翠苑牛雜粉麵餐廳

营业中

休息中

幾好食都唔係俾錢受呢種服務態度，落單要講咁多次，落單隻完仲要同我講一句：我咁聰明就唔使做呢份工。我已經講得好清楚自己係要食啲乜嘢。但我估唔到係受氣咁去食個下午茶。

係附近可以叫做獨市嘅潮式粉面鋪, 水準都唔會求求其其。咁我就有d 怕牛腩熟到好硬好柴皮咁, 所以就比貴少少叫左個崩沙腩, 希望佢淋身d。咁佢出到黎嘅效果亦都不負價錢, 有肥有瘦, 即使咬落去舊肉到都會一咬就開, 肥位淋身, 成舊腩位好入味好香。食一舊加一啖飯唔會好漏, 仲有鼓油香係個口到散發出黎。如果食曬d 牛, 剩係腩汁都好夠餸飯。加上係到叫飯, 佢會送一碗紫菜湯, 即使我外賣拎走, 返到屋企食都仍然好熱, 直頭可以話係辣口。

想在6點半前食早餐，建生一帶的選擇並不多，只有這間"牛什粉麵店"或"廚皇"(但廚皇位處正裝修的商場旁邊擔心衛生問題)。見店舖門口張貼了大大張早餐餐牌，是一般茶餐廳的早餐，應該可以一試。可惜，門口負責下單和收銀的女店員，態度惡劣，正正是趕客那種。當時店內客人不算多，所有卡位也只1人坐，可是收銀店員卻非常暴燥。首先，收銀女店員下單後將單一飛便飛在枱面上，我已心知不妙了。再來第2個不快經歷，我早餐點了餐包，可是卻來了份多士(多士要加1元)，我向送餐的店員提出錯誤了便退回更換，可是收銀女店員卻追到廚房提出不要更換，於是這份多士第二次來了，我再向該收銀女店員提出不是要多士。於是收銀女店員發惡了，問：“你要乜嘢呀？……” 我給她親自看看由她入單的單據，寫著是餐包的，她看後便立即推卸說是廚房整錯。因為我不想我的早餐再來回第3次，於是唯有硬食了加1元要多士。第3，熱飲杯內已見裂開及污漬處處，希望店舖好好考慮衛生問題。另外，離開店舖後發覺自己充滿油煙味。一早便遇上不快經歷。第一次惠顧，也是最後一次了。

同好友係建生邨得大約半個鐘食個飯！佢話之前都係食翠苑夠快又OK咁粉麵本身又真係可以好快上到上由落單到上枱大約係等咗5分鐘初時真係冇乜期望，諗住都係粉麵正常都已經好好點知飲啖湯已經有驚喜 佢個腩汁好龍佢個腩汁好濃好香牛雜全部好入味無腥味同埋怪味$34黎講真係唔錯份量仲好足夠

星期日8月7號我要入屯門青松觀，拜祭先人。約了一個80多歲的親人，拜完之後我們打算去茶餐廳吃過午餐，初頭是去了另外一間的，但係親人的安心出行是紅碼，很失望，我們試下第二間就去咗呢一間翠苑牛雜粉麵餐廳，當然都係紅碼，那個女店員很醒目，問我哋有冇帶針紙，用針紙一掃OK，入得，可以安心食嘢，我哋當然安樂曬啦，我唔怕肥叫了一個東坡肉飯，我的親人叫了豬扒飯，東坡肉飯有例湯送但係豬扒飯沒有，我哋跟餐都叫了奶茶，例湯OK有啲偏咸，奶茶算係好飲，東坡肉飯肥得夠甘香，豬扒飯望落都OK呀，我哋走嘅時候女店員都講咗聲多謝好有禮貌，我最滿意是他的服務。後來我發覺我的親人唔識得scan嗰張針紙入安生出行APP。幸運地我把這個動作做好所以變咗藍碼。這是一間很普通的茶餐廳，不過一個醒目女店員，令到呢間餐廳服務指數俾我評到最高。

建生邨附近食宵夜選擇不多見到翠苑十二點幾仲開緊諗住食個熱辣辣的面好過食快餐炸雞薯條叫咗一個牛筋河粉份量好多 不論面同牛但我食食下撈到好似眼睫毛咁嘅毛咁以我常識黎講 牛有毛係好正常幾條都好合理，見到咪夾走佢點知碗湯夾夾下好多條毛仔細再望仲有毛痴住啲牛筋我個人喺第二間食過都冇咁多牛毛真心覺得間餐廳可以清好啲牛毛先賣客見到咁多毛真係冇乜胃口

早幾日行過見到佢新開張，所以走去試下～眼見鋪頭裝飾擺設都是以舊式的雲吞麵店我和朋友分別各自點了不同的套餐朋友：沙爹牛肉公仔麵+(餐肉煎蛋配搭餐包+$8)跟凍檸檬水我：五香肉丁公仔麵+(餐肉煎蛋配搭餐包+$8)跟熱檸檬水味道過得去，價錢我都覺得接受以下是個人意見：它們有少少可以改進的地方是座位分配(因為眼見大多數的卡位都是被1人坐了)另外我看見他們的抺枱布應該用了好多次才洗，因為抺完我張枱都有一點點『立次次』的感覺