老媽拌麵 (屯門市廣場1期) (已結業)

今日食飯有2小時，想坐得舒舒啲所以就同我個女去咗老媽拌麵度食午餐，叫咗一個兒童餐俾佢，內有照燒雞肉、關廟麵、馬鈴薯沙律、花枝丸，配上一盒蘋果Qoo，佢好開心，關廟麵有好香嘅麻油味，而照燒雞肉配上紅蘿蔔絲，香香的。而我就叫咗清燉牛肉麵，湯底清清地配上紅白蘿蔔，牛肉厚又淋，入口即融，我今次點嘅係幼麵，口感岩岩好。最鍾意就係老媽黑糖珍珠鮮奶，奶味夠香濃，大人小朋友都鍾意，下次會再黎。

不嬲好鐘意食台灣嘢同埋牛肉麵但呢個個湯好淡 淡到好似水沖咁 得隻色似🤦🏿‍♀️啲麵好硬 無個種Q彈嘅感覺啲牛都好硬 同埋無乜牛味啲蘿蔔都好硬 難咬成個麵個感覺係 即食麵碗野仲要$82 離曬譜🤬無下次👋🏿👋🏿👋🏿

拌麵最近幾年都大行其道，例如kiki拌麵，而老媽拌麵就是芸芸眾生其中之一。餐廳處於開放位置，但有近內庭位置，所以都唔怕俾人望住個食飯樣。選擇簡而精，主要麵食為主。有招牌拌麵，更加有湯麵，更有兩款飯。小食亦有不少，大致普遍d台灣小食都有提供，例如地瓜條、炸花枝丸等🌟滷牛肚 （$42）雖然份量有點少，但非常入味，又不會太鹹！🌟地獄麻辣牛拌麵（$72）一上台已經見到幾隻辣椒😂果然非常惹味！麵選擇了粗麵，即係叫關廟闊麵！好味！很有口感！chewy的！平時我媽係759都有買～不過就冇醬料附送！🌟私房花雕雞拌麵（$78）好重酒味，但食落又冇咩味道。雞很入味，冇冰味，很滑！今次係幼麵，類似陽春麵，個人覺得粗麵好味d！！可能夠chewy！🍥🍥🍥🍥🍥🍥🍥🍥🍥🍥🍥🍥🍥🍥好味快速的一餐便飯，在外又唔想自己煮老媽拌麵係不失為一個唔錯的選擇

沒法去台灣，但又好掛住台灣牛肉麵，只好收工附近搵下食～今日在屯市收工剛好經過見地一心入去試一下！先看餐牌，點了一個川味紅燒牛肉麵！再來一杯老媽黑糖珍珠鮮奶～黑糖比濃配鮮奶真的一絕，只係個人覺得珍珠不夠多麵到了，第一啖我必試一囗湯先，湯底夠濃郁～麵煮得剛剛好，沒有過火！配上的蘿蔔也夠淋整體上這個麵湯底濃郁，牛肉也夠淋，麵的軟硬度適中，加配上一杯黑糖珍珠鮮奶，價錢也算合理！剛好頂住我掛念台灣既引！下次收工又可以帶同事來試其他唔同既小食！

本來都懶得寫，但態度太惡劣 真係忍唔住要寫。話說星期六晚同一家大細去食老媽拌麵，之前食過都唔係差，諗住嚟食多次啦，去到一開頭員工都幾有禮貌，安排咗一角比我哋一家坐，甘今次都嗌咗幾樣野食，竟然係最失望係牛肉麵，同上次食真係好大落差，麵又少咗，湯又少咗，但最嬲係啲蘿蔔唔入味都算，竟然仲要係酸既，諗住反映比個主任聽，果位呀姐竟然草草了事，敷衍我，仲叫我食左要比錢，態度極之惡劣，呢間野真係以後都唔黎食，真係吾會再有下次！

星期三放假，朝早搵野食，得老媽拌麵有開，同老公坐下嘆下早餐啦女店員禮貌咁要我們探體溫，登記同噴手......終於坐低，唔知有咩好食，店員推薦蛋餅同拌麵，最後Order蛋餅同餃子，蛋餅有肉鬆生菜芝士等等材料，味道果然係幾好！餃子就......好失望.......入面仲係凍嘅🤮兩啖放棄總括環境算唔錯，服務好，食物失望

