義香荳腐食品

营业中

休息中

有朋友告訴我，九龍城有很多美食。其中一間就系義香荳腐食品店！！！！尼度格局幾懷舊......佢幫我嗌左野飲同３樣小食黑豆漿：味道清甜，口感幼滑，仲會聞到荳香（哈，系味自家製關系呢）炸豆腐，炸魚蛋，炸腐卜：即叫即炸，冬天襯熱食，正！（魚蛋堅系好食，同埋一碟１０粒既腐卜只系＄７！！？）埋單，３杯黑水同３樣小食都只系４１＄..........下次經過，一定再黎（仲有好多未試....）住系尼頭既街坊真有口福....

晚上約了家人在九龍城區食晚飯,需然已經係晚上五點幾,但...既然嚟得九龍城,當然係要來探吓"義香"的...食物囉~我愛這兒的,不單是食物本身的味道,而是陪著我們成長的"味道"及這店老闆娘的人情味同囡囡叫了一碟三寶 -->>依然的好味~一件蘿蔔糕 -->>又大又厚,味道也沒變~一碗熱豆腐花 -->快要滿瀉的豆花,仲要滑過亞女塊面呢~一杯崩大碗 -->>呢杯飲品,每次來到,我一定叫的,因為,唔係同圍都有得飲, 即使有得飲,那些青草藥味都唔夠呢間好~ 埋單$30蚊,好滿足的離開,當然..下次再來九龍城的話,我仍是會再來的~

九龍城兩間荳品店,我還是鍾情義香.黑豆漿豆香味濃,感覺比白豆漿更為強烈.吃豆花從來愛吃凍多過熱.義香的豆花較為硬身,如果你喜歡澳門李康記,義香一定不是你所愛.但吃下去的感覺,都香滑.煎釀豆腐即煎,還是那句:好難做得差,豆腐外脆內軟,魚肉味道濃郁.豆漿豆花加豆腐,三豆便是一頓晚餐.在九龍城書節上,見到眾年青人,拿自己的家當擺地攤,與朋友拿著木結他,一邊擺檔一邊唱歌.真恨不得遲出生十年八年,去追回昔日青春.但是在義香,對著城寨公園,又有點恨自己為何不是早十年出生,我真的想拿部相機,到九龍城寨行一轉呢.城寨拆卸之時,我剛升中,點識得太多?人就是如此地矛盾.吃完最後一件豆腐之後,放低二十塊錢,步出店外,還是要向前行.

今晚會去「德國啤酒節」所以不想吃午飯，去九龍城行街街， 經過「義香荳腐食品」順道幫襯下。環境老派風格，店舖並沒有什麼裝修，地方細細， 老店感覺..食物 我們叫了豆腐花 - 水準依舊，有荳香煎釀三寶 -青椒、茄子及豆腐，即叫即炸，抵食夾大件 每樣兩件，大大件韮菜餅 -潮洲小食，勁香韮菜味，大家不防一試﹗價錢一般般服務服務可能不是好好 ，街坊老店﹗﹗整體而言：我歡喜的老店味道及感覺。

每次去九龍城都會幫襯呢家小食店‥雖然地方細細... 但好有大家庭的感覺..叫的食物都是即叫即炸..新鮮!服務員蠻不錯，可能人多..手腳會慢一點。燒賣、三寶、米粉都好正~大家不防一試﹗^^

食完西多，黎左呢到食豆腐花，以前讀書果陣食過，印象唔錯的，黎開九龍城，再黎幫襯下。豆腐花，要滑身的，這裡不是，賣點係荳香，荳香跟以前比較是淡了點，不過也可以的。配套係放係枱面既糖，喜歡糖多過糖漿，加埋一齊食，好吃。亦要了荳漿，荳漿的荳味明顯比荳花強，夠凍，不太甜，好吃豈止荳花。要試下三寶，即叫即煎，黎到果陣熱辣辣，油身，一般般的三寶。這裡的荳花荳漿很好很好很好的算不上，但比一般街市賣荳腐的店好是真的。

真係比錢買難受!!!!話說有次去買豆花!!!因為多人排隊!!所以就外賣啦!!!因為我條褲比較緊!!所以難搵錢!!我叫個姐等等!!!點知佢好惡咁鬧我!!買野!!!拎定錢出黎先ma!!!快d拎住啦!!當場火都黎埋!!!d野好食又點!!!咁差服務態度~點好食都無用!!!下次搵鬼幫襯!!!!

