老爹茶居

营业中

休息中

岩岩搬去馬鞍山，繼續周圍食試新野，咁岩落車經過新港城地舖的Daddy's kitchen,望裡面大致都客滿，門外又有人排隊，應該吾會有錯！等了一陣就有位，晚餐驚喜位是包一杯特飲，當中有我的至愛- 珍珠奶茶，立即精神為之一陣!!點了兩個是日精選餐，先上餐湯和餐包，上菜速度超快，讚呀！紐西蘭香草羊扒配黑椒汁意粉 羊扒好淋，有「騷」味，岩哂口味！意大利牛肝菌燴牛尾煲飯，一定要配飯！因為精華在於汁， 撈飯食一流！牛尾件數多，又夠淋和入味！簡直想再添飯！飲品方面，當然是珍珠奶茶！最中意面頭的「泡泡」，又夠茶味！老公揀蘋果綠茶，評價好高！最抵係套餐包埋，凍熱同價！因為特飲單價都不便宜，所以覺得套餐好抵！

今日又到馬鞍山和J一聚，J帶我來老爹食dinner，她和家人間唔中都會來, 在馬鞍山區來說老爹確是不錯！火龍果煙鴨胸沙律配芒果油醋汁$65~煙鴨胸鮮嫩多汁，鴨皮甘香美味，配上新鮮沙律菜，車厘茄和火龍果和酸酸甜甜的芒果油醋汁，十分清新開胃！是日精選除了主菜外，還有熱辣辣的餐包和忌廉湯是日精選~焗南瓜芝士汁雞柳意粉$74~雞柳嫩滑，還有極甜南瓜汁和香濃的芝士汁，用來撈飯食一流！雜錦海鮮石頭咖喱鍋$84~海鮮種類頗豐富，有魚柳、青口、蟹柳、魷魚圈、蝦和薯仔，咖喱有三款選揀，我地揀咗馬來椰香咖喱，辣中帶椰子的香味，非常惹味！芒果椰奶(加$18)~芒果和椰奶味濃郁，冰凉美味！珍珠奶茶($8)~奶茶味香醇，珍珠Q彈，正呀！

今日經開美食沙漠成名既馬鞍山，但發現咗抵食又好食既西餐廳😍晚餐時段幾乎滿座，但好在唔洗等位既。呢度有是日晚餐，亦有餐牌可以單點。揀咗兩個廚師推薦，分別係香煎格陵蘭比目魚扒，同埋香煎美國牛柳，跟餐有餐包餐湯，仲有飲品。比目魚扒煎得岩岩好，皮脆好香。牛柳食落都好林，唔會話過熟會太硬，跟餐可以揀意粉飯或者薯菜，我揀咗薯菜，黎到有粒焗薯，好味道😋😋😋餐湯兩款什菜湯，忌廉湯，兩款都好味，唔會好淡👍🏽飲品揀咗西柚綠茶同珍珠奶茶，飲品跟餐但都好多選擇，幾特別🤗價錢好親民，會再黎😉

讀書時候也曾與家人光顧老爹，最喜愛它們午餐的豬扒飯或下午餐的碎蛋法包。但自從畢業搬離馬鞍山後就沒有再去了。今次重新踏足老爹首嚐晚餐，點了西冷牛扒和ribs eye, 價錢相宜，兩款也是$105,配餐湯及飲品。再加23蚊可追加甜品(是日蛋糕)我們點了濃朱古力蛋糕及朱古力芒果蛋糕。先說牛扒，兩款都唔錯，肉味挺重，就算叫8 成也不會硬，配薯菜就是焗薯仔，配以cream不錯，有驚喜到甜品，她試的試朱古力芒果，她說很好食，媽媽嘗完後問可否預訂作生日蛋糕，由於我不食芒果所以沒有試，就點了朱古力蛋糕，豐富的朱古力外層+夾心，是朱古力迷必點的甜品。

老爹廚房喺馬鞍山屹立多年，我都好鍾意幫襯，今次食一個炒天使麵，炒得好香，棉質口感好，而且配料份量算多，晚餐收費大概70多元，另收加一。價錢包括一杯飲品，令人驚喜嘅係飲品可以有好多選擇，唔係普通嘅咖啡奶茶，而係可以免費選擇珍珠奶茶話胚牙奶茶，呢個依然真係好抵食。

今日去親戚家，表姐帶我黎老爹茶居食晚餐，老爹茶居位於新港城廣場地下。餐廳裝潢好寬敞，樓底好高，空間感好大，餐牌有中式、西式、焗飯、日式拉麵，不添加味精。炸一口雞拉麵加$5轉手打拉麵，炸雞有4件，但粉漿炸得太硬，但入面雞肉都嫩滑，手打拉麵口感彈牙，豬骨味都夠濃忌廉粟米湯配餐包餐包仲熱辣辣香煎挪威三文魚柳配香草忌廉汁三文魚煎得又脆又香，三文魚煎得剛剛好，魚扒中央呈粉紅色，口感好柔滑朱古力珍珠&水蜜桃綠茶朱古力味道濃一點會更好，水蜜桃綠茶甜度適中，不會太甜，水蜜桃味好出

