老爹茶居

营业中

休息中

今日同老公去咗馬鞍山拍拖，入到馬鞍山當然要試下daddy，因為之前都好想試，見佢人唔係太多，所以就坐低咗，我哋叫咗兩個主食，一個係飯，一個係意粉; 飯呢就叫咗意式墨魚汁燴意大利飯， 意粉呢就叫咗帶子煙三文魚會白汁墨魚汁 粉！ 兩個都非常之出色， 啲汁入曬啲飯同意粉裏面， 簡直將墨魚嘅精華完全發揮，好鬼鍾意食，下次會再嚟幫襯， 其實做人好簡單，食兩個好嘢食，我已經好滿足！

老爹其實喺馬鞍山已經開咗好多年嚕久不久同屋企人都會嚟幫襯下-而加呢間鋪好大，坐得好寬躺-餐牌嘅選擇日後好多飯粉麵，甚至拉麵都有-set dinner配上餐湯、餐包同飲品飲品方面選擇都有好多今次我就飲咗水蜜桃紅茶竟然唔使加錢😛😛認真製作既一杯水蜜桃紅茶👍🏻👍🏻面頭浸泡泡好厚呀！-好多青口呀～～忌廉汁香濃配上天使麵，口感同味道都唔錯- 老爹原來連田螺都有得食呢個田螺餐可以跟飯或者意粉-唔好睇小佢呢碟鹹豬手意粉份量比想像中多好多焗出黎既意粉面頭既芝士係拉絲架！😛😛鹹豬手肉質都好香嫩！好味呀😝😝-最後忍唔住加咗件曲奇芝士蛋糕上層係有厚厚嘅曲奇味cream下層係焗芝士蛋糕，我個人係好鐘意食比較硬身扎實既口感呢個芝士蛋糕完全啱晒我心水❤️-最值得一讚係，原來餐廳有得睇now tv!!!!!!希望小店可以繼續屹立在馬鞍山啦～加油呀！小區先搵到既人情味

馬鞍山食肆多大把選擇...今晚夜咗食，差不多21:00見Daddy’s Kitchen入面仲有好多食客，諗住都係普通set dinner果啲...原來食物種類都好多，頭盤沙津小食不在話下，西餐竟然有拉麵🍜仲有台式飲品🥤夠Fusion叫咗厚切豬西冷紅酒汁配意粉，豬扒厚身啖啖肉，煎得好香口$80跟埋餐湯麵包凍飲，好抵食香草牛油焗田螺，薯蓉一啲都唔粉，即叫即焗，正招牌老爹豬扒拉麵，個湯底好濃豬骨味（唔係普通放湯咁簡單），拉麵好彈牙🤤🤤$50真係幾抵食呢個價錢去味千拉麵都食唔到

**Daddy’s Kitchen 老爹茶居**身為馬鞍山之友，相信有返咁上下年紀 都應該對Daddy’s Kitchen 唔陌生 ，我仲記得以前成日都去食，不過商場大翻新，所以老爹都唔見埋。隔左一段時間先知佢係第二度重開，就同媽咪 阿囡去食。價錢依舊係好親民身為馬鞍山之友覺得好好彩有呢間小店！套餐加HKD8 有餐飲 仲要係可以飲珍珠奶茶！媽媽就要左柑桔檸檬🍋媽媽要左黑松露菌鵝肝意大利飯 味道好好，鵝肝都唔算細塊我嗌焗飯套餐 會配埋 薯蓉田螺 ，係老爹獨有既👍🏻👍🏻其實都因為咁 所以我對老爹咁有印象焗茄子牛柳粒炒飯，炒飯底 再加蕃茄汁 簡單既味道 但都好滿足

