老媽拌麵 (THE FOREST) (已結業)

行完街攰攰地，想搵個地方飲杯嘢，又過咗下午茶時間，就打算嚟呢間台式餐廳歇一歇休息吓，貪佢多啲飲品同甜品選擇。餐廳環境唔錯，枱與枱之間都算隔得闊，沒有很擠擁。本來都係一次愉快嘅用餐體驗，感覺最差就係最低消費寫得好唔清晰，店員話每位最低消費要$100或者每位點一樣item(?)首先我哋三位一共點咗一份一人餐、一碗麵同一個小食，叫嘅食物份量係唔多因為我哋真係唔肚餓，只係想飲杯嘢食個甜品休息吓，然後店員就過嚟話我哋唔夠低消，起碼叫多一個item😑。其實佢餐牌大部份主食、小食、甜品及飲品每一款單點幾乎都唔過$100，佢呢種低消嘅計算方法真係相當有趣🤔️可能個小食係跟餐加佢就唔計一個item🫠其實我哋原本只係想嗌二杯嘢飲同一個甜品，我覺得已經嗌多咗好多，但係仲要俾人講啲咁野，真係好破壞心情。我知你要做生意，想每個客消費多啲，但係做到咁，吃相真係好難睇。不如你收起個主餐牌，只係比客人叫你啲一人餐二人餐就算啦😂。早知你落單咁多規矩，我就去另一間餐廳食算，都好過俾錢仲要受氣🙁。其實我都會成日經過呢間餐廳，成日都冇乜客人係入面，就算晚飯時間都係有枱淨，果然係有原因。我以後都會識得回避下🫢。

Happy Friday 逛波鞋街 順便覓食去到The forest 一上扶梯就見到「老媽伴麵」一睇就知主打台灣野 環境清雅 半卡位及小圓桌都有餐廳採用QR code下單可以慢慢選擇好才下單 系統會即時顯示所點餐品價格及加一後的金額 非常方便👍店員服務很好 俾我地自己選擇座位 見到我地坐低就送上兩杯水 好貼心🫶🏻台滷雞中翅湯麵（清燉）$76🐔麵質爽口 雞肉嫰滑酥炸甜不辣$36😋甜不辣惹味 配上辣醬 好醒胃路邊攤小吃拼盤$68🥢花枝丸兩粒 足料彈牙香香雞 配上豆乳別具風味台灣香腸 地道小吃 不太甜好吃老媽黑糖珍珠鮮奶茶 （少冰）$36珍珠Q彈 贊👍鳳梨茉莉茶 （熱）$26 熱飲控必點鳳梨肉很新鮮 跟茉莉茶超搭😍😍

📍老媽伴麵（旺角）男朋友今日話想食台灣嘢，炎炎夏日，我都想食一啲伴麵類，可以容易啲消化，咁啱經過老媽拌麵，就毫不猶豫入咗去。估唔到食物嘅質素仲保留到台灣特色‼️🔸 私房花雕雞拌麵（+$30轉套餐）｛花奶仙草凍, 老媽黑糖珍珠鮮奶}雞件非常大隻，夠飽滿，滋味又帶有點酒香味，配手工Q彈刀削麵，鹹香辣味搭配麵食更有層次。飲品係我最愛既黑糖珍珠鮮奶🍼珍珠係大粒嘅波霸，口感相當煙靭，好食😋茶底醇香，奶茶嘅味道好有台灣風氣💕甜品係花奶仙草凍～食完透心涼，適合夏天😗🔸 麻醬手撕雞肉燥飯｛洛神花茶，花奶仙草凍，蒜香麻辣豬耳朵｝每一啖飯都吸滿肉燥既油香，鹹甜帶豬油既醬汁，係經典嘅台灣手法。去皮嘅手撕雞，添加濃厚嘅麻醬，啖啖肉塞進口，才是王道～兩種加埋一齊，真係好邪惡😤剛好有杯洛神花茶，可以去除油膩感，而且帶點花香，減除邪惡感😌小食係蒜香麻辣豬耳，越食越麻辣，豬耳煙靭爽口，正👍

