老點里 (已結業)

一直在openrice潛水，從未發過評論，第一篇送給老點里！其實我就住在附近，幸得朋友介紹才知道的這家餐廳！菜品非常驚喜，菜的品相精緻，味道鍋氣十足，特別喜歡花旗參雞湯，溫潤又不至於有火氣！相信我會經常光顧的

在香港很多年，吃過很多本地菜。偶爾路過，實在太驚喜了！幾個朋友總共點了6個菜，每一道都好好味！海鮮食材很新鮮，很用心。服務好味道好食材新鮮交通方便衛生好價格好超級推薦

今晚一家四口出嚟佐敦食飯，經過呢間小店，名字有點特別， OpenRice search一下，應該是新開的，就入去試一試。店內長方形，主要是二或四人枱，但如果人多的話可以拍枱。看見餐牌，他們的營業時間是早上11時至晚上4時。早上有得飲茶食點心，凌晨時間可以飲啤酒，食宵夜。我們七點幾到，夜晚都可以叫點心食，不過我哋叫咗晚飯小菜。整體上食物水準很好，好夠鑊氣，好味，會encore有啲菜式好適合飲啤酒，所以叫咗半打藍妹，飲飽食醉，好滿足嘅一餐

又到咗响佐敦搵晚飯食既時候喇～响吳松街呢度有好多間按腳的舖頭，疫情呢幾年冇得北上按摩，間唔中都會黎按一按腳，鬆一鬆，今晚就比我發現左有間新開的食店，有D造型好得意既點心喎😍😍仲全日供應添😀荔枝蝦丸 $46 ⭐️⭐️⭐️⭐️唔講真係會以為係荔枝😆😆其實係蝦丸，好彈牙流心南瓜仔 $25 ⭐️⭐️⭐️⭐️迷你南瓜🎃造型好cute呀🤭呢個係甜點，外層係炸過，入面煙煙韌韌，有d南瓜溶咬開會流出黎，細細粒食兩粒都唔滯鮮蝦雪卡春卷 $36 ⭐️⭐️⭐️⭐️呢個春卷不得了呀！真係成支雪卡咁😆😆而且用一個H雪茄煙灰缸上碟，洗唔洗咁High Class呀🤣🤣🤣春卷炸得好脆，成支雪茄都係蝦肉，正丫冬陰功明爐烏頭原條 $178 ⭐️⭐️⭐️⭐️我好鍾意❤️食魚，爐魚賣相唔錯，冬陰功湯開胃又唔會太酸，另外仲跟多一碗冬陰功湯比我地加湯，我飲完又飲，爐魚少骨肉多，都幾滑😋好開心發現到呢間新店🤩🤩除咗點心得意好食之外，價錢又唔貴，店員話佢地凌晨2點 last order ，收凌晨4點！以後宵夜又多個好選擇啦～嘻嘻😁

今日收工之後，同朋友去佐敦食飯，大發現！發現咗一間新開嘅小店，好正！第一個正，係佢收得好夜，佢話收凌晨四點🤩 凌晨兩點半 last order 😍 咁就正啦！啱曬我哋成日夜食飯嘅嘢鬼。第二個正，係個食物嘅賣相好正，尤其是啲點心，好鬼死得意！今日試咗幾樣， 首先買咗兩支雪茄，用一隻好正好靚嘅碟裝住，好有品味咁，大家估吓係乜嘢？其實係春捲嚟嘅！做得幾好，唔係太油（$36），另外呢三粒荔枝，又係乜嘢嚟呢？其實係炸蝦丸！炸得幾好喎，皮好脆，蝦肉好彈牙（$46），另外嗌咗幾個南瓜仔，又係乜嘢呢？其實係流沙包（$29），係咪好有趣呢！咁都要叫個主菜，唔可以淨係食點心嘅，叫咗一個冬陰功名名爐烏頭（$178），冬陰功湯都整得幾好味，烏頭就中規中矩啦。店舖裝修唔係好豪華，但係都幾有特色一邊係李小龍功夫造型，另一邊係hello kitty 同瑪麗蓮夢露，整體嚟講感覺都幾舒服，又有創意，抵讚！

經朋友介紹第一次去試食，地址位於佐敦吳松街，離地鐵站不遠，步行約5分鐘路程，雖然小店位置不多，約40個座位，當晚3個人叫左5個菜，「椒鹽粟米、蒜蓉炒菜心苗、小炒皇、豉椒蟶子煎米粉、豉油王中蝦」… 味道不錯會再試😊