晚了收工不想回家煮飯，所以來試試看。一直也是紅燒牛肉麵的粉絲，所以會周圍試一下不同店的牛肉麵。這次選了川味紅燒半筋半肉粗麵。叫了走蔥，不過還是有蔥，湯底非常鹹不知道還有什麼別的味道，筋和牛腱算淋身，味道還可。麵條一般。不過最奇怪是那杯鳳梨茉莉茶竟然是我吃完了整碗麵才來的，當時八點多近九點，客人很少，不知道那杯茶究竟有何特別。鳳梨是罐頭切得很小粒。埋單106元，應該來一次算。很懷念從前同一層的台灣小吃店。五十塊就有吃有喝，速度也合理。唯一讚的是門口女侍應在我填表格前後連續為我噴了兩次消毒劑，很貼心。

晚餐係屯門市廣場食，簡左依間台灣過江龍～坐得好舒服 整體味道唔錯 拌麵比較出色 值得一試～✅ 私房花雕雞拌麵 ($78)個汁有淡淡花雕酒味 雞肉嫩滑～ 麵質唔錯 有咬口 不過整體份量偏少✅ 川味紅燒三寶牛肉麵 ($82)牛筋好淋 牛肚 牛腱正常～湯底香濃➡️ 高麗菜豬肉水餃 ($42)餡幾夠味 不過皮偏厚➡️ 老媽黑糖珍珠朱古力 ($33)｜黑糖珍珠豆漿 ($33)黑糖珍糖始終都係同奶茶最夾🤣 同朱古力/豆腐都係怪怪地🦁 老媽拌麵 屯門屯順街1號屯門市廣場1期3樓3223及3225號舖荃灣大壩街4-30號荃灣廣場4樓441A號舖將軍澳唐德街9號將軍澳中心L1樓133號舖上環干諾道中168-200號信德中心2層202號舖北角渣華道123號北角匯2期1樓109號舖🦁 人均消費：$134｜回頭率: ❣️❣️❣️❣️/ 5

📍🇭🇰 老媽拌麵 (屯門市廣場).難得入到屯門，搵間出面市區吃唔到的餐廳先！老媽媽拌麵麵🎶 要排陣隊先可以吃到。食店係商場裡開放式分左右區域，服務態度一般，吃完好快就被清台。想坐得舒服就一般啦。這裡提供手機掃QR code落單或可即場搵職員下單。麵可選粗幼程度。即叫即整！.🔖 和牛炸醬拌麵 {HK$78}- 點左粗麵，這碗麵汁較淡味，整體味道一般。.🔖 私房花雕雞拌麵 {HK$78}- 點左幼麵，這碗麵汁較濃郁，花雕雞配合幼麵好入味！.P.S. 可能因為假日的關係，單點麵，不是套餐來的，飲品需要以正價再加購，感覺有點貴，唔太抵食🙈，另收加一服務費。

屯門開左間老媽拌麵分店因為平時打邊爐都有用佢既鴨血做湯底所以特別想食終於搵左日放工去食入得黎一定要叫拌麵店名叫得拌麵, 應該無死於是嗌左個少見既花雕雞拌麵幾香, 愈食愈好味另一個就揀左麻辣老鍋麵好大一碗, 好滿足飲品揀了黑糖珍珠鮮奶同豆奶想試下有咩分別xd結論各有千秋最後唔夠喉要叫左個麻辣鴨血同屋企打邊爐個分別係, 佢多好多配料既然價錢差不多, 好似佢煮開心過自己煮有個要改善既係, 希望食物會再熱少少咁先更有感覺!最後講下服務態度一入門口就俾店員姐姐既熱情打動仲同佢講下次會食埋早餐

今日出開屯門市中心買東西，搵一搵有什麼餐廳好吃，發現這間伴麵很多人排隊中地獄麻辣牛肉拌麵🐥🐥🐥🥚🥚叫得老媽伴麵，當然要試下！辣味不錯，很有台灣風味，最重要夠麻，兩者配合不會太辣，非常開胃！和牛炸醬伴麵🐥🐥🐥🥚🥚同樣是伴麵，但有不一樣既風味！有點像韓式伴麵食法，有青瓜絲、紅蘿蔔絲、木耳絲加一隻太陽蛋！再加和牛炸醬，食落感覺與平常肉燥伴麵不同，食慣肉燥麵朋友可以一試！總結，在屯市很多偏貴的餐廳中，可以有呢個價位食到一餐不錯的難怪咁多人排隊！

