翡翠拉麵小籠包

营业中

休息中

大有商場的翡翠拉麵，地方座位也算舒服，週日午市亦見客滿。上海菜式，叫了椒鹽小黃魚、水煮牛肉拉麵、瑤柱賽螃蟹、上海粗炒麵、小籠包，以及高力豆沙。小黄魚的晒士不算小，肉質鮮嫩，炸得也脆口。賽螃蟹以蛋白居多，瑤柱所蹤不尋，一道清簡清淡的菜，加少許醋可調味。不吃得辣的人未必承擔到小辣水煮牛肉拉麵，儘管是小辣，但口腔仍熱燙燙，脷根像燒灼般，但麵是爽口的。小籠包襯熱吃，內裝的湯剛好，肉團也不太大件，剛一口。高力豆沙是兩件傳統黃衣加兩件芝麻豆沙，餡料較吝嗇，切開只見一小塊豆沙，味道也較淡。服務員招呼很有禮貌，是一間可接受的食肆。

加完班想食麵，想起好耐冇黎衣度就幫襯下。唔知幾時又由江南小廚變回拉麵小館。點了我喜歡嘅雞煨麵，叧加春卷。碗麵份量少左，湯有D淡，加了好多菇，唔係咁配，雞肉好細粒。春卷皮太厚唔夠脆。服務算唔錯，埋單先知有八折。會俾多次機會試其他嘢。

話説之前同事話而家翡翠外賣餐有75折好抵食，之後我地就話屋企附近無喎，咁睇睇公司附近有無啦，有就外賣返屋企食！點知search 到大有呢度有一間，而且堂食用指定信用咭都有75折，所以呢餐就由外賣變左堂食！🤣🤣✌🏻✌🏻星期五Lunch Time, 一樣都咁多人，未算full house 𣎴過都9成滿，可能大家困係屋企都太耐，所以大家一返返工就要去下外面食lunch 下！🤣🤣我地4個就叫左小籠包，雲吞雞，手抓餅，上海粗炒同擔擔麵，小籠包🥟🥟不過不失啦，都幾好食，雲吞雞個湯好多，我地叫左半隻，個湯飲左2碗都仲有好多！🍲🍲但唔知點解佢隻隻雲吞都散晒，皮肉分離，雞因為係煲湯雞，所以會嚡啲，反而係點雞嗰碟豉油，勁鹹，唔點又會無味，唔知想點咁！🐓🐓上海粗炒我個人覺得勁油，好在佢有啲菜，食落都無咁膩，擔擔麵幾好食呀，我覺得好香同唔太辣，唔算好油，我食左2碗。。最後你最估唔到係，我覺得成餐個手抓餅最好食，好鬆化，好香口，唔油，真係食！👍🏻👍🏻😊😊75折下呢餐都要$100/人，都算抵食嘅！👍🏻👍🏻😂😂

食上海野，小籠包是必叫的，就是太心急要趁熱食而忘記影相😂😂，味道不過不失，但包內的肉汁少了😔上海粗炒的份量真的頗少，價錢已不平宜還要扣食材，太過份😡番茄魚湯海鮮拉麵，味道和食材都好好，好足料😋😋肴肉，有咬口，肉汁也足，可以一試醉豬手，入味，爽脆，正呀👍🏻👍🏻服務態度方面就一般般，入會送的贈券，也不說一聲而放在枱上，真的要好好再培訓一下☹️