老鳳冰室 (已結業)

情人節，處處人滿之患，通街人頭湧湧。在葵涌廣場行街買嘢俊，見到網上推介這間老鳯冰室，便想一試。去到，勁多人排隊，但因餐廳佈置十分吸引，便等下，排下，影下，都好快輪到我們。坐下，已目不暇給，被周圍佈置吸引着，再影一輪相後，就叫嘢食。我們點了推介的芝士豬頸肉撈丁配多士及局茄汁豬扒保齡球。飲品方面，叫了雪糕紅豆冰和波波咖啡。首先來的是，芝士豬頸肉撈丁，送上來是芝士味濃郁，多士焗得剛剛好，豬頸肉也煎得好看。紅豆冰送上來是好吸引，有一張好特別的啤牌，以為係裝飾不能吃，原來是堂上做嘅啤牌。食品及飲品都做得好特別。茄汁豬扒保齡球，其實有少少似葡式咖喱法包嘅做法，啲豬扒好香、顏色好靚。賣相已以令我們食慾大增。波波凍咖啡，有一粒只用咖啡造成的大圓波。又是好特別這間餐廳在網上推介獲得一致好評，真係冇推介錯誤。

街坊小店, 茶餐廳, 以為無特別但係錯啦, 佢d裝修真係好得玩懷舊既餐廳見得多，玩到有立體火車係牆上既，實在係第一次見!開得係住宅區, 諗住點都唔會淨係賣樣掛?我諗街坊/其他人都唔會為左裝修日日去打卡啦?咁諗就真係大錯特錯了食物堅差, 價錢貴份量細, 撈丁細份到好似貓糧咁去茶記一定要食得飽呀!! 唔知以為自己去左食fine dining同埋個多士擺係碗邊其實係想點?溫度又唔熱唔暖咁, 真係唔掂啵到底係我今次唔好彩 定係佢質素真係咁 ??

為左同老公慶祝xxx, 我地去左葵芳食好西。上網見到依度新開左間懷舊茶餐廳，又近，梗係黎試下啦～我地點左個芝士牛肉濃茄湯公仔麵；湯底超濃蕃茄味，食啖公仔麵，好香蕃茄同芝士味呀牛肉肉質好軟～跟牛乳炒蛋肉醬焗薯泥個炒蛋加左牛奶炒，超滑仲要有我鍾意食既薯蓉，配肉醬，好香，味道更好～焗茄茸豬扒保齡球佢係一個焗到好香脆既包挖空左再放餡料入去。先將包蓋點旁邊的芝士醬，好香芝士味呀，芝士控至愛。芝後將下面個包切開一件件，再將豬扒同飯連汁放上麵包上一齊食，個汁好香青椒味，而且調味好好，豬扒肉又軟，好得！再加埋旁邊既芝士醬仲得！蝦多士炸得好香，每一件都有好多蝦膠，好香又脆！懷舊雪糕紅豆冰製型好吸引，上面有3粒，原來係雪米糍！真係估你唔到但呀！仲要有張紅心8既啤牌，點d cream 食，又滑又點下面既紅豆林得黎仲有咬口，又香紅豆味薑檸樂老公依排仲有咳，有時會係屋企煲薑檸樂，估唔到佢依度都有，仲要勁多薑，

意外驚喜！偶然路過恒景商場發現老鳳冰室。裝修特別之餘，食物也懷舊。例如有忌廉溝鮮奶、熱鴛鴦、蝦多士等。餐牌上食物名稱看出花了不少心思。做完嘢已到下午茶時段。要了厚切午餐肉蛋治和熱鴛鴦。上枱時，嚇了一跳。午餐肉厚得要用刀义食！😄 炒蛋有濃濃的蛋香，亦不會太油膩。熱鴛鴦是「奶茶哥遇上咖啡妹」，即是咖啡加奶茶。其貌不揚，但是味道分明。兩種味道也出，很平均。同時飲得出茶香和咖啡香。以前在其他地方飲過鴛鴦，只片飲了一口便放棄。今日飲哂~😋 呢個餐$30有找，性價比高。

今日OT搞到七點仲喺葵芳 把心一橫不如食埋晚餐先返屋企啦 同事提議嚟呢間新開嘅茶記幫襯吓啦 入到去裝飾係幾特別嘅 係想有懷舊嘅風格 但大部份野都係用殘體字 連餐牌都有🤔 本身有個呀姐拎咗幾份餐牌俾我地三個 咁我地睇緊嘅時候有另一個帶大陸口音嘅侍應呀姐話我地攞晒佢啲餐牌 真係服務好差 店舖得咁少餐牌就唔好一次過俾咁多份人啦😒 服務差不在話下 食物質素都好一般 我地嗌咗個焗芝士海鮮飯 芝士焗生炸雞髀飯 同晚餐德國脆皮豬手拼薯角 焗飯就一般啦 冇乜特別好介紹 雞髀就太乾喇 望落好燶 令人最失望嘅係個焗飯碗係爛嘅 會戒手都俾客人😥 德國豬手味道okay嘅 都脆嘅 而且上碟時熱辣辣 但下面嘅薯蓉真係好難食🤮 食落係極油膩另外加咗五蚊要咗凍奶茶 奶茶正正常常咁啦☕️ 食物質素一般 再加埋趕客嘅服務真係令人髮指 最可惜openrice評分最少都有1分 真心服務想俾負分 以後唔會再嚟呢啲大牌餐廳

