美心MX (已結業)

打風天，提早收工，知道超市街市一定好多人，所以決定買外賣。 可能我去到時間尚早，無乜人排隊，即時用自助落單機買野食。 揀左個去骨海南雞油飯，外賣，等左5分鐘到就走得。 由於職員pack 好晒先叫我拎，所以番到屋企先知袋入面有D乜。 打開個袋，感覺良好，食海南雞飯最緊要係醬汁，外賣醬汁用嘅膠盒係特別設計，分好一格格。 個人覺得比起平時用圓形膠杯仔好，因為真係可以夾住D食物點落去，唔會只係點到一邊。原來個飯配埋柚子汁椰茶絲沙律，同埋冬瓜湯。椰菜絲沙律 -  我初頭以為呢D只係伴碟，份量唔會多，點知有成半盒!! 柚子汁如果多少少會更好。冬瓜湯味道好，清甜，唔會太咸，亦無平時例湯嘅味精味。主角去骨海南雞飯，啖啖肉，亦好嫩滑，看似分量不多，但其實雞肉鋪左兩層，有一隻雞脾嘅分量。油飯亦都做得好，淡淡嘅黃色，有香味，少少濕潤，好味到我未食完D雞已經食晒碗飯！成個餐只係$51。個人覺得非常合理，因為平時係茶餐廳食個海南雞飯都要$70, 甚至$100. 香港三大快餐店當中，始終覺得美心MX質素最好! 

朋友好想打邊爐， 因為係星期六的晚上所以很多地方都冇位。所以就選擇了美心嘅一人一鍋，我哋去到嘅時候已經過了晚上八點，原來八點過後再有折扣優惠。每人一鍋大約都是六十元正。 因六十元所以其實沒有期望，但當食物送到面前嘅時候都有一點點驚喜！一個海鮮鍋配肥牛，仲有烏冬！ 而豚肉片是自己額外加的。除一般火鍋之外，他們仲有雞煲這個選擇， 配薯粉和雜菜杯！這就是一人份量的雞煲， 肉質也非常嫩滑，而件數也不少非常超值。 雞煲提供一個獨立的上湯，以備hotpot之用。這就是兩個人一人一鍋的份量，食品的質素真不錯。兩個人加飲品也只需一百二十元。抵食。

今日晚餐黎左食咖哩雞飯黎左之後我當堂呆一呆成煲咖哩雞得2(細)舊，仲要梅梅地咁既肉質咬左2啖已經唔太敢食仲要差唔多成煲都係雞皮雞(皮) 全部都係雞(皮)唔係挑食揀出黎，係佢一黎就成兜雞皮想點啊不如叫咖哩雞皮飯啦！

本人中午到達該店正在考慮食什麼飯好，但是我太太說上次她食的海南雞飯不錯，因為飯量剛剛好和那些飯夠哂軟熟，那麼我就叫了來試一下，跟著問題出現了，第一.因為我落單俾錢時收銀員問我飲什麼時?我就說我飲可樂，誰知道我取餐後，我的飲品不見了，跟著我詢問水吧職員，原來那個收銀員沒有替我落單，而且那些飯和石頭一樣硬。

今晚再次幫襯美心，畢竟食物味道質素系好嘅，點左個西冷扒餐，配扭紋薯條，甜粟米，牛扒厚度適中，有牛味，不過較多牛筋，有小小韌，配醬汁系好惹味的，扭紋薯條好脆，有嚼頭，甜粟米加牛油燒過，又甜又惹味，抵食程度高蘇皮龍蝦湯好鬼正，忌廉味濃，加龍蝦味好惹味，配合蘇皮一齊食，完美

今日午餐選擇左MX，因為距嘅xo醬油雞豆腐飯好吸引，但羅餐嘅時候有個小插曲，一碟排得好靚嘅油雞，俾一位女嘅傳菜人員隨手一拋，就拋到亂曬，問題系距嘅態度，唔尊重人，當時大家對望，距覺得無野，我都唔出聲，我唔喜歡嘈鬧嘅人，但都希望距尊重自己嘅工作，味道方面系無得彈嘅，油雞夠滑，配埋XO醬，真係無得頂，豆腐系煎過嘅，加左沙姜醬，一齊食好惹味

見到美心MX的下午茶，有奶油豬揀，即刻試試個豬仔包行到剛剛好，碟上金黃色，包面少少硬，搽左煉奶，入口好香好脆之餘，煉奶好甜，引出背後的牛油香，食完覺得不錯，唔知點形容，總比翠X欠少少

