聖安娜餅屋 (已結業)

士多啤梨控要留意！聖安娜餅屋推出升級版 100% 日本草莓‧蛋糕系列。百分百選取日本直送士多啤梨，士多啤梨大大粒、顔色及口感均非常優質。加上蛋糕配以北海道3.7牛乳忌廉，確保還原日本風味。真是甜品天堂。這個蛋糕是家人買來為我慶祝生日，一看到已經覺得造型可愛漂亮。牛乳忌廉奶味濃厚，口感幼滑，是我至愛的口味。內層是北海道3.7牛乳忌廉、士多啤梨寒天和海綿蛋糕，一次可以享受到多重口感。士多啤梨迷千奇唔好錯過！

⠀⠀⠀香港人最鐘意排隊，特別係抗疫期間...可能你全家都出動過排口罩、排漂白水、排米、連M巾都要搶...⠀⠀今次我就7am起身去排左1卷...冇法啦！人生有幾可生日期間，全球一齊抗疫！都算歷史時刻 值得紀念！⠀捲筒廁紙蛋糕做型迫真，店員多番提醒室溫存放，避免外層變硬 裡面太乾⠀⠀糖皮外層通常唔食，裡面classic牛油提子蛋糕，味道OK～中間果jam 令蛋糕濕潤，比想像中好！⠀⠀蛋糕整體性價比高 抵佢咁紅既！⠀⠀

農曆年尾,完全唔記得要買年糕過年,正當同爸爸研究,要佢喺明星買蘿蔔糕,之後聖安娜send message過嚟,就提醒我重有呢間,於是上佢嘅app睇,種類同我三同兩年前食過嘅差唔多(嗰兩個食評: https://www.openrice.com/zh/hongkong/review/let-eat-%E7%B3%95-e2734416,  https://www.openrice.com/zh/hongkong/review/%E8%A8%BB%E5%AE%9A%E9%A3%9F%E5%88%B0-e2980595),當我撳入去買瑤柱蘿蔔糕時,有提醒我用唔用電子優惠劵,check吓,原來我有兩張用$80.00就買到瑤柱蘿蔔糕嘅電子優惠劵用(瑤柱蘿蔔糕原價$138.00,網上買$103.50,VIP價$96.60),咁我買兩個啦,橫豎呢個較受歡迎.約好埋幾時嚟攞就得.到19-1-2020 (Sun)攞喇,嗰朝攞咗,到前日(25-1-2020 Sat)大年初一,家人返嚟後食得,呢個係切開時手感正常,老公煎食得.其實同3年前食過嘅差唔多,穩陣嘅.

臨近中秋節, 因為阿仔好鍾意食奶黃月餅, 所以專登今日去買盒聖安娜流心奶黃月餅試下, 之前只係試過其他出名品牌嘅奶黃月餅, 第一次試聖安娜, 因為之前試過聖安娜啲西餅進步咗好多,所以今次試下奶黃月餅,原本我自已都是好鍾意奶黃,奶黃加流心,好好味今晚即刻試咗一個,在臨食之前,入微波爐叮了一分鐘, 暖暖哋啲流心係咁流出嚟真係好想快啲食, 真係幾好味喎😄, 甜度啱啱好又有奶黃味, 一路食一路流超正, 估唔到聖安娜都做到好好嘅水準,下一年可以繼續💪👍。

第一次看到這個蜜瓜蛋糕時，正值早上上班之際匆忙路過，對她深刻的印象就是那個蜜瓜底部，好像前陣子非常流行的蜜瓜加上軟雪糕的甜品~終於有機會將這個北海道蜜瓜帶回家，才知道原來上 面的蜜瓜片是真的，而底部的整個蜜瓜外皮，都。是。假。的。 由糖皮倒模而成😂 誤會真的太大了~回到正題，到底蛋糕味道如何呢？頂部的蜜瓜味忌廉質地輕身，配上甜味夠的真。蜜瓜片，已是不錯的甜品。而內裡的蛋糕口味都不錯，不會過甜。最後還是要讚賞她的製作者，將蜜瓜外皮倒模得100%神似

無意中看到報紙內有聖安娜優惠券， 太吸引了吧～～20元 竟然有六件西餅櫥窗上的西餅蛋糕琳瑯滿目， 美輪美奐， 每一款都好像在呼叫我帶他們返屋企一樣， 但我今次意志堅定好耐無買過西餅， 原來西餅的款式也不少， 瑞士卷， 朱古力味蛋糕， 橙味蛋糕， 雲石蛋糕， 果醬蛋糕等等。。蛋糕非常新鮮鬆軟，很大機會是當天新鮮製造的, 有些款式在傍晚已經所餘無幾... 小時候要默書有100分，媽媽才會買這種小蛋糕給我食，品味間童年回憶都回來了好味又唔貴， 值得推薦

話說, 27-1-2018 (Sat)晏晝同老公o係美心想買佢$98.00o既椰汁奶黃年糕,但已經賣晒,之後至睇聖安娜send o黎o既email,原來佢都有原價$118.00既至尊奶黃糕,會員就$88.50,於是o係o度買.到今日(16-2-2018 Fri 大年初一)朝早起身後,就拎佢同東海堂o既紫薯黑糖年糕食,打開佢之後,即嗅到好香o既奶香味,好期待.切o個陣覺得佢好膠,然後將佢慢火慢煎,煎好食得.食落,口感都煙韌,但味道,食到椰汁味同椰蓉,奶黃味冇乜,都幾失望.味道同抵食係 2.8分上次幫趁原來係一年前o既事,而且都係寫年糕,o個個食評: https://www.openrice.com/zh/hongkong/review/let-eat-%E7%B3%95-e2734416

