聖安娜餅屋

营业中

休息中

聖安娜餅屋七星伴明月冰皮月餅（8款口味）$193冰皮中的皇牌，圓形外盒盛著八個不同口味的冰皮月餅，尊貴大方。裡面口感豐富，內脆外軟，每款口味都好有驚喜，8款口味包括：杏仁松子燕窩、京都抹茶紅豆、比利時朱古力榛子、比利時石板街、蛋黃綠豆蓉、藍莓軟心、檸檬芝士、香滑奶黃餅面印有不同祝福語：月嚟月靚、男神女神、Cheer Up、開心滿分、準時收工，夠哂「港式」。中秋🥮笑一笑，中秋節快樂🎑人均: $150 - $200抵食: 💰💰💰💰味道: 😋😋😋😋😋服務: 💁🏻‍♀️💁🏻‍♀️💁🏻‍♀️💁🏻‍♀️環境: 😉😉😉😉

雖然聖安娜既蛋糕造型無其他蛋糕店咁吸引，但係佢都偶有佳作話說因為行經聖安娜又想食蛋糕，所以就入去買左件新推出既產品  ---＞ 哈密瓜哈密瓜可能因為外表無咁吸引？就算用佢做食材都係哈密瓜卷切到一粒粒放係生果蛋糕上面不過由以前我就覺得哈密瓜同蛋糕係好適合既配搭來今次我買既係哈密瓜系列中既蛋捲本來因為外表唔算吸引，所以都唔影相唔打食評，但係因為食左一啖覺得有驚喜，先急急拍照哈密瓜好甜就預計之中、蛋糕鬆軟就係基本、CREAM都係個D味道啦到底有乜野咁好食呢---- 就係朱古力脆脆啦！呢個蛋糕既橫切面就見到好清楚，最底個度係有朱古力脆脆架成個蛋捲既層次即刻昇華左雖然只係一個普通既蛋捲，但係中間既舖排都睇到聖安娜係有花過心思落去所以呢個期間限定係高度推介大家要買黎試下呀

聖安娜定時都會有d crossover項目或主題，今次見到又有期間限定啦，主角係阿華田其實阿華田同OREO一樣，都係好適合做甜品，但係唔知點解往往阿華田都係會被忽略。本人小時候都好愛阿華田，但大個之後都好少飲。所以今次有阿華田味既蛋糕就買黎一試，等我重拾阿華田既味道又係食左一啖先醒起要影相阿華田好濃，好味從橫切面都見到成舊蛋糕都係mousse、芝士個類，係個底用蛋糕。因為上面既阿華田已經好重味好甜，都冚過曬蛋糕層既味道。我會嫌呢個蛋糕層次唔夠豐富，因為單件$24，以連鎖店黎講個價錢其實都偏貴。不過我相信佢落左好多阿華田粉，食得出係足料既。呢個蛋糕係值得一試既，但係未去到要Encore既級別。反正係期間限定，行過都可以買件返屋企食下

下晝食得唔係好飽，所以買個三文治做三點三，喺聖安娜買咗呢個沖繩海鹽吞拿魚沙律三文治，呢個三文治嗰啲方包特別鬆軟！啲吞拿魚餡料亦都很多，吞拿魚沙律嘅口感像比平常吃到的更蓉！咸咸的再配合鬆軟面包！推介

致所有媽媽💕Happy mother’s day💋今日同屋企人晚餐慶節揀左聖安娜呢款玫瑰花型蛋糕仔做甜品-三隻味，士多啤梨朱古力檸檬但好睇唔好食🥺味道好好好好淡..好似無味咁結果相機食先，然後每個都食剩一半😫

致所有媽媽💕Happy mother’s day💋今日同屋企人晚餐慶節揀左聖安娜呢款玫瑰花型蛋糕仔做甜品三隻味，士多啤梨朱古力檸檬但好睇唔好食🥺味道好好好好淡..好似無味咁結果相機食先，然後每個都食剩一半😫

每逢到大時大節d 餅舖都會出節日SPECIAL本身想買第二間餅舖既薑餅人蛋糕，但係因為太大個啦食唔曬費事浪費，聖安娜又出左細細個蛋卷裝而且個造型都好可愛呀行過都想買好耐，仲要係啡色！即係朱古力味啦～於是有日就落去樓下聖安娜買左一條啦！好QQ既可可馴鹿黑森林蛋糕條呢個係佢既環切面，一眼望曬大家都知道佢係乜野味啦！就係cream cake cream cake cream cake食呢類型大型餅舖買既蛋糕唔會預佢係正宗架啦，所以中間會有一層啫喱。說實的我都好喜歡呢個style 既黑森林其實個蛋糕普普通通已經唔會有咩負評，但係有一點做衰左⋯⋯就係個cream唔知大家知唔知道咸味既奶油係點？呢層cream  係有dd 咸，然後又食到牛油咁既質感，好嘔心⋯⋯其實成個蛋糕都無問題，真係衰在d cream

咁岩經過聖安娜，諗住睇下有咩蛋糕好食，就見到呢個抹茶卷了，咁就買左番屋企試了。我覺得個抹茶卷味道唔錯，唔會太甜，而中間既cream同紅豆泥個d都幾好味～都係唔會太甜，好岩我口味😆😆

聖安娜最近又推出新蛋糕啦，是我最愛的抹茶系列阿。作為一名吃貨和抹茶控，當然要啦啦聲去品嚐一下吧。茶道級抹茶系列，包括: 抹茶巨蛋，宇治抹茶竹炭蛋糕，宇治抹茶金薯蛋糕等等。宇治抹茶巨蛋$218率先嚐嚐再度歸來的巨蛋系列蛋糕，一大球半圓形蛋糕，賣相新奇有趣呢。外層是特有的抹茶朱古力脆皮，脆皮脆卜卜，抹茶味較蛋糕體濃，混入杏仁碎，口感層次更加豐富。切開蛋糕，內裡竟有六層整齊疊起的夾心，非常足料。先有抹茶慕斯，後有抹茶寒天，蜜糖慕斯，抹茶忌廉，黑糖啫喱，抹茶蛋糕。慕斯幼滑甘香，寒天滑溜溜，蛋糕鬆軟，抹茶味不太濃。巨蛋是三個蛋糕當中最多餡料的一款，貪心的吃貨，選這個就對啦。