大前日(1-5-2016 Sun)晚同老公由荃灣返回沙田食個晚飯,去邊o度食?又City Super掃街?對腳好攰,唔想係咁行同企o係o度食,老公話美心啦,我o地重未食過.啊,好啦.我o地去到唔太多人,我先買o野,睇到啲o野唔多o岩我食,唯有買$49.00o既原煲湯小菜,揀o左菠蘿生炒排骨,除o左湯外,重有杯唐茶.加$9.00要紫薯布甸.老公要$53.00o既雜扒鐵板餐黑椒汁,呢個餐重有個酥皮湯.等o左一段約10分鐘,我o既餐終於整好,再等多陣,老公o既雜扒鐵板同黑椒汁都有,影完相食.我先試我原煲中湯,顏色好淡,味道都好淡,但料幾多個喎,有雪耳,豬肉,雞腳同紅蘿蔔,但味道都係好淡,唔通加水?最後食到底睇,其實煲湯份量唔多.菠蘿生炒排骨呢,排骨細細粒,汁唔多,酸甜味o岩o岩好,唔肥同脆口;白飯乾o左啲,成個餐o既o野都唔熱,只係暖暖地.而老公o既雜扒鐵板餐?有煙肉,雞髀,豬扒,司華力腸同粟米,佢加黑椒汁時都聽到’炸’一聲o既,我偷食少少薯條,腍o既.其他o野都冇食.而酥皮湯呢?我o地食到一半至有,亦都唔想因為凍晒,所以一直唔打開住,除o左紫薯布甸外,我o地食完所有o野至飲呢個湯,酥皮有大

路過美心快餐店，就順路吃下午茶。$29.5鐵板牛柳絲炒麵，辟辟拍拍....一出場就有氣勢！味道可以啊！配紅豆冰，紅豆夠腍略甜。$30.5洋蔥豬仔包配熱奶茶，好味醬汁包裹洋蔥絲，厚切豬扒像兩隻麻雀牌般大，隱身在兩大塊豬仔包中，還有咖喱三寶：白蘿蔔、魚蛋、豬皮。份量剛好，也吃得飽，沒有辣味。時正5點鐘，又順便買埋每天限量10隻，$59沙薑雞，好味道又抵食。

今日去左沙田續牌費,續完牌費都成2點,就去左美心食野,我點左3寶飯食,1睇d食物巳覺得分量小,和視覺睇落麻麻,以前3寶飯有咸蛋,而家無埋,雞肉味淡,食落無口感,我有3件雞有2仲係背部位,唉.....叉燒味有豬味,肉質彈牙,似返d樣,而燒鵝就真係激屎我,味道唔錯,有燒鵝味,肉質嫩滑,配合甜酸醬好食,但肉質好小,頂全部背部位,基本上係無乜肉可言!甘ga質素甘ga價錢,真係唔得lo.....

年二十九一家人一齊食團年飯，我地就係美心買左個盆菜，面有鴨掌，幾腍;鮑魚仔一D都唔腥且幾彈牙;中蝦亦好新鮮，蝦肉爽口彈牙;仲有蘿蔔無喳有水準;芋頭則硬左D。整體水準不差，值得推介俾大家

繼續平民飯局,今天來到美心,天氣寒冷,想吃點熱的食物除了打邊爐外,鐵板便是另一選擇鐵板餐,一1定要點扒類,因為夠熱才好吃今天點了豬扒鐵板,豬扒夠熱,肉質不硬,入口不錯而且肥的地方夠小,相當抵吃不過汁不夠濃味,稍為可惜而薯仔亦不夠香脆,不過快餐店來說算是不錯$70,算是OK吧

突然間想食某一食物，故把選擇餐廳的範圍縮窄，在消費方面，卻又想不用花費太多，這樣進一步縮窄餐廳範圍，繼而想到美心快餐。雖然今餐是食快餐，但一個人有乜所謂，加上是平日的工作天呢！叉燒飯是想好的午餐，深紅色的叉燒裡，略有肥脂在中間，為數不多，每一口叉燒都是啖啖的肉，間中也會食到肥肉。叉燒也是鬆化的，蜜味充足。餐飲點來凍茶，茶味充足，較茶記不遑多讓，奶與茶配合得宜，是一杯好的奶茶。吃過飯後，休息一會便走人，不會坐得太久吧。

今次來到美心MX外賣，選了只有美心才有的公司三文治，以前大X樂都有這款下午茶，但現在只有美心至揾到，可能製作時間長.，都要等五分鐘以上，三片多士中間夾了很多才料，包括雞肉、火腿、生菜、蕃茄和煎蛋等……非常豐富，不會令人失望，味道一流，比得上一些西餐廳的味道，加上一杯香濃奶茶，真的好。'

早上，經沙田市中心轉車上班。在家沒有吃早餐的我又決定在市中心尋地方食早餐。不過，這次我心中早上目的，不過，只是想簡單地食連鎖快餐店，於是，我來到了沙田中心的《美心MX》。為何會找快餐店，因為我是日的心中早餐，就是大大隻糯米雞，早上，在香港三大品牌的任何一間快餐店，食糯米雞加杯奶茶，絕對是快靚正之選。味道如何，說真，三間的分別都不大，都是濃濃的肉醬餡，內有臘腸同雞翼，夠軟夠滑夠香口，連鎖店，連鎖的味道，當你接受到時，其實有乜咁唔好。尤其是工作早、午、晚餐，快快趣，味道入得口，已是可以。要求不高卻令我滿意，不是一個笑是什麼?