話說好耐冇去過馬鞍山呢一邊食嘢, 大家都知道馬鞍山係美食沙漠。今次介紹個啱啱搬入馬鞍山嘅朋友一齊出嚟食少少嘢。晚市時段非常人頭湧湧, 但係都叫做唔使等位有得入啦。今次朋友叫左個燒春雞意粉伴洋蔥汁, 我就叫咗厚切豬扒配意粉。set dinner有包有湯, 我就要咗忌廉湯都ok啦, 朋友要咗羅宋湯都有啲雜菜咁。嚟主菜嘅時候燒春雞真係有驚喜, 冇諗過會有半隻。燒春雞嘅肉都幾滑溜, 另外就係厚切豬扒, 個豬扒夠厚身, 好彈牙而且份量很足夠。最後仲有兩杯特飲, 我唔記得咗影相一杯係柚子茶, 另一杯係珍珠朱古力。飲品就偏甜啦, 如果怕甜嘅朋友, 我建議走甜或者飲熱飲會好啲。

兩個人希望隨隨便便食個晚餐，來了馬鞍山歷史悠久的老爹，記得以前佢喺商場入邊而家搬咗去新鋪，面積大左好多而且環境幾好。我哋叫咗一個餃子拉麵，同埋一個蒜蓉波菜忌廉汁天使麵，飲料有金橘檸檬，還有叫咗甜品係芒果朱古力蛋糕。餃子拉麵分量足夠，湯底都OK，餃子有五隻，另外找天使面幾好食，因為有好香嘅蒜蓉味，同時不會太油膩，麵質爽口，好味。金橘檸檬走冰，酸酸甜甜係夏天嘅開胃飲品，甜品加$28就有一件蛋糕，當日有三個選擇，呢個元廣型芒果朱古力蛋糕幾特別，唔太甜，好味。金橘檸檬走冰，酸酸甜甜係夏天嘅開胃飲品，甜品加$28就有一件蛋糕，當日有三個選擇，呢個元廣型芒果朱古力蛋糕幾特別，唔太甜，好味。總體而言，老爹嘅食物質素幾好價錢於區內屬於抵食，簡簡單單食一個餐，是非常方便的餐廳。

今晚同男朋友咁啱嚟到馬鞍山，行到橋底下，見到有間高級西餐廳，咁耐未同男友一齊燭光晚餐，咁就入咗去，餐廳入面非常寬敞，好有私人空間，估唔到喺馬鞍山都有間裝修寬敞嘅餐廳。 surprise嘅係價錢公道!我哋叫咗美國自然豬西冷扒配飯 配黑松露紅酒汁 同埋香煎挪威三文魚🐟柳。 餐飲就叫咗蘋果綠茶同芒果綠茶。餐湯係忌廉湯 ，湯唔係稀Nel Nel!幾好飲!個美國西冷豬扒🐖，煎得啱啱好，切塊豬扒嗰時候完全非常容易切， 食落去嗰時候非常鬆軟，在點埋佢自家製嘅黑松露紅酒汁， 我只能夠講一句marvelous同 Well done!!有圖有真相塊🐷煎得靚砌得容易肉係鬆!三文魚扒， 煎得同塊豬扒一樣唔會太生亦唔會 overcooked， 加埋佢個cream sauce 非常一流。 再加埋佢哋烹調嗰兩杯飲品蘋果綠茶同芒果綠茶 ，令到今餐晚餐 好有格調同非常 perfect match。誠意推介就係佢哋個三文魚扒同飲品!

今日放工同兩個朋友一行三人嚟到 呢度 食嘢，地方光猛整潔 所有店員都非常有禮貌, 座枱寬敞，招牌搶眼，裝修簡約。 食物賣相ok咬落口都唔錯，我哋一行三人都對食物非常滿意，而且一試就知道唔係純粹得個樣，烹調方面亦都落咗心思。 台式奶茶，夠茶味，沒有街邊茶檔飲糖水的感覺，紅菜頭飯，有嚼勁。喺香港呢啲地少人多嘅環境能夠有咁寬敞嘅位置用餐，其實喺市區嚟講真係算奢侈，所以如果你係一家大細或者情侶撐枱腳甚至乎只係想三五知己聚埋飲啲嘢吹下水散下心，呢一度都一個非常之好嘅選擇。

