美心MX (已結業)

食到想喊早幾日星期日好肚餓,荔枝角廠區周圍食市都關門,附近只有美心!原本都係安心啦,只係想食個下午茶餐頂肚入到去食到一肚火可能佢地知無對手既情況下周圍街坊唯有局食佢地排晒長龍,因此到4點時食物款式都只有幾款,連最BASIC既雞比薯條都賣晒，平既20蚊茶餐沽清,只有幾種比較貴特式類似日式便當的下午茶收費$28一個,食物看來很精緻，但勁細份,所謂沙律,只有一小口,而且仲係暖的,感覺好嘔心雞下比SIZE好似雞翼的膇咁,薯條仲要係凍既!至於用來填肚的烏冬,一點味也沒有,凍既幾啖就無晒,食完,仲好肚餓，最基本的飽肚感也做不到 至於老公點的三文治竟然係最好味既,但只有2小片的芝腿治，下次幾肚餓都唔會去，仲要食左30蚊，好過份

今日下午去咗美心MX叫咗個公治加冰滑奶茶。因下午無時間食午餐，要食下午茶餐醫肚。好耐無食公治。係美心叫公治加個要付上$7.5冰滑奶茶。時間係下午4時左右。個餐等咗5分鐘。個場有WiFi。但只限60分鐘使用。個公治要$27。五件加薯條，附送一包亨氐蕃茄汁。識食ga人都知亨氐蕃茄汁配薯條係最好食。五件對一個男人份量係唔夠食。下午茶餐算係咁。公治有雞肉、煎蛋同蕃茄。個比例真係好正。雞肉、煎蛋同蕃茄係用最頂級食材。因比例好正，個公治入口好有口感。薯條係同M記唔同。美心係用大size。至於杯冰滑奶茶，五星級水準，因為杯奶茶無冰成份。所以特別好飲。特別有奶茶味。印象中只有太興先有咁ga水準。下次都係要係美心食公治。

行咗咁耐~ 真係要坐下先 揾咗美心落腳~ 見咁耐無食過紅豆冰 就揀咗 雞批紅豆冰餐丫 18蚊..真係好貴呀~ 一點也不平宜 真雞批味道尚可啦~但紅豆冰就超唔好入呀~ 紅豆色水差,紅豆又沒有味道, 唉...... 一句講晒...唔掂~ 有機會食紅豆冰都揀番大家樂呀~

今日睇到報紙話一邊食飯一邊可以做善事~緊係要全力支持LA!兩款指定飯餐可以做善舉,我呢D西人就揀左個西豬飯~雖然話圖片只供參考,不過未免差得太遠了…幸好我都係個中意食蔬果的人~所以唔會太介意佢的豬聊和蕃茄洋蔥的比例與相片不付~只係豬聊的份量似乎真係太少了…而且感覺好似食了几件乾豬肉條~焗飯真係食得粒粒皆辛苦,可能因為D飯煱得有點過火,所以每粒都好有'口感',連茄汁一同食都覺得有點硬身,,噢~碗飯真係超大碗~阿姐話因為係焗飯,所以冇得減半~嗯~明白既~唔通真係即點即焗嗎~~而茄汁又唔係咁足夠~唯有比少少技巧就住食~想一邊食飯一邊做善事~真係唔係講咁易~~嗯….對快餐..可能真係唔應該要求得過高…相信己是舖頭最大的努力 

今日放工去左美心食晚餐, 見到有個新出的石鍋飯食~ 佢有兩種石鍋, 一隻係牛(辣), 一隻係魚(唔辣)最後我揀左牛石鍋飯~ 多謝$45~一個牛石鍋飯, 跟兩個伴菜, 一杯熱柚子蜜~意想不到的是......快餐店的石鍋飯也有如此質素!!! 我起初以為佢炒好先放入個石鍋到, 但一拎既時候, 真係聽到個鍋燒到啪啪聲~ 超熱的!!! 令人食都食得開心D~ 飯不會太辣, 如果要再辣一點, 可以配上它跟的汁, 甜甜辣辣的, 不過我沒有加...因為我覺得就咁食已經足夠, 本身它的泡菜已味。另外牛肉份量雖然不多, 但勝在夠厚,有汁。 由於石鍋夠熱, 鍋底會有少許飯焦 (一拎上手後要馬上撈飯, 要不然會有好多飯焦)。總括來說, 以快餐來計...........確實是一個不錯的水平!!!!!!  不過它的兩個伴菜就............我個人不喜歡吃==