今晚由於要ot嘅關係，晏晝就買定野食今晚加班食啦～入到聖安娜，今日唔想食包，就買1條瑞士卷啦～有幾隻味，原味，朱古力味同咖啡味眼見咖啡味得番2條，可能好好食，咁快賣晒咁滯咁一於買咖啡味返去啦…不過瑞士卷都唔平，要20蚊，有VIP都要18蚊不過都幾好，已經切好晒，唔駛自己再搵刀仔切食落，咖啡味好香好濃，cream又唔會好甜，甜度都適中，蛋卷都好軟熟，醫下肚都係1個唔錯嘅選擇

屋企人生日要買個唔太大既蛋糕, 上網睇晒幾間連鎖店, 一唔係太大就係口味唔啱心水. 揀左一輪都係聖安娜呢款最啱, 1磅左右, 而上網訂仲有折, 為到大約百鬆D蚊就買到.外邊D cream有顏色, 唔太甜亦唔會太多太漏.個餡係海綿蛋糕, 仲有生果餡, 同脆脆底, 海綿蛋糕好鬆軟, 唔會雪到硬實實, 脆脆底脆得剛好, 幾樣餡夾埋都非常好.面頭D生果唔算太多, 不過幾新鮮, 唔會太甜或太酸.成個蛋糕味道都好好, 啱晒唔同年紀既屋企人, 老人家唔會覺得太甜, 下次都會買番聖安娜.

聖安娜這款合桃提子裸麥包很有質素，包裝袋上稱每款均加入澳洲製造Hi-Maize，含膳食纖維。不過，不管其是否如此有好處。這款麵包本身的味道的確不錯，鬆軟之餘，口感不錯，一點都不乾。其中又有很多合桃碎，使麵包很好吃。提子則令麵包又香又甜。唯一就是價錢有點不便宜。不過，也很難說不是物超所值。

31-12-2016 (Sat)同老公o係荃灣食完晏,就行o黎睇會員早買賀年年糕優惠o既年糕有幾大個,而呢個優惠係到呢日,我o地買o左6個,但其實我o地開頭只係買四件,但因為每買任何三件,又減$30.00,於是我o地就買o左六件,有原價$118.00,特價$82.60,會員價$81.40o既瑤柱蘿蔔糕,瑤柱芋頭糕同桂花紅豆軟心糕,$108.00,特價$75.60,會員價$74.50o既尊貴黃金糕,$98.00,特價$68.60,會員價$67.60o既至尊馬蹄糕,至尊年糕,TTL:453.90減$60.00,即$393.90.到25-1-2017(Wed)年廿八,我放o左工就去攞,六個加埋都幾重,但其實啲糕唔大個,只有我手掌咁大,而且佢o地o既重量不一,一盒我就切到10件.到28-1-2017 (Sat)大年初一朝,起身切啲瑤柱蘿蔔糕同瑤柱芋頭糕煎俾爸爸同我同老公食,切糕時,兩個糕都唔散,煎好食得.瑤柱蘿蔔糕,蝦米同臘肉粒都幾足,食落唔太鹹,口感唔會太漿.味道: 3.3分瑤柱芋頭糕好耐冇食芋頭糕喇,其實差啲唔記得佢,今次食返驚喜唔大.到晏晝,多數人返o黎,我就再煎出o黎俾佢o地食,大哥就

作為綠茶控， 見聖安娜出左哩個綠茶蛋糕之後一直都好想試！終於等到有朋友生日啦，所以自告奮勇，同大家講，今次我買蛋糕啦！哩個蛋糕外型似足太空館，表層是一層抹茶朱古力脆皮，但一切就碎開碎，切既時候有啲狼狽。入面一共有6層，包括抹茶慕絲、抹茶寒天、蜜糖慕絲、抹茶蛋糕、抹茶忌廉以及黑糖啫喱， 食落口感豐富。重點係蛋糕不會太甜，而且食到濃濃既綠茶味，帶啲甘澀，味道唔錯。但如果比我㨂，我或者可能會㨂番東海堂！唔知係咪先入為主，始終鍾情於佢地既綠茶味。

前日(27-12-3016 Sun），同老公買完餸，心思思想以會員價$168.00買原價$208.00嘅抹茶巨蛋食，老公話好，行去睇睇，佢見個size唔算好大個， 啱我，爸爸同我老公三個人食。咁就買啦。返到屋企度吓佢size先，高有8厘米，直徑有12厘米。到夜晚食完晚飯就拎出嚟食，切開佢時，最外層嘅抹茶脆皮即刻裂開，內裡每層唔同口感嘅蛋糕層都好清晰分明。分好開動喇，感覺成個唔係好甜，食到抹茶嘅甘苦，味道亦唔係太濃，脆皮唔會好似食牛奶公司脆皮雪條o個層朱古力脆皮咁熔，即使食咗入口都唔會。而內裡嘅蛋糕軟綿綿，mousse口感正常，白色嗰層食到牛奶味，但睇佢網頁介紹，話係蜜糖mousse，完全唔係嗰回事，不過咁都好，冇咁甜；而最頂嗰層寒天有啲似涼粉但腍啲;黑糖啫喱味道唔太難食，我哋食完都唔覺好膩。服務：好好，好有禮貌，會問要唔要生日牌，生日燭 。其他:我將個蛋糕拎到返屋企後，睇到個蛋糕原來印ｏ左呼籲環保ｏ既訊息，原來佢ｏ地將個盒印ｏ左６個正方形同６隻叉，客人只須撕出ｏ黎，就可以當叉同碟用，碟就冇問題，但叉…因為紙盒有油墨，油墨會掂到蛋糕然後食落肚，咁就唔係幾好。建議做叉ｏ個位唔好印顏色。