耀記雲吞麵食

营业中

休息中

星期二, 聽完了一個professional seminar, 雖然回家有飯吃, 但時間近9點, 點都要返少少野打底先上巴士. 人身在佐敦, 就行入寶靈街入面的橫街仔, 找些輕食.輕食, 要唔想味道濃, 熱熱氣氣. 雲吞麵似乎是一個好選擇. 就行入第一條橫街, 庇利金街. 就留意到兩間麵店. 一間是潮州式, 一間是雲吞麵. 徬徨了一會之後, 決定今天不吃潮式的, 吃回珠三角的味道好D.叫了雲吞拚牛腩麵, 碗太太的, 以為都有返少少份量. 食食下, 點解咁快冇哂D牛腩同麵既. 那個麵底認真少, 三兩啖, 已經俾我食剩無幾. 牛腩, 碎碎地, 冇乜咬口, 幸好雲吞有返咁上下好味, 大大粒, 有蝦, 有蝦子味. 水準算是不錯. 可是雲吞拚牛腩麵 $24, 加多支可樂就30元埋單. 完全唔覺得抵食. 仲有, 最皇要一樣野, 份量太少. 食完, 回到家, 仲可以食大碗飯.

耀記個鋪好偏, 係MTR C2 出口既左手邊對面馬路, 為何講得甘清楚?皆因我呢3個月差不多每一日都行呢條路, 但就今日先發現佢d雲吞同滑牛幾好食, 個麵就稍為硬d, 但我食野興慢慢食, 所以反而無左食到尾時d麵都係好大碗既情況出現.個湯幾值得讚, 清香無"簡"水味.另外凍檸茶都唔錯.有返 兜

早幾晚一條友好夜先喺監房度走, 又攰又餓, 都唔知食咩好, 最後師傅見呢度仲未打烊, 於是就決定入去食碗粉啦!入到去唔算好多人, 可能係放啦; 一坐底即刻睇下有咩好食, 最後都係揀左雲吞麵一碗, 凍檸茶一杯同埋一碟炸魚皮! 等左一陣雲吞麵率先登場, 先試下個湯底, 湯底好清甜, 加左少少腩汁更加香, 雲吞一碗有四粒, 皮薄餡靚, 蝦肉都幾隻又夠爽口, 幾好味, 而麵質黎講都幾爽口彈牙, 一d鹼水味都冇, 唔錯喎; 而凍檸茶就唔係好夠茶味, 一般啫; 炸魚皮嘅質素就幾參切, 有d好脆有d好腍, 令到口 感驟降, 扣少少分啦!總括黎講食物質素都可以, 而地方就幾乾淨, 價錢經濟抵食, 廿四蚊一個餐包凍飲, 炸魚皮十蚊, 埋單三十四, 都幾抵食! 呢個深夜晚餐令師傅都食得幾飽, 幾滿足, 所以下次一定會再黎, 而笑臉都值得一比!

佛誕日, 勁無聊, 行左成日都漫無目的咁行, 終於行到肚子餓, 於是乎就去搵個下午茶頂下肚先, 咁去邊好呢? 去茶餐廳還是其他呢? 最後師傅都係決定黎呢間食店!其實呢間食店喺呢一區好多年但偏偏師傅就未試過, 入到去又冇咩人, 求其搵個位坐底, 然後師傅就睇下有咩好食, 睇左一 陣, 最後兩個人叫左一碗牛腩米同一碗淨雲吞加兩杯凍檸茶!等左一陣牛腩米率先登場, 先試下個湯底, 湯底好清甜, 冇味精, 仲見到有d蝦子, 而牛腩米係碎腩, 牛腩都幾鬆幾腍, 不過就鞋少少, 而米粉就冇咩特別; 淨雲吞就一碗就有六粒, 皮薄餡靚, 蝦肉夠大隻夠爽口, 得噃! 凍檸茶就唔係好夠茶味, 一般啫!總括黎講食物質素都唔錯, 而地方就幾乾淨, 價錢都幾抵食, 十八蚊一碗麵, 廿四蚊一個餐包凍飲, 抵食! 師傅覺得黎呢度食個麵當下午茶都係一個唔錯嘅選擇, 所以有機會一定會再黎食!