老北京餛飩皇

营业中

休息中

【油尖旺區】【老北京餛飩皇】喺旺角想食啲嘢，又唔想話好隆重咁去一啲貴價餐廳，亦都唔想食啲放題呀，任食呀嗰類，又唔想食茶餐廳，補充多讓就係唔想食潮式粉麵店。見到呢間，覺得價錢都幾經濟實惠，而又唔似啲我平時成日食嘅嘢，咁就入去啦，見到佢哋間嘢都幾多人食喎。我第一次去就食咗 $42 嘅「全家福鮮肉小餛飩」，香港唔係好多地方有賣小餛飩，而家越嚟越多，呢度就包括咗黑松露、香茜馬蹄、薺菜、韭菜、酸菜、原味，我就唔逐一去介紹佢哋嘅味道，總之就係正。加 $8 飲杯「新鮮豆漿」，夾埋 $50，夠晒圓滿。之後再去一次，係呀我又係去多次先寫，今次就食 $58 嘅「大餛飩」，加 $8 要「全家福」味道，即係又係乜味都有啦，掂。今次呢個係下午茶嚟，仲有「炸香茅雞翅」兩隻同「酸梅湯」，正正常常嘅味道，而咁樣食咗 $66 嘅價錢喺旺角亦都唔算過份咁囉。。。（地址：旺角花園街3號鴻威大廈1座地下1號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies

今日又來食, 不過有一段時間無來😆想食清清地, 要左個韭菜鮮肉小雲吞🥟湯上海麵, 友人要左個套餐~人參燉湯加炸醬麵, 另外加韭菜鮮肉🥟煎餃, 等左一陣佢要的豆漿送到, 不過我就無影低😄見到都好大杯似乎好濃, 之後送來人參燉烏雞🐔都好大盅好多料, 但友人話飲唔到d湯有乜嘢參味, 差唔多飲到底先有d參味😆 之後送上韭菜鮮肉小雲吞🥟湯上海麵, 都唔細碗😀而且40元都算幾抵食🤩湯有d鮮甜味, 唔係勁多味精好咸個只😀上海麵都比得幾多, 而且食落好滑😘👍食粒韭菜鮮肉小雲吞🥟皮依然好夠滑, 雖然好細粒, 但入面d饀都超級豐富, 反而佢細細只, 唔會食落覺得勁飽🤣再加上佢哋d醬汁😋😋好好食, 友人炸醬麵都唔錯, 雖然我無試到, 但見到都份量唔少, 好多肉醬😋 韭菜煎餃我怕熱氣無食到😄見到只只都煎得好金黃饀料又飽滿😚😙整體味道不錯也算經濟抵食👍👍難怪成日坐滿晒人👍👍

20240812 約咗朋友睇波鞋，買完嘢諗住搵嘢食又有啲肚餓🤤，周圍搵嘢食諗住清清地食啲嘢就行咗入去呢間主打食餛飩、水餃嘅店舖，唔🤔知好唔好食試吓啦，坐低🪑叫咗個#香莤馬蹄鮮肉水餃🥟#京蔥羊肉煎餃🥟#麻辣涼拌大拉皮#谅拌皮蛋🥚#谅拌極品海蜇頭+冰凍嘅雪碧同冰鎭酸梅湯。味道又真係唔錯喎👍🏻入口好鮮味，京蔥羊肉煎餃🥟好香煎得啱啱好🤤仲有啲粉皮又爽又滑，涼拌皮蛋簡直超正。環境乾淨、服務態度又好、食物又新鮮好味😋其實我仲有好多嘢未試，下次試埋個燉湯、真心值得推介😋

今日路經行入去試吓，叫咗個雙拼餐，花生醬撈麵+15粒小雲吞，賣相非常好，分量十足，比起其他餐廳，估唔到佢搞足料，如果兩個美少女都夠食多，味道不錯，值得推介會再來幫襯

今晚上堂前搵食,行行吓見到哩間店,上網搵吓都有人介紹,所以就入去試吓~花生醬拌麵 $37好多花生醬,另外黑色個d唔知係咩,食唔出味道不過成碟野食食吓都好漏~全家福煎餃8隻 $59有齊晒7隻味道,可以一次過試晒所有口味,啱晒我所有味道都一般般薺菜黑松露酸菜粟米胡蘿蔔韭菜香茜馬蹄蝦仁

記得第一次吃過這間店的小餛飩, 非常有水準, 皮薄 而且很滑溜, 很有小時候在家鄉吃的小餛飩的風味, 而且辣椒油亦很香對這間店很有信心, 於是今次就試試別的菜式,花生醬大拉皮 (多醬)店家非常大方, 真的給了非常多醬, 拉皮煙韌, 上面還有炸香的花生, 滋味十足驢打滾 口感煙韌軟糯, 以紅豆作餡料, 味道偏甜一點, 如果甜味減半, 應該會是非常美味

今日又過來食一下, 可能真係連放三日紅日, 多人外遊, 所以7点幾都好多位🤪 今日試韭菜鮮肉小雲吞上海麵, 加手拍🥒瓜, 另外試下凍豆漿, 天氣太熱想食清淡d, 店員先來手拍🥒瓜, 酸酸地凍凍地好好食🥰又爽脆, 食落好開胃😍 之後店員送來湯麵同豆漿, 飲啖湯先, 好熱淡淡地有少少味, 但唔會感覺好口渴🤭之後食d麵, 都ok, 但唔算好突出, 試下佢d小雲吞, 加佢哋d醬汁, 皮好滑少少韭菜香味, 入面唔會好多肉😜 成碗麵都好清淡, 好啱女仔食🥰 豆漿夠凍, 唔係太濃豆味, 不過唔甜幾好🤩下次又試下其他先😅😅

