耀東號 (已結業)

今日路經柴灣， 見到門口大大隻寫住豬扒大王，一於試下佢地既招牌豬扒。✨洋蔥豬扒飯豬扒不太厚，味道唔錯，豬扒會切成一口大小，方便進食，但份量偏小，價格偏高。✨豬扒炒米米粉炒得夠鑊氣，但略嫌有點太油。雞蛋煎得蛋邊脆脆，唔錯。.🏠 耀東號🛤️ 柴灣柴灣道111號高威廣場87號地舖📍 港鐵柴灣站A出口，步行約4分鐘-----

呢間鋪頭嘅豬扒出名,  一直想試, 但都撞唔岩時間, 星期日唔開, 平日1點先開。 今日終於遇岩時間, 天時暑熱,  先去附近買杯野飲, 電話落定外賣order, 兩三個字之後去到, 岩岩好有得攞。叫左個咖哩豬扒飯 ($48), 個人認為份量岩岩好, 豬扒果然有水準, 喺咖哩汁中, 依家保留少少脆口, 豬扒好食!! 至於個咖哩就不過不失, 正正常常咁想再完全食出豬扒嘅滋味, 可能下次會叫豬扒跟炒烏冬或者公仔麵

知道這間小店最出名是咖喱豬扒飯和豉油汁豬扒飯，但這天突然很想吃咖喱，於是決定解鎖咖喱口味。咖喱豬扒飯 $46豬扒飯的咖喱汁比想像中更濃郁，上桌的時候已經有香濃咖喱味，豬扒頗有咬口，沒有太多油脂，外層有酥脆感覺，不過對於男士來說份量可能有點少，但一口充滿咖喱汁的飯還有很有口感的豬扒，確實是值得支持。

-柴灣馳名豬扒大王《耀東號》🐷呢間野真係由細食到大！事關就係正我屋企樓下🐒😆豬扒粗炒無人不曉！必點😤但今次比我發現佢仲有一樣野原來都好食😱逼我出post☺️👅秘撈牛脷出前一丁 （$59）估唔到呢間野豬扒出色之餘，呢個牛脷會咁出位🤤🤤🤤🤤個牛脷夠晒腍！唔係講笑！十分柔軟又夠厚🤫必試！！🐷鎮店豬扒粗炒 （$53）每次黎都穩陣嗌☺️冇走雞！每件豬扒都係親手刴鬆！絕不懶惰！食足咁多年不變！炸豬扒來講肯定有頭三位好食！豬扒外層薄而脆🤤唔會成口粉！越食越返唔到轉頭🤓經常的宵夜！大家下次嚟可以試埋佢個咖喱or沙嗲牛脷/豬扒撈粗/撈丁！其實任大家自己配搭！最緊要試埋呢啲汁！款款出色😤

📍#耀東號.🇭🇰香港柴灣柴灣道111號高威廣場87號地舖🇭🇰 Shop 87, Koway Plaza, 111 Chai Wan Road, Chai Wan,HK.人均消費: HKD510.味道: 👅👅👅👅賣相: 👀👀👀價格: 💰💰💰💰環境: 🌹🌹服務: 👨🏻性價比: ⭐️⭐️⭐️⭐️回頭率: 🔆🔆🔆.柴灣屹立多年的豬扒大王！出名無招呼但仍然多人食😂全因為個豬扒！自從搬咗舖位都無嚟過，心血來潮滿足一下味蕾.💯#豬扒撈出前一丁 :HKD48每次都會嘅豬扒撈丁！炸豬扒依舊出色，外層薄而脆，絕對唔會滿口粉！豬扒薄但十分juicy香口夠惹味！佢個豉油好特別，一啲都唔咸，個撈丁愈食愈惹味！正到不得了！.Ⓜ️#豬扒炒烏冬 :HKD48豬扒當然一樣好味！但炒烏冬就差少少，夠火喉但有啲燶味.耀東號出面唔憂做，無論你點咩都要等，唔可以催佢，因為得兩個人做！我哋兩個人食，都等咗半個鐘先有得食！趕時間就唔好試了😂.

