翟道翟棉棉冰 (已結業)

係旺角中心行街街，忽然係路中心見到有張枱放滿泰國甜品，原來係一間賣棉棉冰的店鋪，再睇清楚有三種冰，芒果糯米飯棉棉冰、榴槤糯米飯棉棉冰、泰式奶茶紫米棉棉冰。我揀了芒果糯米飯棉棉冰($48)給老婆，而我自己就貓山王奶昔($28)。芒果糯米飯棉棉冰，做型都幾特別，椰漿下見到芒果棉棉冰，內有芒果粒和糯米飯，最下層有威化餅做的甜筒碎，食落似凍食芒果糯米飯，又似食芒果棉棉冰加糯米飯，呢個甜品創意一流，如果棉棉冰內的芒果汁再濃郁些，我會俾100分，現在有90分。貓山王奶昔，榴槤味道唔算濃郁，如果加多小小榴槤肉就好味，現在奶味比較重，飲完都幾飽。值得一提就是在場所見，有好多泰國soda水和椰漿，感覺店主好認真處理好每一個細節，所以更加支持本土小店💪💪💪

去完Bangkok一個多月，對泰國的街頭小吃依然念念不忘。今天特意來到久違的旺中，拾回翟道翟的回憶。 上次來旺中已忘了是多久的事了，這裏好像跟我讀書時期分別不大。一格格的店鋪依然塞滿衣服，像個迷宮。但多了賣食物的區域，走葵廣的路線吧。 翟道翟棉棉冰位於電梯位附近，不在小食區內。雖然被眾衫鋪圍繞，但簡潔的門面一眼就看到。 除了招牌棉棉冰，飲品選擇也有很多。最引人注目的飲品，莫過於綠帽奶昔。XD 泰式糕點也不過是$20，玫瑰花型的椰汁糕賣相很美。還有我最愛的炸蝦片呢。 芒果糯米飯棉棉冰 $48 所有食品／飲品都是即叫即整，所以要花點時間等等。 棉棉冰的份量比想像中大，可以2-3人share。棉花冰超幼滑，芒果味香濃，與面頭的椰奶cream一起吃，味道超夾，更加creamy。 吃到中間便是果肉和糯米飯。芒果肉粒夠甜，而且份量不少，誠意之作。 糯米飯煙煙韌韌，配冰凍、入口即溶的棉棉花吃，層次更豐富。 迷人Pink Lady $28 友人點的Pink Lady賣相也不俗。與坊街的飲品價錢相若。 士多啤梨味奶昔也蠻creamy，很飽肚 XD 我的話反而想試試泰式奶茶奶昔，十但朋友選的我

仲記得中學年代既我，有時放學都去同埋啲同學去旺角行下，食下當時係三樓既抵食雪糕知道依家旺中引入左唔少新既小食店，所以有日就約左個老朋友去視察一下，睇下有咩食先我地見到呢間好似幾吸引啵除左有啲泰式糕點之外，仲有幾款好有泰式風味既棉棉冰見到都有唔少人捧場啵，等我地都買返一款試下先我地最後揀左48蚊既“芒果糯米飯棉棉冰”一齊食鮮黃色既棉棉冰頂層加上純白色既椰漿，就好似一座黃色既小雪山咁，賣相已經好吸引原來唔單止外表吸引，呢杯黃色小雪山都好有内涵啵味道自然既芒果棉棉冰入口細滑，混后埋頂層既濃厚椰漿同內裹既帶有斑蘭香既糯米飯一齊食，感覺真係好似食梗一客香甜又冰涼既芒果糯米飯咁呀而棉棉冰既底部既威化筒同頂層脆身既綠豆邊，連埋一齊食就再將口感提升，加多一重層次感朋友見佢地杯棉棉冰咁唔錯，就話要試埋佢地既飲品“椰子奶”HKd$28佢話杯椰子奶都濃亦唔太甜，不過就無個棉棉冰咁驚喜呢個棉棉冰的確係幾有特色既

