翰騰閣 (已結業)

今年年頭同學病了,聽同學說個瑤柱白粥好抵食,陪同學便去買個試試,當時賣$13,知道要等,都等10分鐘左右(唔太記得),碗粥好大碗,望落都幾靚,仲給埋salt添聽到同學說4/5月開始加價,今日媽媽病了,便打算買個白粥給她吃,首先個粥加到$17,唔記得上次買外賣係咪都是要收加一,見圖,加一竟然加$2 law,竟然四捨五入!!我唔覺得係咪lunch time所以咁耐,因為上次係4點左右都係等咁耐,我又唔信佢會係即刻煲俾我law,但係我竟然等左足足20分鐘!!!!係20分鐘!!!!好在佢d staff都見我大大個人棟起佢個門口,都幫我催過兩次,真係等死左我,真係激死我!!如果再過10分鐘都唔來,真係想叫佢退返錢俾我唔要!!!碗粥拿到出來,比以前仲細左半碗,見圖,之前係滿ga!!今次連salt都冇!!兩次都唔係我食,但係就算幾好食,以後都唔會再去!!!!!!!!!!!

每年grandma生日,我地定必呢到擺2圍既.. 唔知係咪今年經濟好哩.... 全場爆滿, 不過亦都係我地惡夢既開始.. 其實我一向都覺得呢到d野食ok架, 不過昨晚的service實在太差喇... 唔係負責serve我地o個個窩... 係廚房arrangement的問題...... 我覺得我昨天似食緊法國大餐多d囉.. 每食完一味都要等15-20分鍾先上第二味...可能要serve左出面d散客先卦.... 不過我地吹左幾次都冇用...... 最搞笑係個經理話會serve得我地更加好黎補償... (quality service唔係應該架o!?!) 到出面d人走得七七八八o個陣d咪上得快囉... 唉.... 我開始唔係太鍾意呢到....... 明知忙, 唔係應該想好contingency plan黎應付架o羊????? d經理連一句唔好意思都冇..... 實在太像話囉

5月4日想提早慶祝母親節﹐因冇心算去邊﹐剛打開報紙發現此家酒家做推廣﹐6人餐1688﹐早兩天前訂還有88折﹐又話可有全家福照片等卓頭﹐姑且一試。當晚到場已發現裝飾雖然新整﹐但d椅卻有污垢。套餐首先來個拼盤﹐質素仲差過街坊酒樓﹐燒鴨超肥根本食不落口﹐之後來個西蘭花帶子、百花盒尚可；但到了條魚則細細條似四人餐多個六人餐。 根住最差是個鮮飽魚配鵝掌﹐餐牌上的照片是一份份上的﹐真實上菜時是一大盤﹐好似去飲咁﹐自已挾！都唔緊要﹐關鍵係唔好食﹐食了咁多度菜都唔好已經好失望﹐期望單尾個伊麵同壽包﹐但結果….伊麵尚可以﹐但壽包真的不敢恭維﹐賣相亦不佳﹐最令此頓飯生氣的還是個生磨合桃露﹐簡單講是用合桃磨粉加d粉槳﹐連粉槳都差不均勻﹐一舊舊﹐難食非常﹐即食果種仲好過佢﹐由頭到尾都令人不滿意！埋單時仲則則博不打折﹐向其反映有折扣才扣翻﹐好明顯是博大霧！ 最後折完埋單一共1700多元﹐我們5個人、2個小童﹐以6人計平均約300元吃這些垃圾﹐真的冇下次。最激氣是為母親節﹐平時吃飯也算了﹐令是次過節一點也不愉快。奉勸各位慎重選擇！

公司再次係翰騰閣設宴,今次菜單同上次有少少分別,當中有幾味值得推介一下。首先係五福臨間拼盤,講到尾,其實只係燒味拼盤,一般黎講,我係甚少推介呢類菜色,因為真係好行貨,我自己都唔係咁鍾意食,但係估唔到今次會令我有驚喜!所以五福,包括燒鵝、叉燒、乳豬、薰蹄、海蜇, 燒鵝肉竟然比出面好味,個皮唔多肥膏,肉就又香又嫩而且啖啖肉;叉燒又係燒得香.唔硬,少肥,雖然少少油,但係食完完全唔覺肥膩,都幾難得;燒豬其實只得浸皮,不過真係好脆,又薄,無肉連住,係有一少層膏,但係都係比一般薄,易入口又唔會食到人好滯好油; 薰蹄同海蜇都係一般。脆皮雞係另一推介,多肉皮脆,肉質嫩,又係啖啖肉而唔多肥膏,食多幾件都仲得!不過,有兩樣就有所保留,其一係鵝掌,雖然用生菜墊底,但係好多汁,又好油,而且鵝掌好大隻,食到好「呢hea」…仲有一味係鮑汁荷葉飯,基本上味道係唔錯,但係作為甜品前最後一味,難免令人飽得滯,鮑汁滲晒入每粒飯粒,呢點係做得好好,但係飯質頗硬,有少少似普通飯同米飯之間,食完都幾”銀”胃,反而上次食既雜錦炒飯同鴛鴦米粉就好好多!糖水方面,呢次既雪耳蕃薯糖水都有驚喜,因為兩種材料既份量都多,真係估唔到,味道糖