中學時代，經常放學後也會到此嘆個下午茶order最喜愛的碎蛋法包。。。。。。自從搬離馬鞍山後，一直沒有機會再光顧了。今次再重臨舊地一嘗它的晚餐，餐廳位置由以前在新港城中心搬到了馬鞍山中心。其實很方便，巴士一落就係。西冷牛扒及肉眼牛扒，因不喜歡血，分別點了7成及8 成(可選配飯/意飯或薯菜), 但白湯略嫌遜色了點，但主菜及甜品拉高了不少分數甜品是加23蚊追加的---濃朱古力蛋糕及朱古力芒果蛋糕套餐包括主菜﹑麵包﹑紅/白湯及飲品總括味道不錯，價錢相宜，值得推介

我和朋友至愛食咖喱的香料味道，老爹茶居Daddy’s kitchen 是馬鞍山老字號食店。餐牌註明所有食物都不加味精，新舖比舊舖光猛闊落，餐廳座位頗舒適，晚餐時間見座無虛席，點左雜錦海鮮馬來椰香咖喱石頭窩，有蝦、青口、魷魚、有魚塊、薯仔很豐富，咖哩不辣很香又夠熱，咖喱汁🍛撈飯超正，我很滿意。另泰式紅咖喱香草羊扒石頭窩，真抵食有四件，羊扒很淋滑，撈意粉也一流，味道很不錯，我們所有咖喱汁都吃光。無味精飯後一點也不會口乾口渴。有空會再試其他食品。

星期五晚唔想自己煮，最好就係出街到樓下嘅餐廳食，老爹茶居好抵食，所以自從上次食過之後，呢到漸漸成為咗我嘅飯堂。今次食是日精選套餐，大概$70左右就有一個套餐，包括餐湯、煮食、還有唔同嘅飲品。唔使另外加錢，就可以飲珍珠奶茶，杯芽奶茶等特色飲品。加拿大藍青口蟹黃忌廉汁天使麵，72元，佢啲青口排得好靚，冇諗過平民餐廳都唔會有咁樣嘅心事， 10分欣賞。另外有點左意大利乾菌燴會牛尾煲，令人有驚喜。牛尾出名係比較貴嘅食材，呢個$82嘅餐，竟然都有好多舊客味，而且個汁調得很好味，送飯一流。

相信好多馬鞍山人都知《老爹茶居》曾經離開左大家好幾年，今日再返到馬鞍山竟然見到老爹出現喺新港城，海柏巴士站側邊嘅地舖。還掂未食晚飯，就入去幫襯下。可能老爹都注意到而家啲人注重健康，餐牌都註明所有食物都不加味精。🔆香煎紐西蘭西冷牛扒（蒜蓉汁）包餐湯、餐包、餐飲 - 什菜湯同以前味道一樣，有少少羅宋湯味，菜料多，餐包軟棉烘熱，西冷牛扒牛味濃郁，同蒜蓉汁幾夾。🔆焗菠蘿鹹豬手蜜糖汁（配炒飯） - 炒飯底，都幾香蛋味；豬手肉偏向香甜爽脆，用上原片菠蘿，加上茄汁同自調嘅醬汁混合，唔錯～🔆跟餐嘅荷蘭汁薯蓉焗田螺（無殼）- 估唔到薯蓉整得唔錯，香滑唔漏，調味適中，連同焗田螺一齊食香滑得黎又有豐富口感。新舖比以前光猛闊落，座位舒適好多，味道幾好而食物選擇亦算多，都算係馬鞍山幾好嘅餐廳選擇。支持小店就可以令美食沙漠多d色彩啦！

住馬鞍山住得耐的朋友都知有呢間老字號食店。今晚同小朋友一起出去食晚餐。细囡叫了一份招牌下午茶餐，估唔到晚市時間都仲有！有豬扒法國麵包配薯條，仲有少少沙律菜。豬扒好鬆軟，法國好脆。薯條新鮮炸，好香脆。鹵水雞翼拉麵是大囡點的。睇個賣相簡直係港式同日式的fusion菜式。大囡一人包辦，全部食晒。味道有幾好？你話呢？！大囡食完拉麵未够喉，又黐我地食炒烏冬。味道亦很好。煙肉椰菜略為有改善空間。唔够火候。石窩焗咖啡係呢度重要菜式，好香又够熱。必吃！煎蛋鰻魚飯亦不錯。

