翠園 (新城市廣場一期)

营业中

休息中

呢間野垃圾到爆，隔離張六人枱，坐10個人，都唔知門囗點叫飛最離譜就係好多人走後門唔排隊.......明明翠園應該係 tick點心紙，呢問就推點心車......我比貴D$，係想要好D service呀！！！對翠園印象完全改觀了

「有朋自遠方來，不亦樂乎」，大家相约係沙田購物，然後開開心心食晚餐，見到呢間酒樓推出「片皮鴨響螺花膠吉品鮑魚宴 」信用卡優惠餐，12位唔駛3千元，睇落都幾抵，7道菜1個湯有餐前飲品又有甜品， 就坐低點呢個餐啦！各人先來1杯橙汁，開開胃先！麽麽皮+片皮鴨韭黃炒花枝片，炒得好香口！豉油皇焗原隻吉品鮑魚， 今晚焦點所在， 呢個煮法夠特別， 好出色， 個個讚口不絕！百花釀油條伴芥末胡麻醬， 加入芥末好創新 ，大家睇吓邊個食到內裡多芥末先， 呢度菜增加歡樂氣氛。清蒸沙巴花尾躉， 條魚好大條， 啖啖肉， 夠晒鮮味！藜麥蟲草花浸時蔬， 大大碟，味道清新。涼瓜炆鴨件， 非常惹味！響螺菜膽花膠煲， 夠曬滋補， 材料十足。 餐後一碗紅豆沙， 食完甜甜蜜蜜。大家邊說邊食， 歡樂時光特別快，6時入座8時要交枱，食完飽飽再去逛逛店舖，有助消化。

等候时间耐，特别系中大台，叫号的时候不满半数并且过号后，满半数后就能插队，完全唔按规定叫号。特别系前台负责叫号，叫may噶，对熟悉的人态度好好，对不熟悉的人态度冷淡，甚至发脾气

沙田有幾多選擇，都係嗰幾間。呢編食評主要是呢一次的體驗。幾個星期前去食晚飯，坐得舒舒服服，食物又唔錯。所以琴晚又約咗親戚去試佢個優惠。上到去原來有幾家人擺酒，要由橫門入去，今次座位空間細小咗。無法啦。點餐叫咗上次個套餐(六人餐)加個孖寶(龍蝦伊麵+雞一隻)。無耐樓面返轉頭話兩個優惠只可以二選一。最後改咗要另一個六人龍蝦套餐加兩個餸菜。(我地八個人）第一道菜上枱，我地就叫可唔可以上咗個荷葉飯先，唔想叫白飯食完又食個荷葉飯⋯⋯ 龍蝦伊麵上枱，咪食住先，個上湯好清，應該無加味精，無雞無火腿亦無鹽去煮出嚟的滾水燙伊麵，重點係碎上。個燕窩羮都唔失色，夠白，一樣都係無乜調味。好過個伊麵的。其他雞呀炸蟹鉗⋯⋯都算可以，不過不失。大大話話都食咗七道餸菜⋯⋯ 個荷葉飯呢？ 追佢就攞出嚟，可惜係凍咗嘅。要番叮。好喇，終於有得食飯。點知就係你，推動我寫呢編食評。有人擺飲宴要坐板間房，訂枱你唔提，無所謂。兩個優惠，唔可以同時享用，亦明白。樓面去晒做飲宴，忙，叫咗汽水無咗回事，個飯無人手攞出嚟放到凍咗，我都明。但一間收$24罐汽水，兩碟前菜百幾蚊的酒樓，點解出品咁低裝？米好貴咩？碟荷葉飯要用d荷葉放係碟中間，頂

約老友食飯吹水，最好不過去叫餸食飯，可以坐耐點！因為得二個人，叫啲精的食物响螺焗蟹肉，入面好多料，抵食！👍仲有叫左半隻炸雞，及鍋巴銀雪魚，上面甜酸銀雪魚用鍋巴墊底，但鍋巴仲好脆好開心咁吹了一個晚上的水，肚子又填得飽飽的！😊