🎈老媽拌麵以椒麻拌麵打出名堂的台灣品牌🥰下午茶時間有拌麵、湯麵、滷肉飯、刈包、蛋餅、吐司等選擇🎈 椒麻手撕雞拌麵下午茶餐附送飲品及每日不同的餐前小食🥤揀咗最有代表性的椒麻拌麵醬汁重花椒麻香，伴隨麻醬香及花生碎，味道有層次🫧招牌嘅關廟刀削麵麵質夠厚身，同雞絲一樣相當掛汁🍜🎈紅蔥蒜香醬油生菜生菜🥬加上紅蔥醬油，香而不膩🎈台灣烤香腸台灣菜必食☺️鹹鹹甜甜，配上蒜片好惹味🎈冬瓜檸檬味道清新，可以加珍珠，雙重享受

台灣風麵吃🌸 麻辣老鍋湯麵🌟🌟🌟🌟牛骨湯底清甜而有少少麻辣味，麵質適中，蘿蔔夠淋身入味，墨魚丸好彈牙，嫩滑鴨血超入味好重花椒八角味。🌸椒麻手撕雞拌麵🌟🌟🌟🌟🌟醬汁夠椒香、麻口、香花生味，麵質煙韌而掛汁，雞撕口感唔會太嚡口。🌸鳳梨茉莉茶🌟🌟🌟🌟🌟有鳳梨碎，飲落唔甜，仲有點咬口。🌸青檸梳打🌟🌟🌟🌟🌟超fresh ，同樣都係唔甜。======詳情======老媽拌麵 (THE FOREST) (旺角)旺角奶路臣街17號THE FOREST2樓204-205號舖================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #相機食先 #旺角美食 #旺角好去處 #香港美食探店 #香港探店 #我是吃貨 #打卡熱點 #打卡美食 #著數報料 #人氣台灣菜 #台灣菜 #拌麵 #鳳梨茉莉茶 #鴨血 #雞絲 #麻辣 #椒麻 #老鍋湯麵 #TheForest #奶路臣街 #老媽拌麵

店內環境好整潔又寬敞，係外面都可以一眼睇晒成間店，QR code自助落單好方便，下午茶餐送飲品，可以加埋台式小食，份量岩岩好。.🥣椒麻手撕雞拌麵🥣：💰$94每碗都係使用品質嚴選既手工製麵條，刀削麵口感豐富，附送一小碟菇類配菜，半隻糖心蛋，仲有兩舊紅青辣椒，拌埋手工秘製麻辣拌醬，椒麻醬拌雞絲好惹味，椒麻油味濃郁，辣得有層次🌶️🥣台式原味蛋餅(豬肉鬆)配沙拉🥣：💰$74蛋餅皮煙煙韌韌，配生菜+番茄+甜甜地肉鬆，加左好多千島醬，味道似食漢堡包咁😆而且仲有台灣風味添。🥣蒜香麻辣豬耳朵🥣：配有花生碎，好多爽口青瓜粒，每條豬耳都係薄切較易入口，蒜香拌醬好夠香辣，嫩滑既豬耳好念軟骨脆，辣醬真係幾出色👍🏽🥣豆乳香香雞🥣：必食👍🏽炸至金黃色雞粒外脆內軟，外皮酥脆，雞肉嫩滑，配埋秘製腐乳醬，咸香味一流！🥤鳳梨茉莉鮮果茶🥤：主打選用自家製新鮮鳳梨醬🍍好清甜，冇添加冇防腐劑，而茶味唔會被蓋過，仲有新鮮蘋果草莓藍莓青檸片同菠蘿粒，超消暑解渴！🥤柚子蜜綠茶少冰🥤：整體唔太甜，而綠茶味道似係台灣飲到個種味道🙈

