翠河餐廳 (何文田廣場)

营业中

休息中

其實我對餐廳嘅要求已經算低，你要我寫得出差評，咁你都真係幾差食物。本來諗住求其食個晚飯填飽下個肚，叫咗個黑椒牛柳飯。先唔講個牛柳淡而無味、啲黑椒加左好似冇加，就連啲汁都嚟晒大譜，超多油。裝湯嗰個碗根本未洗，勁大個唇膏印係碗邊你話恐唔恐怖。我frd叫咗個羅漢齋炒麵，唔好話係羅漢齋，佢根本就係攞起個成本幾蚊雞嘅麵餅揼落去煮一陣撈返出嚟之後加幾條菜算數，仲要又係冇乜味，我試咗一下都真係幾難食，之後仲順手賣七十幾蚊添。服務。何文田廣場之最，不過係最差。先唔講差唔多全部阿姐板起塊面好似個個都好唔耐煩咁（我懷疑係上頭俾壓力啦），特別係一個着住西裝嘅（望上去似經理）五十幾六十嘅阿姨，一路行一路鬧，又話啲客多要求多，執個嘢好似拆樓咁，最嘈就係佢。上菜係直接將碟餸揼上去檯度，如果唔係朋友係到，就真係爆粗鬧佢，唔講仲以為佢更年期😅環境、衛生。啱講咗，根本未洗碗，你哋係咪想啲客人離口kiss？咁大個唇膏印係到見唔到？咁睇嚟啲位窄、坐得唔舒服已經係最輕嘅缺點。如果唔係何文田地方細又多人餐廳又少，你哋間嘢晨早執咗笠。本來嘢食已經麻麻，一路食仲要一路睇個阿嬸面色，服務行業最基本嘅服務態度都做唔好，仲諗住點開舖？😅

午飯時間我叫咗個蔥油煎蛋豬扒意粉常餐（多汁），用手機落單，最後竟然變咗豬扒火腿飯。上錯餐後又等咗 20 分鐘以上，終於有得食，但碟意粉完全冇汁，連葱油都冇。同服務員反映，佢只係隨便筆咗碟葱油淋上去，就算解決，結果依然冇汁，煎蛋又變成火腿。服務員態度極差，間餐廳根本唔夠人手，食完真係一肚氣。呢間真係我食過最差的餐廳，千祈唔好去。

兩個人漫無目的地遊車河 遊到餓就開始搵野食見到有商場停車場就入車😂點知行哂成個商場 都無咩選擇🥲隔籬嗰個突然話想食小菜 咁非翠河莫屬啦🐔🐔鮮雞套餐（2位用）🐔🐔🍴老火湯足料老火湯 略嫌咸左啲 🍴霸王雞（例）估唔到例都有咁多😮😮仲要有翼有髀🍴酸菜魚其實二人餐真係咁大份咩？😂好多細細片嘅魚塊 一口一塊味道偏辣 係一盤唔錯嘅酸菜魚🍴西蘭花炒蝦球花枝片其實最想食菜...但偏偏碟菜最細碟😟😟太足料....蝦球同花枝片...仲多過西蘭花🥦兩個🐷🐷都抱住個肚腩走 埋單只需💰239 睇得出主要做街坊生意 好多都係熟客仔一坐底 姐姐就佢地要啲咩賣既唔止係食物 仲有人情味☺️

翠河餐廳中的咖喱汁豬扒飯晚上20:00係附近返工所以無咩選擇之下就去左依間餐間因為屋村餐廳冇乜人 入到去好似就黎關門時間 員工都開始清潔中叫左幾個餐都賣晒 無咩好食之下就叫左個咖喱豬扒飯味道方面果然一般咖喱同豬扒係分開兩個味道好彩豬扒都係夠淋 個汁都可以入口 不過就明係唔有一粒粒既咖哩粉吾怪之得晚飯時間都無咩人食我會比味道50分 真係一分錢一分貨晚餐$48 凍飲加3蚊 如果吾係去開返工，無咩選擇之下下次都係吾會再去😔

係何文田反工，差唔多間間都試過曬。今日去何文田廣場買lunch,突然想食常餐，就走左去試下雪菜肉絲米線 配黑松露炒蛋 多士 熱檸茶雪菜米正常，份量都多，米線唔會煮到好淋黑松露都聞到好香，但食落又唔覺多士正常總括而言，呢個價錢算正常

上星期我一行四人晚上21：30到達，在門口兩次詢問還有晚餐嗎，一次門口妹妹仔很好禮貌回應：還有啊，但堂食只能到晚上十時。另一個相信是店長的物體回答：你想吃什麼我們都可以馬上煮。看似十分好的態度，點了三個晚餐後才知中伏了，我對價錢反應質素已經沒大挑剔，如果覺得阻你收工，大可一句對不起廚房收工了，不要煮一些不是人吃的東西出來吧，以我估計每道菜都下了正常五倍份量的鹽，除了失望還多添了厭惡，一頓晚餐，只有白飯是正常的。

