老街 (彌敦道)

营业中

休息中

見到openrice咁多好評實在被騙了黎到油麻地有啲野做就近搵到呢間所謂台灣味餐廳由入座都離開店員都完全唔講野只係用手勢示意收到而且好似個個都做得唔開心咁雖然呢間餐廳冇收服務費但感覺太冷淡了背景音樂幾乎識唱哂絕對暴露年齡🙈叫左個鹽酥雞配肉燥拌麵一黎到，鹽酥雞‘白雪雪’咁唔夠金黃落調味粉太少了唔係件件雞都有味道（某連鎖台式炸雞就好食好多）到個麵份量正常，肉燥無驚喜絕對食唔到任何台灣肉燥嘅味道唯麵條係做得幾煙韌，唔會好易斷，至少口感不錯起初以為係包熱飲原來要加10蚊叫左台式奶茶因為唔係成日飲奶茶所以飲唔出有冇特別如果只為填飽個肚呢間性價比都唔高同區茶餐廳/粉麵或更優勝

同朋友太肚餓，見無人排隊，就入去試試。叫咗個牛筋牛腩便當。牛筋好鹹，牛腩好up，個汁無乜味。成個飯都真係麻麻。叫咗杯熱飲，以我所知熱飲係唔使加錢嘅，無啦啦到收銀，就額外收多我$10，我問點解要收飲品錢，佢話係要加咖。可能我講得唔夠清楚係熱飲，但要注意下，因為個場只有幾枱客，未至於張單好亂。

位於彌敦道咁旺嘅地方！都有$34個茶餐不過佢寫明星期一至五先有！下午茶餐$34小碗肉燥飯～啲肉碎好似猪肉鬆酥脆鹽酥雞～炸得唔夠香木魚炸豆腐～唔似即炸！但味道都OK猪爽耳～出奇地多台灣奶茶～味道OK

夜晚經過呢間台灣餐廳， 就同朋友入左去食dinner。同埋而家疫情冇得去旅行，唯有食多啲台灣野🙈當自己去左轉台灣😂呢度個裝修好靚，而且佢個鹽酥雞排骨好脆好好食！飯嘅份量亦好足夠，價錢都合理～

今天到親戚家裡探望過後，便一人到旺角油麻地閒逛再歸家，不經不覺原來已到達用膳時間，餓著肚子的我便打算吃個麵食，恰好經過這間老街餐廳，向來喜愛台灣菜的我自然是不能錯過。麻辣滿漢大塊牛肉麵湯底使用牛骨、台灣直送醬料熬製而成，色澤呈現深啡，上桌時已有股麻辣香氣撲鼻，入口味道辛香濃郁，鹹香帶甜，富有台灣風味。麵條使用上海白麵，入口過於軟腍沒口感，可能是煮製時間過久，或是店舖特色。配料有花之丸、貢丸、金錢展、牛筋、牛腩五款，相當豐富。花之丸盡吸湯汁，味道微辛入味，鮮甜味美，紮實彈牙。貢丸結實爽口，鮮嫩香甜。一般的金錢展是橫切作片狀的，這裏則是使用直切方式，滿是心思的，但火候不夠充足，導致難於咀嚼，幸好味道尚算濃郁出眾。牛筋入口即溶，綿軟滑嫩，豐腴不膩。牛腩軟嫩微彈，牛味濃郁，略帶煙韌。台灣鹽酥雞台灣鹽酥雞色澤炸製至金黃，入口外層的粉層沾取過多，使口感過於厚身，但製作得軟腍不香脆，味道亦較為淡口，沒有雞味同時也不夠鹹香，份量方面也偏少不充足。高山冷泡烏龍冷泡是指用低溫水慢慢泡製出來的茶，這樣不但能減輕茶葉的苦澀味，同時亦不會破壞茶葉的蛋白質、兒茶素類等養分，可達到減輕對胃部的刺激。烏龍色澤清澈透亮

平時Lunch成日都會食，佢個下午茶好抵，可以選擇小碗飯或小碗麵，再可選擇三款小食，包飲品一杯，想飲特飲就需要另加錢。🔝肉燥飯滷肉飯同肉操飯一樣咁好食，但我都係比較鍾意食肉操飯，因為冇咁肥。🔹木魚炸豆腐外層酥脆，豆腐滑溜，淋上酸甜醬汁好開胃。🔸鹽酥雞炸粉唔會好厚，炸得酥脆，亦唔油膩，灑上椒鹽好惹味。🔹涼拌小黃瓜有明顯甜道度，脆口又可口。🔸香芋奶茶第一次飲熱嘅香芋奶茶，香芋味濃郁。

不值一試 。只有一小堆燥肉， 又鞋得很，燥肉汁咸到似豉油，加在一起難以落口，筆者覺得商店有相畀小D燥肉的 嫌疑。薯仔炸過，偏硬但可以接受。 鐵蛋完全是街市購買的味道， 沒有驚喜。 菜脯偏咸， 沒有蘿蔔的味道。 鹽酥雞鬆軟，外皮鬆脆， 但比較鞋口， 味道可口。 奶茶奶味比較重，但筆者鍾愛於奶味， 認為 甘甜順口，惟可惜茶味不夠突出。

