翠園 (新城市廣場一期)

营业中

休息中

最開心就係一家人一齊食野飯😍前排去左沙田美心食「老點家老菜」美心既中菜真係冇得彈服務又好講下食左咩先 一共7樣野😋😋😋 #懷舊蝦籽腐皮卷 -仔細食下個腐皮卷，會食到蝦籽香味#椒鹽百花釀吊片 - 勁惹味😍啲魷魚入面仲夾住蝦膠，加埋啲乾蒜🙈流晒口水#鼎湖上素冬瓜盅 -未食過咁多料既冬瓜盅👍，勁解渴， 仲要勁大個#鮮味清湯全鵝鍋 -超好食🤤🤤 一啲都唔騷， 又唔韌#生扣龍串鳳翼球 -無骨嫁🤣啖啖肉#三蝦啫啫蕹菜梗 -又係好香口😋😋#巧製茶居芝麻卷 - 最後食返個甜品岩岩好依餐真係好鬼正野食好特別 同平時食開既中菜比你會發現依餐既餸菜係用左好多心機整一定會再去食過❤️❤️❤️ 🎉🎉依家用滙豐信用卡專享「老點家老菜」85折優惠#老點家老菜 #美心中菜 #maximschinese #翠園

是日放婆婆假😝，即係我地三代一齊外出晚飯嘅好時間。要就到各人口味，中菜係最安全選擇🍚。 我地去咗嘅 #沙田嘅 #翠園，婆婆話想懷舊下，所以我地叫咗「 #老點家老菜」套餐，睇下係真. 懷舊 定 老點嘅🤣李澄一見到 #椒鹽百花釀吊片 🍤 就急不及待，要用手攞住食，蝦膠包住吊片炸過，好彈牙，食到澄兄要 encore 😬 其實，媽媽以前都好鍾意食類似嘅蟹鉗🙈 而家要讓多啲俾囝囝食啦。..婆婆鍾意 #鼎湖上素冬瓜盅 🍄，有外表有內涵，竹笙、冬菇、草菇等豐富材料，雖然係素盅，但都好鮮甜，個個都飲2碗😌 原個冬瓜盅上，仲係呃like好時機🤳🏻。..重口味公公就最鍾意 #鮮味清湯全鵝鍋 🦢，呢個鍋好香，白蘿蔔吸收曬鵝湯味，連汁送飯一流。 .湜澄媽最欣賞 #生扣龍串鳳翼球 🐔，去骨雞翼釀入紅蘿蔔同火腿，啱曬我邊食邊照顧湜弟，一啖可以食到唔同料。湜弟都有份食... 伴碟嘅西蘭花🥦 .#三蝦啫啫蕹菜梗 🥬 好惹味，仲好有大牌檔風味，就好似細個去街邊食飯嘅味道！甜品係好似菲林嘅 #巧製茶居芝麻卷 🎞️，好香芝麻味，又唔太甜，爽口軟滑，每層厚度適中，難怪湜弟見到都想食，澄兄自己食曬一整條 🤣 BTW，澄兄唔知

知道早前裝修，剛好放假就同家人一齊歎茶，不過去到已經接近三點半，食物種類越來越少，只是畫了兩款點心(蝦餃丶煎蘿蔔糕)，另外在點心車叫左兩款點心(百花釀魚肚丶蠔油鮮竹卷)，食到4點幾左右，已經一架點心車都沒有😔。仲較暗燈光，想趕客走。今次鮮竹卷唔好食，好實。所以兩個人淨係食左4個點心，只好再去第二度再食過。

完全離譜一間酒樓，居然全場冇冷氣，有冇搞錯。拿完飛後，進入酒樓已覺得很焗，再望四周，為什麼會有風扇，然後問侍應；他說冷氣機壞了很久，我也想辭工，不做。真係熱死。你望吓我流晒大汗，我見到他們也很辛苦，有些經理也要着長袖恤衫西裝，工作真的熱死，他們一間有名氣的酒樓，為什麼不會在接待處，寫明酒樓冷氣壞了，或接侍員説明一切。可以讓市民選擇飲茶與否，入了去坐下才發覺，可以怎樣做。食了不足一小時，已經頂不住，走人。完全離譜。在場很多食客也要用紙張當扇撥。三個人食了四碟點心，走人。熱到根本有美食，也食不下。

D工作人員服務態度欠佳，我張order30 分鐘前落，佢20分鐘後先同我落，仲夠膽講5分鐘前先入機咋wor, 咁大道理話我催佢地？ 依家係咁樣做野架嘛？我真係好不滿！

今天同屋企人去飲茶，之前已經於Apps 度攞左枱，所以不用等太耐位。誰知道入到去，D枱迫到不得了，又無乜冷氣。全部客人都用D點菜紙潑涼！熱到出汗！大家去呢度飲茶要諗諗！😓😓😓😓😓😓😓😓😓😓😓