住柴灣的朋友之前介紹過他家附近有家馳名的專吃豬扒的飯麵店，這次約了他吃個午飯，那就順道試試吧。朋友點了咖哩豬扒飯；那我就點個咖喱雜菜飯，大家互相交換吃，畢竟不想吃那麼多肉。店舖很窄小，店面沒很多位置，先到最前面點餐付錢，眼見廚房也很細小，即點即製，我們唯有坐在店外面，至少不用跟別人坐得太貼，點餐後要等一會兒才有食物送到。咖喱汁香口，椰汁味較濃郁。雜菜的只得煎蛋，數粒薯仔及一些椰菜，薯仔很乾身，不入味。除了咖喱汁及白飯較多外，菜的款式跟份量很少。而店的著名之作－豬扒經油炸過，外皮脆且厚身，豬扒肉質卻很薄，比想像中的有出入，整體價位偏高的碟頭飯，味道沒有特別。

路經中學時代食過嘅豬扒麵，居然超過2X年依然屹立不倒。味道無變質，豬扒依然鬆化入味不油膩！唯一美中不足，作為女士都覺得米線份量似乎少咗啲，如果男士可能要加底。居然返工時間，下午三點仲門庭若市，就知食物質素如何。再多留意店內外的告示，就知老細是有個性之人，要懲罰一下。

兩年前已經黎呢度食咖喱豬扒飯😕成日深夜渣車黎食覺得呢度簡直係全香港最好食既咖喱豬扒飯點知今日黎食豬扒依然係咁好食個咖喱汁就變左酸咖喱😞個配菜食起身都非常酸以前黎食絕對唔係呢個味！咖喱味濃豬扒好食但個汁絕對不是酸！我走去問老闆個老闆態度極差‼️話自己材料新鮮絕對唔會壞酸係因為入面有檸檬葉wor！！好心 我唔係第一次黎食我特登過海走黎柴灣食一個變味既咖喱豬扒飯？一個覺得自己永遠無錯唔謙虛既態度我相信你地都唔會做得長遠！希望大家食之前睇到呢篇文有個心理準備唔好失望而回

幾過這間食店，好似好出名所以便在這店午餐。豬扒大王當然叫豬扒(點了咖哩豬扒飯)試一試。店舖只能坐十多人，而且應該是店主夫婦煮和送餐，所以叫餐後要耐心等侯。另外叫了凍奶茶。凍奶茶茶味夠而且不太甜。咖哩汁一般，豬扒不太厚，是炸豬扒，吃到脆和鬆軟。

呢晚喺東區尤德醫院探完病，沿路落山見到呢間小店營業中，於是諗都唔諗即刻入去醫肚。原來小店係賣豬扒聞名，所以成個餐牌的飯餐都離不開豬扒。我揀咗個炸雞翼煎蛋飯$47及豬扒湯米線$46，凍飲各加$13。食物質素普通，但價錢較貴，一碟飯加凍飲约$60，喺呢區相對唔化算。主打的豬扒也不見出色，切得太薄，口感欠奉，但醃味卻不錯。雞翼就炸得過火，有點失手的感覺。温馨提示：如果店主的待客態度能夠改善，相信顧客也不會吝嗇嗰“幾草”嘢！

呢間小店位於柴灣公工業區附近嘅屋苑商場地鋪，離地鐵站有點距離，係好幾年前一次路過無意發現嘅，街坊小店嘅門面，但掛住豬扒大王的招牌，好奇心驅使我地第一次走進店內，一食就六年！亦都因為開店時間至凌晨，呢度簡直係我呢啲夜鬼嘅善堂餐廳係家庭式經營嘅小店， 老闆做大廚，老闆娘就負責打點樓面，暑假時間有時仲會有個同餅印小幫手！叫得豬扒大王，餐廳就係主打豬扒乜乜乜，有飯啦有湯粉啦炒粉啦仲有撈丁。睇返貼响牆嘅訪問，呢度嘅豬扒係老闆自己手dirt同生炸，唔會同鬆肉粉。而我嘅number one menu就係登登登：豉油汁豬扒飯加隻蛋！豬扒係即叫即炸，之後會剪成一口大小先上碟，每一口都金黃鬆化，亦因爲冇味精所味道好簡單，冇多餘嘅調味，每次宵夜時段食到都會幸福感爆燈，等耐少少都值得！除咗豬扒之外，荷包蛋都係佳作，流心，脆邊，冇得彈另外都要推薦number two menu炒米粉，鑊氣一流又唔會太油至於用餐感受，睇到好多留言話老闆娘成日面黑黑，可能由於我地好多時都係十點打後先嚟，人少少，冇需要招呼入座，可以自己搬枱自己搵位坐，所以我地冇咩受過氣，而且佢有時都會好貼心㗎。同埋呢，其實老闆娘連打招呼同byebye

