老北京 (已結業)

係香港北京家常菜中做的最地道嘅就係老北京。知道尖沙咀開了間分店，就約幾個朋友過黎捧下場。北京烤鴨係鎮店之寶，鴨皮顏色漂亮，聞起來陣陣鴨香，唔肥唔膩，食落D皮好crispy，肉又夠晒煙韌。京燒羊肉，都係佢地招牌菜，肉香四溢，嗜羊者一定要試下，記住點埋特製酸醬食，更加開胃。黑醋黃魚係第一次叫，遠遠就聞到醋香，酥脆的魚皮淋上黑醋汁，酸酸甜甜，好搭配。甜品order左拔絲草莓，真係幾驚喜，糖絲拔成鳥巢狀，上面點點芝麻，唔單止視覺上吸引，酸甜新鮮嘅士多啤梨加上糖絲，果味同糖味迴盪於口中久久都未散去，推介！