岩岩在公和吃完，在週圍轉轉又見到間豆花，好似聽講好味喎，食多碗我都無問題，就入了去，點了黑溝白，涼粉幾彈喎，豆花幾滑，味夠濃，加了個煎釀豆腐，有三舊，即叫即煎，熱辣辣，點醬會好味些。吃了16元，內裡好有家庭感覺，同新潮豆花店比，尼度坐得舒服些。

呢排去親九龍城都會幫襯既小食店! 我愛佢個釀豆卜 - 炸得脆脆! 魚肉夠陳皮味 ($6) 三寶 - 一句已夠形容 "大件夾抵食" 件件都有份量($10) 九菜餅 - 潮洲小食之一, 個皮都好煙UN , 個餡無乜肉好啱KEEP FIT既女仔食 豆付花, 涼粉 - 豆製品世家, 佢既豆花不用詳說了! 一個字"香" !

來這裡吃豆腐花，也會順道叫“腸三寶”吃，這店除了豆製食品是自製之外，連魚蛋和燒賣也是自製的，腸三寶正正有魚蛋和燒賣。不過我不太喜愛吃腸仔，可能炸得比較耐，有點乾的感覺，而魚蛋外層卻炸得非常煙un，細細粒、魚肉唔腥，好好味！店舖並沒有什麼裝修，和我兒時食的環境沒有怎麼轉變，唯一變了的是人多了，食物款式也多了，假日時候通常坐無虛席。基於我家開了派對，專誠買了一磅魚蛋回家，成為40個大洋(都不算便宜)，不過實在好食，貴也值得呢！星期六那日，最快食完的食物，並不是雞翼、南瓜湯、或海鮮等食物，而贏出的就是用油輕炒魚蛋加少許美極已足以令整碟魚蛋一一掃光。不過，我有點不明白的是，為何豆品專門店都會有自制魚蛋呢！

是日無聊走到黎九龍城. 得知哩度有間賣豆品既小店, 特意來買一支豆漿.要左支細既, 但都唔細啦, 都有普通支裝水咁大. 都只係賣$10, 仲要新鮮磨, 唔係豆漿粉, 真係抵飲說來對上一次飲鮮製豆漿都唔知幾時, 依家周街多數都係用豆漿粉開, 飲到已遺忘鮮磨係咩味道.飲下第一口, 嘩... 有朕燶味, 已證明人手泡製. 煮豆煮燶既味.甜度剛好, 不似豆漿粉的過甜.而且飲到最尾係冇渣, 真係一d 渣都冇, 如果係豆漿粉既話我唔會飲最後一啖, 因為粉會刺喉.真係抵飲, 大熱天時的話更佳更解渴

一間自細就有幫趁,但一直都無理叫乜名,係咪好奇怪,又真係講都無人信.約左朋友去粗菜館,時間尚早,係附近行行,見老板娘收檔,但仲有好多野未收, 就要了碗凍豆腐花.先加點黃糖粉,感覺上比阿婆豆腐花粗糙,但食落兩者相差不大.意猶未盡,再加多碗粉絲翅, 不過料唔多,而且係唔係都加麻油,點都幫唔到手,都係一碗豆粉翅始終都係食返豆類食品好 d.

話說我係城塞遺民, 所以番九龍城, 就算只係去去銀行都好, 都一定會去義香食個豆花, 飲個豆漿。好既唔講太多, 大家講晒, 唯獨想講既係衙前塱道特產「韭菜包」,而家叫做韭菜餅, 實際多年前係叫韭菜包, 主要起公園附近有街邊賣, 但而家上左鋪起義香食得到, 實際係人間美點。然而義香所賣既韭菜包不單韭菜少, 皮仲好厚, 煎得唔夠香口。 雖然係咁, 但都值得一試。

十二月廿四日(星期四)看完了亞凡達後,就前往九龍城吃下午茶!時間已經不早了,六時多,還旨他們已經關門,看看openrice,原來直至八時的行了幾個街口就到了!附近的店舖還在做生意,可能是平安夜,已經很少行人了上次來義香,已經九時,冇得吃今次好彩..卡位已經full,唯有坐大檯我們點了黑豆漿拚豆腐花和煎釀豆腐卜來了黑豆漿拚豆腐花,豆腐味道比較淡和甜,豆腐花都算滑,但是我們都覺得深水埗的公和比較好!之後,行快來了...煎釀豆腐..不是卜!就叫一個叔叔來換...他很大聲問不是豆腐咩....我好肯定自己叫豆腐卜,可能他聽漏了一個字,但是他的態度不友善呢.......今時今日這些服務態度...唉!幸好豆腐卜都幾好吃,內裡有汁的!!!推介

I have heard lots of people said the 豆腐花 is very good and I finally went there today. We ordered one cold 豆腐花 and soya milk, and both didn't have any 豆味 but they have burnt taste (燶味) instead. I just don't know why lots of poeple said the豆腐花 is 豆味濃郁, I think is it actually 燶味濃郁. Anyway, the 豆腐花 is not smooth tas well................. so very disappointed. The best 豆腐花 is the one I have tried in Macau still