食左一餐應酬飯,一圍十幾人,三千幾蚊,勁多野食,食到食唔晒,要打包,估唔呢度既菜式可能做到清清地,唔太油膩,都算唔錯!蘿蔔絲酥餅:個皮又薄又脆,難得係從未食過咁唔油既蘿蔔絲酥餅,好似整完之後經過索油過程一樣,唔錯!個餡多料,但係竟然好清唔滯,全部係蘿蔔絲同菜絲,比起出面好味但係同時好油既蘿蔔絲酥餅,呢度算係出色;香芒脆蝦筒:雖然又係炸,但係個皮唔同,係白色果種(唔知係咪叫白紙卷定什麼),又係唔油,有芒果香(雖然唔多),蝦肉份量算多,但係我寧願多點芒果少點蝦;南翔小籠包:一般,唔好expect係好多湯果種,size亦唔係好大,其實一上桌已有乾曾曾既感覺,不過算吧,又唔係上海野食肆,由得佢吧;蝦餃皇:都幾大隻喎,食完一件都覺得自己食左好多蝦;帶子螺片西蘭花:呢味都幾好呀,平時西蘭花好索油,但佢真係做到唔油喎,因為本身成碟野已經唔多油,但係好多西蘭花, 帶子同螺片都唔少呀, 螺片我唔好,帶子其實細細粒,叫做ok,成碟最好味,應該係西蘭花,哈哈;脆皮炸子雞:一般質素,唔會差過人,亦唔係特別好;蒸魚:唔錯,多肉,肉質滑,算係咁;雙菇浸莧菜:呢味好好味呀,雙菇唔好以為係冬菇同草菇果d,原來竟然係係

相識四十多年的小學同學，相約於翰騰閣聚餐，細個一同上學，一同比老師打手板的老友，一同打豆槍野戰。轉眼又四十多年，以前也有間中聚餐，今年因有同學由美國回來探親，所以又相約見面。今次有成十五六人之多，攪手話翰騰閣d枱夠大，一于聚一聚啦。太多年冇見個個雞啄唔斷，都成十五人枱面d花生同合桃都系得兩小碟，不過同學好布心從美國帶左d呤呤杏仁及72%黑朱古力供各人分享，要了個十二人餐，話有鮑魚及大青班，一上枱個拼盤就比較細個啦，個蟹黃翅都ok啦，不過鮑魚炆鵝掌好似咸左d。條大青班可能厚身，所以就過左火唔夠滑，另外加左隻燒米鴨(北京填鴨)，個部長d刀工唔錯，片皮不帶肉，我地加多六十蚊要了個鴨鬆生菜包(very ok)，d肉一d都唔干好食。甜品比較普通不值一提。可能系星期三唔多客，得幾個部長同侍應，雖然人手少個個d服務態度都唔錯，地方夠光大枱之間又有全身玻璃間開，嘈唔到格離張枱，整體來講不失為一個聚會好地方。可能過多幾個月又去過啦。

話說老細想新年一team人一齊食個飯, 都預料到又係來呢度...其實又一城又唔係無其他中菜廳...次次都揀呢度...=.=今日坐於"同grade"同事果檯, 食得輕鬆好多. 一檯人叫0左廿幾碟點心小食再加2個粉麵.點心方面合格的, 腸粉皮幾滑, 不過小籠包不夠湯汁...其餘的, 印象不深...個人較為喜歡那2個粉麵, 一個係海皇鴛鴦米, 用了銀絲米和東莞米, 在賣相, 味道和口感方面都令我留下好印象!另一個係大展鴻圖窩伊, 之所以記得佢都係因為佢個"大展鴻圖", 新年流流好意頭!最驚喜的是最後來的甜品. 上次試0左個薑汁燉奶, 今次試下個麥米合桃露. 食落有粒粒的合桃與麥米, 幾鍾意!合桃露也磨得滑~~好香的合桃味~~好喜歡佢唔太甜!!

dishes were meant to be hot but just 'warm' when arrived at our table. Sweet and sour pork was not crispy. The most expensive part of the meal was the chicken soup. The setting was not too spacious and overall the dinner was fairly pricey and tasted nothing special.