今日阿女去馬鞍山圖書館，放工搵埋佢地去馬鞍山 Daddy's kitchen 食飯。餐廳以西餐為主，不過都有日式，馬來食品同台灣特飲。鹵水雞翼拉面，雞翼吾會太喊，配上芽菜，海帶，蟹柳，名門卷，大女好快就食晒。豬扒包配薯條，細女話朱仔包好脆，豬扒好林滑。薯條亦炸得好好。海鮮炒烏冬，有好豐富既海鮮，同埋三色椒，菇，芽菜一齊炒，好惹味。馬來椰香咖喱牛腩煲，咖哩香滑吾會太辣，牛腩煲得入味夠林。街坊餐廳，晚餐幾十蚊，湯＋包＋主菜＋飲品，抵食!👍

馬鞍山出名係美食沙漠，某日經過又比小編發現意外高質的綠洲😚-香草茄汁雜菜燴意大利雲吞 $78第一印象都幾健康，夠多蔬菜！不過原來主角意大利雲吞都有七、八大粒，配合酸甜開胃的蕃茄醬汁同芝士蔬菜餡真令人欲罷不能，一粒接一粒🤤香煎紐西蘭肉眼牛扒配檸檬牛油汁 $105另一道令人食指大動的主食就是大過手掌的肉眼扒，肉質軟腍帶牛油香，作為醬汁的檸檬牛油汁十分特別又清新，一試難忘😍榛子軟芝士餅(跟餐+$23)甜品的芝士餅看着普通，榛子味突出，朱古力不會太甜，驚喜的是帶有好立克味(忘了還是榛子味😂)的餅底，口感上食得出多層次，唔錯💕餐廳平日6點幾都未見多人，但座位寬闊又唔會趕人，值得推薦👍🤩

身為馬友好想推介呢間我由細食到大的餐廳，價錢合理，而且水準都能keep得住。今次食咗晚市套餐，有餐湯、餐包、主菜、飲品（有十多款台式飲品選擇）和雪糕杯，食到個肚都滿載而歸😂😂😂我勁鍾意食羊，但不是間間餐廳都烹調得好，所以今次要推介兩款以羊為主的晚餐。🧡馬來咖喱紐西蘭羊腩煲 $82上碟時鍋是熱辣辣的，咖喱味芬香撲鼻。羊腩份量超級多，又有薯仔做配菜。羊腩炆燉得十分軟林和入味，完全沒有騷味。整鍋咖喱味十分濃郁，配白飯一流。雖然咖哩會越食越辣，但我食得很過癮，極度推介👍🏻👍🏻👍🏻🧡紐西蘭香草羊扒配露絲瑪莉汁 $80餐廳選用的羊扒質素很好，配上優秀的烹調技術，外層煎得非常香脆，肉質嫩口，而且完全不韌。可以在美食沙漠食到這麼好的羊扒，實在難得。鍾意食羊嘅朋友必定要一試👍🏻👍🏻👍🏻🧡西柚紅茶和芒果綠茶🧡雀巢雪糕

今晚又懶得煮飯，一家人嚟幫襯老嗲，睇住佢以前由商場鋪搬落地舖，久不久我哋都有幫襯，由以前我哋嗌兩個餐到而家變成要嗌四個餐！阿女今日叫「焗南瓜芝士汁雞柳意粉」（$74），即叫即焗所以要等一陣，面頭有好多南瓜汁食落甜甜地，雞柳份量不少，仲有雜豆配料。老公叫「扒紐西蘭香草羊扒配黑椒汁飯」（$80），賣相稍不吸引但味道不錯。兩個都屬是日精選所以有餐湯、包同飲品，仲有雪糕杯！至於阿仔就揀「醬汁豬軟骨拉麵」（ $50 ），估唔到佢人仔細細可以食到成碗麵。豬軟骨炆得好淋，啲骨都食到，份量都不少，湯底都好味。我就想食咖喱，揀咗個雜錦海鮮石頭咖喱鍋（ $84 ），都幾多料有魚柳、青口、蟹柳、魷魚圈、薯仔、蝦等等，咖喱有三款揀，我揀咗馬來椰香咖喱，比想像中辣，但都好味！送飯一流！為咗有菜落肚，我哋仲叫咗個「火龍果、煙鴨胸沙律配芒果油醋汁」（ $65 ），除咗有菜仲有車厘茄、火龍果，煙鴨胸都算好厚同大件，沙律醬汁不多但都算開胃。由於是日精選嘅飲品大部份都係茶類，唔係太啱我啲小朋友，所以另外我叫咗兩杯芒果椰奶，以為另外兩個餐加$8可以，但原來呢啲唔屬於「餐飲」，所以要加$18。大家如叫飲品可以事前問清楚。但話