翠華餐廳 (TKO Spot)

营业中

休息中

😎經典港式茶餐廳😎-天氣好凍阿🥶放工就想搵間就近既餐廳食個羊腩煲暖下身-🐑古法羊腩煲配飯 (跟餐加生菜+$15)冬天凍一凍既時候食羊腩煲真心正 食完即刻暖左好多😻本身一上個陣以為細細份咁 點知羊腩都唔少 食左陣先食得哂 同埋羊腩唔算羶 唔錯-🐷神之叉燒飯餐連飲品 $80叉燒好食 外皮帶少少既焦脆 肉質都算嫰滑 不過蛋就係普通炒蛋而唔係滑蛋 爭左少少🙊-🍵生磨蛋白杏仁茶 (跟餐+$10)飲落同平時飲開既杏仁茶差不多 間中飲下感覺幾滋潤幾養生🙈-🧋蘆洲奶茶(樽仔裝) $88翠華Crossover蘆洲老窖既蘆洲奶茶(樽仔裝) 係將軍澳店既限定版 一開樽已經聞到陣陣烈酒味 不過飲落酒味就冇咁濃烈 就算冇飲開酒既朋友仔都唔會覺得入唔到口 Mix埋一齊都幾夾 味道幾得意😸-📍翠華餐廳 (尚德商場) (將軍澳)將軍澳唐明街2號尚德商場地下1及2號舖

💡港式的味道平時放假諗食咩，第一時間都會諗茶記，因為平、靚、正。而近期翠華仲要出左好特別的奶茶，當然要試下。 🐷神之叉燒飯叉燒燒得好香口，個邊有小小燶，加埋半肥瘦叉，好淋身又有口感，食個陣沾上秘製嘅豉油汁，即刻更加惹味🥰而且雞蛋好嫩滑🥚，呢個搭配無得輸。🐓海南雞飯海南雞份量都幾多，都幾嫩滑，肥瘦岩岩好，另外仲有湯，夠曬飽。🍸瀘州奶茶平時出街食飯都一定叫奶茶，但加左白酒就真係第一次，仲要用玻璃樽裝，非常精緻，打開蓋已經聞到好香酒味，飲落好順滑，值得一試。

放幾日新年假，今日終於唔使去拜年，梗係瞓晏啲hea 下啦！瞓醒就落街食嘢，揀咗間港式茶餐廳《翠華》ღ神之叉燒飯餐配菜心 $90見幅圖好鬼吸引就叫咗呢個飯嚟食叉燒半肥瘦鬆軟焦香，切得有啲厚度食落更有口感，加上蔥花蛋香濃惹味，越食越滋味跟餐叫凍奶茶+$3ღ瀘州奶茶 $88含有少量白酒成份，第一啖飲落就有醇香嘅白酒味道，再帶啖啖嘅奶茶香ღ焗肉醬意粉 $65焗後表面金黃香脆，內裡係半溶芝士🧀將肉醬同意粉撈勻，酸甜開胃🤤ღ凍華田 $15

假期瞓到自然醒，時間啱啱好去翠華食個午餐👌神之叉燒飯～看似一碗普通過普通的叉燒蛋飯，邊邊小小燶，半肥瘦甘香鬆軟，肉味濃且肉質富彈性，仲有自家製叉燒汁，蔥花蛋炒得好滑❤️秘製豬手撈麵～新春必食👍豬手非常入味，非常淋，麵都有水準，火喉恰當😋翠嘩奶油豬～搽咗牛油同煉奶，一撕一咬脆卜卜👍瀘州奶茶～玻璃樽裝，非常精緻，含有少量白酒成份，香飄飄的，非常滑😍桂圓紅棗杞子茶～補中益氣、養血安神、保肝益神、養顏明目❤️❤️

❤️🎉最愛港式食物，新年都要去食翠華新年咁喜慶，咁就飲番一杯特別嘅瀘州奶茶 🧋呢個瀘州奶茶係有白酒嘅成份，飲落口 好特別，有啲苦苦地 亦都有茶味嘅甘香😵係一杯cocktail 🥃!!! 🫨估唔到茶餐廳都可以有呢個水準😵呢個樽裝系列 可以隨身帶走 咁唔哂拎返屋企繼續happy🫣跟住叫咗個叉燒蛋飯叉燒燒得好香口 肥瘦適中 啲雞蛋好滑再加埋秘製嘅豉油汁 呢個真係港式風味當中永不敗嘅選擇啲豉油汁除咗喺白飯入邊已經 仲額外有一碟仔鍾意重口味嘅人，一定要落多啲跟住嗌咗一個海南雞飯海南雞嘅雞都幾滑 而且有雞味！最後嗌埋個菠蘿包 好滿足啊

