翠園

营业中

休息中

將軍澳Popcorn翠園開左業一段時間都未有機物去高, 今日同爸媽, 細佬, 老婆浩浩蕩蕩試試佢嘅晚餐.😁之前係銅鑼灣, 太子嘅翠園都食過, d野食水準都好好, 不過今晚試將軍澳呢間感覺好似遜色左少少😔我地訂左星期日7點食, 人好多, 枱嘅擺位比其他翠園迫🙈飲飽食醉後, 係翠園入面食埋蛋糕慶祝🎉🎉係翠園如果買美心集團旗下嘅餅店蛋糕去免切餅費👍👍菜普普通通😶一般唔特出美心集團買嘅蛋糕免切餅費呢個唔錯👍魚幾好, 唔會太熟👍呢個味道濃左少少烏冬個汁吸左龍蝦味好食😋

以前細個唔識多數同爸爸媽媽到屋邨附近的洒樓飲茶。而家人大左，都想食得舒服食得有質數d.自從popcorn開左翠園之後，每星期都到這裡飲茶。先講侍应服務一流，有求必應，都好快手。點心夠熱亦十分精緻，不是粗製濫造。必叫的是燒腩仔，皮夠脆，肉質鮮嫩！另外亦会叫蛋撻仔，很少茶樓有曲奇皮夠脆，蛋漿亦很豐富。唯一一個要挑剔就係此洒樓不包括-在商場食肆泊車優惠之一。

The food is not going to impress you, but it is ok. The environment is not nice, but not bad enough to stop you from getting in. The managers and most of the staff seems ok, but the waitress taking care of my table is awful. Her attitude is arrogant, always seems to be busy with things that are not in the interest of my table....The way she acts is really disappointing...

新年同屋企人去翠園開年，第一次帶男友同屋企人出去食飯，原本應該一家人開開心心，點知撞到個態度差嘅侍應，舉手叫佢幾次，望一望，都唔過來，請佢幫手影張相，話好忙，真係乜嘢態度？而家做餐廳包影相梗咖啦！就算喺街三九唔識七叫我幫手影我都會幫啦，何況做服務業、做餐飲？而且明明佢無做緊嘢，反而其他侍應傳緊菜。隔離枱見狀反而自動話幫手影，慶幸呢個世界仲有好心人。新年流流，我都唔想掃興，所以都無話佢，不過呢度真係要呻一呻，話晒第一張屋企同男友合照。講返啲嘢食先。美心集團，出品係唔錯。我食過好多次，屋企附近呢間都已經食過。鮮蝦帶子豆腐羹 - 清清哋，ok。燒腩仔 - 真係好好味，好脆。讚！推介！鮮菌炒翡翠苗 - 清清哋、爽口。糯米蒸虎蝦 - 兩隻虎蝦開邊4份，加糯米飯蒸，入晒味，好好食。一品砂鍋飯 - 濕炒飯，ok。士多啤梨脆肉排 - 粉少，肉厚，雖然細粒，但士多啤梨味好入味，好咬口。

中午去翠園lunch先，真係枱枱爆滿，好彩都有張細枱坐。茶具都幾精緻，前菜就有酸菜花生($13)，加$12一位茶介。用高身碟盛載脆皮燒腩仔($68)，感覺優雅。燒腩仔肉質嫩滑，肉的層次分明，也不會太肥太瘦，恰到好處，溶化係口入面，而燒肉皮十分鬆脆。京葱煎烹胡椒包($30)原來幾好味喎，有別於一般飲茶的點心。包質感良口，好鬆軟帶少少實的感覺，肉包餡料亦非常味美，若連包底的京葱一齊食，美味無窮！鮮蝦腸粉($34)達到水準，大大隻爽口彈牙的蝦和滑lu lu的粉皮，“咕”一聲就吞左！叉燒瀨粉($38)也不俗，叉燒味道稍為淡左D，但係肉質唔錯，幾香。瀨粉都好Q彈。富有濃郁杏仁香味的仙翁杏仁茶（$23)，幾時都咁適合進補，仙翁有嚼勁，不再是蛋白配，幾特別。食左咁優質的食物，賣相亦很精美，成餐飯都好享受。

都說新年假期想要搵位飲茶難，所以就拖到初四先同親友一齊飲茶，就近選擇了環境菜品價位都較好的翠園。本以為連鎖酒店的點心味道也會麻麻，但估唔到翠園有驚喜喔以下就愛小妹喜愛順序列出當天被我地消滅的點心！其實平時好少能吃到（會點）豬腳薑，但是真的唔錯喔雖然小妹不愛食豬腳，但是滷蛋甜薑幾乎被我消滅光～呢款就唔可以算係傳統點心，係酥皮湯同春卷既crossover～不過！酥皮夠脆春卷點龍蝦湯又索汁～只是太邪惡啦流沙奶黃包永遠都不會錯！！黃金蝦既外殼係層層芋絲！甜鹹搭配唔會唔夾～菠菜帶子粉粿（好似係）蠻清淡的這是高貴版既煎釀三寶剩下既叉燒包鯪魚球蝦餃燒賣屬於中上水平～不過勝在性價比高！！食完埋單五人不用五百！！簡直業界良心以後一定常來光顧

類似的菜式內容像是永恆，真的數不出吃過多少次這樣的菜式，出自多少個不同廚師，來自多少大小酒家食府。心中像是想說句：厭嗎？    但是卻湧現出數不清的溫馨場面：婚禮、壽宴、團年、春茗.......  原來這是粵菜喜慶菜單。那天晚上吃得很高慶是重點。

