老媽拌麵 (屯門市廣場1期) (已結業)

真係好掛住台灣！禁飛去唔到唯有食住「老媽拌麵」屯門市廣場一期3樓又靚又舒服😌外表文青感覺的台式餐廳☺️「高山冷泡茶」無糖茶餘香縈繞鼻喉👍🏻 一喝會愛上「凍百香國寶茶」百香果籽好脆口有抗氧化作用撲鼻果香味，自然醇厚的紅棗香甜調和鮮活的蜜香紅茶融入蜜甜紅茶甘甜底韻，無糖但有棗甜與紅茶蜜甜，耐喝不膩不會過甜👍🏻「仙草凍奶茶」奶茶控試試仙草口味一入口滑潤的清雅順口茶質👍🏻台式蛋餅配沙律茶餐好鍾意食蛋餅🥰「清燉三寶牛肉麵」麵店肉質優，牛筋和牛肚軟嫩鮮味，清燉牛肉的湯清而不淡

最近屯門新開咗一間台灣過江龍餐廳，鍾意食好嘢嘅我梗係拉埋朋友一齊過嚟試，餐廳位於屯市3樓，如果坐緊窗邊可以睇得到中心嘅大廣場，算係景觀唔錯。老媽伴麵算係香港人比較熟悉嘅牌子，平時喺超級市場都唔難見到佢哋出嘅即食麵，而門市佢哋嘅款式都好多，除咗半年之外亦都有湯麵、火鍋等等可供選擇。咁正我就食咗麻辣底嘅湯麵，食得出嘅湯底唔同坊間一般麵鋪咁樣用味精水溝出嚟，佢真係似係平時煲出嚟嘅面，感覺就冇咁廉價喇，而用嘅麵底亦都似返台灣嘅刀削麵相當彈牙，鍾意台灣風味嘅朋友都可以嚟食下。推介大雞扒 大大塊又抵食

<🇭🇰同老媽食老媽拌麵>台灣拌麵專門店#老媽拌麵 殺到入屯門Lunch同老媽子黎試下😚我就食左川味紅燒三寶牛肉麵🐮🍜要有飯落肚的老媽就叫左香港限定的豆乳香香雞飯川味湯底香而不辣 唔會太鹹太味精牛筋牛展牛肚都好入味軟稔稔揀左關廟麵再免費加底 加左底剛好🤣豆乳香香雞即係腐乳炸雞 香脆嫩滑整體幾抵食 人均唔洗$100!📍老媽拌麵 @laomanoodlehk屯門屯順街1號屯門市廣場1期3樓3223及3225號舖

這間老媽拌麵位於屯門市廣場1期3樓嘅店舖，呢間店舖係一間開放式嘅店舖，環境坐落感覺都幾舒適，完全唔覺得有擠迫嘅感覺😙!呢間店舖其實有唔同味道嘅湯底麵食，有麻辣，紅燒，清燉同埋其它麵食!.清燉半筋肉牛肉麵去嘅牛筋夠哂腍身入哂味😋😋😋，好容易就食到，去嘅牛肉係用牛，食落都好有口感，味道都唔錯，但係唔係好夠腍身，但係去嘅湯底味道都幾好，因為個湯底係清燉唔會好濃味，對於唔喜歡食濃味嘅人士之選!.清燉三寶牛肉麵賣相都唔錯，去嘅三寶食落都幾好，牛筋同埋牛肚入哂味😋牛筋好夠腍身，牛夠哂厚度食落都好有口感，過帶有小小硬身，睇落都好吸引，去嘅麵質軟硬適中，湯底係燉湯為主，所以係感覺冇更濃味!.仙草凍奶茶賣相好吸引，奶茶味道都好香好滑，加埋D仙草飲都唔錯!.蘋果梳打飲到入口聞到好清香蘋果味道😙😙😙，味道又唔會好甜恰恰好!

