美心MX (半山壹號)

营业中

休息中

《美心MX》 #食在何文田
📍 何文田常盛街80號半山壹號壹號名薈地下9A號舖
———————————————
天氣開始轉涼，自己又怕凍即刻想食返個暖笠笠嘅火鍋😛好多連鎖快餐都會推出火鍋，不妨試下佢新出嘅「追鍋一族」，有多款可以選擇！總有一樣啱你口味💕 🔹牛氣沖天肥牛火鍋+沙嗲湯底 $66 佢哋嘅肥牛係採用美國穀飼牛，啖啖濃厚牛香。除咗牛肉，仲有牛筋牛丸牛柏葉肥牛等等。沙嗲湯底已經好夠味🤤覺得唔需要額外加醬油了。火鍋雖然細細個，但無諗過咁飽肚，呢個價錢食絕對係超值啊！ 🔹午餐肉 +$8 我嘅概念上食火鍋一定要用午餐肉😝午餐肉夠厚身，而且唔會滾太耐就散開，抵讚👍🏻🍴7/10

平時好少去美心食嘢， 但見到廣告推緊早餐有龍蝦湯，於是今日就去試一試啦！叫咗一個A3餐 套餐有一塊魚柳 ，麵包但我轉咗做蘿蔔糕， 加一個龍蝦湯扭扭粉。 魚柳有驚喜 ，估唔到咁大塊 ，而且炸得剛剛好 ，唔會有好厚嘅炸粉 ，而且好脆 ，睇得出係即炸！而蘿蔔糕， 無咩特別， 好淡 。至於主角龍蝦湯扭扭粉，係食得出真係有嗰個龍蝦味，上面仲有d脆皮腸，而扭扭粉有d硬，可以再煮淋,，整體嚟講，我覺得五錯，而且32蚊，都幾抵食！另外，叫咗一個A6 都係龍蝦湯扭扭粉 `蘿蔔糕， 不過 ，魚柳變漢堡，聲稱係和牛漢堡，但聽下就好！雖然漢堡好細塊 ，但係食落好有牛味，幾好食

小編今日去土瓜灣半山壹號探朋友，慶祝剛剛小朋友100天生日。探完之後肚餓諗住快快脆脆去半山壹號美心MX樓下食完就走人。本來想叫個茄汁焗豬扒飯點知又賣曬。唔知今次真係當黑定冇食神，叫咗個黑椒汁午餐肉漢堡扒午餐連coke，去攞餐嘅時候真係嚇咗一跳，個賣相簡直嚇親人！個汁又倒瀉曬，成張餐紙都係黑椒汁個漢堡扒又乾到好似經過無限次返烹。。午餐肉好似張紙咁薄見到已經唔開胃。美心M X越來越少係真係有原因，下次食麵包好過。

同朋友一齊今日破戒食得 heavy 啲！鮮茄豬扒飯同鉃板牛㧕大家一起share 先講飯，豬扒已切件，略細件，醃得入味。但太油膩。汁標明用鮮茄，味道唔錯。炒飯底，無飯味，唔欣賞。覺得湯唔夠熱，朋友說可以應該係我個人麻煩啲飲湯鐘意飲好滾既湯所以飲暖湯感覺麻麻地牛肉我覺得五成熟同埋個扒餐用鐵板上上等一陣子應該已經七成但是非常柔軟，不用兩三下便能輕易切開。看得出是剛剛好由五成變成七成熟肉質呈嫩粉紅色但又不會滲出血水！證明廚師經驗很到家 能夠掌握連送餐去到檯面時間如果湯滾D更加好今晚算是滿足的一餐

美心集團快餐店數數手指己有十年左右冇幫襯。今日上堂前路經，原來裝潢跟以前的大有不同，時尚了。價錢當然上漲不少，冇辨法，百物騰貴！點了雙拼飯，咸香雞和燒鴨套餐，包老火湯，清菜和茗茶。老火湯太鹹，相信有味精調味，不宜多飲。燒鴨淋上了豉油汁，過鹹，但肉質軟腍不錯，肥膏只少許，不太肥膩最適合女士們。反而咸香雞味道剛好，雞肉嫩，皮下還有晶瑩的膠質, 啖啖肉好味。清腸胃的紹莱，爽口。最後一杯中國茶，陣陣香氣，應該是茉莉花茶。久違的一餐，尚可。