今晚約咗朋友喺PopCorn食晚飯，諗嚟諗去，睇嚟睇去，都唔知食乜好，突然朋友建議去翠園食番餐。哈哈，兩條麻甩佬，竟然唔係食茶記，而係去酒樓，無他，因為可以慢慢座。涼拌海哲螺片（伴黃芥末），螺片爽口彈牙，不過海哲的數量真係少到數得出，反而青瓜成功攞到配角獎，有點失望。蜜汁叉燒皇，翠園的叉燒真係可與其他的店一併高低，選料肥瘦適中，不太膩，又不太韌，配上叉燒汁，送飯絕對Perfect Match！！花菇紅燒豆腐，不過不失的一道菜，唯一可讚的是花菇夠大粒。

我每次來翠園飲茶一定叫白花魚肚，好多魚肚，湯好濃抵食那天叫胡椒包，以前食過台灣胡椒包，好香濃胡椒味，雖然這裏胡椒味唔是太濃，但在這裡食到，都滿足。煎芋頭禚，又是抵是，雖然臘味不夠，三件厚身，而芋頭攪爛溶入粉裏，ok.

其實唔好記得個真實名，本人對豬肘無好感，又肥又膹，見到都有壓迫感，今次令我改觀，細細㷛，熱噴噴，是肥，但香，皮肉有少少焦焦，肉質香軟，洋葱墊底，㷛底全油5cm深，唔係怕肥，我會食晒洋葱其他小菜~鐵板蜜汁义燒卻太少蜜豆，生魚片卷~白果，最喜歡食，芥蘭切去菜葉，只食莖，好爽口及甜，但幾浪費；翠塘豆腐，厭豆腐似玉子豆腐，唔似白色豆腐。整體質素是中上，翠園食物是有保証及有信心。

"有集團的食物質素,缺集團的服務態度",正好形容今天的翠園,近月前後光顧過星光行和Popcorn分店,均有著以上感覺.翠園從來給我印象頗佳,尤其星光行臨窗位置可遠眺維港景色,几明窗淨,食物又穩妥,跟外國朋友前來,大多讚嘆一番.時隔數載竟全然不同,雖則維港依在,食物款式多了懷舊系列,不過原來"人"的關係影響最大,一新一舊兩店均明顯服務員水平不夠,人手又不足,頻現亂象,甩單,投訴之聲此始起彼落.Popcorn店開業年多,裝潢不賴,近入口房間有點酒店lounge氣派,亦因為桌子不多較為清靜.是次幸運地安排至房間靠玻璃位置,避開了中庭的混亂:不論茶壼添加熱水,索取辣椒醬,或清走桌上空碗碟都要候上多時,而員工態度像是臨時拉伕木無表情,很不爽似的..生活很是迫人吧?!既然坐得好位置,而負責房間的侍應姐姐看得出是有經驗,努力迎合各枱顧客需要..點過茶選了數個點心,蝦餃,蘿蔔糕,XO醬煎腸粉,义燒包和鑊仔煎釀三寶.首先想稱讚這𥚃的鉄觀音很是不錯,茶香四溢,入喉回甘.食物方面,美心蘿蔔糕一貫水平,不用多作解説;而XO醬腸粉雖然有點肥膩,不過十分惹味;蝦餃則皮不算薄可是饀料蝦肉夠彈牙;傳統义燒包則一般而已

將軍澳翠園區內粵菜不多，翠園食物水準不錯， 美心集團的粵菜不是頂尖的， 但菜單、菜式、用料等各方面水準應算是中上之作，此食店用餐地方不大，左右各有二個房間作私人宴客之用，還有一個類似西餐廳的地方供食客選擇，裝修頗用心。最大的敗點是：侍應大多是手忙腳亂的新手，其實毎個行業均有新手，讓新手慢慢磨練，提高服務水準是客人應有的涵養。可惜等了又等，近八成以上的侍應仍是進步不大，最惡劣的是：服務態度比屋邨酒樓更差，不理不啋、明明見到客人招手卻扭頭速遁，甚至惡聲惡氣地回應食客，令人失望😓😓😓

碟頭細。味道不好。服務態度超差。人手嚴重不足。沒有泊車優惠。飯後最後叫咗三疏乎里甜品。等咗半個鍾。最後在沒有通知下嚟得一個疏乎里。夠膽死同我地講冇貨。唔好意思都冇句就話同我地取消另外個二個。我跟住同佢講我而家連呢個都要取消埋。唔食啦。差！差！差？？

我係住係附近的食客每次黎食都會落完單之後無哂貨，漏單，同埋嚴重唔夠人手翠園系列應該搵唔到一間比呢到更差食物質素普通，完全無服務質素可言，就算用埋信用卡折扣都完全唔抵幫襯....

一行 15 人 gathering，要搵間可以坐得晒我地咁多人又可以一齊傾到計既地方除左酒樓，都諗唔到有咩其他地方，因為好多都要長枱咁坐。朋友食過另一間翠園話幾好，於是今次幫襯將軍澳呢間！今次我地散叫，但全部都係好細碟，最離譜係碟炒雜菜，完全同白烚無分別，連蒜頭或薑都無舊，仲要得三幾條菜心，幾件翠玉瓜同幾條蜜糖豆就叫做一碟，去茶記食碟油菜都仲多過佢呢碟！個碟咕嚕肉又係得三幾舊肉，大部份都係啲三色蕉同菠蘿，唯一可取既係佢俾新鮮菠蘿你而唔係罐頭個種！由於啲份量實在太細，所以並未有每碟都食到.... 人多的 gathering 真係唔好揀呢到. 除非你每款叫 double.