羽田日本料理 (已結業)

今日自己一個去食lunch，學校喺附近所以平時間唔中都會過嚟食。【環境】環境係乾淨嘅，枱面冇乜污漬店舖算細，當lunch time人多嘅時候，啲枱會拍埋一齊，務求有騰出最多空間，所以會有少少焗促，而且出入極不方便，要店主拉張枱。出到【食物】我點咗個三文魚蟹籽飯（＄48），配飲品，我揀咗蜜桃茶，罐裝飲品冇咩好講啦。三文魚蟹籽飯呢，三文魚都叫舖滿飯面，不過其實每塊三文魚都好薄，好快食曬就淨翻好dry嘅豉油撈飯，食到底得翻咸味，又冇沙津醬

以前都有幫襯過，最近搬返嚟附近再去食下，七點幾食飯時間 ，都差唔多坐滿，環境Ok, 叫左金菇牛肉豆腐鍋幾好味， 天婦羅盛合世天婦羅炸得好脆， 豬軟骨拉麵豬軟骨幾入味湯底唔錯，上菜都算快， 下次會再嚟

一d都唔平既價錢，但全部野都可以又細份又難食，實屬難得。個沙律好似一人份咁，壽司係mini size，d飯係鬆既，仲要有怪味，但咁都夠膽收成八十蚊，樽豉油得返兩滴，四個人分真係高難度，都應該係近年食過最差既街坊日本菜，難怪個位明明都算近大圍站但長期唔full，希望快d換過另一間舖，人地都係返工咁辛苦，收工想食得好d啫....四個人都完全唔飽，回家應該要食返個公仔麵...真係不可一，不可再......

去過呢間餐廳幾次，食物：我同朋友食嘢嘅時候都揀咗呢間食。食物我覺得幾好食。我平時鍾意食天婦羅拉麵，啲湯幾特別，同平時啲餐廳唔同，我朋友覺得有啲似豬骨濃湯。食完之後佢會免費送mochi雪糕（一粒粒嗰啲）。裝修：餐廳啲枱分開兩排，中間係一條走廊，平時我唔係好鍾意係餐廳食嘢，感覺周圍都係人好迫，佢嘅格局令我覺得坐得舒服好多。有不少日本卡通擺設。員工：老闆娘性格比較豪放，唔會好似平時餐廳咁formal跟打招呼，但當然飲食服務會做到足，鍾唔鍾意呢種性格就見仁見智啦，我就覺得冇乜特別大問題。

依間餐廳好似已經開左一段時間琴日終於去試左老板娘態度真係好差明明間餐廳就無人我同朋友兩個人就隨意坐在四人位佢就語氣好差咁話"兩個人就坐二人位啦"(之後其實到埋單都得個兩枱客)間餐廳周圍都係個d孤寒標語咩繁忙時間只限75分鐘用餐咩最低消費咩唔過幾多錢唔可以用信用卡咩繁忙時間又唔可以用信用卡我食完已經識背 因為全部規矩都好鬼顯眼 顯眼過d菜單 :/平心而論 其他小店都有依d規矩我本身都好明白小店生存艱難但係 依間野d服務態度 夾埋d標語真係好有畫面...個d孤鬼寒鋪頭食物既份量同質素 果然不出所料地 少！同差！店員黑面放低d食物46蚊既午餐 d烏冬係最平個隻既水陽酸烏冬d叉燒都合格既個湯麻麻16蚊2件既三文魚壽司lol 真心咁既價 我應該去食元氣d三文魚又薄又無味又細細舊 魚尚 爭鮮都好過佢多多聲之後埋單都繼續黑面 單都無張 睇唔透 點解佢可以生存到lol旺角大把好過佢多聲既誠意偽日本小店 羽田依間野真心無下次 感覺完全唔良好