老爹係馬鞍山已經一段時間，之前唔太起眼，反而搬左鋪後個人空間感更大更舒服，又帶呀媽黎食下先！格調裝潢令人覺得舒懷，是日精選好豐富，紅白湯同餐包都唔馬虎，兩樣都熱辣辣咖！飲品好多選擇，揀左兩杯都好重茶味，幾有心機馬來咖哩紐西蘭羊腩煲超級足料又好食，特別位係羊腩大部分都係連住彈牙嘅皮，非常有口感，長長地又索汁，偏辣但同時好香，媽媽平時唔食辣就只能食到小小，但我就做左掃食者！扒巴西厚豬扒配雜菌紅酒汁呢排豬又貴又怕危險，係信得過嘅餐廳一定要滿足番胃口，煎得好香，而且啖啖肉好有口感，最怕就係那到淋曬個種，味道都剛好又香口蛋沙律鮮蝦多士必須食！外脆內軟，小小一舊食物卻多重層次，超級香，蛋沙律都好新鮮咁凍，完全做到個效果大大碟下次可以同埋爸爸黎食！

位於馬鞍山新港城廣場地下11至13號舖的老爹茶居 - Daddy’s Kitchen，主打西式及港式菜。餐廳的座位頗舒適，而且還有電視，可以讓客人一邊吃飯，一邊看新聞。這餐廳提供是日精選晚餐，套餐包餐湯、餐包、餐飲，加一後每人約八十多元。飲品約有十多款，冷熱也是同價的。扒紐西蘭香草羊扒配牛肝菌紅酒汁 配飯 - 朋友的主菜首先來到。羊扒外面煎得香脆，肉質嫩口，完全不韌，味道相當不錯。旁邊的醬汁味道豐富，能吃到牛肝菌碎，舌頭也嚐到紅酒的味道，整體和羊扒十分合拍。白飯白份量充足，男士吃也夠飽。順便一提，如果醬汁不夠，可以向職員禮貌地索取多一碗醬汁，醬汁配飯也是一流的。。芝士鮮茄汁焗豬柳 配飯 來到了，這款主菜賣相十分吸引。豬柳口感頗鬆化，不會硬梆梆，外面微焦，名乎其實的外脆內軟。鮮茄醬味道開胃，吊起了豬柳的味道。主菜前，侍應端來了餐包和餐湯。餐包口感鬆軟，可用來點湯。個人較喜歡忌廉湯，口感幼滑，能品嚐到忌廉的原味。餐飲珍珠奶茶也頗有驚喜，珍珠不會太硬，口感QQ，茶味頗足頗香濃。特別加配了美式藍莓芝士餅，甜度剛剛好，能吃到粒粒藍莓。

今日朋友嚟馬鞍山行街街～我哋再次試吓呢間餐廳仔7:00入到去人唔算太多 環境寬敞 都好啱同朋友食飯吹水今次我哋冇食佢嗰個廚師推介嘅晚餐反而就食咗佢嘅扒餐因為我真係勁鍾意鋸扒㗎 哈哈😍今次我同朋友就分別食咗肉眼扒同西冷扒6成真係啱啱好佢有得揀飯或者意粉或者焗薯 薯條嘅話就加$10餐飽上枱嘅時候仲熱辣辣 送湯一齊食真係一流🤩因為我成日覺得配湯一齊食嗰啲包真係要熱先好食個紅湯都好足料 而且輕微小小辣 好開胃～主菜上枱啦～塊扒夠晒大塊～一啲都唔韌 又有小小脂肪 不錯不錯呢個青蘋果綠茶上次飲已經覺得好出色今次一定要encore😍味道依然好似保持水準 唔太甜 而且又夠青蘋果味去開馬鞍山嘅朋友絕對可以一試😋👍🏻