今日帶埋長輩黎食野，近近地有間懷舊餐廳諗住黎回味舊時既時光。入左去後打算齊人先叫野食，貌似老闆娘物體過黎問叫得野食未，我話仲要等多陣，佢就話下次齊人先入黎！咁係你地伙記叫我入黎既！眼見周圍仲有幾張吉枱人又唔係好多！今次亦係第一次帶小朋友黎認識舊時香港，但亦係最後一次帶黎小朋友黎！因為對小朋友黎講呢間餐廳極度唔友善！首先係無小朋友坐椅，坐卡位亦太矮，基本上要跪喺度食！當企喺度轉角度時啲伙記就話唔好企之後又靠住個杯托住個電話諗住比小朋友坐定定又話餐具唔係要黎咁用點姐！怕搞住人托住個電話都咁多野既！雖然食野環境真係唔錯，但用餐experience 最重要！啲野又唔係平！食個叉燒滑蛋飯個叉燒色水深色到咖啡色，想問擺左幾耐？今次黎比上次人少，啲人都係新鮮過後返返去深水埗食算了

星期六打完波就去附近醫醫肚就無意中發玩開左老鳳冰室裝修來講十分華麗可以重現以前大酒樓既風情等d 00見識下以前果種好堂煌既怖置仲有信封形式整既餐單仔今次我就叫左個芝士鮮茄牛通粉配滑牛乳同薯泥先講鮮茄牛估唔到搭上芝士可以令碗通粉成碗滑左 個湯底又濃郁左鮮茄湯底有濃厚既蕃茄味仲會有蕃茄泥甜得來唔會太膩然後配菜係滑蛋配薯泥好少港式餐廳會食到薯泥所以我次次見到都會試一試果然冇另我失望薯泥入晒肉醬既味道再搭埋3.6牛乳蛋係一碟好出色既伴菜順帶一提凍奶茶係偏向珍珠奶茶加少少港式奶茶味個感覺都幾清新

見到呢度有間新餐廳，充滿懷舊嘅氣息，特別嘅裝修，價錢可以接受，就入去試吓！入邊有幾款芝士撈一丁，好吸引，咁就叫咗個豬扒撈丁黎試下 $48 ，個面煮到啱啱好，爽得來仲有少部分脆脆地，加埋香濃嘅芝士汁，入味嘅豬扒，仲有件多士，極之好味！我覺得芝士撈丁係必叫！因為真係唔係間間茶餐廳都有芝士撈丁，仲要係香濃嘅芝士！再來叫咗個安格斯牛腩炒河$58，係濕炒既河，出邊茶記好少見到牛腩炒河，個汁有少少辣辣地，牛腩好林、好香，啲汁撈埋河粉好正，好開胃！蝦多士$38，而家茶記都好少蝦多士，見到就梗係即叫，個多士炸到好香脆，加埋醬汁， 好好食！最後叫咗個飛仔華田$14，上面有塊卡通餅乾，可以食嘅，仲有好厚嘅cream，而華田沖得好濃， 不過杯野冰多過水，雖然望落好大杯好好飲，但都係得兩啖飲！總括來講唔錯，一定會再黎， 希望呢間新店能夠keep住而家嘅水準！

來懷舊一下吧(´▽｀)被店的裝飾吸引了，以前的裝飾很有意思。點了幾個餐，卻只顧著吃，有些都沒有拍照。╮(￣▽￣"")╭個人覺得紅豆冰不錯，上面的冰淇淋配了三顆冰淇淋糯米磁，好像回到小時候一樣。份量足，每個餐點都很足，吃很飽。P.S.: 有一位不知道是侍應還是老闆娘，在收拾餐桌時跟我們說要環保一點，說我們拿了很多餐紙，可是我們各人都是拿一張用，只是我習慣用餐紙的內部，外表看起來好像很乾淨一樣。請問那裡不環保？我吃完飯還是要擦嘴的(¬_¬)

每逢星期六早上都會同媽媽食早餐，不過近排得知樓下有間新店開將就一於去試下。呢間就係新開GE老鳳冰室分店啦，大概10點半左右開始出現人龍。入面環境不錯，帶點懷舊味道。點左份C餐再加$4炒蛋多士。炒蛋入口都幾滑，多士雖然只有半塊但會配埋凍牛油比你。奶茶一般，不夠香滑，店內配有方糖有別於一般餐廳。叉燒肥瘦適中，湯底就夠哂味，意粉比較淋身。餐應整體食物不算太差，而且價錢係同區黎講唔算貴，中規中矩。唯一缺點係座位太逼。