老鳳冰室 (已結業)

之前睇報道知道店主開茶記無時間照顧家庭，最後女友帶埋女離開，希望店主早日破鏡重圓 餐廳門口中式花牌十分搶眼 店主打懷舊風格，除了門口中式花牌之外，入面有不少打卡位，包括舊式酒樓龍鳳呈祥牌，也懷舊海報，店內有不少搞笑字眼，最啱呃Like打卡！ 連餐牌都走懷舊風格 芝士雞扒撈丁$48用三種芝士煮成，包括水牛芝士、巴馬臣芝士及卡芙芝士煮成成芝士醬，芝味士香濃，撈軟硬適中公仔麵一流，旁邊雞扒同多士同樣好食，芝士控一定鍾意!**芝士凍會難夾開，要趁熱吃喔芝士大蝦球濃茄湯通粉 $58濃茄湯底的確幾濃，加上幾隻爽口彈牙大蝦球，$58性價比高另上，烤得脆口奶油豬，非常滿足！ 話梅金桔蜜話梅同金桔酸酸甜甜，幾開胃

今日去開葵涌廣場附近做嘢 經過呢間老鳳冰室 見佢裝修幾特別行懷舊風 於是就入去食下牆上有好多經典電影嘅畫布 同埋裝飾等等 好有趣 特別係以舊式龍鳳酒樓為主題嘅背景 超級有心思懷舊蝦多士 呢味小食唔係度度有 已經接近失傳 麵包上面加上蝦膠再拎去吉列炸 外皮鬆軟而且蝦膠彈牙鮮味 配搭得天衣無縫 再點上蛋黃醬 食唔停口 招牌炸雞髀配薯蓉 雞髀炸得脆卜卜 入面仲係充滿肉汁嘅雞髀肉 淋咗蕃茄肉醬嘅薯蓉 做法坊間少見 薯蓉幼滑 肉醬惹味 做下午茶一絕焗芝士海鮮保齡球 其實係大個農夫包焗脆 入面加上炒飯同海鮮 芝士汁等等嘅材料 有創意之餘味道新鮮 麵包點上芝士汁一啲都唔單調紅豆波波奶茶波波 其實係用奶茶做成嘅冰塊 溶咗都唔會溝淡奶茶原本嘅味道

懷舊控一定要到訪嘅龍鳳冰室之前喺Facebook睇過關於老闆嘅報道，就決定黎試一試。餐廳裝修的確係非常吸睛😍😍十足十以前細個去睇大戲嘅場景食物價錢都好大眾化，$40-50個餐XO醬蔥油雞扒一丁雞扒香脆惹味，雞肉都算嫩滑仲送一塊多士🍞蜜椒薯仔牛柳飯牛柳非常入味，呢個醬汁真係可以撈幾碗飯但係薯仔就略嫌太大舊，唔夠淋！肥仔華田上面呢堆cream，飲完實變肥仔😂😂😂蝦多士🦐🦐非常彈牙又香脆

見到好多好評，於是今日黎試下，叫左個牛腩撈丁＋多士、焗豬扒飯、肉夾膜，野飲就雪糕紅豆冰，同飛仔華田。個牛腩撈丁超好味👍，下次可以試食其他撈丁，肉夾膜都唔錯，味道夠濃郁，但至於個焗豬扒飯就好一般般啦😂紅豆冰其實入面既係糯米糍雪糕紅豆冰，但飛仔華田就唔抵飲啦，只係係華田上面加一舊cream。環境裝修都好有香港懷舊風格👍感覺好特別！服務都好有禮貌，總括，服務同環境都唔錯，味道都好好，推薦撈丁，值得一試！

前排去開葵芳行街，發現恆景開咗間老鳳冰室，由於食開深水埗果間飲開杯波波奶茶，本喵即刻衝入去試下呢間味道如何！🤪波波奶茶🥤🥤奶味茶味都足！最緊要唔怕冰融會溝淡杯奶茶！芝士雞扒撈丁😋芝士味夠濃夠多！絕對唔會唔夠味！雞扒炸得夠脆，亦保留肉汁，唔會太乾身👍🏽生炸雞脾焗薯泥💪🏽雞脾大大隻！而且夠哂入味！外脆內軟，有肉汁！絕對有驚喜！🤘🏽🤘🏽不過焗薯就普通，肉醬一般，同焗薯唔太夾🤷🏽‍♂️西多士☝🏽絕對推介！炸得夠香！入面花生醬足料！👏🏽環境保持本土懷舊風味，嘢食保持水準！可以成為本喵嘅飯堂🤘🏽🤘🏽

