翡翠拉麵小籠包

营业中

休息中

今晚想咗好耐都唔知去灣仔邊度食，後來諗下好久沒有吃小籠包，便想起大有大廈的「翡翠拉麵」。估唔到去到發現都有7乘客，食物水準尚保持，價錢算不貴，服務態度非常好，但惟一2個人吃不到太多種類，而且上海菜偏膩、重味，所以我們只吃了小籠包、兩個頭盤，一份點心和一碗麵，已經頗足夠，埋單三百幾，都算合理。

以往住在附近的時候經常惠顧這間食市晚飯，但已是多年前了。最近再次惠顅是有點失望的飲食體驗。前菜叫了烤芙及鷄絲粉皮，是兩道以前經常吃的前菜。價格約六七十元，與各款湯麵主食的價格相約，但份量卻少得很，與其價格不成正比。味道方面也大不如前。烤芙只有甜味，口感過硬。鷄絲粉皮的粉皮則做得太淋，欠口感。小籠包，此食店的主打，仍然是皮薄多汁，但肉餡有欠鮮味，稍為失色。麵食方面，依然做得出色。湯夠熱，麵做得好煙靭。擔擔面仍然係此店一絕，醬味十分濃郁可口。整體嚟講食物質素不如前，性價比底，特別係前菜，是令人失望的。服務員十分有善及殷勤，值得一讚。希望稍後食物質素會有所改善⋯⋯

相約了一班多年老友出來飯聚，大家不約而同地選擇在灣仔飲茶Dinner。正當彼此考量了好久，未能作出地方決定之際。住在港島區的朋友提議位於大有商場3樓翡翠拉麵小籠包。於是我們一行六人一起前往。 剛到步。即有職員上前迎接，禮貌周到。隨即便可以入座。我們座下沒多久，就點選了HSBC 六人套餐，餐種項目選擇不算太多，但口味頗多元化，味道合適大夥兒。 最另我印象深刻的食品莫過於椒麻酸菜魚。份量充足，味道十足。麻得黎又不會太辣。辣程度適中。樓面同事非常熱情有禮，用餐體驗滿意，實屬難得，確實好耐沒試過咁多老友聚會，而用餐體驗會這麼良好。使我渡過一個愉快晚餐時間。 下次食飯我一定會再選擇灣仔大有商場翡翠拉麵餐廳。

這家店開張不久，在大有商場頂樓，可能被人忽略，因此在午餐時間很容易有座位🤭我已造訪過幾次，但每次仍然點他們的牛展拉麵。這款牛展燉得極入味，味道絕佳，每次光顧必定不會錯過。至於小食，今次要了鍋貼。可能是剛煎好，所有端上來的鍋貼都熱辣辣，且充滿肉汁，絕對值得一試。

幾好食，不過真係好貴，性價比唔高，所以可能隔幾個月先至嚟一次。唔知係咪生意難做，店員啲態度好好，間鋪好似乜嘢優惠都冇，收錢先知比指定信用卡咭有八八折，不過折原都要接近$500（3個人）。個糖醋魚塊必叫，好食，啲魚一共有9 舊，好似多過之前(?)小籠包同埋鍋貼都好食。(不過如果小籠包都唔好食就真係執得)叫咗個春卷，好一般，下次唔會再叫。最差就係個欖菜炒飯， 啲飯未熟咁樣，超級硬，𡁻極都係好硬，食完驚胃痛🫠個豬扒上海麵，啲豬扒炸到好窿，啲肉都好實，個面冇乜特別🫠

侍應服務非常好，比得上六星級飯店，食物亦非常美味，由入餐廳侍應帶位已經感覺到他們服務態度非常好，點餐時其中一位女侍應還主動提供意見，又提醒我們不用點太多菜，侍應會主動添茶！而且餐廳環境非常闊落，誠意推薦給大家

喜歡去灣仔店，因為環境舒適，侍應Kimmy熱情招待，每次都主動介紹店內優惠和時令菜式，我最鍾意雞火炒飯，炒得乾身不油膩，火腿甘香，上枱時還熱辣辣。小籠包夠熱多汁，也是每次必叫之選。高力豆沙軟熟不太甜，美味可口。芒果愛玉特飲略嫌冰太多，少芒果肉，不夠味。

遇正七人欖球賽，2:00pm都唔少人加上落雨，唔想再走圍搵食又想坐得闊落舒適，唔會比人趕走，揀左翡翠《酸辣湯麵》一黎到，好大碗，食落似碗仔翅咁，杰身、多料（冬菇、肉絲、粉絲），辣辣地，夠酸《雪菜肉絲麵》麵冧，清淡，唔似菜餐廳咁，好油好化學味《小籠包》熱辣辣上枱，肉鮮，咬落有湯汁，配埋個醋，更加鮮甜雖然好飽，但都叫左《高力豆沙》都係熱辣辣上枱，好味加倍服務好，食物上枱會同你講聲係咩野，又提醒醋擺左係枱面上甜品時，咁岩我遠望到男侍應行緊過黎，拎住高力豆沙，佢醒目見到枱面收哂我地餐具，即刻轉身，攞埋餐具，先一次過上餐