昨天晚上，在沙田新城市廣場 翠園 ，和太太二人晚飯， 席間叫了一道 四分一隻糯米豬， 因看了圖片， 賣相還不錯， 但到了上菜的時候，吃了一口，便覺得極為失望，首先乳豬皮不脆，是韌皮的，明顯不是新鮮嬈出來，是擺了一段時間再翻熱的，跟住再看乳豬全都是肥膏，沒有一點肉， 整碟餸 是港幣190元，有六件。 乳豬皮 根本食不下去 ，只用190元食六小件糯米，非常之不值，失望！

今早星期日大清早起咗身，突有興緻同爸媽一起去翠園飲早茶。 上到去8點幾已有十幾人在等位中，等了15分鐘左右就有位。 但入到去要自己去找枱號，冇人主動帶位。 點心質素也幾好，而且有懷舊點心車推來推去，但係來來去去也是那四架點心車。 不過坐位真的太迫，枱同枱之間根本沒有空間，要大家互相遷就凹凸位坐。 食完的點心碟清得十分快，但就算打開了壺蓋，也沒有人來添加熱水。食物味道就算幾好，也需要服務水平方面配合，才可令人感到物有所值。义燒包豆苗餃內有有2件有蝦，有1件竟然漏咗冇蝦。雞包仔鳯瓜幾肥美

第一次呢度飲茶，好鬼多人。美心集團啲酒樓都仲見啲推車仔賣點心，都幾盞鬼，無乜酒樓保留推車仔lu. 雖然今日勁多人，不過啲經理，點心呀姐，侍應都keep到有禮貌又笑笑口喎！EQ都幾高點心叫咗1) 帶子腸粉: 已經下午兩點，不要求咁高2) 鼓汁鳳爪: 未係最好未级數3) 牛栢葉: 幾好味4) 南瓜馬拉糕: 好味5) 炸雲吞: 脆卜卜，又係正燒味6) 燒鵝例牌: 例牌比翼嗰忽，鞋到不得之了，肉又黑黑地見到另有餐牌係星洲嘢，叫咗兩款奶哂嘢7)鹵水什: 有豬粉腸，豬手，豆腐，no gd8)老巴刹肉脞麵: 幅相影得好，見真身就凉一截，食兩啖，淡得很，豬肝鞋得很，成碗失敗得很呢度服務同點心都可以嘅，叫其它嘢就咪攪差啲唔記得，我坐張枱，其中一張櫈底有埋排骨飯，即時提呀姐執走佢，啲人點飲茶嘅，倒瀉小事啫，叫人執囉，側側膊閃咗去

難得諗住平日lunchtim約埋屋企人去飲茶。諗住試下翠園。。雖然好多分店但未食過。。但絕對超後悔！浪費時間同金錢嘅一餐lunch雖然少有酒樓仲有推車仔嘅特式，但呢度唔要好過要。。姐姐推極都係果幾款點心。。諗住寫紙落單啦，但寫左勁耐先有得部分點心黎到。。遲黎都算，仲要喺凍嘅！凍點心真係未食過！好快食完冇野食淨係等。。吹完再吹。。又理人。。啲侍應服務態度好差，掛住傾計，又唔加茶。。做唔到野又黑口黑面咁下次絕對唔再去翠園任何一間分店。 未試過一間大牌子但又貴又難食服務又差嘅酒樓飲茶。。仲要食左$420 3個唔大食嘅成人

沙田篇🇭🇰☺️🍳鐵板叉燒🐷🍯今次晚上去食🙈聽說黎到的叉燒唔錯就叫了一碟☺️特別在用鐵板上菜☺️都是熱辣辣的🔥叉燒用厚厚的蜜汁🍯甜甜的😋叉燒薄切帶點肥膏😈超級邪惡份量就小咗D😅$1xx少過十塊🤔...係好味但不過就有點貴💸Overall: 7/10