個晚我去個到飲.嘩!D野食好好味,有鮑魚,魚翅,乳豬....總之都係個類野啦真係好好味.鮑魚有夠大,魚翅都好足料,而且個乳豬仲好脆真係好好味,都唔似之前D食評講得咁差,D侍應都好有禮貌同我個FD講野,真係唔錯而且裝潢都好靚,係飲宴既好地方.我去到個到就覺得呢間野唔錯,如來係比我想像中仲好.^^仲有阿.我係第一次去個到飲

上星期, 跟一班老朋友敘舊, 有人特地選了翰騰閣吃晚飯, 這裡裝修不錯, 地方可算很大, 但很奇怪, 枱椅排得很密, 迫得很, 我們是訂了一張十二人的枱, 這張枱和其他數張十二人枱靠牆身好像排隊一樣, 比open area高了一級, 毎張十二人枱和枱中間都有一塊全高的大透明玻璃, 我想它的原意是想看得通透一點, 地方好像大一點, 但似乎它反而變得十分危險, 我有個朋友去完洗手間, 返回坐位時, 想經隔離枱入, 差點就衝埋塊玻璃, 幸好有人及時提他小心, 不然後果嚴重。至於食物一般, 個所謂海皇翅, 一食就知係假, 又唔夠熱, 而且又太杰, 值得一讚是甜品, 杏仁茶, 頗香頗滑, 侍應服務一般, 問什麼都說唔知, 就算不知, 亦應替人客盡量找答案, 工作態度欠奉。總括而言, 特地去九龍塘吃這餐整體而言不太值得吧！

The worst service in Hong Kong. Even though the food was very good, i will never come again.

we booked a table 4 days ago. But when we came, this restuarant told us (without apologizing!) that all tables are full and asked us to go to another restuarant instead?!!!They 'explained' that because there was a banquet that took up most of the restuarant hence there were only very few tables left. My aunt was like "but Miss..your restuarant didn't know there will be a banquet when we called 4 days ago and booked the table?" the lady goes, "yes we do" (still...no apology!) . The worst part is

上星期，同男友去又一城翰騰閣食晚飯，叫左幾個，真係唔錯呀，唔係大家講得咁差... 燒腩仔：正呀！叫左番黎半個鐘有多，ｄ皮都好脆！菜膽排翅：好多翅！足料！清蒸東星斑：時間岩岩好！唔會太熟，好滑！鮑魚：唔記得幾多頭，都唔係太細，ｄ汁好味，好食！蒜子莧菜：好味，就係因為簡單，才試到師傅手勢好！燕窩燉奶：味道淡ｄ，不過都ｏｋ！我對呢餐都好滿意，環境一流，地方乾淨，味道唔錯，侍應態度好好，服務都唔錯，如果上菜快些少會更加好，價錢係貴ｄ，不過又一城食呢類菜都可接受！總體上係好好架，下次一定會再去！

我有個friend結婚係呢間擺酒，成廿幾圍，最後送了張結婚一週年免費套餐優惠券比新人。擺酒晚埋單時，新人與部長有點爭議，主要是tips問題鬧得有點不快，我個friend個樣輪廓分明好易認。一年後新人去食那個免費餐，沒有特別海鮮，　是同一個部長serve, 味道不錯，不過兩人最後都大拉肚子，翌日上班非請假不可，女方更拉足幾天肚子，禍不單行，男方則說成世人未試過因食物拉這麼厲害的肚子。究竟中了甚麼毒，還是那個部長靠害？

第一次黎食，因為有親戚由外地返黎，上菜好慢，催促左好多次都仲未黎，唉﹗7:00 幾眼見唔算好多人(當日係星期六晚)，黎左個翅，之後個侍應問我地係咪我地的，你地做侍應做傳菜的，竟然問返我地，真攪笑﹗總之我地嗌左個餐，你地就要知道個菜應該上邊張檯，唔應該問返個客囉﹗一上就上翅，個乳豬拼盤就Miss 左，要我地提示，但提左兩三次都仲未黎，激死﹗個甜品楊枝金露同月餅，同樣都等左好耐先上，仲以為未整好，哈哈﹗侍應好多，但做野就慢，唉﹗下次都唔會再幫襯這間野。PS﹕食物清淡、7人就7人份量，多舊都冇﹗