有見食家子陵兄寫關於美心快餐農家菜的食評，因本人也很久未在美心快餐食晚飯，令本人心感興趣前往一嚐。整個套餐包括餸菜一款，湯羹一窩，白飯和熱茶。是日的餸菜有三款選擇︰家鄉煎釀豆腐，青瓜煮蝦和花生炆豬尾。炆豬尾我就沒什麼興趣，所以就選了家常一點的煎釀豆腐，配上是日湯羹 - 栗米魚肚羹。家鄉煎釀豆腐總共五件的煎釀豆腐，豆腐十分軟滑，感覺有點似百福蒸煮豆腐。上層的魚肉打得挻軟熟，接近是魚蛋的那種質感，我就未嚐過煎釀豆腐用上打得如此幼細的魚肉；內裡好像加了一點冬菜之類的東西，為魚肉帶來一點層次感。整個煎釀豆腐的味道略為清淡，幸好有個芡汁吊味。整個餸不太有煎的感覺，做法似是把煎好的魚肉放在蒸好的豆腐上，應該要挖個洞釀魚肉進去吧。栗米魚肚羹阿姐自動幫我加上酒精爐，其實我要不要都沒所謂的，反正那酒精爐燒了一會就燒完了。飽滿的栗米粒很清甜，魚肚我就沒有什麼考究，不過以我所見也有不少的魚肚粒。其實這種東西熱騰騰的也不會差得去那裡，不過我就對子陵兄的西湖牛肉羹比較有興趣我對今次這套餐是滿意的，之前總覺得美心快餐的水準比大家樂和大快活為差，希望他們今次能把這質素保持下去。

entered at 1.55pm and too early for 下午茶 menu, so went on to order something new. Duck Soup + rice.Apparently the duck was roasted before putting into the soup because the skin is not white color, but more like roasted color. Although the soup is slightly oily but my standard, it is tasty and the rice serving is big portion which i badly need after an early breakfast consisting of only cereal+milk.Free Coffee. I find that the coffee has too much milk, and the coffee bean is not strong enough..

父親外賣了美心的黑椒牛柳絲炒麵給我作下午茶打開盒子一看...嘩!點解得咁少麵?!我相信呢到連一隻麵餅既份量都無有10條牛柳絲同好多好多好多汁多到媽媽煮多3隻麵,用d汁撈黎食都夠但個汁既味道唔錯,好惹味!

入到去就即刻見到13蚊個紅腸叉燒懶，唔使諗拉，即刻買，再加杯水，叉燒凍凍地，但都大大舊，紅腸都有四片，吃埋懶粉咁就飽了…

去香工行街，原本想去食豬扒包，但佢無得坐，只有外賣，於是就去對面美心。要了煎蛋肉醬意粉加garlic bread.garlic bread 我唔好，所以成件無食到。個意粉都整得幾求其，意粉只係煮熟之後加茄汁，無焗過...所以口感同味道都打了折扣。隻蛋煎到全熟，無特別。份量不少，女生會食唔晒。呢間食飯時候超多人，買飛同食都要等。

有事要到荔枝角一趟...出到嚟先知原來荔枝角係冇乜嘢可以食...喺荔枝角呢個咁大塵嘅環境加上炎熱天氣...真係有想死嘅感覺冇得揀之下...唯有食美心有個餐係油雞飯+叉燒瀨...$26有嘢飲...好似幾好咁...咁就揀呢個試下啦...女朋友見到我揀呢個...又叫埋同一個...不過叫佢至愛燒鴨...嘩...一見到個餐...個飯同d餸少到冇得再少...仲要一路食...上面一路滴水...有個美心員工一聽到,即刻叫個阿姐印吓d水去...服務態度幾好...不過印完d水過咗冇耐又再滴...正值lunch time,冇位可以調...唯有食完拿拿淋走個飯少成咁...食完都唔夠飽

琴日晏都無食...所以後來就諗住去美心食個下午茶餐﹐貪佢燒臘粉麵餐抵嘛! 去到見到pizza, hotdog, french fries, chicken wings...嘩~ 抵受唔住喇!! 要左個好似係$19既田園pizza跟豆漿。order時已話左要等等﹐咁都好話比你聽等你知同埋咁即係新鮮焗唔係焗完放係到好耐個D喇。等左大概8-10份鐘就有得食﹐都幾細件但好香﹐始終都係岩岩焗起嘛! 個base好脆﹐番茄醬夠多個味香濃帶點酸。有粟米粒﹔波蘿; cheese﹔洋蔥做toppings~正!!! 唯一唔掂當既係個center係凍冰冰既﹐唉~ 教下你地喇﹐學下先叮後焗哩一套藝術嘛。本來係8分既但咁就變左6分幾唔抵呢?

有驚喜~~~因為出奇地好味,細細杯,熱辣辣,食落口,感覺好滑,甜度亦剛剛好.(比起車利哥夫的出品,更好吃!)散叫$10,跟餐+$6,絶對食得過:>

D 服務好好，但食物就唔叫得好好

20050614 7.30pm跟朋友們晚膳兼開夜做o野, 朋友的公司附近食個快.我要o左個鹽焗雞飯套餐. 有碟雞+油彩+中湯+茶+白飯, 鹽焗雞滑又夠入味!!! 湯是雪耳豬骨也很不錯, 超水準地好食wor. $32 咁多o野抵到爛.其他人食咩不予置評, 我無試但睇樣也是很不俗的.只稍嫌呢度冷氣過大.p.s. 同一晚, 附近買了美心蛋糕跟另一個partner 慶祝生日, blueberry cheese cake 味道很是不錯!!!