全家福水餃，超級好食😻同之前去北京旅遊食咖口味好相似，非常正宗，價錢合適👍🏻個人最中意海蜇頭，係香港食咖最爽脆又新鮮口感海蜇，其次就係烏雞燉雞湯，一大條靚人參好入味，蓮藕尖也非常香脆微辣，值得一提羊肉水餃，非常新鮮羊肉內餡，還有黑松露鮮肉煎餃，鮮香黑松露跟新鮮豬肉的配合實在默契！！！光襯好多次啦，會經常食啦希望可以生意爆火一直開落去啦，保持現時口感已經好好啦，希望讓更多食到正宗北京味道啦呀呀

溫完書來品嚐下呢間小店，雖說店面不大但驚喜十足。入到來就見到環境都算好乾淨，店員姐姐們都好熱情嘅招待，餐牌亦十分豐富，本次就試左呢度嘅排骨湯同蘿蔔牛腩飯。本以為都係正常味道，但蘿蔔牛腩飯真係畀足曬驚喜，一上到來，蘿蔔吸滿曬湯汁，夠淋而入味，牛腩肥瘦相間，有脂肪有精瘦肉，整體不肥膩又不柴，鹹蛋都非常吸引，相信品質把控都好嚴格。見我地係學生哥，老細主動話送我地一件小食，體驗左呢度嘅涼菜，蓮藕尖真係值得一試，泡椒風味十足嘅同時更爽口入味。總體而言真係充滿驚喜嘅一次體驗，平時都好少寫食評，但唔希望咁好嘅舖頭被埋沒！

未有機會過來食, 經過好多時都有班客😅今日心血來潮過來食吧😋見到個餐牌, 又雲吞又水餃又燉湯🤣d饀料又有好多款, 有d選擇困難症😆 不過又想試下d餃或雲吞, 但又想食少少澱粉不要太飽😜通常餃d皮會厚d, 見到有個餐幾抵, 要左酸辣粉皮配15只原味小雲吞, 先食酸辣粉皮, 唔係太多啱晒🤣少少辣味粉皮好滑唔會感覺好厚身食落好滯😜好味道😍之後來碗原味小雲吞, 飲啖湯先, 好清甜, 飲唔到好重味精😚食粒小雲吞, 個皮好薄好滑🥰👍少少肉餡, 細細只好易入口🤭加少少佢哋d醬汁, 似有少少蒜少少醋, 唔咸幾開胃😽, 碗雲吞有d紫菜同生菜, 就算15只都唔會覺得好滯好飽, 幾啱夏天唔想食太多🤗等我下次再試其他先😸

老北京餛飩皇，位於旺角花園街3號鴻威大廈1座地下1號舖。 餐廳以雲吞、水餃和麵食為主，點了魚片頭酸辣五穀米線$47、 韭菜鮮肉水餃$51、 豆漿$9。 🔸魚片頭酸辣五穀米線🍜 ～ 湯底偏辣， 但食唔出酸辣味，是辣椒油的味道， 五穀米線有幾隻顏色， 魚片頭味道正常。 🔸韭菜鮮肉水餃🥟 ～ 水餃的皮比較厚， 韭菜鮮肉正常發揮， 最美味是醬汁。 🔸豆漿🥛 ～ 豆漿味道香甜，豆味濃。 整體而言中規中矩，有興趣可以試下😉。 🏷️溫馨提示～ 整個用餐體驗均屬個人分享意見， 只作參考😊。

垃圾店鋪透過外賣平台叫外賣先係俾錯外賣車手然後聲稱會跟進重新送外賣殊不知只是空口講白話等待逾1小時，外賣仍未送抵於追問底下，才坦白剛call車手補飛無飯食已非事小，但等到一肚氣才是重點

嘢食OK，價錢親民。但係借廁所嘅食客好尷尬，道門關上之後原來是但一個人都可以喺出邊推到入黎，形同虛設。小女正在方便中突然一個阿姐推門入黎，轉咗做個男人撞入黎就真係大尷尬。超級無語！😓

我鍾意呢間老北京餃子嘅嘢食有種親切感餃子煎得香口之餘，仲有啲老火湯水可以飲呢度其實平時都唔會好難等位就算有人等都好快有得食🤪我就最推介黑松露鮮肉煎餃子最好係可以好靈活，咁俾你揀要5隻、8隻或者10隻今次我就揀咗五隻啦，因為之前一個人食八隻非常之飽👀👀🥹🥹而每次嚟都必定會叫呢一個涼拌皮蛋👍👍完全唔使擔心一個人會食唔晒😆因為實在太好味，唔想有人同你爭🤭🤭🤭🤭再配埋杯暖笠笠嘅熱豆漿都是80蚊！🤪🤪🤪🤪

老北京餛飩皇呢幾日天氣轉涼，想食啲熱辣辣/熱湯類野行過見到小餛飩就想試下外賣仲好抵添🤩 主食+小食+飲品都係$55！一於外賣試下💛 主食1- 原味小餛飩唔知係咪因為外賣，令到小餛飩痴埋一舊真啲失望！湯內有紫菜、蔥花、生菜，湯都幾清！💛主食2- 花生醬涼拌大拉皮+$5花生醬味好濃郁！入面仲有炒過既花生，幾惹味有口感拉皮好煙韌，不過食到尾就好漏💛小食1- 香茅雞翼熱辣辣有香茅味，不過不失💛小食2- 蔥油拌生菜味道淡啲，無食到蔥油味！💛飲品- 豆漿重豆味，唔錯！價錢：$115 （兩個人）⭐️⭐️⭐️評分：7.5/10⭐️⭐️⭐️📍老北京餛飩皇 (旺角)旺角花園街3號鴻威大廈1座地下1號舖