It seems Asia has a dizzy array of shaved ice desserts. From Japan to Taiwan to Korea, shaved ice is refreshing on the hot day. Thailand has their own version of shaved ice. Called nam kang sai, it's served on the streets of Thailand where it's just heaps of ice is served on top of various toppings like coconut jelly, jackfruit and candied taro.  All of this is drizzled with a coconut milk or condensed milk.Chatuchak is a place that serves Thai shaved ice. Or at least their version of it. Locate

翟道翟同朋友今日專登去左旺中，除左行街買野之外，仲有個更重要任務，就係要去試一個棉棉之冰!!! 佢唔係一般既棉棉冰，佢係同芒果糯米飯crossover 既棉冰芒果糯米飯!! 佢喺一樓都有幾多唔同既款式揀~~作為芒果糯米飯控，第一時間梗係叫呢個啦!!芒果糯米飯棉棉冰$48超有驚喜! 以為$48 應該都係揸流攤架喇 點知佢竟然超足料! 佢一共有五層layer : 第一層椰漿 中間芒果肉粒 芒果棉棉冰 之後就係糯米 最底仲有粟米片 如果最底既粟米片可以再碎啲 mix埋入糯米飯就正正喇!!!至於另外嘅泰式奶茶$28 就中規中矩係正宗嘅泰式奶茶飲落去甜甜地  感覺唔錯～

終於黎到星期三, 日子過得好慢lunch無咩胃口,去MK中心睇下食咩好, 呢間翟道翟棉棉冰, 好多報紙雜誌有介紹,其實我想食榴槤, 但同事唔中意食, 唯有揀芒果味糯米棉棉冰share一齊食啦個樣好可愛, 影相厄like上面白色係椰汁味, 有D脆脆, 好好味呀, 黃色係冰, D冰硬硬地,好結實,入面有D糯米飯, 又有D芒果, 芒果甜, 最底有一塊餅,唔係好甜, 岩香港人食, 呢度無桌食, 要拎住黎食,兩個人食就最好有其他泰國小食買, 只係$20, 下次有心情先黎再幫襯

話說旺角中心最近有一人龍新站，咁啱又經過旺角一帶，又點可以錯過呢一個機會？幸運地，今天的排隊人龍沒想像的多。除了棉棉冰，還有奶昔、梳打和泰式系列。芒果糯米飯棉棉冰，見到個名，就有疑問，我係叫棉棉冰，點解會有糯米飯？如果係糯米飯的冰，咁又點？所以唔食過，呢啲謎底又點會解開？棉棉冰的上層是一好濃的椰漿，配上芒果味的棉棉冰及芒果粒，而下層就真係是糯米飯和威化雪糕筒。哈哈，真係成個芒果糯米飯咁。味道點？單單椰漿加芒果冰已經好正，再加埋底層的糯米飯的煙韌，既特別又美味。貓山王（奶昔），榴槤一族的我，又點會錯過？一啖飲下，雙眼馬上閃一閃，榴槤味係好足，配上奶味，就好似廣告咁，兩者的味道剛剛好，誰也不多不少。