夏天出旺角行街 熱辣辣真係唔想離開商場☀️呢日就去左比較新嘅商場The Forest 食午餐好耐冇食過台灣菜就揀左老媽拌麵🇹🇼.午市套餐包括咗兩款隨機前菜同埋指定飲品一杯我地嘅前菜係蕃茄仔🍅和本菇🍄蕃茄仔新鮮清甜 好開胃 本菇亦都非常百搭.🌟酥炸脆豬扒湯麵 $84豬扒炸得非常酥脆 好似台灣夜市食到嘅小食😋至於湯麵麵底選了關廟刀削麵口感十足 有一點嚼勁🍜湯底嘅味道好濃郁 配料蘿蔔亦都煮得夠腍夠入味👍🏻.🌟秘醬甜辣汁香煎沙朗肉燥飯 $84沙朗肉即係牛扒 煎完依然肉質鮮嫩☺️ 旁邊仲有沙律配菜好健康🥗肉燥飯亦都唔錯 加入左秘醬甜辣汁 味道更有特色而且飯上面嘅流心蛋令個飯生色不少🥚.飲品我地選擇左洛神花茶同埋柚子蜜綠茶洛神花茶酸酸甜甜 非常清新另一杯柚子蜜綠茶亦都解渴 係夏日嘅飲品🍵🧊.餐廳空間十足 坐得好舒適而且用上木系元素 好有文青風🍀

有一排好興食包裝既台式拌麵我自己都有幫襯過呢個牌子好鍾意佢哋啲關廟麵嘅質地同調味估唔到而家仲開埋實體餐廳 好多分店添♥︎豐盛一人晚餐除咗有拌麵 仲有湯麵同飯類 仲可以升級套餐有埋前菜 指定飲品及甜品 認真豐富 ➜台式甜辣醬撈金菇肥牛拌麵 $82拌麵可以揀刀削麵或者幼麵我揀左比較粗身既刀削麵 口感Q彈配合甜辣醬就更加惹味 金菇肥牛份量都幾多仲有半隻溏心蛋 好滑溜好入味➜豆乳香香雞 +$22雞粒好香脆 唔似1人份量 好扺食豆乳原來係腐乳醬 估唔到味道都幾夾➜鳳梨茉莉茶 自家製鳳梨醬用上新鮮菠蘿製成 無添加無防腐劑 茉莉花茶亦夠清香飲落仲有粒粒菠蘿 甜而不膩➜草莓檸檬愛玉凍甜品揀左比較輕盈清爽既愛玉凍唔會好甜 口感似啫哩

今日同屋企人嚟開旺角，見到有呢間老媽拌麵，醒起佢哋嘅拌麵同麻辣鴨血好多人都有幫襯過，原來堂食價錢都唔貴喎！Tea Time嚟見佢Tea Set選擇都幾多，有拌麵/湯麵/飯，仲有蛋餅、吐司等等，而且份量都OK👌🏻 🍜酥炸脆豬排湯麵 $62揀咗最招牌嘅刀削麵，好彈牙又爽，一啲都唔硬同韌。我唔係好食得辣，嗌咗最清嘅燉湯以為會好淡，原來都煮得幾入味喎！啲豬扒都炸得非常鬆軟，又大塊👌🏻！🥞朱古力醬珍珠雪糕吐司 $68嚟到發現咁豐富咁靚嘅，仲靚過佢menu張product shot🤣 份量都好多，真係兩個人Share先食得晒！用咗Dreyers雲呢拿雪糕🍦唔係淨係得cream咁齋，啲多士仲有焦糖烘面，加倍邪惡😈跟餐追加🫓香煎葱抓餅 $22 有三塊淺嘗下幾好，煙煙韌韌，好有台式風味👌🏻🥛老媽黑糖珍珠鮮奶 $20有黑糖醬掛杯係好靚🙈，而且好有茶香，好香濃。見到現場好多客人都係嗌呢杯，就知係好嘢！🍹草莓沙冰 $20一入店面最吸引嘅，就係見到佢地Menu推介嘅沙冰😍雖然冇得少甜同少冰，不過其實攤佢一陣就啱啱好👌🏻好濃郁士多啤梨味好滿足，好飲呀！旺角店地方幾好座又光猛，簡單嗌杯嘢飲同朋友坐低傾吓偈又得，有機

