翠華餐廳 (TKO Spot)

营业中

休息中

上星期一早需到將軍澳工作，約七時左右，很多早餐店都未開，看到翠華已開門做生意，便進去吃早餐。當天早上想吃得救清淡一點，便選了個鮮奶藜麥麥皮套餐作早餐。有一個牛油豬仔包仔、一碗麥皮及一杯熱飲。餐廳送菜速度快，下單後不消5分鐘，早餐便已送到枱面上。縱然菜單上有寫明是「豬仔包仔」，但剛看到時，也與期望的大小有落差，真是兩口便能吃掉。縱餐牌上並沒有註明麥皮是否無糖的，嚐過後，便發現即使不是無糖，也應該是低糖的，符合「健康之選」。若你希望早餐不太Heavy的話，這個套餐可能會合適。

同我屋企人入去食個快餐，見到又阿華田，又奶蓋咁⋯咁肥就梗係要嗌嚟試吓啦！純粹睇相嘅話都幾圖文不符嘅⋯首先杯奶蓋啲奶蓋好水，同埋好少，不過翠華個奶茶係好飲嘅！建議大家幻想佢係奶茶多奶就算喇，唔好有太高期望！另外個西多士出餐嘅時候唔夠熱，所以感覺有啲肥膩，同埋上面啲阿華田粉唔知係咪潮濕咗，結到一嚿嚿！整體來講，$43其實都唔平，呢個質素真係差咗少少，同埋整得奶蓋你都預咗係target啲後生仔女，咁就應該保持返奶蓋應有嘅水平會好啲⋯📍翠華餐廳將軍澳尚德商場地下1及2號舖

收工實在太肚餓，行過翠華，突然好掛住麻辣嫩雞米線，就用政府消費券買咗個外賣Menu好多下午茶餐揀，仲有好多唔同嘅食物我個麻辣嫩雞冇set，實在太sad本身仲想用優惠價嗌杯嘢飲，不過話堂食先可以用優惠價，外賣要用正價🙃個外賣都算幾好，有幫我分到湯！嘩撈埋一齊原來真係幾辣，睇個色都知啦！一路食一路噴火，好彩後來有喺第二度買嘢飲姐食完好滿足我呢個愛辣之人

臨近農曆新年的星期日，中午我沒有在「西貢」食午飯，改為選擇前往位於「將軍澳」市中心裡面的「尚德廣場」，光顧「尚德廣場」樓下的茶餐廳「翠華餐廳」，在「翠華餐廳」裡面享用午餐。「翠華餐廳」廚房也有製作屬於餐廳自己版本的「咖喱牛腩飯」，正式名稱叫做「皇牌馬來咖喱牛腩飯」。不過「翠華餐廳」的版本「咖喱牛腩飯」相對其他餐廳而言，價錢稍為昂貴了一點點。今日我總算是成功，在「將軍澳」市中心商場裡面，找到午餐裡面必需需要享用的「牛腩飯」食品，至於「皇牌咖喱牛腩飯」配的飲品，還需要再研究一番。「翠華餐廳」午餐時間裡面的「皇牌馬來咖喱牛腩飯」食品，沒有屬於相關的午飯套餐，只有餐廳為一般單售午餐食品而預備的套餐飲品價錢，熱飲需要港幣九元，凍飲飲品已經需要港幣十二元，只是飲品原價的半價而已。至於我午餐也屬於必需食品之一的「雞肉」，「翠華餐廳」為午餐「雞肉」而設小食，小食實際售價價錢沒有我期望那麼便宜，例如一碟五隻的「瑞士雞翼」，就已經需要港幣六十元了。所以我最後沒有在「尚德廣場」分店「翠華餐廳」裡面選擇享用「瑞士雞翼」或者其他跟「雞肉」有關的食品，留在其他食店享用「雞肉」食品。至於飲品方面，既然「翠華餐廳」以

午餐來到翠華食，食完第二日已經汁左不開了，今次是來吃是日午餐，價錢相當不便宜 只有午餐才包飲品其他需要散叫，不是因為在網上買了優惠卷也不會來此店食午餐吧，食物等候時間需時，之前來幾次等候時間大約15-20分鐘，快餐店來說太耐了需要改善燒汁雞扒意粉雞扒Juicy得黎又夠大塊，意粉爽口彈牙配上微小的蕃茄汁食落不會太乾身咖哩牛腩飯個汁辣辣的很濃的咖哩香味配白飯一流，仲有淋淋入灑味的薯仔牛腩和牛筋份量也多，足夠一人嚐用味道 賣相 衞生 服務 抵食 推介

附近周圍最近的茶記，訓醒落樓食個早晨大早餐在翠華食野除左早餐外，下午茶和晚餐也相當貴早餐一份大約39蚊也算正常價錢吧只有早餐3款選擇，不能轉麵底 為何呢沙嗲牛肉麵麵質彈牙，配上少量的沙嗲牛肉 炒滑蛋+餐包如需煉奶另加$2滑嘟嘟既蛋可以夾住包來食菠蘿油$11孕婦的我一個餐不飽肚，需要order多一個包菠蘿包皮脆，包夠鬆軟，配上一大塊的牛油，如果包是熱辣辣更好 因為配上了牛油，包不熱牛油不溶味道 賣相 衞生 服務 抵食 推介

醒神的一天由早餐開始，今日來到將軍澳尚德廣場呢間翠華吃個早餐，翠華有幾款不同早餐，是日選擇了火腿鮑魚絲通粉，太陽蛋配多士，味道都好新鮮，熱辣辣送到，配埋杯飲品，為一天精神叉叉電。店員服務態度如果友善點會更為理想。