呢間餐廳越開越多分店，屯門呢間經常都有人龍排隊，今日嚟到見無咩人，於是乎就諗住試一試。.見到呢個餐牌，熱愛邊爐嘅我就決定要食。.//「老媽秘製麻辣鍋」$118🍽：餐牌內雖然有列明鍋內有嘅食物，但到實物嘅時候，就發現其實真係好少材料，例如：鴨血得一小塊。雖然啲食材都係好台式，但如果呢個鍋唔係包埋個麵的話，絕對唔會夠飽。湯底係麻辣，但譚仔食5小辣嘅我就覺得一啲都唔辣。🤷🏻‍♀️.//呢個價錢食呢個鍋，唔包野飲，真心覺得一般，可能我要求高。😂

假日中午到屯門, 連日新年假已吃得肚滿腸肥, 打算隨便找間食店醫肚走進這家老媽拌麵, 竟找到久違了的台灣味…麻辣鴨血推介必食, 大大舊有咬口, 微辣不嗆喉花雕醉雞湯麵不太吃到花雕味, 反而雞的腥味稍重加麵底是免費的, 加完後是一般麵店的份量, 如不加的話可能適合少吃多餐的OL台灣烤香腸另一風味之選, 配蒜片是台灣地道吃法

一個午市套餐，係屯門要$70起跳，而且份量好細，最令人失望嘅係午市套餐原來係唔包嘢飲，嘢飲仲要加接近廿蚊🤣講真，喺屯門食午餐有好多選擇，尤其是係午餐，以後唔會再去老媽拌麵嘅任何分店，真係又貴又麻麻地我叫咗呢碗牛筋腩麵，如你所見，牛筋只得一舊，70幾蚊，食最多嘅係蔬菜😂 麵質比較硬身，一啲都唔好食，有三舊牛腩，牛肉水準係最好嘅👍🏼服務又好求其，最後買單嗰時真係唔想比加一服務費，因為冇乜服務可言🤷🏼‍♀️

放工同朋友食個tea 先😌之前一路有買開老媽拌麵既麻辣味同埋擔擔麵㴝食， 都覺得好好食，所以今次去門店食我都有少少期待。麵可揀拌麵或湯麵， 亦有粗麵同埋幼麵揀，去食嗰日仲有免費加麵👍🏻我哋叫咗地獄麻辣牛肉拌麵（粗麵 加麵）同埋川味紅燒三寶牛肉麵（幼麵），再加小食酥炸甜不辣、豆乳香香雞。嗰日放工好肚餓，所以好彩有一個加咗麵如果唔係覺得會唔夠飽。幼麵嗰個反而有啲驚喜，湯底有辣味，同埋好夠香🥰而且啲餸都算多，好食😋。個甜不辣就正正常常，配有甜醬可以點。豆乳香香雞都炸得好鬆脆，但就唔太食得出有豆乳香味🤔，配左個好似腐乳醬可以點。而地獄麻辣牛肉拌麵（粗麵 加麵）就比較冇咩驚喜，同平時自己喺屋企煮嗰差唔多😕但整體來講可以一試，幼麵真心有啲驚喜😝

睇食評唔錯，帶埋老媽試下先，因屯門少台灣菜。首先阿媽叫左呢個金華火腿花雕雞湯麵，見阿媽連湯都飲埋，就知湯底應該唔錯。幼麵麵條彈牙有麵粉香，雞也入味，唔錯。我鍾意食辣，就叫左呢個麻辣老鍋麵。鴨血好食，麻辣都辣得剛剛好。如果條響鈴另上會好d。珍珠煙un，又有茶香。百香果國寶茶，飲完好舒服，又清香。

屯門與機場之屯赤隧道開通今次為咗試吓新隧道搭車黎到屯門市中心肚餓想搵間台灣野試下行到3樓就見到老媽拌麵 決定試下店舖內外環境闊落 光線充足營造輕鬆氣氛菜單採用QR code形式落單我同太太分開各至嗌一碗我就揀左麻辣老鍋麵麵種分別有刀削麵同埋幼麵原來刀削麵係指香港既粗麵刀削麵軟硬適中 麵質爽口彈牙 咬口唔易斷 麻辣老鍋麵當中配菜有肥牛 墨魚汁豬肉 同埋麻辣鴨血我好鐘意個湯底 夾雜住八角 花椒 辣椒 蒜頭各種調味料 味道好平均 辣味又唔重麻辣鴨血我非常鐘意 真係太好食👍🏻墨魚汁豬肉 夠結實😋最後點左杯黑糖珍珠巧克力巧克力感覺上比較苦少少黑糖也比較韌 都接受到啦