好多款可選擇包仍暖暖又鬆軟竟然套餐要凍水蜜桃綠茶及凍柑桔檸檬也不用加錢，十分少有。餐湯好足料紐西蘭海鱸魚柳配香芒汁，選了跟意粉。 魚柳煎得夠香肉厚，意粉帶點牛油香味。 芒果汁沾醬味道清新，配魚柳好美味。香煎紐西蘭肉眼牛扒配牛肝黑野菌汁，選了跟薯菜，有焗薯丶粟米及西蘭花。 牛肝黑野菌汁帶有香濃牛肝菌香味，用它來沾食物一流。要了5成熟，火喉控制得唔錯，牛扒外層帶少少焦香封住肉汁，肉味濃又嫩。 用$105價錢又包湯丶包及飲品，有這個質素十分超值。

Came here for lunch, I ordered a green curry chicken with rice and an iced peach green tea. I normally don’t order less sugar but the drink was way too sweet. I asked the waitress to add some ice hoped that it would help, but it didn’t change. She also said “you can order less sugar next time” as she put it down with an attitude. If I knew it’d be that sweet I wouldn’t order it with normal sugar. For the green curry chicken with rice, the chicken was way TOO salty and the green curry didn’t real

今天去石門做嘢，經朋友推介，一齊入馬鞍山食晚餐。餐廳設計明顯花了心思，很有西餐feel。可能是星期四的關係，人不多，座位間隔濶落，坐得舒服。餐牌有很多選擇，除意大利麵丶螺絲粉及飯外，連拉麵都有。我們挑了焗咸牛脷茄子配炒飯（ $76-）及鮮蝦牛肝菌忌廉汁配扁意粉（$72-），炒飯有餐湯及飲料，而扁意粉則配有6粒無殻蝸牛，這個配搭令我們既有湯丶開胃菜丶主菜及飲品。餐湯是羅宋湯，連熱辣辣的餐飽一齊上。這個羅宋湯很有水凖，濃淡恰宜，很多蔬菜，不過酸或甜，好味。👍🏻👍🏻👍🏻焗蝸牛的賣相略為簡陋，不過味道還可以，薯蓉做得很滑及香口。焗咸牛脷飯卻是水凖之上，牛脷厚切，有三大片。食落口感與香味都充滿牛脷獨有的味道，最難得的是牛脷與茄子很夾，一個軟軟的，一個帶點咬勁。牛脷一點也不咸，配上茄汁很好味。😋😋😋大蝦牛肝菌忌廉汁扁意粉賣相ok, 蝦同牛肝菌份量足，大蝦既彈牙和有蝦味，正！ 👍🏻 而忌廉汁有濃厚的牛肝菌味，汁的濃度剛好包著每條意粉，也很好味。👍🏻👍🏻餐飲叫了熱檸茶，可平衡一下牛脷及忌廉汁的膩。總結而言，以每人付約$80-左右，便可享受一頓美味的晚飯，絶對超值。

馬鞍山大部份食肆都在商場裡面，daddy's kitchen是其中一間少數開在新港城廣場地下，面向馬路的港式餐廳。菜式包括意粉，拉麵，台式茶飲，擁有茶餐廳的多元化及比一般茶餐廳好的環境。方正的店面擺放了多張檯，每張檯上都放了墊檯紙，希望店方考慮減少紙張浪費。食品飲品款式選擇多，價錢不算大眾化。點了焗司華力腸肉醬意粉，忌廉磨菇蝦意粉，加兩杯珍珠奶茶。司華力腸肉醬意粉與肉醬意粉的價錢相差$1x，卻只多了四小片司華力腸，cp值也太低了吧。另一個蝦意粉味道普通。珍珠奶茶正常味道，難得特飲不用加錢。值得一提的是跟餐的牛油麵包，是舊式餐廳那些圓形餐包，令人懷忘。附帶凍牛油，若麵包上檯前能加熱一下，令牛油半溶，味道亦必定更佳。