老虎堂甜品專売 (奧海城二期)

营业中

休息中

經過這家，每次都是點奶茶外賣。這次試下這裡的甜品。出品大大一碗，份量很足。味道方面也不錯，而且沒有特別的甜，用料也算新鮮，的確是我喜歡的款式。服務態度也算不錯，下次還會來吃

叫了微甜黑糖珍珠芋頭厚鮮奶，但一飲真係甜到極點，比我仔個杯無減糖超级波波更甜。珍珠軟到無口感。不知所謂！既然咁甜，何必给顧客可選微甜！從來未飲過一杯咁難飲的飲品。老虎堂希望你能有良心地去經營！

非繁忙時間，4個伙記，冇1個人落單，等咗5分鐘，冇人企喺收銀處，有客扮睇唔到，問有冇人落單，有1個男人話佢哋做緊嘢，都繼續冇落單，在場只有兩個學生等飲野，就算佢哋有電話外賣客，都應該照顧walkin 客啩？！希望佢哋老板知道呢啲員工喺幫佢倒米，有生意唔做，員工多過客都懶懶閒，仲要態度惡劣，唔怪之次次經過都冇乜人，以後唔會再去呢間野，快啲執咗佢!! PS 等緊嗰5分鐘，見佢哋處理食物不衞生，冇戴手套，抹枱布好烏糟。

首先 當日並唔多人 排隊等候時候已經留意到職員掛住傾計無人點單 第二 終於落單後 等20分鐘依然未整好 前面只有一張單 而我亦只點了兩杯飲品第三 親眼目擊職員將跌於地上/同事鞋上的量杯 用水隨便沖洗後 繼續幫我調製飲品第四 隨即向職員反映食品衛生安全的問題後 職員集體消失 無一人有任何交代 幾分鍾後待職員再出現後 由於對食品衛生安全及職員職業操守的擔憂 我表示希望退單 期間無職員就食品安全問題有任何回應 亦無主管上前處理 職員只是直接退款後就無人再理會 問題不了了之相信只係個別分店問題 但大角咀店食品衛生程度非常惡劣 不能接受 而且職員態度亦非常不專業 毫無責任感 經常消失無人理會 亦完全無主管處理客人擔憂/問題不會再光顧 亦希望其他食客留意

係商場食完飯行下，見到老虎堂諗住買杯野飲，邊行邊飲。原來隔離有間舖有位可以坐低食甜品。飲品就試得多，甜品真係未見過。店仔細細，幾套枱椅，因為無客，初時仲以為未開門。睇左Menu，原來有唔少選擇。因為太熱啦，所以揀左一份黑糖刨冰＄45。刨冰送上有驚喜，份量都唔少喎，材料都好多。冰底加左糖水，甜甜地，上面有一大堆芋圓、地瓜圓，煙煙韌韌，不錯。波霸珍珠正正常常，有黑糖味。本身跟蜜花豆無貨，自選揀左小湯圓，原來係粉紅加白色小湯丸，較為軟糯，都ok。大大份刨冰非常解暑。

I think we've all heard of Tiger Sugar. The famous Taiwanese brown sugar milk tea shop found all over the world including Hong Kong. But what about Tiger Sugar Dessert (Chinese name: 老虎堂甜品專売)?  Located in Olympian City, there is a dessert shop from that parent company. It's not very big with a small number of seats. It also garnered a lot of really bad reviews. But it was hot outside and they served shaved ice! I just wanted something icy cold so we just decided to throw caution to the wind. For

今日夜晚去大角嘴奧海城食晚飯，食完之後係商場行左陣，見到有糖水食喎，仲要係老虎堂甜品，應該無問題，決定去馬！••••••••••••••••••••••••••••••由於晚飯食得太飽喇，所以我地叫左一個甜品share 食。我地叫左仙草2號，最緊要有仙草同芋圓，仲有愛玉。.愛玉以前係台灣食過，既係檸檬凍，唔知點解呢度愛玉係超級酸，個人唔太鍾意。.芋圓係正常既，仙草就比較似出面買嗰啲，唔太特別。$45係鮮X仙個份量大好多仲好食好多。••••••••••••••••••••••••••••••

自從老虎堂喺大角咀開咗好多人幫襯，但係老實講見到門口日日人山人海後來幫襯嘅人越來越少。有一晚放咗工好想食芋圓。由於已經冇晚市所以買咗外賣返屋企食首先佢價錢真係一啲都唔平，但係見佢個款都好似幾大碗，同埋睇張相都好似好吸引我同我朋友都係買咗熱嘅糖水，但係睇住店員當住我地面前，用單孔蒸氣棒將凍嘅糖水加熱，嗰下其實個有點意想不到……住喺奧海城嘅我，買完糖水返到屋企10分鐘都唔夠，立即打開兩碗糖水睇，只係個碗既一半，呈半透明水狀….紅豆2號 $40而且唔怪得叫紅豆湯，因為完全唔起沙！不知道係咪因為糖水係用單孔蒸氣棒加熱嘅緣故，非常之浠！好似用白開水將紅豆和糖水溝浠了一樣，至於紅豆2號裏面應該有小湯圓，但係我數過，咁大個碗只有大約六粒粒湯圓，數目非常之少，加上好似飲將溝稀咗的紅豆湯，感覺只是肚子裝滿了水😣芋圓3號 $45由於芋圓3號都是使用紅豆湯，所以關於紅豆湯嘅意見和上面一樣，不過比較慶幸嘅係，可能因為貴$5，配料比紅豆多少少，但是仍然覺得水與配料分離的感覺寫出來的原因是大角咀有不少糖水店，只是同一個商場已經有另一間開業時間俾較早的糖水店，競爭實在不少，希望店舖看到意見會有進步的空間。