今天終於經過此店，食到所謂出名的"🐷扒"！抱著柴灣人未試過咪試下咯！哇！不試不知，這裡不但環境差、又細、又殘舊、又無冷氣，最奇怪食品又不多，而且價錢又不便宜！眼見餐蛋出前一丁就要$43-,不包飲料！炒粉麵都要五十幾，不包飲品！心想食好嘢唔好斤斤計較啦！其實黑面老板娘的態度又是極品，似足快餐店一樣，一定要自行先比錢再落單，食品梗係慢慢等⋯⋯終於一碟豬扒粗炒放在面前，哇！豬扒又薄又細、啲粉又少得很可憐！仲以為下午茶半份量，但五十幾蚊喎！問❤️食物算及格！不過不吃不會有損失！食過又唔覺豬扒有什麼特別！終於明白酒店的價錢和份量，大排檔的服務和環境！相信犯賤的食客先會比好評！

我住左柴灣好多年，幾年前都聽過呢間豬扒好食，今日剛在附近睇醫生，就入去試下豬扒炒上海麵，塊豬扒味道中上， 但5值呢個價錢，豬扒size仲細到冇朋友，上海麵份量仲小過1包烏冬，仲要收成$53唔包飲品，飲野仲要加多$10， 呢個價錢真係超貴超貴.........最慘今日三十幾度熱到死，店舖又熱又冇冷氣，環境又dirty, 老闆娘又黑口黑面，真係坐得好唔舒服，我以後都唔會再幫襯，外面好多店好食&舒服過呢間有大把。

今日路經柴灣，見個招牌甘把炮，就試下啦，一坐低，就見個老闆娘黑口黑面，甘都算，鬼叫自己肚餓，又第一次黎，就試下招牌扒，老實講，豬扒是合格之上，不過份量小羅，重點黎啦，食到一半，我叫野飲，老闆娘就起到大聲叫囂，問點解吾一早叫埋，麻鬼煩第一次起香港食野甘樣俾人駡，我以為番左90年代大陸3線城市阿，客人食野仲要受氣，個老闆娘都吾知邊到出黎，乜食野途中吾可以叫野架咩，第一次聽阿，各位未試過呢間野架吾好試啦，用錢買氣受，服務差到無人有

突如其來的假期，是打工仔的天大好消息，振奮人心。雨過天晴，趁著近來難得的涼風尚在，出外走走。老遠走到絕少踏足的柴灣，就是為了一塊豬扒。從小就跟豬扒結下不解之緣。哥總是嘲弄我是豬扒，豬扒前豬扒後地喚我。不過，從他愛吃豬扒的程度，我想他其實是太愛我了。是真是假，我還是欣然地接受了這個別稱，也喜歡上豬扒。來到自稱「豬扒大王」的耀東號，簡陋的店殘舊又懷舊。座位不多，只有幾張枱。裡面是開放式廚房，可以看著師傅即叫即炸豬扒。一大堆豬扒菜式。見招牌粗炒也有一整頁選擇，似乎豬扒和粗炒也是必試之選，便來個豬扒粗炒。落完單，師傅著我們等一會，便動起手來。坐在外面，吹著風暴尾的陣陣涼風。不消一會，老板娘送來新鮮熱辣的豬扒粗炒。雖然香噴噴，顏色又好看，但用扁平的碟子盛載，只有薄薄一層的粗炒，豬扒切成一條條，＄48的粗炒，份量是意料之外的少。帶光澤的麵條上色上得漂亮，老抽的顏色平均，吃下去不算太油，尚可接受。入味而清淡，加上大量大大塊爽口又硬脆的椰菜，沒想到，吃粗炒竟會吃出一陣清新。最驚喜是麵條的煙韌。未放入口，已可從麵條的堅挺，看得出其硬度。咬下去嚼勁十足，叫人難忘。據聞老板每天親手剁豬扒，每塊都剁上數小時，