老馮茶居 (海寶花園)

如果你係繁忙時間黎到，就要有心理準備可能要等返下了，做人最緊要有良心，有得良心啲野食自然有啲保證，唔同其他黑心餐廳茶樓咁環境上細細間，少少迫，但係裝修絕對冇求其，入到去就好似返左舊公共屋邨既氣氛，一堆一堆人交頭接耳唔再係望住自己電話，大家飲啖茶食個包有講有笑，呢種感覺先係飲茶既感覺，當然你要求好舒服要高級餐廳咁就唔會有啦食物方面基本上所有我都食過，質素係水準之上，每樣都好好，奶黃包熱辣辣真係會流心，馬拉糕鬆軟口感依感，鳳爪入味，可以啜啜啜，牛柏葉爽口索索聲

好耐冇去過食 終於考完試可以周圍去玩去食 😂😂飲茶就唔一一介紹啦 單放係最後俾大家參考講下幾樣我鍾意嘅先😎不過水準差左🥲🥲牛肉球飲茶必叫😎冇其他地方個啲咁多肥油大大粒又圓 不過冇咩味😫牛肉腸🤔我都好like 入面餡好多不過好似細條左？😳😳入面冇芫荽😍😍😂😂不過牛味就唔重可接受 少失望 不過唔肥就得啦😂😂鳳爪🤔反而今次係咁多樣野食比較好味多汁又有肉 易食到！😎黑椒牛仔骨😑哇 希望講完唔會俾人blacklist 🌚🌚🌚明顯地黑椒遮唔新鮮嘅味好唔得🌚🌚嗯 薑汁燉鮮奶 嗯 $20 應該係少？🌚味道正常嘅 冇咩姜味😂好啦 我都會照嚟食 起碼好過大酒樓嘅😂😂

今日星期日，下午3點左右， 我就第一次來老馮茶居，門口大概等位要需時10至15分鐘。入到去裝修環境未算太好，廚房衛生環境有點差。座位比較狹窄，坐得唔算太舒服。不過嘢食嚟嘅速度大概都要15分鐘左右，可能係即叫即蒸嘅關係。鵪鶉蛋燒賣成粒都無味，我都唔知自己食緊啲咩鮮蝦腐皮卷味道OK，皮夠趣博博，大蝦肉較少蝦餃入邊冇馬蹄同無荀，扣晒分，冇蝦肉味，都係唔知自己食緊咩四寶雞扎冬菇冇冬菇味成舊都係冇味呀，舊雞仲要有骨嘅，我真係第一次試，真係唔好意思，扣分蝦醬蒸腩仔飯呢個係今餐最好食嘅嘢啦，飯粒粒分明，終於有豬肉味，唯一推介就係呢個飯我想講

一早就聽過唔少人讚老馮茶居，全港有幾間分店，每間分店都幾高評價。一間高人氣，又經濟嘅小店，其實我一早已經想嚟試😅。星期五晚7點嚟到大埔分店，好好彩唔駛等位可以直入，雖然門口寫住限時60分鐘，不過當晚即使我地已經過哂鐘，都無人要求我地離座🙊。我個人覺得一定要食嘅：蝦餃 $33呢個有驚喜，內有兩隻彈牙蝦，而且有蝦味，又無乜肥豬肉，真材實料😋。沙嗲金錢肚 $27金錢肚個色比其他茶樓淺色D，炆到又淋又入味，食完再點多一盤。😏燒賣皇 $28呢個燒賣都幾驚喜，入面有1隻大蝦，而且豬肥膏又唔多。五柳炸雲吞 $30又一驚喜之作，雲吞皮脆卜卜就緊架啦，最估唔到個蝦肉餡大大舊!! 😯點埋個甜酸汁，無得輸!!🤤金沙腸 $32一層薄腸粉包住炸網蝦，外滑內脆，一定要食!!牛柏葉 $28味道正常，牛柏葉爽口。可以食：XO炒蘿蔔糕 $28呢個外表望落平平無奇，但內心好熱血!! 我個口比佢熱到甩左層皮😂!! 味道正常，調味適中，炒得夠均勻。馬拉糕 $18呢個馬拉糕好有空氣感，甜度適中，唔係好油，所以食落比較乾身。黑椒牛仔骨飯 $48呢個飯雖然係全餐最貴嘅單品，不過份量唔少，牛仔骨係其他餐廳嘅兩倍。飯蒸得夠乾身，粒粒分

之前都有食開，以為人多伙記照顧唔到所有客人，態度麻麻唔緊要。點知有日叫外賣時，剛拎起餐牌男伙記已經呼呼喝喝，好惡，同時前枱同我哋講緊野，話要30分鐘，唔夠20 秒，我哋想係counter 落單時，男伙記佢叫我地出去等，仲話要40 分鐘至有，要唔要就罷既態度， 仲話都唔知你哋想點。 20 秒都冇，我哋已經決定唔落單。