茶餐廳點樣先夠突圍而出？葵廣行出少少恆景商場就搵到間裝修特別既冰室！舖面雖小，但睇得出佈置好花心機，大玩食字好搞笑。牆身有立體既火車頭，另一邊有傳統酒樓聯婚裝飾，仲有唔少懸掛既港式招牌。食物種類多，價錢一樣親民，特飲亦都好吸睛～______________________________ 🔸 日式蒲燒原條鰻魚蛋包飯 $108晚餐時間唔想食常餐，豪豪地就叫左個set dinner。無諗過冰室都有鰻魚飯食😂 的確上菜時有嚇到，原條鰻魚無花無假，長過手掌。燒到表面微脆，仲有一兜鰻魚汁，好香。炒蛋夠滑，份量多，勁厚🤩🔸 飛女可力 (跟餐特飲加$14)特飲造型非常可以～普通既可立克加上重重既奶油係面，味道會更creamy。配上朱古力脆脆同可可粉，十分融洽。．by VIN環境分數: 7.5/10食物分數: 7.8/10

之前同朋友k食過深水埗老鳳已經好中意😋然後朋友k話我知佢發現越開越近我開到去葵芳🤩咁就拿拿臨約出黎食啦緊係🥳一入到去就覺得比深水埗店闊落寬敞👍🏻👍🏻👍🏻店舖裝飾就更加密集更加繽紛🤣好香港好正🇭🇰👍🏻👍🏻👍🏻朋友約我食tea但我呢d三點不露ge其實岩岩先起身😂超肚餓呀個menu都係咁抵食我當食放題咁嗌！！！！先黎個花雕醉雞飯先啦呢個我之前都未食過試下新野😌個汁好香醉雞味仲可以不黎撈飯like👍🏻連埋雞皮食好juicy!!同埋個飯有飯素好細心我中意飯素😍雞同飯比例唔錯當我食最後一舊雞就清埋d飯了😎橫掂都叫左飯就唔爭在叫埋碟菜肉燥扒菜心好多肉燥一啲都唔孤寒😚而且菜心仲好翠綠唔會太硬好岩我口味😛話明食tea就緊係要嗌埋下午茶餐啦！黑松露火腿奄列又長又闊好足料！！黑松露醬又啖啖都有👏🏻奄列好滑仲有蛋汁真係百吃不厭💓最後仲有流心西多士🤪咬落口夾層爆醬出黎真係好正搽牛油就ok唔洗好似西多咁倒糖漿都夠哂味😇我就飲飛女可力my fav因為又靚又有cream食而且可力次次都好濃🤤朋友k飲忌廉哥配牛奶姐佢都話抵飲好大杯！兩個人叫四樣野其實真係一啲都唔多！真係食得哂仲食得好開心抵食過放題🤑

恆景商場裝修後，加入了不少新血，老鳳係其中一間有晒gimmick而朋友食過唔錯嘅一間。今日lunch去到竟然唔洗排隊，左諗又諗揀左雪菜豬扒上海湯面，仲配半份肉夾饃。食過正宗肉夾饃🥙真係對呢件油淋淋嘅餅望而卻步，即管試下都係油淋淋，希望店家改良一下，用魯肉要做到瘦而不膩（而我不知道個d係咪魯肉）。雪菜豬扒都知道豬扒係番炸又番炸，不過都希望就算浸落湯都保持酥炸，呢件係咬落一pat脫落林之之的炸粉，而雪菜則散落唔同地方，唔睇番menu都唔知有雪菜。上海面方面，還以為點了米線，比米線更軟林的面。可能我揀錯了食品，下次可以試下飯類。

