聖安娜餅屋

营业中

休息中

屋企人生日，喺淘大食飯，咁當然諗住喺度搵個蛋糕就最快。🎂上網睇過呢度原來唔係太多選擇，咁我個人就鍾意聖安娜，同埋都好耐冇食過。過到嚟，不過見到有個第一次見到嘅🎂🥭楊枝甘露蛋糕，佢有好多芒果，另外上面仲有個透明嘅啫喱，仲有小小金箔喺上邊添。用咗芒果切咗一朵玫瑰花。 入邊仲有一層🍫朱古力脆脆，外面就係🥭芒果層，蛋糕好鬆軟，不過芒果就比較有少少酸。蛋糕入邊有咁多塵來講，口感好豐富，而且唔會太甜，酸酸地咁樣，幾開胃，食完飯食都唔會覺得太濟。

會員優惠88蚊4個流心奶黃月餅都幾好食咁嘅價錢冇咩可以挑剔正常奶黃月餅味可惜自己腸胃唔好食咗兩個如果就肚瀉咗幾日味道真係幾好不過都係小食多滋味本身仲諗住買個大盒啲㖭好彩冇如果唔係食自己受唔到就辛苦

呢個蘋果批出左都有一排，當時睇廣告個樣好吸引，又去門市睇過實物，家人有日買左返黎可以一試，由門市拎返屋企其實好快，但返到黎已唔太熱，拿拿地影張想就食啦，不過入面已經係微暖，味道好普通，表面夠脆身嘅，蘋果批當然蘋果行先，不過蘋果餡好少，汁都好少，下面有層蛋糕要黎索汁，防止啲汁浸淋個底，但蛋糕太厚索走哂啲汁，所以個餡唔juicy，好乾身咁，總結覺得皮多/厚餡少，味唔出，試過就算，下次再發掘其他好果嘅蘋果批

𝒞𝒶𝓀𝑒 𝒮𝒽𝑜𝓅 𝒾𝓃 𝒦𝑜𝓌𝓁𝑜𝑜𝓃 𝐵𝒶𝓎鐘意左ryan🦁 好耐，之前見到呢個「敲敲!Kakao Friends Ryan蛋糕」已經勁想試😍但唔捨得仆爛佢個頭仔。朋友仔竟然買左比我 so surprised! 實物超可愛，個頭係用朱古力整成，隨蛋糕附送左個🔨 黎敲開個蛋糕🎂。 個皮都整得幾實，都要好大力先敲得開(好殘忍🥲）。但個蛋糕成個頭又揾唔到接駁位，唔似d星球蛋糕一敲就中間爛開🤣🤣🤣。一敲開果下我真係「嘩」左一聲，因為蛋糕入面真係好靚，佈置得好有心思，成個綠油油既草地 ，上面有隻ryan好寫意咁攤係道，又有棵朱古力樹係後面，成個畫面好似童話故事咁好治癒。味道方面，個頭既外皮朱古力比較甜同唔太易溶，食左兩塊就唔想食😅 而蛋糕入面就係奶油、海綿蛋糕同雜果，中間有一層薄薄既朱古力脆脆增強口感。最頂就舖滿綠色既椰絲。食起黎口感剛剛好，奶油椰絲個感覺好似細個食果種蛋糕😊😊😊不過個蛋糕主要用黎影相同玩📸️ 食得既部分唔多😂不過真係勁可愛🤣上年其實都食左佢另一款ryan 蛋糕，果個就芒果味比較重，但成個外型都冇呢個咁靚咁吸引🥰📍 𝗦𝗮𝗶𝗻𝘁 𝗛𝗼𝗻𝗼𝗿𝗲 𝗖𝗮𝗸𝗲 𝗦𝗵𝗼𝗽

流心楊枝甘露(1磅) 零售價 $238 / 網上優惠價 $214.2 / VIP價 $202.3蛋糕以楊枝甘露做主題，芒果椰子慕絲蛋糕上放上晶瑩彈牙既柚子寒天，周圍則圍有芒果片砌成既花瓣🌸。整個蛋糕以芒果椰子慕絲層、海綿蛋糕層同朱古力脆脆層組成，口感較豐富。芒果椰子慕絲既芒果味道好出，但唔太食到椰子味。蛋糕中間則夾有楊枝甘露流心，一切開蛋糕就湧出黎😆，有柚子肉、西米等，酸酸甜甜，有啲似迷你版既楊枝甘露咁😝

今日又要開會，不過開會前老細買左個蛋糕比我地食。蛋糕外形好特別，有兩架真玩具車，哈哈，又玩得又食得🙈蛋糕上面有芒果，士多啤梨，密瓜，生果都算新鮮。入面係普通奶油蛋糕🎂