約左朋友 去食上海野，嚟到大有商場呢間翡翠拉麵小籠包，喺商場3樓，入到去，搵張卡位坐低，嗌左醉朱手，手抓餅，五香牛展拉麵，糖醋魚柳，全部都好好味，yummy yummy, 原來手抓餅配糖醋魚柳好夾好好味，D汁同D餅好夾，侍應都好有心同有禮貌，坐得也舒服，雖然有 QRCode，侍應都有埋黎介紹有D蟹粉菜式，蟹粉拌麵等等，同埋餐廳都有好多窗口位，地方企理乾凈，讚。同埋D空調也夠，另外，餐廳門口有好多好多外賣，一盒盒，方便D懶人拎返屋企加熱就食得，我見有乾菜扣肉，鎮江排骨，牛腩，烤夫等等。下次一於買番屋企試吓先。

間中會食呢間，感覺越嚟越差☹️叫左上海粗炒，小籠包，同埋鎮江排骨感覺呢間嘅小籠包比另一間分店厚少少，不過呢間唔洗等位，所以近排多數揀黎呢間上海粗炒算正常水準，一貫的多油，不過今日呢碟啲麵仲要比較碎😑鎮江排骨，我食咁多次，薑味越嚟越重👎🏻，今次仲要硬到差啲咬唔開，結果痴住晒我啲牙，用牙籤都搞唔掂，要返屋企用牙線先得😠以前佢哋嘅鎮江排骨整得幾稔，今次簡直不知所謂👎🏻食個鎮江排骨食到好忟😡😡😡

同屋企人食飯揀咗翡翠拉麵，好多小菜都好好食，我最鍾意就係食佢嘅雞絲粉皮，同埋豆沙豆沙鍋餅，整得非常之脆，入邊甜度啱啱好，每次嚟我都係好期待佢嘅甜品，超級Yummi啊😋

灣仔區午餐時間很多人，兩個人要找一處地方可以book位又舒適並不容易。🫠見到餐廳可以book位，所以試一下。食物質素中等，座位算舒適不算太迫以前午市的麵食和小菜套餐價格不同的，以前小菜貴一點的，現在兩者價錢一樣，所以小菜較扺食。前菜醬茄子味道不錯，主菜小菜也不錯。人均$120，價錢包括有前菜，主菜和飲品。我略嫌略貴，不過在灣仔區來說算合理。灣仔午餐普通茶餐廳也要$60-$70。而且餐廳位於大有商場，尚算方便

📆 探店行動：21/6/2023 | 星期三 | 1930 🕢 | 人數 2️⃣〰️〰️身為灣仔老街坊兼拉麵控，食得最多嘅唔喺日本拉麵就係上海拉麵。上海拉麵呢個層面，我幫襯得較多嘅喺"翡翠拉麵小籠包"。連鎖店嘅佢出品味道唔會驚豔，有啲仲要勁伏，但佢陪伴我渡過中學，博士，打風等等嘅時光。屈指一算都差不多20年，喺回憶般嘅存在。今日甘啱行過，純粹想輕食，就嚟回憶下。2️⃣個人嗌左4️⃣樣野：〰️〰️🪔上海排骨拉麵 $78每次嗌呢個拉麵心情都好忐忑，因為佢嘅質素喺過山車般嘅存在，我經歷過淡茂茂嘅湯、糊口嘅拉麵、乾柴嘅排骨。今次....有啲唔同....算得上喺罕有嘅好食 😮🍽 看似清淡嘅湯頭有淡淡雞嘅鮮味同火腿嘅鹹香，鹹濃度啱啱好，淨食拉麵都唔會寡 ✅️🍽 即叫即拉嘅麵條有咬口，食到末聲都唔糊口 ✅️🍽 炸排骨做到外脆內嫩，薄薄一層嘅炸皮包著肥鬆化有肉汁嘅肉排，正 ✅️▫️🪔清炒河蝦仁 $145河蝦細細隻鮮味都幾濃郁，肉質彈牙，感覺幾新鮮。廚師火喉拿捏得啱啱好，唯獨調味略為重手，偏鹹，齋食有少許負擔。▫️🪔瑤柱賽螃蟹 $88蛋白炒得幾嫩滑，有眼見得到嘅瑤柱絲/碎，味道喺有嘅，就甘食鮮味唔太突出，要搭配浙江醋增加風味。▫️🪔涼

小籠包嘅質素一直好穩定除咗幾年前豬肉短缺味道就比較差而家已回復正常皮薄、餡靚、湯又甜唔知呢個係咪 LVMH 收購佢嘅主要原因 😂炸銀絲卷裏面真係一絲絲點煉奶好好味蘿蔔絲酥餅從來唔會令人失望外脆內軟蘿蔔好入味回味無窮生煎包都好味唔會話好乾加啲醋去食仲更加正上海粗炒雖然望落去個樣好油但食落去又OK喎啲麵好彈牙配合埋啲菜好正煎窩貼即叫即煎食嘅時候要小心啲因為裏面啲湯好熱素鵝無以前咁好食上枱時見到佢啲炸粉下次應該都唔會再叫蔥油餅size縮水咗好多蔥亦都唔夠香下次食多碟煎鍋貼好過大有廣場呢間翡翠拉麵小籠包勝在唔係太多人近窗邊嘅圓枱坐得好舒服係一個同朋友聚會嘅好地方

今日要去灣仔約咗個朋友食lunch，再上咗去翡翠，好耐冇試過佢哋啲嘢，今日叫左個牛肝菌小籠包，蘿蔔絲酥餅上海炒粗同埋乾蔥拉麵.今日中午上嚟都好多人，下次一定要打電話book枱先，剛剛好有兩位。出品幾好有水準，等左20分鐘，差唔多時間。出黎食品夠熱好味。會再黎。