腦閉塞時間又黎度，唔想諗食咩，呢款燒味雙拼套餐就係我腦海中閃現！四款可揀兩款，我揀燒鴨拼鹽香鷄，仲可以揀食胸位，包湯、上湯浸菜，白飯，中國茶，都幾豐富！燒鴨同雞味道偏咸，食唔出應有肉味，但以價錢黎講算ok!

其中兩人打完牌準備回家，雖已吃完飯但是有點餓大家決定吃點東西吧來到見到好多選擇，上次食完海南雞今天見到收銀櫃面焗豬扒飯相片幾吸引我地最後決定兩個鮮蕃茄芝士焗豬扒飯一個買飛一個霸位，五至六分鐘就有可能人流多一早預備好豬扒是有骨，但是夠厚夠大塊一塊可以鋪哂成個飯豬扒醃得好淋好夠味，飯底炒得乾身蕃茄汁鮮甜卻不太酸，可惜芝士味吾夠濃配上幾粒菠蘿，雖然是罐頭貨跟蕃茄的甜味亦很配合，可口易下飯食完兩人慢慢享受咖啡，仲係即磨夠哂香濃，好滿足啊雖然話快餐店，但是坐得舒服，自取完全不是問題

四人開枱，兩人等兩人，放工時間尚早附近找個地方傾計及休息，就嚟呢度下午五時許，人客並不多可以隨便找位坐下稍後大家都打牌，會有雀局飯所以只點了一份海南雞飯套餐我要的是肶位，雞是去骨的跟雞油香飯同湯，足夠一人份量醬汁也不簡單有三種，薑蓉太油反而喜歡有一種帶點酸味的汁雞屬於肥而且見到亦足完隻全肶皮下脂肪也相應也多色澤油光而肉質卻很嫩滑飯是黃色雞油味十足且香則嫌太乾身及只是微熱，有點失望湯反而夠熱，雖全是冬瓜但是味道夠濃飲得出是老火湯地方相當大，坐成個小時亦可見到牆上好多特色小菜,有機會都想試

因為朋友剛下機，放低行李又急住搵食，所以先去美心醫肚，隨便點一份常餐Share。可能平時食慣無特別，無諗過朋友大讚好味：炒蛋夠滑，食時仍然帶有蛋汁，口感滑溜；叉燒香口，雖然不算軟身，但入口也不會太硬；火腿腸太油，整條油得發亮，而且很鹹，扣少少分。

今日響呢頭收工, 諗住食完飯先返屋企, 見天氣涼左不如一人邊爐, 所以走左去附近既美心, 因為夠平.要左"雜錦豚肉鍋"配濃湯($55)+22oz凍檸七($6)火錮個爐好細, 而且又無蓋, 湯又少, 所以等左好耐先滾起. 鍋入面本身有冬菇, 豆腐, 金菇, 獅子狗, 肉丸, 芝士丸, 魚餅, 南瓜, 蔬菜等等. 雜錦原來就係幾種丸, 口感麻麻.豚肉片數適量, 但滾完好D鞋, 而且肉本身無咩味.烏冬份量好少, 仲剪到斷晒, 所以有D好短, 烏冬唔爽口, 麻麻地.因為濃湯味唔太重, 食材本身又無咩味, 所以醬料有豉油同胡麻醬.飲品夠大杯, 解渴.後話: 食完返到屋企肚痌, 唔知係D野唔新鮮, 定D野淥唔熟.

