翠湖海鮮飯店 (木星街)

营业中

休息中

難得放假陪屋企人飲茶，12點前入座都已經見到唔少人。屋企人極力推介食呢個豬腳，真係幾好味！ 有少少香茅，麻油，醋，香蔥，辣椒… 凍食口感唔錯，調味出色。其他點心炒粉麵飯正正常常，陪屋企人飲茶冇咩所謂。另外在叫咗叉燒包，熱辣辣感覺都唔錯！環境方面都坐得舒服，廁所唔算乾淨但係可以接受。特別值得注意係電視機唔會太光/好嘈，很好。服務幾好，幫手影相會主動上前查詢影得靚唔靚，唔啱可以再影！亦都會親切介紹吓有咩好食。

星期二的晚上，一行六人到這裡食晩飯，都有七、八成客人，以街坊為主。上湯龍蝦伊面底，龍蝦都有幾多件，伊面是幼身的，吸了上湯汁，幾好。沙薑雞半隻，份量比較細小但沙薑味好夠，喜歡味濃就一定中意。酸菜魚，湯底夠酸，魚肉好滑而且配料都好豐富。金銀旦白菜仔，正正常常，但份量很大。椒鹽鮮魷，脆口又香口，點一點喼汁，吾錯。波蘿拔絲咕嚕肉，鮮波蘿好甜，咕嚕肉外脆內裡d肉又吾乾，好食。送左綠豆沙和南瓜露糖水，綠豆沙好綿，南瓜露就冇乜味。埋單$946/6位。題外話，侍應和傳菜姐姐都落力、勤快。

不想做飯，晚市又沒有堂食，只能買外賣。幸好這裡有外賣套餐，一菜一飯＄118，還有很多選擇。點好了餐，廚房現做，不是煮好了放涼那種。拿回家還是熱氣騰騰的😋，可是廚師忘了我要淡些，希望下次記得。😉

早幾日同唱歌班同學去食晚飯，我哋點咗六個餸😋🧡彩椒蜜桃炒牛柳條$108除咗牛柳肉腍滑外，配埋又香又脆既琥珀合桃，正👍🏻💙海鮮雜菜煲$98熱辣辣咁上碟，味道正常😅❤️蒜蓉開邊蒸海山蝦$138最好味既粉絲，蝦肉比較細件🥲💛招牌野菌雞焗飯$98雜菌同雞肉既精華滲入咗飯度，好好味😋🖤豉汁帶子蒸豆腐$98帶子比較薄，豆腐尚算嫩滑，豉汁有啲鹹😅💚哈爾濱冰梅骨$48排骨炸到又香又脆，食落有淡淡話梅香👍🏻六個人埋單$794！🤓👌🏻

今日帶囡囡畫畫要等兩小時，就選擇對面翠湖坐下嘆早菜。先嘟安心然後量體溫。環境也夠大，非常舒服。叫了三個孖寶早餐，非常抵食。每款配搭都是我最愛，新鮮出籠，特別是香蔥炸兩腸，油條香脆，被香滑腸粉包著，非常美味。鼓汁煎釀尖椒，醬汁非常好味，而且尖椒有小小辣，吸引！

朋友話介紹我食麻辣豬手，就買左個外賣加餸。初以為係超麻辣炆豬手，一打開外賣盒一舊舊細細粒白雪雪嘅豬手仔好得意。醬汁分開按個人口味撈豬手，豬手食落爽爽地好似白雲鳳爪，醬汁有辣椒粒、芫茜、蔥配料，汁不太麻辣只是微麻舌頭。食完一舊又一舊，朋友仲拎埋個汁送飯添。

非常失望🤦🏻‍♂️，豆腐火腩，酸縮味，蒸左條魚 霉的，雞蛋焗魚腸，唔知係咪落咗好多糖，好甜，唔太啱胃口😕唯獨係豬手同送糖水，還可以，樓面姐姐好人，服務好，男性就一般了

炮台山想搵好味中菜有時都幾難，去過幾間酒樓，品質一般價錢也不平！街坊介紹這間話說好味道，叫了幾道菜真的有水準，但是招呼就一般！三餸一飯，都係他們當晚優惠餐單裏面的，本來叫一個套餐因為裏面有燒鵝，怎料賣晒燒鵝，唯有叫散餐，有機會下次再食燒鵝，傳聞幾好味，希望不會失望而回！

