燒，賣相差，難吃到嘔，連什麼义燒都分不清，點做快餐連鎖店呀！死不改善，性價比很差

我约左朋友一齊去行山，我地先去火車站，行山前先要食早餐，有氣有力先可以去行山。我地先去美心MX食早餐，每人叫左一個套餐，我叫左炒麵、蘿蔔糕和奶茶，炒麵好食，蘿蔔糕煎得香口，奶茶好味。另一個叫左沙嗲牛肉麵、多士、腸仔和咖啡，同一般茶餐廳的早餐差不多，沙嗲牛肉好食，咖啡尚算ok。另一個叫火腿通粉、腸仔、煎蛋和多士，加上一杯熱檸水，水準尚算不錯。可能疫情嚴重關係，到MX食早餐的人不多，每個客的座位都隔得遠，好安全。

疫情下多咗叫外賣, 今次試咗個頹飯界皇者,白汁雞皇飯。 點餐嘅時候心存厚望, 心諗只係將預先調製的白汁及材料淋上, 手板眼見功夫, 應該冇問題啩。但係出到來強差人意。個賣相好麻麻, 白色一pat嘢, 而且最致命傷係啲雞同飯, 先講雞, 雞完全冇雞味不在話下, 最離譜嘅係 本身啲雞都係凍嘅, 估計應該係擺咗好耐先送黎, 飯更加無話可說, 餐廳應該用咗啲隔夜飯, 好鬼硬身, 部分飯更加一舊舊, 食慾頓時大減, 只此一次,我下次絕對唔會再幫襯。

美心MX一間平民化快餐店，價錢永遠係大前提，食物質數大家應該也不會要求太高，不過佢整體感覺也不過不失⋯佢嘅下午茶餐，更加係好多退休人士必然選擇，每日一到下午茶時間，你都會見到好多上年紀嘅食客光顧⋯

美心mx不愧為經典快餐店之一，早餐又快又抵食！早餐set$28咋，已經有雙蛋、半塊包、一大碗牛奶麥皮，加六蚊仲有一碗榨菜肉絲米，又豐富又有營養，夠晒飽，再配埋杯咖啡，飲完成日都醒神晒！牛奶麥皮：香滑好入口咖啡：味道濃郁，奶和咖啡的比例剛剛好，加糖飲又得，唔加糖飲都一樣好好飲雙蛋：兩隻都仲係剛剛好半生熟，蛋黃用嚟點塊包食，超級正！塊包焗得剛剛好，脆脆的，很香口榨菜肉絲米：味道也不錯，算係冇咩味精味，食完都冇口渴

秋天到了，特別想吃火鍋。得悉美心快餐有一個早鳥優惠。平日晚上5時至6時火鍋$58。比原價平了$10。於是今晚差不多六點，便到了美心吃了。我們叫了兩個火鍋。肥牛愛上雜錦鍋及醉雞巧遇阿豬鍋。肥牛愛上雜錦鍋可以選擇沙嗲或者清湯。我們選擇了清湯，因為有小朋友，牛肉份量不少。醉雞巧遇阿豬鍋，湯底比較特別，是花雕藥膳。藥味都算濃，加入了一些杞子，秋冬補身必食。而呢一個火鍋除咗雞件外，仲有豬肉。兩款火鍋都有烏冬，蔬菜等，烏冬份量不多大概只有半包。值得一提是，兩款火鍋都會有飛魚子雞滑及墨魚滑。兩款都好食。最後是餐飲，打邊爐最正就係配上一杯大汽水。 不論是鹹檸七還是雙檸可口可樂都是大大杯，特別滿足呢！

-方便快捷、價錢實惠，美心MX到處都有一間😛這天從附近的教堂離開～大家不知道吃什麼才好，就決定進來了🥴♥《迷你叉燒飯加牛油粟米》叉燒比想像中多，質素也不錯👍少肥的叉燒，是我喜歡的類型～牛油粟米還可以吧，就是普通😋總括而言，性價比還可以接受～

因為新年期間非常之繁忙所以到現在才post出來和大家分享！大年初二， 一早book了盆菜，十二點半喺何文田的美心領取！ 我是第一次買盆菜回家吃， 所以很擔心它的食物質素及 同它的熱度。美心的盤菜非常熱騰騰， 它做的保温功夫做得非常好。 我雖然要一段時間才回到家，但回到家它的溫度還是很熱。打開盤菜非常之多料，它的菜、蝦、雞、鮑魚都是分開裝，我要逐一將他整齊的放進盆菜內，雖然有點麻煩，但都想到美心的体貼及周全的想法。 因為他擔心在翻熱的過程中會把這些比較名貴的鮑魚蝦翻得太熟！所以將之分開！美心的盆菜真是味道一流， 不論是蝦、鮑魚、冬菇 豬皮、魚蛋、蘿蔔都非常之好味，甚至這些腩肉也非常入味， 總括而言非常抵食！

想食火鍋，即刻唸起美心個醉雞火鍋，湯底無得頂，充滿當歸藥材味，可以當湯飲！d食物份量足，如果不夠也可以追加，二十蚊可揀三樣野食，超抵！！推介可以追加蝦滑同埋魚滑！

因為趕時間又未食lunch, 就諗住快快哋食個下午茶～叫咗雞脾加車仔三寶～ 隻油脾大大隻，好滿足呀！😍😍😍 車仔三寶就偏辣。我係唔係好食得辣嘅，所以一定要有杯凍飲😆 不過個車仔三寶真係好香囗。魚蛋高質，豬蛋同蘿白都好淋，索晒味👍🏻👍🏻👍🏻 大滿足～

就嚟到冬天,最啱就係打邊爐。諗住同朋友搵啲平啲嘅快餐食下,原來美心MX有出到肥牛火鍋，見到價錢好抵食,所以就即刻同朋友去食。啲肥牛都好新鮮,啲配料都十分好食。下次如果有時間會再去其他大家樂試吓。

牛氣沖天肥牛火鍋 - $52 早鳥優惠 5pm-6pm (原價$66)👍夏天悄悄的離去，秋天悄悄的來😂秋風起當然又係打邊爐既季節🙈咁啱行過美心MX，見到佢地有個早鳥優惠，梗係入去試下啦😋身為一個牛魔王🐂唔駛諗，牛氣沖天唔該🤤湯底3揀1，我就要左芫茜皮蛋👍見到個盤，即刻嘩左一聲😲美國榖飼肥牛、牛孖根、牛筋丸、牛柏葉、牛滑同埋金錢肚，單單牛既選擇已經咁多，仲要同時出現😱加埋配料，有烏冬、南瓜丶冬瓜丶粟米丶腐皮丶菜等，形成左一個小山丘😂一個人食哂，已經好飽肚，而且呢個價錢可以食得飽飽，完全符合我既抵食原則🤓回頭指數甚高😋大家記得去美心MX打邊爐啦😇