老媽拌麵開到去大西北！之前間中都會行去上環食返碗台灣牛肉麵！仲有多種類嘅台式飲料🥳而家揸車去都唔洗20分鐘就食到，開心仔😎✌🏻原來喺屯門市中心已經開咗呢一間老媽拌麵， 比起上環嘅闊落好多而且位置都比較多， 唔駛等好耐，就已經可以入座啦川味紅燒三寶牛肉麵牛腱、牛筋、牛肚三寶鋪滿在刀削麵上！配上香甜嘅紅燒牛肉湯底，帶點微辣，更加惹味😋正正！我揀咗刀削麵，特別有口感！鹽酥雞扒炸雞剛剛好，粉漿唔會太厚，幾好味喎

今日嚟屯門時代廣場食晏～好耐冇食過台灣麵啦，就入咗去老媽拌麵就坐低左～職員會print張QR code 擺枱，自助落單揀咗川味紅燒牛肉麵～有粗麵幼麵可以揀～比較鍾意食幼麵，所以揀左幼麵～職員一捧上嚟，個碗真係勁大碗～份量就岩岩好～有新鮮嘅紅蘿蔔白蘿蔔同白菜仔做配菜，三塊厚切牛展，川味辣湯底好正，味道濃中帶清～幼麵煮得軟冧適中～索住辣汁好好味～另外五先可以以優惠價加餐飲，加左熱既鳳梨茉莉茶～微甜，感覺好滋養，好似飲緊養生茶～

成日喺屯門市中心經過老媽拌麵今日放lunch終於黎試試私房花雕雞拌面一上枱已經散發着淡淡的酒香好吸引又好肚餓雞肉幾嫩滑，好入味拌麵醬汁好足夠 完全唔會乾好好食仲有得免費加麵成碗食晒😋😋😋試一下高山冷泡茶好清香 凍嘅茶真係好好飲！Bottle可以拎走，飲完一次之後我自己加咗兩次水浸一浸，仍然幾香茶味飲咗三次好抵飲🤣🤣價錢少少貴，但質素的確係唔錯仲有早餐同下午茶價錢平啲，下次試一試👍🏻👍🏻

人生未食過咁難食嘅面 個牛肉麵仲差過茶餐廳沙嗲牛肉麵 嬲到我要比第一個評論呢間野 個menu同實際食物相完全吾同 兩個人食300幾蚊仲要食完仲係肚餓。食材普通吾緊要 又吾好食 又收得貴 服務員態度又差 都吾明點解可以生存到 此生不會再食呢間野 垃圾 仲差過七仔撈麵 本身好好心情食完呢間野都變粗底

行經屯市，午餐時間，醫埋肚仔先😛見到這家 老媽拌麵 想試好久，十二點時間唔洗等位，就一於試下啦☺️餐廳係開放式，感覺好開揚，簡單木系裝修，店員服務仲幾好添👍試下佢哋嘅signature，川味三寶牛肉麵 $82湯底辣辣地，都幾香，不過牛味就唔太突出分別有牛展、牛肚、牛筋，滷得入味，夠曬淋！幾有口感！而且肉嘅份量都比較多，依家仲可以免費加大面底㖭😝😝另外點咗私房花雕雞伴麵$78雞炆得非常入味，和伴麵都好夾，個人口味略嫌鹹咗少少🤏冷鳳梨茉莉茶 跟餐加$18覺得好飲喎！鳳梨同茉莉好match，兩隻味都飲得出！好清新嘅感覺，又唔會太甜食物方面都唔錯，特別喜歡他的飲品🥰