🌟大年初二去咗翠華食早餐，啱啱11:30左右翠華餐牌有好多選擇，新年時間仲有多一個新年餐牌啊，叫咗一個蘿蔔糕期望唔大反而有驚喜。***** ***** ***** ***** ***** 🧋瀘州奶茶 （隨身瓶） 含有少量白酒成份 25ml 平時最鍾意飲奶茶，呢個真係好驚喜好味，加入左25%白酒，有奶茶味又有香醇嘅白酒甜香，先至可以帶走，隨身瓶可以環保重用。🥢步步高升蘿蔔糕蘸上Xo醬的蘿蔔糕好香呀🥬杞子鮮魚湯浸豆苗🍜雪菜肉絲蝦米銀線米粉🥖牛油豬仔☕️熱咖啡🍍菠蘿包每次必食一個，這裡的水準好高。

今日心血來潮， 突然間很想吃牛扒，於是想起了翠華， 便打電話落外賣， 叫咗個牛扒飯，配黑椒汁， 跟餐羅宋湯， 同服務員姐姐講多飯多汁， 他們有求必應， 說可以可以， 仲要不需要加錢， 拿了回家，份量也不錯。 先講羅宋湯都幾足料， 有好多蔬菜，又有酸，又有辣味，不錯不錯。 另外牛扒飯份量也不小， 牛扒比左2大塊，牛扒的熟程度剛剛好， 不會很柴，而且咬落都有些少牛肉味。 黑椒汁，用牛油烹調而成，野味無比， 總括嚟講水準不錯，可以再試！

【西貢區】【翠華餐廳】一段時間冇寫西貢區，呢啲係十八區 foodie 時期狂 chur 自己嘅過程，而家已經 chur 另一啲嘢。話說我走入嚟將軍澳係因為去將軍澳運動場睇「中銀人壽香港超級聯賽2023」嘅賽事，最後主場嘅理文以四比一擊敗傑志。睇完波行到過嚟尚德呢邊，見到翠華餐廳都心大心細好唔好入嚟食吓。首先因為好似好普通，之但係市區嘅分店好似執吓一間又一間，都好似真係冇乜喇喎。始終都叫盛極一時，趁呢個機會，反正擺喺眼前，不如就食返次啦。叫咗個 $63 嘅「常餐」，佢得一款嘅啫，就係「生炸豬扒麵」。呢個麵就真係十年如一日，都係咁難食，我就唔信佢有生炸過塊豬扒，畀盡咪大力啲煎幾吓咁。個「太陽雙蛋」係可以嘅，不過「牛油豬仔」就唔多掂，仲要唔脆。飲品我揀「熱奶茶」，比以前淡口咗少少，可能係我條脷濃咗，唔難飲就得，幾好嘅。但係我想叫啲蛋撻呀，菠蘿油呀嚟食吓就唔得喇，原來佢哋師傅下午收咗工，乜都冇喇喎。一心想入嚟食啲包點嘅我，決定 $63 止蝕離場喇。。。（地址：將軍澳唐明街2號尚德商場地下1及2號舖）

星期六12點前仲有早餐食，呢個抵讚!叫咗個沙嗲牛肉公仔麵配豬仔包加炒滑蛋，仲有一杯熱奶茶都係$39沙嗲公仔麵嘅牛肉唔錯，炒滑蛋都好滑呀豬仔包可以再香脆啲, 熱奶茶最後叫起特別好飲

又到了一人午餐時間，又再在將軍澳食，今次食的是大型連鎖店，但翠華算是有品質，偶爾吃它的午餐都是不錯的。❤️今次都是吃它的set lunch，貪又有餐湯又有飲品！本來想選擇鐵板雞扒，但見到別人叫的吉列龍脷魚柳意粉餐，塊吉列龍脷魚柳炸得好靚，所以在叫餐前改為了魚柳餐，怕吃意粉太飽，所以轉配薯菜，餐湯點了羅宋湯，餐飲叫了凍檸茶。😋魚柳真的得香脆，配上千島醬汁，好吃的，如果可以有啲汁點就更好，另外薯菜都好吃的，最怕有好勁的菜青味，薯菜中的椰菜完全沒有這味道，令我食得開心。❤️羅宋湯微辣，好足料，好喜歡吃羅宋湯的湯渣，好滿足。而在喝了辣辣哋的羅宋湯，再喝上一口冷凍的檸檬茶，正！‼️

