聖安娜餅屋

营业中

休息中

屋企人生日，朋友送咗個榴槤蛋糕，外表成個榴槤咁，不過size比較細，價錢都唔算平。榴槤味都算幾重，裏面真係有榴槤肉。不過整體唔算好好食，因為忌廉比較多，口感比較膩，冇乜層次感。蛋糕上面有個黑色朱古力，佢係想扮榴槤冰，但係覺得唔似，有少少奇怪。整體而言，作為榴槤愛好者，呢個蛋糕比盡只係算合格，因為真係太多榴槤cream，唔似食緊蛋糕。

今日返工係第一城落車，咁就入去買包做早餐啦咁呢排做嘅套餐$12.5有個包加1罐咖啡咁包款得幾款揀，咁揀左個腿蛋包啦話就話新鮮出爐麵包，但唔係熱架囉d包個包其實都好細個，又唔大個，蛋又薄，火腿又係真係好唔值咁貴都係鍾意食芝士包多，之前買過芝士卷反而幾好食，好香牛油味，包裝麵包仲好食過新鮮出爐麵包囉

講真, 甘多間平民餅店, 對聖安娜最無好感, 因為覺得佢D面包同蛋糕都唔足料, 發水, 空心.但佢地出既蛋卷又出奇地好食!我記得好多年前出過一款朱古力味既蛋卷, 入面仲有朱古力脆脆, 好食又有口感,今次出抹茶, 點都要捧下場買黎試試!包裝得好make sense, 食唔完可以包番住, 而且頭尾仲有膠片貼住等你放入雪櫃唔使乾晒~!入面係2層果凍, 一層係牛奶味, 一層係抹茶味, 中間仲有D紫薯.一D都唔滯, 好快就切晒黎食!但整體黎講抹茶味唔濃, 有待改善一定會ENCORE 再買黎食!

16-9-2016(Fri)中秋節翌日朝,老公見有聖安娜迷你奶黃月餅就要開o黎試.打開度吓,直徑有4.5厘米,切開睇,顏色好深.食落,蛋黃味濃烈,奶味相對淡;質地唔算好細滑,過得去.其實唔知o係邊間店買/攞,因為係我同事俾. 

見到餅櫃show左個細細件情人節蛋糕仔, 同平時的baby cake個樣差唔多,一相一對咁, 幾sweet, 只係賣$35, 又唔貴, 值得考慮

預早3日訂了個母親節蛋糕 - 燕窩香芒心(1.5磅)送給媽媽。有30克的燕窩(註明由'官燕棧'提供)，質素也有保證。加數片金箔做裝飾。芒果蛋糕非常鬆軟，芒果亦很鮮甜。這蛋糕是近1年內最好味的蛋糕，正！對上一次是食皇后餅店的黑森林蛋糕。美中不足是個蛋糕大細邊，同埋一邊高一邊低，美感上扣了少少分！原價$248。如有中銀及恆生信用卡有8折，即$199！