老街 (彌敦道)

营业中

休息中

之前食過老街既麵幾好食，今次試下紅燒牛腩牛筋便當，餐廳都幾大座位算多，lunch時間唔駛等位。牆身有裝飾磚和彩色窗戶裝飾，感覺幾舒服。便當既份量幾足夠，有配菜半粒蛋，白菜同榨菜，牛腩牛筋都蚊得夠淋同入味，有台灣風味，配飯食好有滿足感。

中午外賣雞扒滷肉便當返office打開發現雞扒未熟打返去鋪頭提醒店員回覆係「哦、哦哦」廚房同樓面都可以有進步空間我要公平地咁講間野第一次去食飯同飲品無問題，不過配菜有問題我真係好少寫食評，雞扒可以生到無烹過咁好明顯雪到硬，無解凍好就煮俾客人食你收我咁既錢，我要求熟既食物唔過份點解我唔食兩餸飯，人地又多選擇又即炒即煮做廚房既對自己應該有少少要求起碼要俾熟既野客人食真係嬲到爆一間台式餐廳真係唔可以接受雞扒係生嘅浪費本人時間金錢利申：無時間返去換一盒熟既雞扒

無得飛所以想食碗牛肉麵解下思鄉既痛苦，點知食到既只係港式口味既台灣菜。招牌牛肉麵湯底顏色都幾唔錯既，但係口味偏淡，無台灣菜個種重口味感。麵質都唔太爽口，有少少煮耐左。而牛肉都冧身同大舊既，不過肉味不足，失色左。老街出品始終都係偏淡，可能因為要配合香港人既口味啦…

今日諗唔到食咩好就黎油麻地老街試下回味台灣美食，點知。。。叫左一客紅燒牛腩牛筋便當（$58）連熱檸水（free）牛腩一大兩細，份量ok，質地少少乾柴,無咩味牛筋一粗一極幼，份量略孤寒，而且太淋好咸，如果同牛腩嘅唔夠味調和返（喺廚房調，唔係喺我口內調）就更好飯：雖然表面淋左汁，但味道其實跟白飯一樣，完全無紅燒汁嘅味，好彩有濃味滷蛋及菜莆。檸水有3塊檸檬片，正常58蚊一個餐講真喺油麻地黎唔算貴亦唔算平，呢餐係夠我飽腹，但未能回味台灣美食呢區呢個價位嘅午餐可以有其他選擇

We were walking around Mong Kok when we came across this Taiwanese restaurant. This appears to be well-known for its beef noodle soup.I ordered the beef noodles and a glass of bubble tea. The soup tasted fine (not overpowering) and the beef quality was superior to that of many other restaurants (not overly fatty). I would recommend it and return. The cost was also affordable.

鹽酥雞滷肉飯便當同埋香酥排骨滷肉飯便當 啲炸嘢佢可以做到一啲味都冇 唔知係咪依家啲調味料加價加得咁嚴重搞到 佢唔捨得落重少少啲調味 同埋杯奶茶都麻麻哋 總結間餐廳真係麻麻哋 應該都唔會再幫襯😵‍💫

老街：台式下午茶平日下午茶1430-1800：$35 主食一款+小食三款+飲品小碗肉燥飯：細細碗，上枱時賣相較醜，飯粒四飛，肉燥好味，份量正常小食揀左酥脆鹽酥雞&木魚炸豆腐&夜市小香腸，用長木盆上，分三小碗，好精緻脆鹽酥雞：有3-4件，香口不過炸粉有少少厚木魚炸豆腐：一件大件，外面炸得鬆脆，配醬汁，好味夜市小香腸：台式烤香腸，油香，yummy+$10柑桔檸檬話梅愛玉，大大一杯，愛玉好大份沉底，話梅味一般，柑桔檸檬好甜，加水沖左兩杯小店裝修似台灣小街，有各式懷舊招牌&海報、街燈和燈籠，甚有氣氛

當日夜晚諗唔到食乜，經過馬路對面見到佢個招牌就想入去試下！價錢合理的台灣菜式，牛肉麵、拌麵、鹽酥雞等小食都有得嗌今次兵仔試咗2個拌麵！首先叫咗一個店舖推薦的《滿漢大塊牛肉蔥香乾拌麵》，餸菜包括花枝丸、貢丸、金錢𦟌、牛腩&牛筋一次過滿足你幾個願望，牛腩牛筋都做得幾好，夠淋都算入味！拌麵唔會太硬，醬汁都很足夠，但蔥油味略嫌唔夠重。另外叫咗一個都係推薦菜式《鐵路雞扒肉燥椒麻乾拌麵》，椒麻味好香，麻醬份量都多，可令每一條拌麵都掛汁鐵路雞扒分開上，即叫即炸，表皮好脆，雞扒都好嫩滑，做到外脆內軟，呢下抵讚店內嘅裝修都很有台灣嘅特色，好似身在台灣咁享受呢個晚餐頒發軍階: 少校🎖🎖🎖

今日我同朋友到附近食下午茶，叫左個鐵路雞排滷肉飯、紅燒牛筋牛肉麵、麻辣鴨血同鹽酥雞。朋友個雞排飯味道都ok，鹽酥雞$39份得果幾粒，而且冇乜味。我食嘅紅燒牛筋牛肉麵湯底都還好，都食到啲藥材味，湯底偏鹹，但個麵太硬，而牛筋又韌又難咬，而個麻辣鴨血份量少得嚟又唔入味，淨係食到一陣辣油味。重點落單嘅時候個女侍應唔太有禮貌，冇認真聽我哋落單，掛住同其他侍應傾計，感覺都唔太好。整體價錢偏貴，味道普普通通，員工服務態度又一般。