近排有間冰室好hit，話好懷舊好好食，好，就慕名而去啦。去到，個鋪面係幾靚嘅，夠懷舊。咦！望真啲，有好多殘體字隱藏喺附近！無論係裝飾定擺設都唔少殘體字囉！裝飾擺設方面，咁揸流攤，唔合格！座位比較逼，都預咗，不抱期望。店員見我地一行四人，就俾咗4份menu我哋，心諗:服務唔錯喎。點知，幻想喺幾分鐘後被打破！另一個疑似高級啲嘅(衣着casual啲，講嘢大聲啲，好似話得事咁)店員，衝過尼，話我哋做咩攞哂佢啲menu，我哋枱都有兩份攝咗喺隔籬(意思係話我地唔睇自己嗰兩份，去攞隔籬枱嗰四份)。我哋答返佢: 唔係我哋攞，係你啲同事俾我地，佢竟然完全冇理我哋，就咁gut完我地就走咗去🤯事件告一段落，見佢豬手唔算貴，就order咗。尼到，個樣普普通通，冇乜特別。豬手都食得落口嘅，但個薯茸就真係不了！上枱已經乾到裂，食落質地奇怪，好似擺咗好耐咁...味道亦不滯，似係開粉整嘅薯茸...杯凍奶茶亦唔好飲，完全配唔上冰室二字！裝飾虛偽，服務差勁，食物一般，三個字: 冇下次！

老鳳冰室係我最鍾意嘅冰室之一！🤟🏿蝦多士本土到一個點睇下蝦膠同麵包嘅比例蝦膠佔大半 炸完又爽口又脆🤟🏿蚊香（蚊香自己加😂）黑松露蛋多士雖然滑蛋係濕濕地但多士唔會因爲咁濕到腍左仲係脆脆口！🤟🏿仲有98蚊嘅德國豬手set咁抵又好食仲可以邊度搵！佢可以話係中西fusion菜因為酸菜係中式嘅酸菜😂去番豬手油膩感點埋佢調過嘅燒烤醬完全好食過Bexxlixxx d豬手🤟🏿加埋呢到嘅環境同埋聽住d舊英文歌真係好似去咗另一個世界咁

朋友介紹話葵芳有間好盞鬼嘅舊香港特色冰室，叫做「老鳳冰室」，店內嘅裝修同擺設以六七十年代舊香港為主題，非常之有特色，而且地方闊大，坐得好舒適，帶爸爸媽媽來懷舊一下就最好不過芝士豬頸肉撈丁配牛油多一大堆芝士醬淋喺面，非常吸引，芝士味好香濃！豬頸肉切成大小適中的細塊，半肥瘦入口非常嫩滑，豬肉味好濃郁啊，超正！蝦多士外層炸得金黃香脆的蝦多士，內裏包着有份量的蝦膠，爽口彈牙，蝦味濃郁，有蝦肉香味又有麵包香，好好味！配埋沙律醬一齊食就更加滋味！旁邊仲有雜果沙律增添健康感覺黑松露炒蛋多士呢個黑松露炒蛋都算係餐廳嘅招牌菜，炒得好滑溜的雞蛋，餐廳毫不吝嗇地在面上加左大量黑松露醬，成個炒蛋充滿濃郁黑松露的菇菌香，配埋鬆軟厚多士，大滿足呀懷舊雪糕紅豆冰最後梗係要嘆埋呢杯懷舊紅豆冰，材料好豐富架有雪米滋雪糕、忌廉、同大量紅豆蓉，非常香甜，富有奶香同紅豆味，好冰凍解渴啊