早幾天才吃完，今天又來這家海鮮飯店安哥。畢竟街坊價，海鮮價廉物美實在化算。平日晚上沒有太多人最多只坐滿四成。點了晚市孖寶 清蒸老虎斑+ 蒜蓉開邊蝦, 清蒸豉汁鮑魚, 半隻沙薑雞和咕嚕肉。清蒸老虎斑有點失望, 味道還不如我上次吃的沙巴龍躉, 魚肉不夠實有點霉，證明魚不太新鮮。蒜蓉開邊蝦份量可以，稍嫌蝦體積比較小，但味道還是不錯的。豉汁鮑魚絕對要安哥，不單止體積夠大而且非常爽口。絕對是必吃之選。沙薑雞中規中矩，但六十八元這個價錢實在超值化算。最化算的還是咕嚕肉才三十九元，絕對沒有偷工減料，酸甜度適中。整體來説吃得非常滿足。埋單三個人八百五十元，人均不足三百元吃上這些海鮮實在不錯了。

今天和朋友終於有機會嘗試吃這家在炮臺山享譽盛名的海鮮老店，絕對是街坊價的價錢。裝修就真的比較一般，服務就正常傳統海鮮飯店服務。但價錢真的是比較大眾化。點了六個菜包括一份基圍蝦，蟹肉扒菜苗，西蘭花炒鮮鮑片，沙薑雞，薑蔥焗蠔和清蒸沙巴龍躉魚一條。基圍蝦接近半斤，基本上白灼基圍蝦除非大蝦不新鮮否則不會難吃到哪裏去。蝦肉也比較新鮮沒有發霉。西蘭花炒鮑魚片雖然比較清淡，但鮑魚片是用八頭鮑 切片出口感還是不錯。西蘭花配上醬汁也比較爽滑。半隻沙薑雞隻賣七十八元但絕對貨真價實。這個菜性價比特別高。蟹肉扒豆苗味道不過不失，蟹肉也算多 算是交足功課了。薑蔥焗蠔是我最喜歡的一道菜，桶蠔體積很大，吃落去口感很滿足。裏面有六七隻大蠔份量算是不少了。清蒸沙巴龍躉魚反而有點失望，約一斤的魚個人認為上菜已經不太熱，味道還可以，但清蒸魚如果不夠熱絕對會影響口感。最後埋單連茶芥和加一770，有魚有雞有蝦有海鮮有豆苗，三人吃人均250算是街坊價了。想經濟實惠的吃一頓這里可考慮。

入到黎個感覺唔會似名店酒樓咁光鮮即係揀酒樓擺酒你係唔會揀個種我哋預先訂左燒乳豬脆皮 肉嫩 真係哩個酸酸甜甜，似京都骨，較普通菜苗唔洗講就當然穩陣啦哩個先頂級，比脆乳豬過之而無不及炸賴尿蝦肉你唔需要剝蝦，直接夾落個口度咬我真心推介我家人來食，唔洗老人家剝殼，仲預先訂好隻乳豬至得穩陣甜點，唔洗錢😬😬😬

鮮果咕嚕黑豚肉（💥$39.8）真係太抵食🤩唔知佢係咪真係黑豚肉，但係啲肉幾腍，炸得唔會太油膩，有啲鬆脆嘅口感。脆皮燒腩仔 例牌（$48）太肥啦😨雖然見到好清楚嘅一層層，但係差唔多全部都係肥膏。細路即刻清晒🤣😅皮係幾脆嘅。🦐白灼海生蝦 半斤（$58）蝦好新鮮同埋嘅都幾大隻，算抵食🥦清炒西蘭花（$68）炒得幾好，唔會好油膩，西蘭花都幾腍。上湯浸豆苗（$90）幾靚嘅豆苗，豆苗要加$12，但係份量好多，都幾值。仲貴過個一碟咕嚕肉🤣環境寬趟又光猛，啱晒一家大細嚟食👨‍👩‍👧‍👦服務還可以，但係廁所就唔係太衛生😓

同朋友一齊開心暢聚，共晉晚餐。點左龍蝦🦞伊麵，龍蝦很新鮮，肉質很爽彈牙，鮮甜美味，雞煲真不錯，雞有鮮味，味道不太鹹，飯後甜點是南瓜🎃西米露，南瓜肉頗多，非常好👍

食物 : 龍蝦伊麵，乳豬全體賣相 : 7/10，始終都係春銘節目， 賣相都算不錯味道 : 7/10 ，整體都不錯，比一般酒出色環境 : 8/10 ，公司包場，所以整層都係自己 人使用，環境都算不錯價錢 :hkd 500/人性價比 : 7/10

每晚九時起，設宵夜優惠，是晚點了金銀蛋浸時蔬、沙薑川味豬手及鳳爪排骨飯。必食之選為沙薑川味豬手，豬手入味而且保持肉質爽，店內幾乎是必點之菜。建議多點一碗飯醮汁，味道開胃。