翠湖軒豬扒酸辣米線 (已結業)

由於趕住睇戲，所以係戲院附近搵野食，快快脆食完就入座。老實講平時路過呢間店唔會想行入去試，一黎因為食飯時間都無乜人流，二黎荃灣米線太多選擇，呢間唔係特別吸引。但由於落大雨既關係，唔方便去太遠；加上早前係OPENRICE見到其他食客影到呢間小店既豬扒色水幾吸引，所以就決定比個機會佢。招牌酸辣豬扒米線 ($40) BB辣講明係招牌，加上寫食評既人都係點佢，所以對佢有所期待。不過事實係食調味料，因為豬扒好重既孜然粉，而且偏鹹；肉質鬆軟。米線BB辣就真係好BB，對我黎講完全唔辣；生花算脆，無油益味；翠湖麻脆雞扒酸辣米線 ($40) BB辣雞扒比豬扒好味，調味無咁重，加上外層有小許脆身一間食店好唔好味，睇食飯時間多唔多人就知，呢度就連無落雨既日子都無乜人，其實真係唔應該行入去

去趁荃灣廣場附近我都會來呢間座位夠寛鬆D姐姐服務都不錯呢間簡單食過米缐加杯飲品快、靚、平、正！今日第一次叫加餸-豬耳估唔到幾好味另外今日唔叫奶茶叫左杯涷柑桔蜜唔錯！

-招牌酸辣豬扒米線🍜（$40）依個酸辣豬扒米線嘅份量超多❤️，而且十分足料，真係食唔曬，而豬扒都有3大塊係米線上面😋，豬扒真係好香又大塊，好入味😆，食落唔會好’鞋’，肉質好淋，再加少少花生，炸菜，蔥，肉燥，連埋米線一齊食真係好正，味道一流😊，個湯底好正(酸辣湯底可選擇辣度)，酸酸辣辣的，不過成碗米線比較油膩😓，超多油係面😅-估唔到荃灣都有咁正嘅酸辣豬扒米線，真係好抵食，下次一定會去食😝-

今日下午帶咗狗狗出去狗公園玩，帶住狗狗真係無乜食店可以選擇，去咗荃灣廣埸對面依間叫翠湖軒豬扒酸辣米線，在店外凳位坐下，幾好風味，又可以望住狗狗在凳邊，真係帶住狗狗人士的好地方選擇。坐下久，點咗這店招牌食物，酸辣豬扒米線，豬扒好香和新鮮，好入味，非常好食，又有少許花生，又脆。個湯底好正，酸酸辣辣，真係一级水準。價錢又只不過是40多元連凍飲，我個人認為超值。我試過很多米線食店，依一間真係好難忘。值得推介给各方喜歡食米線的人士。食完一定會再來食。

呢間野 只可以食米線 好耐無食過翠湖軒做妟晝 今日有時間可以行遠d 嚟食下 但同以前一樣 午餐係好難食 只可食米線 同事叫既午餐 全部都係炸到黑mung mung 既豬扒腸仔 同好咸既豉油汁 我就叫左豬扒面 不過都係覺得個湯咸左d 最好食就係塊豬扒

又係我自己一個人自由自在既時間喇，係荃灣區其實都算多食店，但要搵一間好食既店真係好難，尤其事想抽煙既人士更加難，又想坐底食飯但又唔可以食煙。但去到店舖擺位特別，有幾個卡位是室外的，方便駕車或吸煙人士吧。【咖喱牛腩飯】，其實睇個樣子冇咩野，食落去完全唔得，份完量又細，咖哩又唔辣，薯仔過多，仲多過D牛腩，唉，下次一定唔會再有機會。

天氣太熱，晏晝無胃口叫碟頭飯，最近多吃酸辣嘢。香港的酸辣麵店多，街坊們亦各有心頭好，我試試整理出粉綫店地圖，看看當中有冇你的心水？ 荃灣代表有「翠湖軒豬扒酸辣米綫」，入門口即見是茶餐廳格局，有飯麵可點。 店內每張枱都有人點酸辣豬扒米綫，看來這招牌菜相當有號召力？ 酸辣湯底可選擇辣度，我自詡能吃辣，卻未知店內辣度的虛實，所以先點中辣試味。 一碗豬扒米線有兩大塊豬扒，$36 算抵食。豬扒用豉油、老抽、糖醃好再炸，半肥瘦帶骨，不會乾柴柴，亦夠入味。 餐牌自稱酸辣米「酸到你流口水，辣到你流眼淚」，的確沒有騙人。 湯底酸度夠，至於辣味，看到碗面紅卜卜的辣椒蓉就知唔惹少，見到都流汗。 撈米綫來吃，真的辣到飛街，一邊吃一邊抹汗，即使沒有豬扒都夠味，難怪翠湖居的酸辣湯豬扒米綫是招牌菜。 中辣太強勁了，另外點了一個小辣的炸雞米綫 $36，相對則比較失色。 炸雞切開一塊塊，炸焦了，而且有點乾巴巴。小辣的湯底反而一點也不辣，小辣及中辣相差太遠了吧？！？！ 一間舖頭，兩碗米綫，相差卻是這麼遠，總結就是︰有時候，招牌菜總有它的原因。

