翡翠拉麵小籠包

营业中

休息中

喺街頭轉轉角，發現咗間小店，吸引咗我走入去試下。店內環境簡潔清新，菜色看起上嚟都幾吸引。首先試咗鮮味逼人嘅豉油皇炒麵，啲麵條又滑又Q，勁正！炒得啱啱好，帶啲鑊氣，啲豉油香味掛住嗮麵條，入口即化，咬落去間中夾雜少少蔥花嘅清新，食完一口仲想再食！🍜第二樣嚟咗個檸檬蒜香脆腩肉，皮脆肉軟，一啖咬落去就聽到啪啦啪啦嘅聲，係咁滯！啲肉入味得嚟唔會太鹹，跟住淋上嘅檸檬汁帶出肉嘅甜味，蒜香混合酸香，真係令人唔自覺嘅Continuous夾肉！😋最後，一道酸甜開胃嘅凍梅菜雞，啲雞肉滑嫩，配上酸酸甜甜嘅醬汁，醒胃得嚟又開胃，雞肉煮至啱啱好，唔會太柴或過腍，相當滋味！🥢總括嚟講，呢家店嘅食物真係令人驚喜，喺平易近人中透出嘅係一種家傳手藝嘅味道，實在值得再嚟幾次！下次要同屋企人一齊嚟試下佢哋嘅招牌菜了！

惠顧貴餐廳已經多年 將軍澳 尖沙咀 中環全部服務態度都非常一流 值得稱讚 因朋友生日預訂了今天12月12日 到沙田店享用晚餐大概8:15左右入席 食到9點15分有職員詢問有否需要加單 因為last order 我們表示不需要再問一問職員係咪收工喇一位戴眼鏡短頭髮的職員說「係」然後我地諗住食埋就即刻走 因為呢一位職員態度真的很差 好似趕客咁 即刻print張單要我地埋單仲即刻收走我地枱上面的碗碟原本一餐開心既生日飯換來滿肚子氣希望貴公司能加強培訓員工 沙田店無論員工、收銀態度都好差唔會值得再去

今日經過新城市廣場，見到翡翠門口有個蟹粉系列餐牌，見到有好多新菜式，仲有大閘蟹，見到好似幾吸引，然後就諗住入去試吓。我哋點咗招牌擔擔麵，小籠包，紅油抄手，呢D必食既招牌菜。最驚喜係竟然有蟹粉豆苗，即刻點咗嚟食吓，原來蟹粉同豆苗個味道都幾夾，好清甜一定要趁宜家季節食多幾次，如果唔係就要等下年先再有

今日試吓翡翠拉麵沙田分店，除咗必叫王牌小籠包之外，今日order咗蘿蔔絲酥餅，外面嗰層酥皮翠卜卜，蘿蔔絲超軟，味道恰當好處，絕不油膩。值得一讚同事們都好落力，服務一流。👍😋

行去一田買嘢 經過翡翠小籠包拉麵 門口有蟹粉下午茶餐推介 價錢幾抵食入去試下 有點心及冷盤 仲有蟹粉小籠包及蟹粉炒飯 仲有兩杯特飲 都幾抵 匯豐信用卡 仲可以減30 影個餐食物畀大家分享

今日同阿嫲去食翡翠拉麵小籠包，咁嚟到一定要食小籠包㗎啦～ 佢哋四粒小籠包就大概$48我哋仲嗌咗雪菜肉絲拉麵，都幾開胃下🤭 仲好大碗，最後都食唔晒添🫠 真係幾唔錯～最鍾意食嘅，都係椒鹽黃金炸豆腐🥰 真係外脆內軟，一定要趁熱食飯後甜品嘅話，就嗌咗酒釀小丸子🤭 浸酒味都唔係好重👀 我覺得一個人食一碗會幾飽下🤫你一餐都食咗$250，平均百幾蚊一個人。又食得幾飽下，滿足～ 啲服務生都好親切，我阿嫲需要啲咩佢哋都好有耐心去幫佢

約朋友到沙田翡翠拉麵，方便就腳，叫奶油津白，重慶水煮牛肉，酸辣湯拉麵。見幾檯客都飲夏日特飲，青蘋果qq椰果苿香綠茶，多瑙河荔枝爆珠梳打及紅柚多肉苿香綠茶，今次唔飲豆漿改特飲。辣配凍飲品真夾，啖啖果肉，酸酸甜甜，綠茶甜度啱啱好，無諗到水吧水準高，應記一功。

