美心MX (已結業)

打风天，提早收工，知道超市街市一定好多人，所以决定买外卖。 可能我去到时间尚早，无乜人排队，即时用自助落单机买野食。 拣左个去骨海南鸡油饭，外卖，等左5分钟到就走得。 由于职员pack 好晒先叫我拎，所以番到屋企先知袋入面有D乜。 打开个袋，感觉良好，食海南鸡饭最紧要系酱汁，外卖酱汁用嘅胶盒系特别设计，分好一格格。 个人觉得比起平时用圆形胶杯仔好，因为真系可以夹住D食物点落去，唔会只系点到一边。原来个饭配埋柚子汁椰茶丝沙律，同埋冬瓜汤。椰菜丝沙律 -  我初头以为呢D只系伴碟，份量唔会多，点知有成半盒!! 柚子汁如果多少少会更好。冬瓜汤味道好，清甜，唔会太咸，亦无平时例汤嘅味精味。主角去骨海南鸡饭，啖啖肉，亦好嫩滑，看似分量不多，但其实鸡肉铺左两层，有一只鸡脾嘅分量。油饭亦都做得好，淡淡嘅黄色，有香味，少少湿润，好味到我未食完D鸡已经食晒碗饭！成个餐只系$51。个人觉得非常合理，因为平时系茶餐厅食个海南鸡饭都要$70, 甚至$100. 香港三大快餐店当中，始终觉得美心MX质素最好!