聖安娜餅屋 (已結業)

前日(27-12-3016 Sun），同老公买完𩠌，心思思想以会员价$168.00买原价$208.00嘅抹茶巨蛋食，老公话好，行去睇睇，佢见个size唔算好大个， 啱我，爸爸同我老公三个人食。咁就买啦。返到屋企度吓佢size先，高有8厘米，直径有12厘米。到夜晚食完晚饭就拎出嚟食，切开佢时，最外层嘅抹茶脆皮即刻裂开，内里每层唔同口感嘅蛋糕层都好清晰分明。分好开动喇，感觉成个唔系好甜，食到抹茶嘅甘苦，味道亦唔系太浓，脆皮唔会好似食牛奶公司脆皮雪条o个层朱古力脆皮咁熔，即使食咗入口都唔会。而内里嘅蛋糕软绵绵，mousse口感正常，白色𠮶层食到牛奶味，但睇佢网页介绍，话系蜜糖mousse，完全唔系𠮶回事，不过咁都好，冇咁甜；而最顶𠮶层寒天有啲似凉粉但腍啲;黑糖啫喱味道唔太难食，我哋食完都唔觉好腻。服务：好好，好有礼貌，会问要唔要生日牌，生日烛 。其他:我将个蛋糕拎到返屋企后，睇到个蛋糕原来印ｏ左呼吁环保ｏ既讯息，原来佢ｏ地将个盒印ｏ左６个正方形同６只叉，客人只须撕出ｏ黎，就可以当叉同碟用，碟就冇问题，但叉…因为纸盒有油墨，油墨会掂到蛋糕然后食落肚，咁就唔系几好。建议做叉ｏ个位唔好印颜色。