兩個人食，叫左一個和牛炸醬麵⋯⋯牛少麵少，味道無特別。另外再叫左一個蛋餅，都係好普通。最差係服務態度，啲侍應唔想做咁，成日圍埋傾計，上餐時又無禮貌，明知啲水杯阻住上餐，又唔出聲就咁放上抬。咁既服務仲要加一，起趕客。呢餐下午茶就消費左$130

吾怪得吾乜客人今日行波鞋街，行到哩個場有D 肚餓，見到哩間餐牌下午茶都OK，眯坐低食囉。改善點- 食肉獸一定吾掂，碗野肉都吾多幾粒。- 掃QR code系用吾到來點餐咖。- 一個講普通話的服務員系願意做，但 - 吾醒目 - 第一次上餐系錯咖，一分鐘後至發覺,好在我無碰過。- 隻餐茶杯真系太重。因為想食拌麵，又吾想辣，兩個餐都系和牛碎炸醬拌麵- 無論粗或幼麵都做得好好，有咬口，吾系真系扣得仲多分。- 炸醬當然吾系香港食開果種，系香但吾夠味，只覺得肥膩。- 話系和牛肉碎，但又”鞋”又無牛肉味又少，食肉獸一定吾掂。反而豆腐乾系好香。- 配菜有菰或秋葵，都系非常無味。餐茶系幾特別，吾錯。

🍽️ 老媽拌麵📍 旺角奶路臣街17號THE FOREST2樓204-205號舖-本身諗住台灣嘢實冇死，結果換來嘅只有失望……💫台灣烏醋豬手肉燥飯-秘製微辣（$88）肉燥夠味，撈飯唔錯👌🏻👌🏻但係豬手一啲都唔淋……💫椒麻手撕雞拌麵-粗麵（$92）手撕雞好食，但係醬料唔夠，令到拌麵整體唔夠味😅😅💫老媽黑糖珍珠鮮奶茶（$20，凍飲再加$3 ）見到黑糖掛杯，以為好好味，點知完全唔夠黑糖味，珍珠口感一般🫥-🌟每樣嘢都令人失望🌟午市時段都比較靜少少，只有三枱客人推薦指數：1/5抵食指數：1/5#foodloverin852 #852 #foodie #hongkong #MongKok #旺角 #老媽拌麵 #失望之最

放假啦，約朋友出嚟食飯，隨意喺OpenRice 揾餐廳，都算係有驚有喜🤣椒麻手撕雞拌 (4/5分) 麻味好重，手撕雞再嫩滑啲就更加好啦，手撕雞份量都好多，食到最後都仲有好多手撕雞🤣豬手飯(2/5分)煮得完全唔夠淋，所以有啲失望。肉燥飯尚可。

今日就去咗旺角呢一個商場THE FOREST 食lunch，商場入邊都有幾間唔同嘅餐廳，最後我哋就揀咗呢一間老媽拌麵，等候時間就唔需要，因為餐廳咁啱有位！比較推薦嘅食物有肉燥拌麵，呢一個佢嘅招牌食物主要由煮熟嘅麵條同埋炒好嘅肉燥混合而成，味道香口，非常適合香港人嘅口味麵條嘅嘅粗幼度亦都非常適中，咬落去非常煙靭，非常有咬口！佢特製嘅醬汁，亦都非常有特色，令到成個面嘅味道昇華！小食嘅雲耳酸酸辣辣非常開胃，忍唔住食完一件又一件！絕對係下午茶必食之一

今日難得出來旺角逛街，心血來潮想吃台灣菜，上網找到這間老媽拌麵。點了個 「輕鬆二人餐」，不用煩惱要諗食物乜：包括：3個小食燙青菜、豆腐主食2個飲品2杯甜品2個台式柚子骨飯：柚子醬汁酸酸甜甜，柚子味都好突出，配合白飯吃一流。不過食到後尾有少少膩。私房花雕雞拌麵：拌麵看起來豉油顏色很重，但其實味道偏淡的，自己加點辣椒醬比較好吃，會更惹味。花雕雞滑溜；還配了半隻滷水蛋👍。燙青菜：健康，很有住家菜的感覺。