聖誕過了很久，現在才來po。原來就對聖安娜的蛋糕沒太大好感，這個聖誕蛋糕意外的好吃。蛋糕很美呢。邊邊位不是餅乾，吃下是類似麵包質感。strawberry不會太酸，還可接受。最令我驚喜的是內層有脆脆，還以爲只有cream與海綿蛋糕，第二天吃味道也沒變。

我是個愛芝士的人有天經過聖安娜，見到有紐西蘭粒粒芝士菠蘿包，只售$6.8，不便宜亦不算貴麵包大小一般，表面的菠蘿脆面亦很大面積一咬下去，是甜甜的菠蘿脆面，不過太甜了再咬下去，是芝士粒，芝士粒不多，味道偏淡，要加以咀嚼再滲出芝味整體而言，味道很奇怪，明明是很甜的，卻有一點鹹鹹的味道奇怪，這芝士明明是不鹹的，但吃後令人感到很口渴愛芝士的我，卻想菠蘿包內裡的是軟軟的牛油！其他的百變菠蘿包

今年的平安夜在家開了一個小小的派對,因為有小朋友參與,又迎合節日氣氛便買了個聖誕蛋糕,在附近幾家餅店看過,只有這間多些聖誕款式的蛋糕,但並不太吸引,最後選了 <<聖誕星空奇遇>>$219朱古力慕絲迷你麥提莎(夾心)~~~慕絲部份尚可,蛋糕卻欠鬆軟,但我食唔到有麥提莎,不過表弟話食到少少,真係唔知道麥提莎究竟藏在那兒呢^_^因為過幾日是我的生日,他們順便提前幫我慶祝~~~Thanks 各位

見到最近聖安娜餅屋係咁係報紙上面賣幾種包從報紙度囉到兩張1蚊優惠券把心決定去買兩個包試下分別就係薯仔椰汁雞潛艇&朱古力脆皮蕃薯包係圖片黎講都唔錯..朱古力脆皮蕃薯包其實睇落去外表好好食,但係3實講衰少少其實係朱古力菠蘿包MIX雞尾包既餡無乜大特色,完全食唔到蕃薯既香味,只係食得出「雞尾包」味,呢隻包平平無奇..希望越大失望越大至於薯仔椰汁雞潛艇比較特別,好少有包可以做到囉黎撈飯既野黎放係麵包入面,例子有咖喱包等等所以買左個黎試下,薯仔我真係一粒都見唔到啦,但係好香雞肉味,可惜就係買個時都凍凍地,所以無咁香但係呢個組合真係天衣無縫,所以值得推薦

粟米雞肉包 $6.5食幾啖就發現有餡料喇,中間有少少什菌的醬汁,但係粟米完全被什菌的醬汁遮蓋左.... 加上粟米唔係脹卜卜的口感,不算太新鮮似的...雞肉粒份量充足, 麵包的口感taste good!散發種甜甜的香味~

今日係我家姐生日，所以去左聖安娜買蛋糕送比佢。見到聖安娜而家出左好靚既鬆弛熊蛋糕，而且係朱古力味，所以就揀左呢一個黎買，隨蛋糕仲有得送一套兩款既鬆弛熊檯墊，揀左白色熊仔既款，真係好靚呀！原來成個蛋糕都是以朱古力慕絲做成的，在蛋糕中，可以一次過吃到兩種不同的朱古力慕絲，朱古力味道非常濃郁，鍾意朱古力既人一定會鍾意。而蛋糕佔既比例唔係太多，不過蛋糕的部份有脆脆，增加口感，個蛋糕都唔錯呀，不過都有少少漏姐！

同朋友預早慶祝生日買左個朱古力雜果蛋糕半磅聽個名好似好多料咁所以先買呢個面頭只有3粒士多啤梨d雜果原來係蛋糕入面 但好小蛋糕幾軟熟朱古力唔多

收工餓得要死，晚飯又未有得食﹗買個包來充一充飢﹗要了一個糯米卷加多個脆皮叉燒包﹗脆皮叉燒包上層是酥皮，咬落香脆，可惜用料十分之少，好似只係得叉燒醬一樣，叉燒粒欠奉，最基本的也造得不妥當，劣。糯米卷熱辣辣，糯米煙韌夠香口，入面有花生同埋蝦米，味道不錯，只係賣$3.5一件，抵食﹗

呢日早餐來左呢度食糯米雞﹗早幾年記得每朝都係呢度捧場客，不過食左好鬼多餐膩了無再食﹗仲記得以前買一隻只係八蚊，而家已經加到$12.5，足足貴了五成有多，諗落都幾誇張。糯米雞就依然都係咁大隻，不過打開佢睇下，發現雞肉相當少只得一兩小片，有一隻冬菇同埋大量醬汁，味道是不錯不過用料好明顯比當年少了﹗食完相當飽，估計0的飯都有成碗幾飯﹗早上吃一隻糯米雞是不太健康的，只因高熱量，得閒食下無坊吧﹗