香港懷舊冰室越來越少，老鳳冰室以懷舊的裝修怖置，讓我們可以重拾小時候跟父母到冰室喝下午茶的感覺。冰室的餐牌放在模擬舊時的信箱內，好特別，夠懷舊。而食物方面反而是新穎有創意，這個新舊交錯的設計啱晒我們又想重溫昔日冰室感覺又想嘗試新穎美食的人。芝士焗生炸雞脾飯生炸雞脾好大隻，即叫即炸，出來時熱辣辣，雞肉好嫩滑入味。芝士焗飯有驚喜，粒粒分明經過抄底的飯，放在舖得滿滿的芝士下面，焗完之後芝士又香又滑，好滋味。東南亞風味拼盤東南亞拼盤好豐富，有啖啖肉的台灣黑胡椒腸，好軟滑、無腥味的泰式魚餅，外面炸到脆卜卜、雞肉好嫩滑入味的BBQ雞翼和香口有特色的越南春卷，集合台灣、泰國、越南在一身的拼盤，好有心思，好似去了唔同國家咁。流心西多士西多士炸得外脆內軟，一切開西多士，蛋黃奶皇流心出來。由於炸時夾層已經放上蛋黃奶黃，不用落糖漿也好好味，所以食落不太甜，這個流心西多士無論味道還是視覺都非常吸引。雪糕紅豆冰、龍鳳可樂去冰室當然唔少得叫懷舊飲品，雪糕紅豆冰配上三粒不同口味的雪米糍、香甜的紅豆及香濃的忌廉，入口香滑，再配上啤牌造型的威化餅，無論賣相及味道都好吸引。龍鳳可樂的檸檬新鮮配上冰凍的可樂，好解喝。

香港茶餐廳傳承了香港的味道, 但要讓新一代最感受到香港的老味道老鳳冰室應記一功, 不論食物, 環境, 多處細節能見到老香港的一面老鳳有兩面的門面, 一面是戲院, 一面是理髮店, 都富有老香港的味道店內環境是舊式酒樓的模樣蝦多士-$38外脆內多汁, 超豐富的蝦, 質感彈牙, 很不錯的小食芝士大蝦球濃茄湯通粉, 跟奶油豬-$58超濃的茄湯, 完全不是外面只有色而沒有味道的湯, 而芝士味香濃, 更能吊起茄湯的味道, 而大蝦真的很大, 而且很彈牙, 完全沒有將貨就價跟餐的奶油豬和我的名字一樣, 令人討好, 脆得黎又不太甜, 好好味XO醬雞排撈丁-$48辣辣地幾令人開胃, 麵質岩岩好, 簡單組合已見師傳功力, 而雞排外脆內嫩, 上乘之作也餐+$16紅豆冰超多紅豆, 真材實料, 幾好飲總結味道不錯之餘, 裝修有心思, 顯功架, 感受老香港情懷的好地方!!!

每次經過葵芳恆景商場都看見這間冰室，每次都勁多人，今晚一於去試一試座無虛席特別的擺設裝修大黑松露炒蛋多士$38極力推薦這菜式，黑松露不是混入雞蛋炒。而是灑在雞蛋面，黑松露份量一點也不吝嗇，一上檯香噴噴呢！生菜泰式蝦餅 $42即叫即炸，很新鮮蝦餅肉多，最喜歡是他配上沙律在底， 可以減輕一點熱氣哦！胡椒湯生菜$22諗住清清哋吃過湯生菜，胡椒湯竟然有很大驚喜，如果是冬天來一定更加要叫，熱辣辣。安格斯牛腩炒河 $59抵食之選， 牛筋和腩肉份量一半半,河份也是上等貨，每一條都爽滑

假日入去葵芳搵中同食飯，去了她家樓下的老鳳冰室食晚飯。裝修充滿懷舊風情，燈牌，暖水瓶，酒家特色雙金龍，整間冰室超有情調，既新潮又懷舊，作為90後嘅我地梗係要拿拿聲攞部手機出黎打卡啦。食野都Chill d。點了以下:安格斯牛腩炒河安格斯牛腩超腍超軟綿綿，牛味超重，沒有一般牛腩嘅韌同硬。炒河份量好多，真係2個女仔都食得晒。要贊d河粉炒到表面輕微金黃，好香口。焗安格斯牛腩飯一上台就香噴噴。連筋肉嘅安格斯牛腩飯特別軟腍，即使係焗，但都完全唔韌，真係好正。飯粒連同融化嘅芝士，醬汁混為一體，啖啖牛香美味。肉燥扒菜心我地2個女仔都爭住點咗雪糕紅豆冰。大大杯嘅紅豆冰好足料呀。面頭有好多忌廉雪糕，啖啖香甜。每杯仲有三粒雪糕糯米糍。有荔枝味，綠茶味同芒果味。d紅豆先正，又大粒，又夠超莎，又清甜。下次絕對會為呢杯野再幫襯。