#fatchubelly大埔#fatchubelly元朗#fatchubelly荃灣老馮茶居（大埔/元朗/荃灣）老馮茶居總共有三間分店今次去咗大埔分店飲茶茶芥每位$5而且沒有加一收費👍黃金炸芋角 $18共有兩舊芋角溫度喺微暖外面嗰層炸皮十分酥脆😝入面包咗豬肉同芋頭泥個人認為芋頭味唔係好強烈所以食到最後有少少油膩🥲蜜汁叉燒腸 $23腸粉皮有啲厚叉燒味道正常下次可以試吓其他特別嘅腸粉😆沙嗲金錢肚 $26金錢肚份量都唔少而且沙嗲醬汁都好惹味不過金錢肚就切得比較幼身個人比較鍾意食厚切金錢肚😙口感會更爽彈咖喱蒸魷魚 $26數一數二好食嘅點心😍魷魚十分厚身而且大大嚿口感亦唔會過靭魷魚夾埋辣辣地嘅咖喱汁十分絕配😝老馮流沙芋泥包 $23味道十分特別同好食芋泥餡做到流心效果❤️而且感覺用真芋頭制成的因為個餡唔係好甜食完一個都唔會好漏😝另外個包夠熱係辣手嗰隻熱總結食落都好滿足有興趣都可以試一次不過個人都係比較喜歡鹹蛋黃流沙包🤣魷香肉餅飯 $35肉餅味道口感正常唔會太硬同太散可惜魷魚香味很薄弱導致飯沒有太大特色😔總結整體點心質素都不錯而且價錢唔貴兩個人食到好飽都只係總共$184💸經過可以支持下🔥評分: 65回

有次同朋友傾開,本身唔打算飲茶 但佢就推薦話呢間好食咁我地就無啦啦轉左去飲茶啦 HAHA.睇左陣餐牌我地叫左 金錢肚 燒賣 金沙米皇腸 蝦醬蒸腩仔飯.後面兩樣是朋友推薦的~~我覺得金錢肚好好味呀~好入味!!中意食金錢肚必食!!燒賣就正正常常,金沙米皇腸 入面脆卜卜 要點埋佢跟埋個醬 好好味!好特別 第一次食~蝦醬蒸腩仔飯 加埋D豉油 好香~整體黎講 野食都好夠熱~幾好食不過款式選擇就比較少~~同埋略嫌鋪頭冷氣唔太足 我朋友食到流曬汗XD 感覺可以開大D

老馮茶居都算係我既飯堂之一，成日都會幫襯，黎食！！😍😍每次想飲茶或者想食點心嘅時候，係大埔既話都會即刻諗起佢😋😋😋😋佢嘅點心款式都算多，仲要有啲出邊食唔到嘅懷舊糕點！今日我哋就叫咗牛肉球，咖喱魷魚， XO醬蘿蔔糕，蝦餃同埋鹹水角！🤩😋全部點心都係啱啱蒸起，全部都係熱辣辣，好好食！！！而我自己就比較鍾意XO醬蘿蔔糕同埋蝦餃， XO醬蘿蔔糕有好多XO醬喺上面，同埋蘿蔔糕係用煎炸嘅形式，配合埋XO醬好有口感同埋好夠味道😍😍😍😍同埋蝦餃都好好食，食得出入邊啲蝦係好新鮮，唔會有一浸雪藏味或者放咗好耐嘅味道。所以鍾意食蝦餃嘅朋友仔都可以嗌呢個！！

一早諗住飲茶，又唔想去品牌的酒樓，上網搵吓，有一間茶居，仲要8點幾已經開，入到去裝飾懷舊，有水仙、凍檸茶等不同的款式可以選擇。鮮蝦餃，真材實料，薄皮，口感豐富。牛柏葉真的有懷舊味道，蘿蔔糕

食物一般，但全程聽住老闆和待應暗地對唔同客人的評價，下次都係不了！一個中年客人準備埋單但手腳有D慢忙著搵口罩，就聽到：「出去先搵，阻住曬！」排隊等位時，一位婆婆問到是否要等好耐，就聽到：「有排，你第二日先黎！」事實上，在等二人枱的我也不是等了很久⋯ 一班四人枱啲人，吃得比較慢，就聽到：「叫6樣野，齋坐都唔係食！」當我仲有半籠點心加一個包未食仲每人食緊一個包（一次過三籠剛到不過5分鐘），對面搭枱啲一走，就即刻拎走塊防疫隔板，然後不停執檯，就聽到：「呢度入4位」，之後又隨意噴抹枱液趕客⋯真心，今時今日咁嘅服務態度仲有咁多人去⋯ 正！

今次要同大家介紹嘅係大埔嘅老馮茶居。餐廳主打中式點心，內部裝修充滿懷舊特色，公雞碗、大排檔擺設、紅吊燈等裝飾別有一番風味。大部份點心都很有水準，特別要介紹嘅係XO醬蘿蔔糕同埋金沙米皇腸。蘿蔔糕炒到金黃色已經十分吸引，配搭XO醬令蘿蔔糕變得更加香口；而金沙米皇腸其實是裡面多了一層炸米網的鮮蝦腸粉，所以咬下去有一層脆脆的口感，而裡面包裹的鮮蝦亦很大粒，吃起來十分滿足。整體來說，這間茶居的點心質素不錯，而且比一般酒樓更抵食，只是店內的位置不多，難怪每逢週末都要排隊。