剛剛吃左一碗好咸的熱伴米線，有一種好激氣的感覺!本人居住荃灣亦都常常幫襯川X的米線，因為該店份量足，未道好，餸亦有好多選擇，但今日想吃米線又想飲即沖咖啡就幫襯左翠湖軒，怎料又咸又细碗，我下次不會再來了。

是日晚餐黎到荃灣翠湖軒以前係灣仔已經食過好多次 都好好味回味無窮好有特色既手寫餐牌新舖比灣仔大好多格局就一般茶餐廳 叫左個一人餐米線可選二餸 我選左豬軟骨同紫菜卷 配麻脆雞扒米線 好油成碗都俾油包住咁制味道一般 由於太多油 已經太減胃口食過好多次既麻脆雞 味道仍然好食但略不夠脆口 友人都叫左一人米線套餐仍是油浸米線佢配小食 叫左單邊雞翼幾好味 味道同雞扒差不多單邊 好方便食呢個幾好既凍飲加3$總括黎講可能食過灣仔店太好味 回味無窮啦所以期望新店過高 如果米線無個層厚厚既油係面 應該好好多

店舖擺位特別，有幾個卡位是室外的，放便抽煙人士！叫左碗酸辣雞翼米線，味道幾特別，同平時食開個啲連鎖店酸辣好唔同！米線有點硬，如果唔鐘意食林身米線的，應該幾Like!雞翼味道不錯！開邊，一分為二，變單骨雞翼，令雞翼更入味！

環境一般，有設户外坐位🎈本身坐入面，但唔覺有冷氣🌬所以最終坐反出面吹街風仲爽🌚但用膳途中不停要揮手示意waiter過黎落order真係咪話唔攰又冇人主動行出黎睇需要改善下叫左兩碗*炸豬扒酸辣米線* 豬扒堅好食，夠厚，又唔硬！非常重味，香口！真係要試試總括黎講🌸環境食物服務

今日口痕痕想試佢個六寶米線，點知又有驚喜喎！！入面有牛展，腩肉，豬耳，水餃，墨肉丸，魚片頭。簡簡單單$42 有6個餸食，而且仲要係酸辣tim)))))))下次再試下佢塊豬塊先！！！！

48晚餐算抵食，米線大碗，夠味配埋小食，小食都幾多款，叫左2個米線餐，配紅油水餃，麻辣雞扒雞扒多肉，實淨，驚唔夠飽可以叫呢個小食選擇多不過紅油水餃同平時食開既唔同，汁比較傑身，有自己獨特既味道

求其食啲嘢,就揀咗經過N次但冇食過嘅翠湖軒,門外有幾個卡位,都幾有趣,應該係為咗方便駕車或吸煙人士吧. 呢度嘅下午茶只係三十幾蚊左右,都算平. 我揀咗鮮茄排骨濃湯螺絲粉配奶油脆豬炒蛋同熱奶茶,朋友就係麻脆雞扒酸辣米線同凍檸茶. 我嗰份餐睇落幾豐富,除有番茄同排骨外,仲有胡蘿蔔同馬鈴薯,有啲蔬菜感覺好似健康啲啲.排骨,蔬菜同螺絲粉煮得幾腍,湯底係羅宋湯,酸酸甜甜,夠味而冇咩好口渴嘅感覺. 烘到脆脆哋嘅豬仔包上面搽咗牛油同煉奶,炒蛋唔鞋,只係偏油咗啲. 朋友嗰份餐就一般般,米線麻辣度尚可. 不過塊炸雞扒表層炸漿比肉仲要多,乾爭爭咁,朋友笑笑口話好似只係拎塊皮去炸咁.餐飲方面大致正常,食物方面如以鮮茄排骨濃湯螺絲粉配奶油脆豬炒蛋嚟講係唔差同幾抵食，以麻脆雞扒酸辣米線嚟講就感覺唔太良好,揀唔同嘅嘢出嚟嘅差異都幾大.

Hea無朋友之下午茶餐...西多士併雞翼..-er...食物黎到我嚇一跳...側邊果兩隻真係雞翼🤔 我係冇食到既，堅睇個樣食唔落🙄 西多士還可以，剛炸好，有少許燶...面層落左勁多牛油 入面花生醬...普通西多士囉下次黎都食返豬扒米線穩陣啲😂😂😂-