香港本地老店茶餐廳，可見大街小巷都有翠華餐廳蹤影，一點也不陌生。今日來到將軍澳分店吃下午茶餐， 環境就是正常茶餐廳。 鮮茄蛋生滾牛肉即食麵 點了菜單上鮮茄蛋生滾牛肉即食麵的套餐，$55一個下午茶都算是不便宜。第一蕃茄湯是沒有新鮮蕃茄，也沒有蕃茄味道，第二公仔麵是硬的，根本就是未熟，以前翠華餐廳給我感覺是茶餐廳龍頭大哥，現在真是連普通茶餐廳也說不上。埋單時，我才得知凍飲品需要加$3 ，一個$58的下午茶，提供這樣的質素，太差了。

夜媽媽返到將軍澳好想食d飽肚既野所以入咗黎翠華點咗碟西炒飯廚房好快手，落完單無耐就上咗碟西炒飯炒飯配料幾多，又有蝦仁，味道酸酸甜甜，幾好味～炒飯份量對女仔黎講都幾大碟，食唔哂，淨咗少少

中午實在太熱，啲同事都唔想走太遠食午餐，結果去左最近既商場食，選擇左翠華。由於午餐又係雞扒（上次咁啱又係）所以我選擇左散叫。3個人，2個散叫，1個午餐$61+$3凍奶茶。同事叫左個吉列豬扒咖哩飯$63，塊扒好大，咖哩另上，勁多汁。我就叫左個焗海鮮飯，個飯炒底，加上勁多海鮮，唔錯，不過要$87，比較貴。

以前食開翠華  都覺得幾好味 最近新出既55 蚊魚蛋豬軟骨米線配飲品，價錢唔算平，但係個米線堅好食。 個魚蛋麻麻地， 冇手打魚蛋既彈牙，但係個豬軟骨肥瘦比例剛好， 而且食得出少少陳皮既味道， 味道十分濃郁入味，湯底都係濃濃豬軟骨香。 但係， 尋日見到好震驚既一幕，而且對於冇人處理呢件事覺得好失望。 有隻蟑螂係我隔離爬過，隨即又爬左去個阿叔既腳板再繞過，我見到尖叫左聲，但係餐廳既姐姐見到，亦都有人反映過，佢地都有採取任何行動，由隻甲曱爬尼爬去，成餐飯，我既重點都去左果到，食都食得唔開胃...

星期日的早上想吃個休閒早餐，將軍澳的茶餐廳比較少，所以便來了這一間翠華。星期日要排隊是意料之內的事，大概等了10分鐘便有位，因為人多的關係是需要搭枱的。早餐的選擇比想像的小，只有五個餐可選，沒有一般茶餐廳的那麼多選擇。點餐時亦等了很久也沒有侍應來，明顯是人手不足歐陸早餐 - 點的時候侍應表示沒有茄汁豆，我們問是否會換其他食物，侍應說不會魚柳是很脆亦沒有雪味，牛油豬仔包比以前的份量少很多，此餐點牛奶不用加錢沙爹牛肉即食麵餐 - 麵質偏硬，牛肉沒有什麼肉味，炒蛋亦偏熟。唯一可取是熱奶茶都算香滑整個早餐味道不算好，服務也不好，下次未必會再來

今日收工，諗唔到食咩就直接去翠華啦！因為每晚都有指定嘅晚餐，對於有選擇困難症嘅我就GOOD 啦！完全唔使諗今晚係什扒餐……講真翠華嘅味道比起連鎖式快餐店更加好食， 如果食扒餐就更加抵，因為有餐湯、迷你豬仔包再加埋餐飲都只不過$80蚊, 價錢同連鎖式快餐店差唔多，但食物更為豐富，更抵食

今日同同事早啲食晏，12點未夠就去左食翠華，平時翠華午餐有2款比你選擇，中式或西式，但今日得返西式，唔知係唔係之一後都係無左中式午餐。選擇左西式雞扒意粉，白湯同熱奶茶，奶茶幾滑，但茶味一般，白湯好多料，有煙肉、洋蔥等，幾好味。最後個雞扒意粉，意粉軟硬適中，個墨西哥汁有少少辣，雞扒個皮幾脆，有啲翠肉瓜同蕃茄，夠晒飽，味道就一般水準啦，唔會太咸，食完唔會口乾。但由於早左食晏，11點幾食真係好飽，有啲餐廳11點半仲做緊早餐，但翠華已經有午餐了。

連鎖店嘅焗豬扒飯來講，大字頭果兩間快餐店最出名。但論好食，我就覺得翠華嘅最好食！大字頭嘅快餐店水準唔穩定，有時個炒飯底會超乾，而唔知係咪放得太耐，個飯亦會索咗d 汁，總之就係乾啦！食過咁多間翠華嘅焗豬扒飯，都幾穩定，個飯唔太乾，上面d 汁嘅份量亦岩岩好，唔會食到一半無晒汁。重點係，翠華係幫你切埋d 豬扒！呢點真係好緊要，大字頭次次都要搬塊豬扒落隻碟度切，好煩！翠華會有一片厚蕃茄，中和返肉嘅膩，幾好呀！不過如果有埋菠蘿粒就perfect 了！價錢方面，大字頭好似係$40尾，而翠華就$67。貴$20，質素高d 亦屬合理！😋