路過見到台灣野，就想試試～首選紅燒牛肉麵... 味道正常，不過可以再濃d肉燥麵就好淡，要加辣椒油小黃瓜反而最有驚喜！好入味又好脆，個人覺得好好食😆重點呢到有蘋果西打飲，好開心～

星期六去咗果欄買生果，滿載而歸。拿着兩大袋嘅勝利品，要喺附近搵間食肆唞唞氣。見到老街，食台灣野，二話不說，坐低立即叫杯蜜桃茶，真係唔錯，有濃濃嘅桃香味👍🏻原來仲係下午茶時間，太好啦，可以食碗豬軟骨牛筋面，😋豬軟骨煮得夠腍，牛筋有咬口，啱晒我好味，加多個台灣香腸同鹵水豬耳。簡直大滿足😂

傳統台灣菜一般都係簡單唔複雜，會加分嘅總會裝修帶有少少懷舊嘅感覺，老街嘅裝修就正正帶有呢一種感覺。出品都係一般台灣野，經典台灣鐵路便當、牛肉麵、肉操飯、珍珠奶茶。老實講真係冇乜特別。今日叫咗一個中午套餐：鹽酥雞肉操飯加珍珠奶茶。鹽酥雞尚算嫩滑可口，米飯亦係用珍珠米，肉燥味道還可以，只係對比台灣的台式便當配菜比較少，只有一款醃菜及一舊薯仔。杯珍珠奶茶冇茶味亦冇奶味，仲要加$8，的確唔係好得。但食肉操飯冇理由飲熱檸水㗎... 卡位還算寬躺舒適。一餐50幾蚊嘅午飯，質素算合格了。

中午時段搵嘢食，見到間台式料理好似幾吸引，舖頭設計都幾有台灣feel，好似九份嗰啲小區😝，咁就坐低試試佢先🤣。🔻鹽酥雞肉燥便當 $46🔻肉燥飯份量唔多，但夠食👌🏻，不過醬汁比較多，有少少似食緊撈飯咁😂。鹽酥雞好好食😋，香脆Juicy，滷蛋又入味👍🏻。🔻鐵路雞扒滷肉便當 $56🔻滷肉飯好香，好夠味又唔肥膩，不過飯比較大碗😝。雞扒燒得好香脆，尤其係雞皮，加上醬汁，少少甜幾野味👍🏻🔻桂花冰梅汁 +$8🔻酸酸地，好香桂花味嘅酸梅湯，但絕對冇❌港式酸梅湯嘅藥材味👍🏻。

早幾日咁啱係油麻地於是就去老街食個tea以前去過lunch食過蕃茄牛筋牛腩麵非常好味😋尤其個蕃茄湯底今次試佢個tea set佢個tea set好smart捉到大眾想試多d嘅心理行款多量少嘅政策有成3個小食揀我揀咗1.豬耳，口感幾好但冇乜味2.台灣腸，皮脆肉嫩，唔乾但多d汁就好啦，加粒生蒜就更完美3.鹽酥雞，細細粒幾酥脆，辣粉適中，冇乜太特別個肉燥飯d米超級好味粒粒飽滿珍珠米，黏度適中，正！d肉燥冇乜特別幾好送飯咁檸檬紅茶幾fresh，茶底唔苦咁樣只係$39，如果飲d唔使加錢熱飲只係$34咋超值抗疫價💪🏻

Perfectly cooked like Symphony No.5  This time I had a meeting with some clients of my company that they keep talking and talking, no such a word of ‘the end’ Anyway, it’s been 2;00 something after the meeting, just left that conference room and walk around for my ‘lunch’After a bit walking and searching, finally chose this Old Street, I love Taiwanese food which can be very tasty but economic.Finally, I chose this restaurant’s tea set which you may choose a little main dish: rice or noodles whi

"老街"特別的名字!有多間分店, 次次都想試, 但往往都有各種原因, 總係擦身而過, 今次終於試到啦~台灣野, 梗係必食 "牛肉麵" 啦~叫左 "紅燒牛肉麵", 麵的軟硬度啱啱好, 但覺得個湯底唔夠濃, 如果可以再熱D, 辣D就好啦~驚喜既竟然係有 "蘋果西" , 第一次係台灣飲完就愛上了, 但香港唔係咁多餐廳有~ 滿足 !

話說有日同朋友行完街夜左，咁岩路過呢間未收鋪，而且我之前都食過太子個間分店，覺得唔錯👍呢間分店除了比太子大之外，裝潢明顯比較重，但個人比較喜歡太子個間小而精，比較似台式老店。我朋友點了大的老街滷肉飯$42，看起來好惹味。而我每次去台式餐廳都會必點台灣腸，所以我要了一口小香腸滷肉便當$55，由於十點太晏，我地都無打算配珍奶飲。小香腸無得唔好味，台灣腸真係好吃👍滷肉有肥有瘦，唔會乾巴巴，入口相當惹味。雖然見有部分人覺得唔夠正宗，不過以香港吃到的滷肉飯，我覺得算好吃! 但個人覺得佢地下午茶餐既CP值比較高👍