上星期，喺沙田一行四人睇完戲，就去左翠園飲茶！食物既選擇都幾特別，不同於其他酒樓，有懷舊食品，也有新款甜點！鵪鶉蛋燒賣，已經好少酒樓有的，因為比較花工夫！飲得出，有花心機煲的湯，配料十足！呢個亦值得推薦食的（錦鹵炸雲吞），主角係即煮酸甜汁，酸梅主製，即炸脆皮，舊式的製作方法👍🏻👍🏻

翠園大部分嘅點心都係要等姐姐推車仔到你枱附近先見到，佢係無點心紙睇到的。第一樣見到土魷兩個字，已經知朋友會叫，魷魚就是他生命般。咖哩香濃不帶辣，魷魚入味軟彈。跟住點咗個好耐無食嘅炸蟹鉗，蟹鉗肉細到手指尾指甲咁，外皮係脆的，包住蝦同肥豬肉混合嘅軟膠，夠味但質咸軟散。個姐姐係咁叫我試柚皮，退而求其次叫咗鴨掌柚皮，仲叫埋鳳爪。兩樣嘅缺點都係紋得未夠淋，但味道係夠的。柚皮七成入味，口感唔淋。最後叫咗蒸蘿蔔糕，軟綿帶條條蘿蔔絲口感，配料亦足夠，還好。

在新城市廣場，由N年前同系的美心開始，到現在的翠園，相信是不少沙田友的集體回憶。碰巧家人聚腳，說有信用咭新優惠套餐，又即管試下。週六晚坐冇虛席，人齊即上菜:1. 冬瓜盅: 用料算新鮮，味道比較清2. 黑椒珍珠爆雞球: 算是惹味，但翠肉瓜有苦味3. 芝士上湯焗大花蝦: 算是好食的一道菜，花蝦大隻，唯伊麵少D4. 蒸原隻吉品鮑魚: 完全冇味，似湯渣多D，好明顯鮑魚殼只是裝飾，不是原身鮑魚。5. 金衣花枝球: 冇味，又靭6. 瑤柱杞子菜苗: 味淡普通7. 蠔皇鮑螺片: 大路貨色，no comment8. 黑白胡椒雞: 隻雞好似浸咗好耐，D雞肉上碟時已幾乎散晒，而且完全食唔出胡椒味，雞肉好"鞋"。9. 椰香芒果凍: 夠凍，果肉多，ok la服務嘛....只能用"亂嘈嘈"來形容。套餐點啤酒黎咗橙汁，甜品追咗四次才送來。最攪笑係食完晒收晒碗筷先發現仲有半壺冬瓜盅未分，又要再開過D湯碗再分過。千零蚊唔算貴，但冇性價比可言，食物質素及服務甚至比街坊酒樓還差一截。

本人好少去美心集團旗下幫櫬、名不符實！收咁貴嘅價錢、竟然比啲垃圾級別食物！垃圾級別招呼！食到想嘔絕對唔會再去美心集團！只係淨係識搵錢！好失望😞x10000、垃圾之王！

昨晚與2友人在沙田翠園晚飯。落單時，女侍應心不在焉，講了好幾次要點的菜，仍重覆問，到入了電腦後，再回頭問我們其一菜名，因入漏了單。這樣都無所謂，當我們好幾次要加水，有些員工當睇唔到。最慘係，叫了三碟小菜，其中南乳齋煲咸到入唔到口，我們要自己加入清水去沖淡，而裏面的齋菜的質數，就像街市賣剩的菜料一樣。另外一碟燒味，質素普通之餘，也是咸到飛起。最後一碟是蒸的，都係水汪汪!!好幾次都要放低快子吃不下去!!!! 最後，都有向經理投訴! 一間出名的酒樓，食物與服務質素都差得離譜，連茶餐廳的味道都好過這酒樓。請不要推介朋友去食!!!