老媽拌麵，在香港已開了幾間分店，知道已經進駐屯門市廣場，今天特意去試一下！裝修簡潔，職員衛生意識十分高，掃碼消毒樣樣齊，讚！下午茶時段人不多，點了一份台式巨型雞扒漢堡配地瓜條和秘製豚肉拌麵配水餃。巨型雞扒漢堡，爆汁雞扒份量十足，地瓜條炸得外脆內嫩，加上五香粉，風味十足！豚肉拌麵，豚肉入味夠淋，加點秘製辣醬，辣得過癮，配上韭菜水餃，下午茶時段剛剛好。加20元會有黑糖珍珠鮮奶茶，水準之作，蘋果蘇打亦非常解渴，建議少甜啱啱好！依家仲有掃碼落單，非常方便！人均消費$70，可以一試！

呢一年好掛住去旅行嘅日子 以前飛轉台灣 先1.5鐘 （姐係屯公塞車嘅時間）🤣之前屯門市中心開左老媽拌麵當然又去試試🙈同朋友叫左金華火腿干具雞湯麵另一碗叫左一川味紅燒半筋半肉牛肉麵（好似係）👉🏻👈🏻再加一碟甜不辣2杯飲品都係老媽黑糖珍珠鮮奶茶以上埋單係273 味道方面坦白講👉🏻👈🏻我感受唔到好似係台灣嘅感覺及味道但好唔好食 我又覺得都Ok 評分： 5分滿分味道：3/5 價錢：2.5/5 清淡：2/5 環境：3/5

中午兩點來吃。第一次光顧。門口帶客的後生女無乜禮貌，我唔想同人逼一張枱。想坐另外一邊少D人的位，但係佢用不是很好的語氣叫我座bar枱。我重複左幾次我想座得靜D佢都無理我。之後我用app叫野食，想問點樣叫白飯。一個後生仔來答我，但話"無窩”。之後就無再解釋到底可以點叫先有飯來送我叫的鴨血。所以終結就係服務人員態度有問題。食物就一般，麻辣係不太辣，湯味道也淡。叫了珍珠又無俾我。我覺得有餸無白飯叫有D唔合理。杯野飲底有粒粒果肉但係無長匙。我最後都無問佢地拿因為剛才兩次不愉快對話，我唔想有第三次影響心情。唯一可以話就係位置ok，容易到達。環境衛生就ok，坐下都唔覺得污糟，員工收碗有帶手套。

老媽拌麵開咗幾間店，但一次都未食過，今次開到黎屯門，唔係唔試呀！ .貪心的🐶🐶呢個小食又想食個樣小食又想食，結果就係小朋友先做選擇，我哋全都要！.香煎蔥抓餅($30)酥炸甜不辣 （$32）清燉半筋半肉牛肉湯麵 （$78）西紅柿蕃茄拌麵 （$52）洛神花茶 （+18）冬瓜檸檬 （+18）.環境都坐得舒服，同朋友慢慢邊食邊傾，唔錯呢~~!! .🐮清燉半筋半肉牛肉湯麵 🍜牛肉煮得好淋，牛肉味唔算好重，比較簿身，如果鍾意好有口感嘅，就未必好鍾意啦，湯底方面比較清淡，想濃味就應該食川味，揀左刀削麵，口感好好，軟硬適中.西紅柿蕃茄拌麵超抵食之選！ 推介！因為太貪心嘅緣故，決定揀返個酸酸嘅味道，結果係無揀錯！酸酸甜甜好開胃！有意外驚喜，估唔到係咁夾！.香煎蔥抓餅蔥油餅充滿住濃濃嘅蔥味，唔會好油 但就冇乜一層層嘅感覺，口感可以再豐富一點.酥炸甜不辣好味道！另一推介！雖然係小食，但份量一啲都唔少！口感好煙韌，同樣係完全無油膩的感覺。配搭辣醬就更加惹味。.洛神花茶淡淡的洛神花味，唔會好酸，fresh fresh 解膩之選，但超鍾意洛神花嘅人應該覺得唔夠重洛神花味.🍋冬瓜檸檬🍋酸酸甜甜同樣帶來好清新嘅感覺