昨晚和娘親及朋友一起晚餐，一直都好想試吓呢間羽田，本人最先到達，入到去佢竟然問我有冇訂位，我話冇，佢話要等好幾張枱，叫我留電話，心諗有幾巴閉呀！咁好啦，諗住出去行一陣，唔夠5分鐘佢就打返黎話有枱，咁又行返去啦，坐低之後稍為睇睇個餐牌啦，佢連最普通嘅吞拿魚同埋拖羅都冇！d刺身幾十蚊一份得個3片！好啦，等齊人，一共叫咗5樣嘢，4隻生蠔，一份甜蝦刺身，一個海膽手卷，一個素菜湯烏冬同埋一個金菇牛肉sukiyaki! 最先黎嘅海膽手卷，一上枱就知伏已中！一睇顏色就知完全唔新鮮！四隻生蠔完全冇蠔既鮮味，仲要$45一只！個素菜烏冬仲離譜，個湯底根本就係出前一丁海鮮湯麵既湯底，仲要喊到不得了！甜蝦刺身比普通蝦就當甜蝦，問佢仲要死撐話要係甜蝦！五樣嘢之中，得個sukiyaki 係正常！簡直不知所謂！食個五樣野要成4舊幾水！冇良心的小店！呢間野真係可一不可再，你咪真係當人唔識食先得架！！😡😡😡

上網寫食評係人生第一次，因為真係隱唔住亦唔想再有人中伏 本人亦絕無下次呢間所謂嘅日本料理店 食物與賣相真係⋯平民過平民！但價錢就唔平民囉⋯⋯至於份量⋯真係一間十分小家嘅偽日本料理店 作為一間小店真係請你有啲良心啦，離晒譜 食到一肚氣補充一句 網上啲負評係千真萬確 唔再重提 自己👀 後悔入去之前無參考吓食評

大圍差不多間間餐廳在星期日lunch time都要排隊, 唯獨好似呢間仲未坐滿...但因為想食日本野, 又見佢Lunch Menu選擇不少,所以都試下呢度既Lunch啦!我叫了客"金菇牛肉豆腐鍋配白飯", 價錢$58, 星期日要另加一.  等了一會就有得食, 賣相不錯, 牛肉是肥牛, 送上來時有少許還未全熟, 所以即刻浸返落湯底熱熟佢. 三款主角金菇,牛肉,豆腐份量都不少, 尤其是金菇, 有三大梳, 豆腐也有三大件. 豆腐好滑, 肥牛質量都不錯! 鍋底仲有少許粉絲墊底, 都幾豐富!! 湯底都弄得幾好吃, 甜甜地, 雖然都幾油膩 (可能是肥牛關係), 但味道幾香濃的. 至於白飯, 米是珍珠米的, 不知是否正宗日本米, 但我覺得質感麻麻地, 唔太軟熟 有些少硬. 如果碗飯好食些, 這個餐會更好的.服務來說, 店面主要有兩個人, 一個後生的女侍應服務幾好, 幾nice!但另一個似係老闆娘的阿姨年紀的女人就認真麻麻....佢既態度有D趕客..

看門面，很像樣似的。 坐下時，侍應端上一隻透明膠杯。 內有茶包和熱水， 上見心中有點不安。 點了一客鰻魚飯。十分鐘後，上枱了。 似模似樣的。 但食第一口，馬上出事。 口感不像日本米，似是廉價的山東大米。 加上太多汁， 勁咸。 鰻魚的份量也算可以， 但這樣的價錢，質素應該可以好點

見到呢間日餐幾抵食，午餐set都係四十幾蚊一於試下叫左烏冬拼三文魚壽司配zero三文魚壽司有d失望size細細粒，三文魚好薄，唔夠新鮮飯黏黏地，整體好普通，似爭x烏冬就不錯，雖然唔係稻庭烏冬但都夠爽夠彈而湯底夠濃夠熱，但唔會咸加埋椰菜同魚片令成個烏冬都好鮮甜四十幾蚊好合理

今日嘅午餐係吉烈魚柳配拉麵平時食果啲吉烈野都係食炸粉多過乜今次唔同，有種入口即融feel，真係好好味，又唔太鹹拉麵又大大碗，麵身好彈牙，但有一舊痴實左一齊嘅麵團，配埋汽水都係40幾，值牙