11 點唔駛等位叫左5 個點心灌湯餃- 普通 蜆介鯪魚球 - 蜆介醬好夠味，鯪魚球係軟彈牙果隻 👍🏻古法牛肉球 - 好食，新鮮黑椒牛仔骨飯 👍🏻👍🏻 夠味 牛仔骨淋 入味砵仔蒸排骨-👍🏻Overall 點心都係熱呼呼的 不過冷氣就唔係好夠😂😂

呢間茶居有好多懷舊嘅點心，例如有鵪鶉蛋燒賣，砵仔飯。因為同年紀大少少嘅朋友一齊去食，佢哋揀咗呢間茶居。我第一次入嚟呢度我覺得個裝修都幾特別，加上佢有好多懷舊嘅點心，我覺得都算幾懷舊。我哋總共五個人，我諗大約叫咗15碟野左右啦，嘢食方便好多唔同嘅懷舊嘢食，我哋叫咗咖喱魷魚，鵪鶉蛋燒賣，炸芋頭酥，仲有一個蝦醬豬肉砵仔飯，咁當然仲有其他飲茶會食既腸粉呀，之類嘅嘢。佢仲有一個好特別嘅甜品糕點，我唔記得咗叫乜嘢名，係有啲奶黃同埋一啲杏仁脆嘅嘢喺呢個糕點入邊，熱辣辣食落去又幾好食。我朋友仲話呢個糕點好少有。佢仲買咗一啲返屋企自己蒸嚟食。總括嚟講食物嘅味道算係唔錯，我哋五個人大概食咗$5XX ，都唔算係好貴嘅。

日日氣溫都35度以外，假期真係想搵啲涼快地方舒適地進餐老馮茶居嘅點心有幾好食，應該都好多人寫過，佢嘅點心從新開店到而家依然係咁好食，樣樣新鮮熱辣辣，冇野好彈，已經是老顧客今次想講嘅係員工，餐具衛生問題，如果老闆或管理層睇到，希望改善一下🙏🏻🙏🏻🙏🏻今日坐低後，員工遞上茶壺餐具，茶壺上嘅漬令我有小小驚，果啲漬絕對係輕輕擦一下便可去除果隻，碗，碟仔全部好油，而且有漬，叫員工換過新嘅都唔好得幾多最後點心上枱，睇住果啲千年污漬嘅蒸籠，你可以話「係咁架啦！」但我有啲難接受😣，特別係高溫之下，細菌易滋生，加上店內冷氣不足夠🥵.......正想開餐之際，由於我地坐收銀隔離，聽到收銀男員工同一位女員工對話，內容係佢地討論要忍到點先會去痾屎💩💩💩，又話出面好熱，廁所幾污糟，慶幸嘅係佢地好快傾完🥲🥲🥲所以今次絕對係一個差經驗

黃店茶樓我淨係識得幾間💛 都去過老馮飲好多次茶🫖 元朗、大埔都試過，我又唔係好覺得佢哋啲態度差🫣 咁當然個個人要求唔同，執著嘅位都唔同🤣 但我飲完之後完全冇hard feeling 就👌🏻啦，叫咗好多嘢食，唔樣樣都講喇，揀啲嚟講🤪💛咖哩蒸魷魚 ($28)咖哩好入味🍛 佢個醬都正😋 唔係啲激辣味道，都唔係個啲溝水勁稀勁淡嘅味，係好濃郁嘅😙 魷魚都有幾件大嘅🦑 下面收埋咗啲鬚鬚同埋豆卜仔💛金牌炸芋角 ($18)我最愛😍 炸芋角嘅皮好酥脆😚 入面滿滿嘅芋頭蓉🍠 中間仲加咗少量肉餡，食落會feel到好特別，唔會喧賓奪主。平時成舊芋角食係會好膩，但佢加咗啲肉餡之後就冇咁膩😘 💛五柳炸雲吞 ($30)Boom💥 好好食👍🏻 雖然平時好唔鐘意啲雲吞皮咁大塊，食死人😥 但係呢個炸完之後，成個咬口又脆又薄🤤 食到sharp sharp聲😋 加埋佢個汁都唔錯，酸酸地💛蜜汁叉燒腸 ($23)腸粉皮好乾，浸埋豉油都係較乾身，冇乜味💛XO醬蘿白糕 ($28)💛香煎蘿白糕 ($20)XO醬蘿蔔糕係一粒粒，好方便，唔會夾散😂 仲好食過香煎蘿蔔糕❣️因爲佢熱啲入味啲！💛老馮鮮蝦餃 ($33)💛蟹子燒賣皇 ($28)💭張