媽媽去看她的衣服，我去買我的芒果糯米飯棉棉冰。之前我也有看過網上報導關於翟道翟棉棉冰，店主在泰國工作留學時，發現芒果糯米飯棉棉冰，後來更為棉棉冰瘋狂至做兼職偷師，回到香港就開此店。看完報導後我都很想試試看，所以我都把握時間，趁媽媽沉醉看衣服，買杯棉棉冰品嚐一番。這裡除了有棉棉冰賣外，原來還有些泰式糕點，芒果糯米飯和小食售賣。我可是第一次吃到芒果糯米飯棉棉冰，那棉棉冰有別於一般韓式的雪花冰，翟道翟的棉棉冰綿細口感令人著迷。鮮黃色的芒果棉棉冰灑上雪白的椰漿，猶如一座小雪山，外形精緻。芒果口味是可謂泰式風味的經典，棉棉冰有著芒果鮮美甜香的滋味，可不是化學食用色素呢。香醇的椰漿，配上打得綿密的棉棉冰，很難讓人不愛上。不要以為只有棉棉冰，挖到最底可藏著煙韌的白糯米飯和鬆脆的威化，混著吃可意想不到的配合，威化亦沒有軟掉。另外我也買了一杯綠帽給媽媽，只有自己吃棉棉冰有點不為過。綠帽應該是蜜瓜奶? 聽媽媽說的。綠帽冰冰涼涼不死甜，且富淡淡的蜜瓜香氣，入口絲滑，口腔洋溢著蜜瓜甜滋滋的芳香。另外翟道翟也有每月影靚食，請你食棉棉冰活動，我當然也參加一下，碰碰運氣嘛。

估吾到系香港都食到泰國既芒果糯米飯棉棉冰，聽聞老闆系去完泰國既覺得呢樣野幾得意所以就有呢個idea去開舖，翟道翟亦系泰國既其中一個地方，即系真系有呢樣野既存在。而選址位置亦都幾特別，係旺中嘅某一層，睇落去唔係幾起眼，如果唔係人哋講起我都唔會知道呢間小店嘅存在。急不及待到連餐牌都唔記得影😅不過呢間小店除咗芒果糯米飯棉棉冰之外，仲有泰式奶茶紫米棉棉冰同埋榴槤糯米飯棉棉冰，我諗奶茶味都應該幾好食，搵次有機會都想試吓榴槤味就免了，因為我本身係唔食榴槤的期待已久嘅棉棉冰等左10分鐘就有啦，好彩都唔駛等好耐～ 棉棉冰係用一個黑色嘅膠兜裝住，真人睇個份量都幾大，適合兩個人食用。最上面既系椰漿，跟住系好細滑既芒果棉棉冰，食落有啲似椰絲既質地，芒果味好重，撈埋椰漿食都吾會好漏食到尾耳戈層就系糯米飯，口感煙韌但其實本身冇乜味，撈埋啲芒果冰黎食就幾好味幾match最底層系個碗尖端戈個位，系平時食開雪糕新地既cone既碎片，竟然會系咁😅真系估吾到會有呢樣配料。呢個我就覺得同成個棉棉冰吾系幾match，但可能泰國本身系咁整，相比同類型既食材，變左系米通我反而覺得會好啲。

一日放學之後好想食冰所以就去咗旺角行吓點知發現到一間食泰國冰嘅鋪頭所有嘢食都係即場製造你仲可以睇到佢整嘢食嘅過程我呢度都見到幾多人喺度排隊買而且款式都唔少有飲品同埋冰之後我就叫左一個榴槤糯米冰 $58因為我好鍾意食榴槤一開頭見到面嗰層以為係奶蓋其實係一啲椰奶下面果一層就係糯米啦同埋一啲好似麥當勞雪糕筒嘅碎整體來講我覺得幾好食榴槤味好重同埋加啲奶就會加深左個味道而且仲可以撈埋啲飯有啲口感飲品方面我就買咗個 泰 綠帽我覺得個味道好特別有啲似綠箭牌香口膠同埋都好重奶味好好飲

旺角中心食甜品又可以行街買野 買完野咁岩經過有間新開既甜品咪上試下囉 哈 ﹗﹗ 間甜品店新開架 裝修又幾韓FEEL 架WO店面幾令 幾YOUNG擺出來既甜品都好吸引 價錢又平 賣相又好睇我仲買左個芒果棉棉冰燸米飯 仲有D CREAM 係上面TIM呀用來MIX埋一齊食 個棉棉冰既口感真係幾特別唔同係出面食甜品店 比較好食D架價錢又平 我個人覺得特別又好食MIX埋D飯同CREAM 底下燸米飯都幾特別 口感彈牙 唔痴牙底下仲有少少芒果粒 芒果又新鮮又少少酸酸地 都唔錯 我自己仲買左杯野飲ROSE 梳打 幾好飲呀又大大杯 幾十蚊 都OK~ 