原來老虎堂有間甜品專賣店，我都係咁岩經過奧海城見到，我睇佢Menu都幾多元化，仙草、豆花、紅豆湯、綠豆湯同埋仲有刨冰。基本上刨冰佢有三個款式，黑糖古早味綜合刨冰、黑糖芋圓波霸刨冰同埋黑糖仙草愛玉刨冰，如果三款都唔啱你嘅佢仲可以自選，有四款材料同五款材料選擇：大芋圓、地瓜圓、小湯圓、老虎凍、仙草凍、波霸、珍珠、紅豆、綠豆、蜜花豆、粉粿、愛玉同埋布丁。我就選擇左五款材料嘅黑糖刨冰，喺餐牌上見到個大芋圓真係好大粒，所以好想試試，點知賣晒，真係搶手！所以我就選擇左兩個布丁、紅豆、仙草同埋老虎凍，老虎凍其實就係咖啡凍。其實刨冰好難唔好食，又落黑糖又落煉奶所以一定好食😋

今日放假食完晏行陣街就同阿妹黎左老虎堂食甜品，鋪頭入面地方唔算大，目測有十多個位可以俾人堂食我哋order左個黑糖刨冰加五款配料，分別係紅豆，芋圓，地瓜園，小湯丸同布丁都幾大碗既，可以兩個人分黎食，個布丁出奇地香滑，有好香既蛋味🤩，芋丸同地瓜圓夠煙韌好食😋，紅豆正常發揮，小湯丸真心唔好食，太硬喇實在😖下次一定唔會揀佢啲餐具好靚，地方都算乾淨企理同埋都俾到一種悠閑既感覺，如果行街熱辣辣又攰攰地想搵個地方坐下，呢個都算係個好選擇👍🏻

星期日放假，同朋友行下商場，行到攰攰地，諗住又啱啱經過老虎堂有🍧甜品食，之後坐掋去櫃檯order 左個「黑堂芋圓波霸刨冰」，個後生女👧服員起初時都冇咩問題，但送餐時就好粗暴咁，將用托盤盛住個碗糖水大力揼落枱面上，之後嚇得我朋友🥵嘩一聲，都算，之後發現得一隻匙羹，我就走去水吧向該位後生女👧職員講，我想要多一隻匙羹，之後該後生👧服務員用好不友善嘅態度話:「我好忙，等陣間先可以比到妳」之後我真係忍吾住度火話:「究竟拎隻匙羹要等幾耐」？咁個嗰女👧識員先肯比隻匙羹我，之後我食左幾匙糖水，就聽到該女👧職員係水吧大力掟物件嘅聲，之後我吾掋得同該女👧職員頂左幾句添，我從未試過食糖水，都可以遇到啲咁嘅差勁嘅服務。講返碗「黑糖芋圓波霸糖水」，才料小，糖水多，味道一般，勝在份量大碗。小弟永不光顧老虎堂☹

真係好差1) part time 店員掛住傾計，問佢野回答非常不耐煩和晦氣, Part time 都唔可以完全冇training公司嘅責任好大。2) 買咗一碗紅豆湯外賣，回到家中發現紅豆湯内的小湯圓完全唔熟，係完全唔熟。 以前偶爾會買，現在應該唔會再去了。之前買這個紅豆湯是因為喜歡裏面有qq的小湯圓，現在卻改變了配方，變成普通的小湯圓， 以前嘅感覺好食又Elegant, 而家就普通嘅不得了。3) 要稱讚嘅係Office嘅員工非常有禮貌和願意解決問題。

日日都就快熱溶咁濟🥵唔食下冰真係對唔住自己啦🤷🏼‍♀️✨黑糖刨冰✨(自選4種配料）$45🍧無諗過咁大碗😂細食ge話3個人都夠食(可惜唔是我)黑糖刨冰好透心涼😎仲要加左d煉奶👅正正😊黑糖汁好香濃唔會太甜每樣配料都比勁多😍首推芋圓‼️❤️超級煙韌好食到呢🤤芋頭味仲要好濃郁愛芋人士必叫🙋🏼仙草大大塊滑溜到好滿足🥰成日好怕d紅豆甜到癲🤣好彩呢個紅豆唔會死甜撈冰食岩岩好😋波霸珍珠每粒都好煙韌☺️好濃黑糖味⚫️食完1粒係會停唔到口繼續食😌

Jon仔每星期一傍晚在櫻桃街有⚽️訓練，為消磨個零鐘，Jon媽一定入奧海城嘆冷氣。唔想行到咁攰，搵個位坐吓是王道。😜與其坐人來人往嘅咖啡店，原來老虎堂的甜品部更加好坐🥰點了一客刨冰，$45。全店沒其它客（才7:00pm，時段還早😛），獨霸小店✌🏻✌🏻刨冰有黑糖漿，配四個配料：地瓜圓、芋圓、紅豆、芋頭粒。芋圓和地瓜圓雪凍有少少實，稍嫌唔夠q彈。整體是ok，份量夠一個人食飽（代埋正餐），又或者情侶💑共享。

見到老虎堂賣甜品，諗住飲品咁受歡迎，甜品都應該有返咁上下，但係完全失望。叫左個紅豆芝麻湯圓，大就夠大碗啦，但係入面只係得兩三粒紅豆，稀到滾水咁嘅，完全唔覺得食緊紅豆湯。間連鎖海X粥店嘅紅豆沙都不如，兩粒芝麻湯圓甜得好過份。另外，個仙草+紅豆+波霸+芋頭，每種份量都好少，同鮮芋X實在相差太遠，兩碗加埋$90，真係完全唔值。加上店員兩邊走，等左成5分鐘都未有人，一定無下次。奉勸佢都係博心做好飲品算喇。