翠華餐廳 (H21商場) (已結業)

翠華算是高級茶餐廳，但筲箕灣呢間服務質素卻欠佳，我們坐在水吧前一排卡位之一，通道之間有道裝飾籬芭及杯碟枱隔開，但待應竟懶到從籬芭上伸手遞碗及食物下來，行兩步繞張枱都懶，十分沒禮貌，當時週六5時許極少人，也見有女員工企在水吧旁玩電話。原本找這間高檔茶餐廳預祝母親節，母說喜歡食這𥚃的咖哩飯，點知服務咁差。昨天點了咖哩牛脷飯，賣相普通，成碟汁，牛脷薯仔數埋得六小件，且比以前辣。此外，這𥚃沒有套餐，凍奶茶都要21蚊。

We picked a chain local restaurant for breakfast. Outlook and inside both looked clean and neat compared to the neighborhood small shops. The selection of breakfast sets was not many. Three standard and a special sets.We picked the beef noodles and the special fried fish fillet. Both came with toast bread buns with butter and scramble eggs.Beef had no favor. The fish filet was thick and good portion. The bun was not crispy enough. Scramble eggs were a bit over watery. Waitress was helpful althou

初三赤口，夜晚朋友想去据扒，去翠華，雖然新年要加一，西冷成$100，瑞士汁牛河同要$100。先來奶茶，奶滑茶香，0K呀。瑞士汁牛河，超大碟，3一4棵大菜心，夠脆甜。牛肉極惹味牛味濃。河粉爽滑。只可惜瑞士汁似湯，沒有掛麵效果。賣相一流。西冷扒要7成熟，黎到卻近9成熟，上菜塊扒超具，成2cm厚，燒得黃金色澤誘人，焗薯也超大，汁另上夠體貼。新年難搵食，雖然加一，但全部大大件，食物質素都0K，環境清潔也好坐，算係咁。

相信翠華茶餐廳食物大概都有水準的保證，但說到員工的服務態度，筲箕灣這間真是100分，食物不多說，只是想在此這個地方稱讚筲箕灣分店所有員工姐姐的服務態度，是茶餐廳行內少見的有禮貌有笑容！如果你是住在筲箕灣或路過不妨入去飲杯奶茶，咖喱飯是我一貫的選擇，魚蛋粉保持水準我老公的最愛！支持筲箕灣分店！贊！

因早幾日去將軍澳翠華食過美味焗飯晚餐，今日特登行去，大約晚上9點步入店向職員表示2位，收銀姐姐話入面，走入去眼見9成滿坐，只剩一張未清理，期間無職員理會，我們亦自行坐低，有職員行過當睇我地唔到直到大叫唔該清清。呢位阿姐清潔完落order更加不耐煩，我要左個西檸雞餐，飲品都未叫佢轉身就走，後加個雜扒餐，呢位後生女態度唔差，更顯得阿姐唔想做。等了5分鐘左右，後生女話薯菜賣晒，咁我地轉意粉。最好笑係隔離遲我半個鐘入枱，佢地有碟淨薯條。雜扒餐上菜，啲扒又硬又有陣味，最終食左一半，西檸雞係一塊半煎炸雞扒斬件加檸芡，難食到只食左2塊。銀聯卡95折埋單$160。

心郁郁想食tea, 近近地食翠華, 諗住tea 間間茶餐廰都差唔多款, 實有野啱食...但見到佢個tea menu 都呆左一呆, 得四個choice, 仲要得一個啱, 其實選擇太少的確有點失望 ...好彩食物來到都算好味叫左個魚柳芝麻包, 個包好鬆軟, 有好香芝麻味, 入面揸左牛油濕濕地, 食落唔覺得干, 魚柳炸漿薄身, 唔會好厚粉, 魚柳都厚厚地, 食落都有少少juice, 唔會食炸漿多過魚 , 個點的汁都唔係一般他他汁, 面頭應該加左少少油, 有少少好似麻油定花生油ge香味......因為茶餐冇其他啱食, 就另外叫左個甜品, 唔記得全名係咩la..反正係西多士配vanilla 雪糕, 雪糕面頭有少少花生碎, 配雪糕食有點咬口, 冇咁寡....西多士外層蛋漿不算厚身, 但蛋味算香....炸的火候適中..外脆內軟..size女仔來講有點太大粒..男仔應該可以一口一個......不過面頭煉奶太多, 有點甜, 反而底下的朱古力漿就唔係好食得出,因為俾煉奶味搶晒見佢個香檳奶茶有點似太興冰鎮奶茶, 本身係太興的fans...試下呢個得唔得.....其實2間有得fight...翠華的都好味,

一入到去見到裝修都吾錯，湖水綠色為主。叫左個至潮魚旦片頭河湯，魚湯，有少少胡椒味！啱哂依家秋涼嘅季節，暖暖個胃^_^河粉，吾會淋！如果吾食青嘅朋友仔，一定要記得走青，因為依間吾係放係隻匙上面(個人建議加少少辣椒油落去更好味)魚旦，好彈！片頭，炸得好香，不油，味道香濃！環境，超乾淨！凍檸茶，檸檬夠多，有最少4至五片！(糖水不是分開上)服務，良好，收銀姐姐笑容好好咁啱去到係員工食飯時間，服務都未因減弱very good !!!!!!!

筲箕灣終於都有翠華茶餐廳啦!! 等左咁耐, 當然要幫襯下啦!筲箕灣翠華唔算近地鐵站, 反而搭巴士就響正翠華隨黎落車! 筲箕灣都算多食店, 但人口亦多, 好多食店都坐滿人及要等候入座! 翠華都唔例外, 門口排晒長龍!! 最慘既係太陽曬到正一正, 而且冷氣排氣口(熱氣) 響正門口, 令排隊既人熱上加熱! 連鎖式茶餐廳既 Menu 當然係統一架啦! 早餐A 仍然係 仿鮑魚火腿絲湯通粉, 價錢都好似係一樣! 好耐無食翠華早餐, 唔知係筲箕灣 Special 定全線都有呢個 特色早餐呢~而我係叫左 A餐 - 仿鮑魚火腿絲湯通粉,配西煎雙蛋及牛油方包 (凍飲加$3)!通粉味道 OK, 奈何淋左少少!而西煎雙蛋, 無乜特別咁囉~ 不過個餐包幾好味! 至於杯凍檸茶, 正常!筲箕灣翠華既室內環境都幾靚架, 不過茶餐廳既宗旨係 快 靚 正, 所以每檯都坐得幾親蜜下! 分享到此為止, 拜拜~

自己住個區終於有翠華喇，開心都嚟唔切，因環頭環尾的老區，沒有稍有質素的餐廳/酒樓，有名氣品牌更加不可能呢！今早，決定去光顧，雖然有長人龍在店外，也阻礙不了興致！輪侯15分鐘後，終可以入座了！點選麥片早餐，歐陸早餐...等候很久，才有得食-因為實在客人多！麥皮份量頗大，有點凍，全無味道，牛奶味都冇呀，加上又鞋口！😐接著，歐陸早餐，出名脆豬，冷的，不脆，淋的，很靭，炒旦凍的，旦炒得很老，炸魚很燶及乾硬...熱奶茶，溫呑呑的，不夠滑！我叫的熱O茶，很大杯，但喝不下，因隻杯好污糟，反晒胃呀！食到火起又失望，埋單走人，永不幫趁此分店！😕😕😡題外話，今午在某店飲左免費奉客的凍O茶，是意外的驚喜，茶味濃，O檬香，夠凍，用茶冰，飲到最後一啖都甘好味！此乃用心去做的成果！👍👍😋