早陣子經常見到曼谷的綿綿冰介紹，特別之處是淋在上面的椰漿。在旺中開了間甜品店，賣的正是那個熱爆的綿綿冰。除此之外，還有泰式糕點、蝦片、椰子糖等零食。趁冬天前，來試試。芒果糯米飯棉棉冰向下流的厚稠椰漿特別吸引。冰很鬆，很軟，入口輕如無物，很快融化。味道不重，明明是黃色但沒甚芒果味，好處是不會太甜。上面的椰漿幾香，但不算很濃味，可以更重味，要是加輕微鹹味更好吃。下面有芒果汁和芒果粒，微甜，自然。糯米飯在綿綿冰之下，煙煙韌韌，口感不俗，而且沒有一般芒果糯米飯的很甜。吃到最底，竟然有個雪糕筒，即是麥當勞雪糕的雪糕筒。那威化剪成細塊，本來覺得這個做法挺有趣，後來店員解釋原來粟米片用光，才改以雪糕筒。粟米片味道會較好，薄脆的口感亦會較佳，但少見的雪糕筒的感覺更特別。綠帽這個奶昔用泰式的綠色糖漿調製，把冰打碎，就是泰式珍多冰的味。幾特別，但不算好喝。店員超親切。綿綿冰的確不錯。

之前旺角中心開左一家專食刨冰和泰式飲品的小店。主打全港獨家的芒果糯米飯綿綿冰，店主仲好似喺泰國學過師，難怪未食過同類的甜品啦。難得放假出開去行街，呢間小店一早入左我的to eat list入面！除左冰同飲品，小店仲賣少量泰式糕點和小食！蝦片唔錯，係一個好邪惡的小食！到主角出場了！這款泰式芒果糯米飯綿綿冰都好有驚喜。芒果唔係死甜，而且中間夾左少少芒果肉，好甜，係自然的甜。而另外中間的糯米飯食，芒果刨冰綿綿的，椰子忌廉幼滑，仲好有心機咁吱上冰面，好似一朵花咁。放心，味甜清甜，同糯米飯真係好夾。面頭還有烘膿左的糯米飯，都幾有心機，所以一個人KO絕對無難度！影完靚相記得唔好嘥，upload instagram仲有機會免費食多次。咁嘅機會，一定要好好把握下😳正評係比有心思的小店，全港獨家的泰式冰！仲有泰式奶茶冰，下次掃街試埋先！

呢間芒果冰一開既時候已經好想食，曾經太早黎而摸門釘，今次醒左下晝三點先到確保開左門同有糯米飯~好後生既店主落力地整一個又一個刨冰，因為每個都份量十足，所以製作需時。我同朋友點完芒果冰都等左差不多5分鐘先有，可以一直睇刨冰既製作過程！芒果冰表面除左有滿滿既芒果汁同椰子醬，內裡仲有芒果肉同糯米飯。芒果汁唔會太甜，味道清甜，上面既椰子醬同糯米飯好夾，食落煙軔。行街街食番個清涼又飽肚！Post 相仲有機會賺多杯冰！

平時很多朋友都會去泰國旅行，最近常常看到的是芒果糯米飯刨冰，那可愛的造型超級吸引，不過怎可以為一道冰飛去泰國？最近發現原來旺中開了一間泰國口味冰店，就有芒果糯米飯綿綿冰！泰國去不了，旺角總可以吧!朝思暮想的冰，造型Qq芒果冰底下有新鮮又甜的芒果，軟熟的糯米飯，最底還有威化，層次多愈食愈驚喜！而且頂部的椰漿有點像奶蓋，椰味得來又滑，沒有辜負我的期望另外點了個椰子奶奶昔，大大杯，夠滑身，味道如果更濃會更好