又係夜一夜到大圍搵食，呢間好近大圍站，last order時間好似係10點半左右~ 我諗唔係太strict, 因為我臨走見佢準備關但都接埋門口睇緊餐牌的情侶。呢日唔係好餓，純粹陪朋友仔食，佢叫左鰻魚飯，我試左啖，鰻魚好入味，魚質偏爽，作為精髓的鰻魚汁浸透左粒粒大米，唔錯但係令人驚喜的係我的天婦羅蝦&南瓜，表面非常脆又唔會油膩，蝦新鮮彈牙，南瓜軟棉棉，以小店質素黎講非常好食完仲有啲口痕，問呀姐有冇邊款沙律啱二人份，姐姐好誠實，唔會hard sell貴野，叫我地試下芒果蟹子沙律~ 上檯其實擺得好靚，不過我撈左先記得影相。。。芒果比想像中甜，青瓜夠爽脆清新，兩個人食剛剛好~

大圍出名多小店食肆，呢間日式小館距離火車站只有2分鐘路程，今日經過，見到門口個餐牌上既價錢同食品都好似幾吸引，就入左去坐啦。我地3個人就叫左蟹柳拉麵, 雜錦手卷(3件)配蒿麥冷麵同 什錦天婦羅配蒿麥冷麵，每個餐都包一罐可樂。拉麵唔夠熱，只係暖暖地，好似放左好耐先至拎黎俾我地咁。至於D蟹柳浸到好淋，同埋質素仲差過超市牌子果D。手卷雖然有3件，飯已經夠少架啦，魚生更要少得可憐。好彩蒿麥冷麵份量正常返少少，味道都算唔錯，如果可以好似日本咁係個碗下面加碗冰俾我就更加好啦。什錦天婦羅有蕃薯同蝦，可惜炸得唔夠火喉，絕對有進步既空間。每人50幾蚊食呢D質素既野食，都唔算太差既。

到大圍, 有時也不知想吃什麼。只有一小班人的, 吃不了中餐, 沒多少個餸; 大班人的要不是小店容納不下, 就是排長龍。有時, 夾個腸粉, 食個兩個點心又一餐, 還可有什麼好寫好影? 這次沒有特別, 平日近兩點, 來到新斗記旁, 不想入去, 於是見旁邊有家偽日勸小店, 便入去吃吃。老實說, 如在此要求如小山裕久風格的料理, 過份的是我。不過只求一碗港日式大碗飯充饑的話, 我相信還可說上兩句。本來想點的是咖喱飯, 連汽水三十多元。可惜入店已沒咖喱, 就連煎雞排都說要等耐一點。不怕! 即叫即煎更好。大碗飯上桌, 名乎其實的大碗飯, 因只有碗大。飯加雞排還不夠碗的一半深度, 幸好雞排有切成四件。雞皮雖然已分開, 但是皮脆, 雞肉味淡, 但有甜口照燒汁搭夠。飯粒不求是日本米, 但是也煮得太淋。味道上是沒問題的, 只是三十多元, 份量要是吃兩個還差不多。

大圍隨著越來越多的新住宅落成， 對飲食的需求也越來越高， 慢慢有很多新的小店問世， 很像香港島的大坑， 會培養很多食店的新星。 羽田日本料理是大圍的一家老店， 星期五晚的訂位客人特別多，小店的人氣很足， 可見支持者很多。 小菜的選擇很多， 從刺身， 壽司到燒物， 品種很豐富。 值得推薦的是劍魚刺身， 新鮮爽口， 我喜歡劍魚的口感， 好的刺身口感細膩， 鮮味能在口中慢慢融化。 牛舌的香味撲鼻， 又嫩又鮮， 值得試試。 香煎銀雪魚也算做得很出色的，配上香香的色拉醬， 一碗白飯， 一頓滿足的晚餐。 美中總有不足， 當天的赤貝刺身不夠新鮮。沙律的醬太多了， 餃子的油少些會更好。 餐廳的環境不算是高檔， 但感覺很親民， 食物也不錯， 比那些豪華的裝修外表， 但沒有食物靈魂的食店好多了。