傳統大集團中菜，水準唔會差得去邊，所以約家中兩大長老吃晚飯，都係去間穩陣啲既好四人行，為左唔駛思考就問侍應有咩信用咭套餐，於是就揀左個信用咭四人餐，有1. 叉燒拼海折 （味道正常）2. 菜蓉蟹肉更 （味道幾好，菜似係翡翠苗)3. 肥牛粉絲煲 （味道正常）4. 白灼象扙蚌 （味道正常）5. 蝦球炸鮮奶 （味覺幾好）6. 紅豆沙 （味道幾好，長老話好味）白飯要另叫，茶介加一加哂之後，人頭費200多啲。ok la.....要係最繁忙既沙田，唔計時咁食餐安樂茶飯

今天假期前夕，也跟多人，要叫平時少吃的點心蔥花炸両，熱辣辣新鮮腸粉，皮嫩滑，初嘗不錯，腐皮炸蝦卷，新鮮，熱辣出來，我tick 點心紙叫，見侍應拿住五六碟出來，熱辣辣，皮也脆卜卜炸雲吞，必叫，但好似越來越細隻，云吞也沒有什麼餡料雞絲粉卷，腸粉皮真是滑脫脫，不錯

我的至愛，蟹子小賣，熱熱辣辣不錯炸雲吞，必叫必食。媽媽至❤️⋯⋯脆卜人煎腸粉，加埋甜醬辣醬花生醬，認真野味蘿蔔糕，煎得冇咁靚百花釀魚肚，白雪雪，白白滑滑。千層糕，今次翠苑食，好好多。雖然也沒有N年前舊式咁野味，懷舊

女人八婆聚會居然美心集團有孖寶吃。孖寶有龍蝦尾伊麵，伊麵底軟淋淋，龍蝦也容易剝落。雞加蒽油汁一絕，令干巴巴的雞加蒽油，充滿活力海蝦大良炒鮮奶，清清地，蛋白加鮮奶很配，蝦就干巴巴了鮮淮山蘆筍炒螺片，清清淡淡，估不到鮮淮山也很爽口好飽了，只好大家一冋分享甜品，甜甜地，開心開心。蛋白杏仁茶內含豐富的蛋白，加杏仁非常好吃加銀耳萬壽果也很美味。

黎到, 親友門已點了套餐, 有兩jar橙汁跟, 咁好自然會拎啲玻璃杯黎! 嘩!!! 好精彩!未試過去一間都叫有名有姓既酒樓時,啲野係污糟到咁!!! 係咪以為係污漬,洗唔甩呢?!因為我要求換杯時,個伙記都係咁講,而我出聲話,唔好意思,真係污糟,佢就話係咁,唔會甩,我話會嫁,佢就答,係咁嫁啦!!嘩!!個人開心到呢!!再睇下張相!!輕輕一抹。。。呢個仲要唔係最污糟嗰隻,嗰隻我唔想掂!認真,食物唔差既,絕2食得入口,但衛生同侍應態度好得人驚!

老友記茶聚，享用推車仔點心，感覺那些年的茶樓情懷。煎芋頭糕$21，夠粉有竽香。煎腸粉$30，煎得香又熱騰騰。煎釀青椒$30，三色煎釀西椒，魚蓉多粉漿。粥$30，粥底杰撻撻似BB糊仔。鳳爪排骨飯$45，飯夠熱，鳳爪排骨味道尚可。百花釀魚肚$33，是日最美味點心。雞包仔$30，有肉汁，唔錯（冇影相）。芝麻卷$27，很特別的口感；挺不錯，拉開筒菲林睇吓，有些像網紋，有別一般略厚身的芝麻卷。茶位$16，我地三個女人如一個墟，上午10點鐘傾到3點鐘，好抵飲。

下雨天，無街遊，唯有一家人飲啖茶，食個二粒的鮑魚小賣，47 元，加埋一，五十一了，貴價，味道又不錯。再來一個帶子菜苗餃，帶子細細粒，易入口飲啖茶，再等下下一碟點心好肚餓呀，叫了一碗乳豬飯，但是乳豬，差差差。唔脆，冧，又沒有肉，棉花🦐，爽口雞絲粉卷，細細條，爽口。煎腸粉，恰到好處，弄弄地。整挴子蒸排骨，豆卜入味，但是排骨差少少。甜品時間，我最愛黑芝麻卷，濃濃郁郁黑芝麻。加超甜炸卜卜

去沙田買完眼鏡。中午肚餓搵野食。5個人想慢慢食傾下計。揾左翠園。等左15分中埋位。點心款式好多。嗌左10碟點心。例如鮮蝦燒賣。蝦爽口肉鲜美。唔錯。仲有好多都好精致。埋單才5百元。好抵食。坐得又舒服。下次介绍家人再飲茶

今日趁未到中午飯市，緊係去飲個茶，講真第一次去沙田翠園，以為都係劃飛揀野食，原來主要係推車仔，推車仔好有懷舊feel,估唔到翠園有，每當推車仔阿姐過黎，都有一種神秘感，唔知佢會推咩野食過黎，好有童年feel...價錢又唔貴。。。抵食