有事專程到沙田取物件，取完物件已有點肚餓，經過翡翠拉麵小籠包，我未食過沙田呢間分店，心思思想食佢出名嘅拉麵，在門外徘徊左看看右看看，正猶疑不決之際，接待員很友善主動招待我進內。(原先擔心一個人被不禮貌眼光對待）點了*水煮牛肉拉麵*和豆漿拉麵是人手即打，麵質軟熟有米香，水煮牛肉很多片，新鮮軟滑有口感，湯底麻辣適中，香氣撲鼻，最後以一杯濃濃豆香的豆漿解解辣。一個人的午餐，高質的食物，得到良好服務，愉快一整天。

今早掛緊8号風球，落街食午餐，行下行下入左翡翠拉麵小籠包。平時都係叫拉麵🍜，小籠包，鍋貼等。。今日點左個「火腿烤雙方」嘅前菜，唸住未試过隨意試下新野。一塊又薄又軟嘅包片，包着塊野味金華火腿及爽爽青瓜，仲有一片薄翠炸腐皮，點少少蜜糖。嘩！呢個配搭，真係一試難忘，停不住口。😋😋下次必吃！🤣🤣😍😍

星期一平日lunch唔需要等位 入到黎俾店內環境吸引左 掛左唔少蒸籠做裝飾 又見到用餐位置擺放左中式屏風 大大加左空間感 可以好舒服咁同同事食飯同傾計 lunch有得揀拉麵套餐 可以一試過試到前菜 拉麵 同飲品

朋友話想食小籠包，就入左去翡翠拉麵星期五放工時段真係好多人但好快就入得嗌左好多野食好快到又好味見到有新特飲，即刻試！藍色個杯好好飲，係類似荔枝玉露，係叫「多瑙河荔枝爆珠梳打」！

星期五晚約左朋友食飯，朋友想食小籠包，所以揀左黎翡翠拉麵食，叫左小籠包，上海炒年糕，紅油抄手，同小食拼盤。炒年糕同平時食開既一片片個隻唔同，佢係粗身長條形既上海年糕，咬口煙韌好多，抄手就屬於偏辣，小食拼盤同小籠包都係不錯，整體感覺，侍應態度良好，食物質素中上，下次會再幫襯。

一向好鍾意食上海菜，今次就同咗屋企人食沙田依間翡翠拉麵小籠包😁😁每次食上海菜呢，賽螃蟹同埋紅燒獅子頭係必叫嘅😆😆😋😋由於係同長老一齊食，所以叫嘅食物都比較清淡一點😀我哋再叫多咗個水餃麵水餃皮薄餡靚，每粒都晶凝通透，口感幾好👍👍啲食物係高質😄😄翡翠拉麵小籠包一貫嘅質素嗰賽螃蟹，蛋白好香滑，紅燒獅子頭呢，肉同d 菜就好入味，而餐後甜品，我哋就要左酒釀丸子😁整體都滿意，唯一係人比較多，服務一般

同家人係附近玩完，黎左沙田新城市食野，星期日中午時間都幾多人等，不過一行三人好彩5分鐘到就有得入座👍🔸炸醬拉麵炸醬口味濃重，辣味好出，炸醬既份量都幾多，撈晒成個麵都炸醬都仲有淨，麵條帶啲煙韌，口感唔錯。另外配埋一碗清湯，麵條黏住既時候可以加少許湯撈一撈，炸醬麵整體比較重口味，醬汁少一啲可能會更好😉🔸菜肉雲吞湯拉麵菜肉雲吞size幾大粒，外皮滑溜，湯底清，麵條軟硬度適中，湯底好清，清淡之選。🔸炸銀絲卷外皮唔會太厚，輕輕炸過外皮有層薄薄既脆皮，入面軟糯，點煉奶食好正🔸上海小籠包一籠四隻，入面充滿湯汁，皮薄，趁熱食唔錯👍🔸嫩雞煨麵叫左嫩雞煨麵比小朋友，有菇、小棠菜、雞肉絲，麵條軟淋，湯底稍微偏鹹，整體都ok呢度有bb餐具同bb櫈，帶小朋友黎食野都方便，環境都舒服，上菜快，整體係正面既體驗。

訂咗位今晚 喺翡翠小籠包拉麵 食上海菜 叫咗小籠包 好juicy 雞火炒飯 醉豬手 招牌擔擔麵 蘿蔔絲酥餅 保持水準 高力豆沙 好軟熟不太甜 飲品叫咗桂圓雪梨茶 凍檸檬薏米水不太甜 今晚都好多人好彩一早book咗位 下次約多啲朋友可以食多啲嘢