影片
营业时间
今日营业
10:00 - 23:00
星期一至日
10:00 - 23:00
以上资料只供参考，请与餐厅确认详情
平時我只會食至尊肉乾最肥嗰款。今晚去到舖頭問係咪呢隻最肥？！心諗：好似唔係咁但嗰刻醒唔起，於是就俾店員誤導咗以為嗰款就係最肥，咁當刻至尊係無擺出黎，但店員完全無提及，指住特式至尊話係最肥。。返到屋企終於醒起跟本唔係想要特式至尊囉，你話至尊無貨未整好總好過求其答咗我，搞到我嬲嬲地連買肉乾都要打篇食評 😒然後問我要唔要多個紙袋，問完又好似唔係好想俾，覺得好似阻住佢接下個客咁，就算我買都唔會再喺九龍灣買囉，不愉快經歷 😒
继续阅读
媽媽的朋友好客氣，特意送嚟一樽「美珍香」的金絲卷「美珍香」向來都係質素保證之選，質素也反映在價錢上，充滿期待咁去試呢一款小食，結果都冇失望金絲卷 180g拉環式開蓋設計，夠哂衛生以春卷皮做材料，放上海量肉鬆後捲成外皮超級香脆，咬下時會聽到咔嚓的清脆聲音，鏗鏘有力；肉鬆非常香口，甜跟鹹的比例平衡，調配得宜，非常滋味真係會令人食完一卷又一卷，好難停口雖然價錢真係偏高，不過美珍香出品的確高質，值得再買！！
继续阅读
今日朋友上嚟食飯，買咗美珍香嘅豬肉乾🐖上嚟，好開心🥳！雖然自己好鍾意食，但平時真係比較少會專登買，通常只會係去澳門玩嘅時候，試咗先會買。一打開，大家已經雙眼發光🤩，啲汁好豐富，豬肉乾表面閃閃亮亮的，未食已經流晒口水🤤。好多時食豬肉乾我都會有同一個挑剔，就係汁還汁，肉還肉，外面juicy但裡面乾身。美珍香嘅豬肉乾雖然都有少少🤏🏽哩個問題，但相對之下，已經算十分高質，都叫對得住個價錢。汁好香甜惹味，豬肉乾肉質都幾軟淋。我最驚食到啲好似橡膠會𡁻到牙鉸軟嘅豬肉乾，但美珍香嘅當然無哩個問題。應該會繼續回購！
继续阅读