相信大家都會聽過翠華呢間茶餐廳，屋企樓下附近就有一間，對於打工仔來講，呢間餐廳都好重要，因為每朝返工都要買早餐，而佢嘅早餐都絕對係可以保持質素，令到打工仔可以食一個大早餐先返工，全日都會開心啲😂😂😂😂早餐通常我都會揀雪菜肉絲米粉，或者沙嗲牛肉公仔麵，食完大大碗麵，全日都精力充沛，但係有時想健康啲，都會叫返份番茄生菜三文治，健健康康，都係20幾蚊咋！😆😆另外有時同同事外賣午餐，他的午餐都係偏向大份，雞扒或者豬扒都係非常之大塊，質素都有保證的👍🏻👍🏻

其實翠華出咗名品質係有保證，同埋都屬於穩定嘅，所以都好鍾意入去食。羅宋湯料多，裏面仲有兩粒牛肉粒添，新鮮色澤靚，蕃茄湯味濃，唔會剩係得茄汁味。冰鎮奶茶茶味濃奶味香。黑椒雞扒炒薯菜雖然係嗌咗薯菜，但係佢就嚟咗飯囉，不過唔緊要啦，因為佢鑊氣夠，雞肉嫩有肉汁黑椒汁唔會太辣微辣有黑椒味。

一間茶餐廳真係要經得起時間考驗，先可以為持幾十年。翠華當年系中環，銅鑼灣以脆奶豬，奶茶打響名堂上埋市。依架就被人評為極之一般或者係差。除左食物質素參差之外，裝修同員工都出現好多問題。同埋佢俾人嘅印象係貴價。但其實依家間間茶餐廳都差唔多咁貴。講番食物質素尚德商場呢間係可以合呼水準嘅，但希望佢轉番一啲正常啲嘅碗裝湯河啦！一面高，一邊低，啲水差啲差掉晒出嚟，同埋咁樣河粉嘅份量少咗。同樣將軍澳另一間系厚德商場嗰間啲食物質素就差了，而且衛生亦麻麻地，檯面都是黏黏的。叫炒飯會用一個深綠色嘅兜裝俾人，好似餵狗咁。。麻煩佢真係改善吓，執吓執遲早無晒。。。

好味指數：👅👅👅抵食指數：⭐️⭐️⭐️⭐️回頭指數：⭐️⭐️⭐️⭐️將軍澳區冇咩小店，大部分都係連鎖店，想食魚蛋河唯有食翠華啦.... 2:15去到，一個人想食午餐，一個人想食魚蛋粉。為咗杯飲品，就先叫個午市，再等2:30叫下午茶1️⃣魚蛋河 $46 連飲品😐首先好唔鍾意佢個碗，可能方便佢地員工拎.. 但成個小朋友馬桶咁🥲而且顏色令人感覺唔太乾淨👍🏻魚蛋&魚片頭彈牙，冇太重嘅味精味😐河粉係偏幼偏厚的品種，但呢款略嫌太厚，唔太索湯，同埋冇左河粉既半透外觀😐湯底好重胡椒粉味🤔- 整體普通 中規中矩2️⃣ B餐：鐵板雜果豬扒(紅酒雜果燒汁) $65 （價錢連湯及熱飲）😐賣相一啲都唔靚👍🏻豬扒好淋 唔乾唔嚡👍🏻估佢應該用果汁處理過所以咁淋又唔乾 有啲豬肉味👍🏻揀左薯菜，唔係薯條，而真係薯(仔粒)+(椰)菜😂椰菜好淋唔好味 薯仔ok3️⃣特飲 - 芝士奶蓋奶茶 （$28 ；跟餐+$17）見佢餐牌張相幾靚 就試試佢😐一上枱奶茶份量好少，隻杯裝唔滿🫠😐芝士奶蓋只有少少芝士味，質感好稀，好快就變番多奶奶茶😂同X茶果啲冇得比😞下次都係叫番凍奶茶👍🏻奶茶一貫翠華奶茶味，好味☺️

其實我都好少去尚德，咁橋經過，餐廳外的餐牌好似好吸引，於是入去整返個下午茶。瑞士雞翼撈麵，應該係sweet雞翼撈麵至真，三隻雞全翼，深色，夠淋，好味，但係偏甜。而啲公仔麵亦都稍為硬咗少少。加一杯飲品，盛惠$43。特別套裝下午茶，奶蓋，係芝士奶蓋住阿華田嘅西多士，賣相相當特別，如果食得甜嘅人，就一流，我覺超甜。加埋一杯港式奶茶，奶茶都OK，咁嘅配搭，慳返$18。盛惠$43。張餐枱上，有個推介牌，廚師推介，神之叉燒飯，限量發售。睇落個樣都唔錯，下次嚟試吓先。