今日嚟到何文田廣場搵食，大部份都係連鎖餐廳🍴最後就求其入咗呢一間啦😂 其實只係食嗰普通嘅下午茶，但係我諗應該好過大快活嘅😂叫咗個下午茶餐，有半舊西多士同埋薯條，加埋杯奶茶☕️成為$34🧐 唔要個薯條就可以變兩隻瑞士汁雞翼，不過其實我幾唔鍾意個配搭，我只係想食西多，點解冇西多食😂 西多油就梗㗎啦，呢度都叫唔錯，又熱，外面亦脆一定好食過大快活😂 不過薯條就真係唔好食😂 真係好難食😂 茶走就中規中矩，無咩特別

大除夕我本來是想光顧某間「何文田廣場」食店，購買炸雞喇沙米線，可惜那間「何文田廣場」食店原來已經關門結業，我被迫改在其他食店購買雞肉食品，結果我在「何文田廣場」找到「翠河餐廳」在「何文田」的分店。不過我光顧「何文田」分店「翠河餐廳」的時候已經過了下午六點，已經超過了「堂食時間」。所以我被迫選擇外賣自取，購買「白汁焗雞扒飯」，飲品則另加三元轉變成罐裝汽水。三十分鐘過後，「白汁焗雞扒飯」終於製作完成，「翠河餐廳」的套餐罐裝汽水原來還配備了冰底，可惜我不是住在「何文田」，否則我我應該會很喜歡「冰底」汽水飲品，下次在九龍外賣自取，還是不要選擇冰底汽水好了。結果我攜帶「翠河餐廳」外賣自取的「白汁焗雞扒飯」跟冰底罐裝汽水飲品，再在「愛民廣場」購買外賣「咖喱牛腩飯」之後，急忙乘坐港鐵返回「彩虹」，再轉乘小巴立刻返回「西貢」。結果「翠河餐廳」罐裝汽水另外配備的冰底，在我急急坐車趕回「西貢」的過程期間，冰塊已經融化得接近七七八八，回家之後只剩下少量的冰塊而已。於是我將「翠河餐廳」融化出來的水倒掉，剩下的冰塊所餘無幾，至於罐裝汽水就先放進冰箱裡面急凍一段時間，然後才把汽水搬出來，倒進剩餘的少量冰底裡面。至

早餐食麵要生D，你有你要求都係煮成意粉咁。咖哩雞扒飯要60幾蚊，咖哩雞飯49蚊得3舊半，經理仲話正常，我如去食牛車水，好好多，價錢貴少少好味好多。咖哩無咖哩味。奶茶無茶味。

呢間分店第二次食第一次食都覺得好難食第二次隔左好耐再試。求其揀左個沙嗲牛肉通粉，結果都仲係好難食點解咁簡單嘅嘢都可以整到咁難食！啲牛肉勁鞋勁乾勁咸！啲湯勁重味精！喊出黎，好彩個豬仔包都幾好食

是日阿妹放學，帶佢去附近既茶餐廳翠河食下飯，坐低一陣已經被個阿嬸係咁催，點左炒飯送野飲，我問阿妹想飲咩，個阿嬸已經大大聲好惡話佢好忙，諗好要咩先好叫佢過黎，唔好浪費佢時間，果一刻真係想翻枱走人

最近因為肺炎既關係，大家都少咗出街食。呢日因為小弟就同屋企人黎到翠河快脆食個晚飯。睇到個餐牌其實都唔算貴，小菜大多數都係$50-$80！小弟屋企人就揀左涼瓜炆倉魚～條倉魚係原條上，仲要係先煎過，正！仲要一d都唔腥！真係夠哂飽！而小弟因為唔太肚餓，所以就唔打算叫小菜。正當我苦惱緊食咩既時候，就見到佢有個水餃。小弟就二話不說點左黎試！一上枱見到有6隻水餃，仲要係灣仔xx牌，有驚喜！本身一包都要$10幾，依家煮埋比你都係$19，好過食d不知明品牌既水餃加上小弟都好中意呢個牌子，所以即刻胃口大開！

其實呢間d早餐還算可以，我通常都係食早餐，因為早餐d選擇好難伏，今次簡咗個吉列魚柳配沙律，都係30蚊鬆d，都幾大份。我比較中意食魚柳，佢呢個餐仲可以配薯餅or 蒜蓉包，我就簡咗薯餅，穩陣d，魚柳都比想像中大塊，至於沙律都好大份，而且料都唔少，雖然普通，但好食就ok。最唔ok係魚柳d沙律醬，姐係咁，賣相咁差，我望到都唔太ok la, 呢下要扣分la, 真係唔多開胃，好似放咗好耐咁，希望下次去食早餐佢唔好再比d咁既野我la😂😂。

叫左兩個精選套餐帶走唔check返真係唔知食緊咩，原來叫左A餐廈門炒米！大開個盒，只係得d粉咁，加幾粒蝦粒，幾條火腿同洋蔥絲喺底。個C 餐蒜蓉汁牛排拼珍寶腸意粉，條珍寶腸原來得半條,不過牛排就好大塊同好淋！唔太夠汁，意粉有d乾。最正都係個中式例湯都好好味，加左雪耳，好潤喉！

成個商場得一間茶記，諗住近近哋就落樓下食個飯算，見到有什扒飯，就叫啦，三分鐘唔夠就到，嚟到睇到真係哂咀，得條腸，一隻丁咁大嘅鷄翼，再加一塊丁咁大嘅豬扒就叫什扒飯，過份咗啲呱，搵笨都唔好搵得咁緊要吖，唔係貪佢近都唔會去食。味道就一般啦當然。以後都咪搞。