熟悉我的朋友都應該知道我很喜歡吃海南雞飯，特別是要配上馬拉風味的，皆因那個黑醬油絕對是精髓所在，感覺上泰式海南雞飯就是缺少了這個靈魂。如果大家常常走進港鐵站，都會見到美心MX新推出了一個【MX去骨海南雞】。大家先不要噓我，皆因小弟喜歡周圍去尋找美味的海南雞飯，小至街邊檔，高級至大酒店也會品嚐。早前，亦曾經吃過了MX的出品，水準一流，估不到現在美心MX也推出了，不用再到只得兩間分店的MX了，實在是食客之福。這份海南雞套餐以木盒盛載，相當別緻，包括一碟去骨的海南雞、椰菜絲、冬瓜湯、油飯及醬料。先喝一口冬瓜湯，香濃鮮味，有點點老火湯的影子，味道不錯。夾起雞件時，已感到那份滑溜，先蘸上黑醬油來吃，雞皮爽口有彈性，肉質鮮嫩滑溜，味道清香，而且溫度微涼，絕對合乎了吃海南雞的溫度，不過精髓卻在那個黑醬油身上，不但鮮香，而且甜度適中，只是如果再多一點點焦香及稠杰一些，相信會更好。當然海南雞飯套餐沒有了油飯就不成事，油飯表面乏著油光，飯粒卻很分明，而且不會太油淋淋。回到味道方面，有著香料的味道，也有著雞油的油香，兩者十分平均，與雞件一起吃，實在滋味。同時，淋上柚子醋的椰菜絲也份外清新爽口，中和了油膩感。

美心MX, 一個星期至少都會食一餐, 多數都係下午茶時間。呢一間由冇乜變到好多人食, 有時仲要等位... 成日係其他餐廳都會食下豬扒飽, 美心出左, 想試好多次都冇食到, 今日突然想食, 就去呢間試下。主要係"洋蔥豬扒包" + 選擇一款配小食 + 飲品 我要嘅組合有啲奇怪, 不過除左燒賣, 其他組合可以配上三寶(豬皮+魚蛋+蘿蔔), 或者係碗仔翅, 或者係薯條, 又或者係雞亦。好啦, 遂樣睇... (其實得兩樣... 洋蔥豬扒包 + 燒賣) 燒賣 - 好味, 比起出面得舊粉個啲, 呢個有啲誠意 洋蔥豬扒包 - 個人覺得...唔... 一般般, 有啲失望。個包唔夠脆, 有啲"UN", 豬扒比較細塊同薄身, 洋蔥汁唔夠多。總結: 洋蔥豬扒包賣相幾好, 燒賣唔係一舊粉個啲, 咖啡係即磨咖啡, 價錢呢... 算OK。同茶餐廳相比, 呢個價錢可能只係一個豬扒包加一杯熱飲。所以整體上, 快餐店黎計, 不過不失。

每年吃月餅, 總會有不少月餅罐剩下來, 當然, 我會把這些月餅罐留來給爸爸用作盛載雜物之用, 不會浪費掉的. 不過相信不少朋友也對處置這些月餅罐感到為難, 美心月餅全新推出的環保月餅禮盒, 就會為您解決這方面的煩惱.謝謝美心的美意, 送上這款環保月餅禮盒給我們. 禮盒設計簡約, 配備手挽, 大家拿著這客環保月餅禮盒去送禮自是更加便利. 禮盒是以可循環再用及可降解的環保蔗渣物料去製作, 跟美心惜食, 減廢的宗旨相配合呢. 而且這個月餅禮盒還符合環保3R原則:減少使用: 禮盒加上手挽, 鼓勵大家少用膠袋循環再用: 設計時尚的禮盒, 可用作放置飾物循環再造: 大家可放置於藍廢紙回收箱循環再造雙黃白蓮蓉月餅: 9分, 打開禮盒看看, 每客有4個雙黃白蓮蓉月餅, 足夠一家人一同分享.白蓮蓉是用上了湖南寸三蓮蓮子製作, 質感是相當細滑, 帶蓮子的清香, 中間有兩大粒鹹蛋黃, 味道香甜, 教人怎能抗拒呢.大家如果收到美心月餅的雙黃白蓮蓉月餅券的話, 不妨選擇換購全新環保月餅禮盒的版本, 對地球好一些, 對自己也好一些. 而且這客雙黃白蓮蓉月餅, 白蓮蓉細滑, 鹹蛋黃香甜, 愛吃甜的您, 怎能不愛上呢