晚上行過見到依間裝修幾別緻，於是行左入去食，total叫左2樣麻辣湯牛肉面麻辣湯很出色，湯很惹味，面條煙韌，牛肉亦有4塊，以價錢來說算ok!炸雞扒雞扒有少少干，肉較簿，但勝在脆口檸檬愛玉整體太甜，口味不太合適

中午時間嚟到食個快飯，唔使等位即入，即刻叫咗個麵，落單十分鐘內上菜，好有效率！鹽酥雞加拌麵我就揀咗蔥油味，拌麵味道邊面就食唔出蔥味或油味，只有豉油味，不過味道唔差嘅，熱辣辣，仲要咁嘅價錢，可以接受啦👌🏻👌🏻👌🏻。至於鹽酥雞就普普通通啦，都香脆嘅，係唔夠鹽啫！整體味道OK，調味略微偏淡，如果怕肥又想食台灣嘢，咁就啱哂！下次經過都可以再食，尤其平日中午食晏時間，到到都要等位，係一個唔錯嘅選擇。

友人話茶X 一般，叫我試吓老街⋯第一次去當然係要招牌牛肉麵，面唔錯，細細份，湯清蒸淡淡，不過好有味，可惜最慘嘅就係牛肉，三條牛只有兩條咬到，第三條牛筋⋯咁硬俾我做乜⋯至於服務，佢見我第三條仲喺個碗度，佢問都唔問，就收咗我碗野嘢，其實禮貌上你又知我食晒？至於見面加＄既珍珠奶茶⋯其實可唔可以做得有誠意啲，佢呢杯野分分鐘仲差過街邊嗰啲呀⋯⋯冇乜嘢我都係唔會再幫襯啦。當我埋單嘅時候我都忍唔住同收銀嗰個講⋯你個招牌牛好難食⋯⋯

❤️忽然想食台灣牛肉麵，特登去油麻地搵黎食，好彩冇令我失望😊紅燒牛肉麵湯底同牛肉都好入味好淋👍🏻肉操乾拌麵辣得夠出色👍🏻炸豆腐去到最尾先食都好脆口👍🏻胚芽奶茶預咗甜死肥死，點知竟然唔甜，胚芽味好重，正👍🏻📍招牌老街紅燒牛肉麵👍🏻📍椒麻鐵路雞扒肉操乾拌麵📍鹽酥雞拼炸豆腐👍🏻📍胚芽奶茶👍🏻📍蜂蜜檸檬水食物：8/10抵食：8/10環境：7.5/10

油麻地呢邊好多嘢食，成條街超多餐廳間，都唔知食咩好。咁岩見到有一間台灣野，就入去試吓啦。時間都算早嘅，所以入邊都幾多位置可以揀。我一個人就坐咗個四人枱，坐一個角位，都幾舒服。咁啱對住牆壁，見到掛滿咗好多台灣相片，感覺都幾靚，感覺有少少回到了台灣的氣氛。打開餐牌，選擇都幾多，選咗一個一口小香腸滷肉飯，再加一杯粒粒香芋奶茶飲品。滷肉飯好快上枱，佢嘅擺設都幾靚嘅，都幾開胃，有啲滷肉放咗喺飯上面啦，隔離再加半隻雞蛋，再有一舊炸薯仔，再加少少菜脯, 小香腸就放咗一個角位，整體顏色都幾靚。小腸味道都幾好食嘅，個量都適中;滷肉，有肥肉，亦都有瘦肉，味道幾好，唔太甜亦都唔咸。反而係個炸薯仔，太凍啦，個皮凍咗，就唔好食。粒粒香芋奶茶，真係有一粒粒嘅芋頭粒喺底部，食落去到甜甜地幾好食;但冇乜茶香，芋頭味係好重，但係好似芋頭粉沖出嚟嗰種味道，我就唔係太喜歡。場內播咗好多歌，其中有一首係「後來」，佢配左呢啲歌，整體個環境氣氛令到我好舒服，雖然食物嘅味道係中規中矩，而且快餐來講唔算平，但是配合埋環境，還可以吧！

油麻地真係冇幾間唔熱氣又唔洗食粥又夠平仲要我未食過嘅.呢間店真係行過左好多次次次都唔係first choice 今次就難得入去試下.我就叫左肉燥香葱排骨湯麵$56再加一杯熱嘅胚芽奶茶 $12佢啲麵有四款湯揀 分別係清湯、蕃茄湯、麻辣湯同紅燒湯因為唔想太熱氣我就揀左清湯但佢個湯都幾夠味嘅 唔會真係清水咁但佢個麵就比較遜色啦唔彈牙 咁煙韌 好明顯太多粉咬落去仲係好似直接食麵線咁佢個排骨我就唔知係咪即炸因為我就浸左落湯 不過我食落都仲有少少脆嘅佢個排骨又偏瘦 九成都係瘦肉嘅啲肉燥就好啲 係半肥瘦 不過有啲豬皮上面毛都未抆完😅.朋友叫左蒜香豬軟骨便當$59同粒粒香芋奶茶$12朋友嗰便當我就冇試到 因為唔想整病佢不過試左佢個豬軟骨 覺得都可以不過就唔太夠淋 又係多瘦肉.至於飲品我就覺得我杯胚芽奶茶麻麻地又唔夠甜 啲奶味又唔夠 胚芽多但冇口感似一pat殘渣多啲佢嘅粒粒香芋奶茶就好飲好多 夠甜又好香香芋味 仲真係有粒粒香芋.衛生又真係做得唔太好地板痴住晒真係好影響印象分.不過啲waiter真係好好我哋唔記得攞走嘢俾完錢出左門口過埋馬路都追出嚟攞翻比我哋真係好多謝晒佢哋👍🏻🙏🏻